Монгол улс НҮБ-д элссэний 60 жил болон НҮБ-ын Энхийг сахиулагчдын ѳдрийг тохиолдуулан Монгол Улсын Зэвсэгт хүчнээс НҮБ-ын Энхийг сахиулах ажиллагаанд явсан анхны эмэгтэй цэргийн алба хаагч Н.Нямжаргалыг Гадаад харилцааны сайд хүлээн авч уулзахын хамт Гадаад харилцааны яамны хүндэт “Жуух бичиг”-ээр шагналаа.

Хурандаа Н.Нямжаргал нь Бүгд Найрамдах Өмнөд Судан Улсад явагдаж буй НҮБ-ын энхийг сахиулах ажиллагааны Хүчний төв штабт хүний нөөцийн штабын офицероор 2011-2012 онд үүрэг гүйцэтгэж, энхийг дэмжих ажиллагаанд оролцож явсан билээ.

Зэвсэгт хүчний цэргийн хамтын ажиллагааг Монгол Улсын Үндэсний аюулгүй байдлын үзэл баримтлал, Гадаад бодлогын үзэл баримтлалын дагуу Монгол Улсын батлан хамгаалах гадаад таатай нөхцлийг бүрдүүлэх, цэргийн итгэлцэл, харилцан ойлголцлыг нэмэгдүүлэх, олон улсын тавцанд Монгол Улсын нэр хүнд, байр суурийг бэхжүүлэх үйлсэд идэвх зүтгэл гарган үр бүтээлтэй ажиллаж буйг үнэлж ЗХЖШ-ын цэргийн хамтын ажиллагааны хэлтсийн дарга, хурандаа Нэргүйн Нямжаргалыг Гадаад харилцааны яамны “Жуух бичиг”-ээр шагнасныг Гадаад харилцааны сайд Б.Батцэцэг гардуулан өгсөн юм.

Монгол Улсын Зэвсэгт хүчний энхийг дэмжих ажиллагаанд оролцох болон энхийг дэмжих ажиллагааны хоёр талын болон олон улсын төлөвлөлтүүдийг боловсруулах, НҮБ-ын энхийг сахиулах ажиллагаанд цэргийн ажиглагч, штабын офицеруудыг илгээх талаар Монгол Улсаас НҮБ-ын дэргэд суугаа Байнгын төлөөлөгчийн газар, Гадаад харилцааны яам болон холбогдох бусад байгууллагуудтай байнга хамтран ажиллаж ирсэн.

Насаараа тамхи татсан хүмүүсийн дунд нас баралт 87 хувьтай байгаа бол дор хаяж 15 жилийн өмнө тамхинаас гарсан хүмүүсийн ердөө зургаан хувь нь нас барсан аж.

Дэлхий даяараа тавдугаар сарын 31-ний өдрийг “Дэлхийн тамхигүй өдөр” болгон тэмдэглэдэг билээ. Энэ өдрийг угтан шинжлэх ухааны “The Lancet” сэтгүүл 1990-2019 оны хоорондох дэлхий нийтийн тамхины хэрэглээний талаарх судалгааны тоймыг нийтэлжээ. Уг судалгаанд дэлхийн 204 улсын тамхи, тамхины хэрэглээний статистик мэдээллүүдийг нэгтгэсэн байна.

Тамхи татдаг хүний тоо 2019 оны байдлаар 1.1 тэрбумд хүрсэн бол тамхинаас шалтгаалсан өвчлөлөөр 7.7 сая хүн нас баржээ. Үүнээс 2019 оны байдлаар зүрхний титэм судасны өвчнөөр 1.7 сая хүн нас барсан, уушгины архаг бөглөрөлт 1.6 сая, гуурсан хоолой, уушгины хорт хавдар 1.3 сая, тархины цус харвалтаар нэг сая хүн нас барсан байна.

Таван эрэгтэй хүн тутмын нэг нь тамхинаас үүдэлтэй өвчний улмаас нас барсан байна. Дэлхийн улс орнуудын талаас илүү хувьд залуусын тамхины хэрэглээг бууруулахад ахиц гарахгүй байгаагийн зэрэгцээ 15-24 насныхны дунд тамхидалт өндөр байгаа аж.

Түүнчлэн дэлхий дээр таван эрэгтэй тутмын нэг, хорин эмэгтэй тутмын нэг нь тамхи татдаг бөгөөд арван тамхичин тутмын ес нь 25 нас хүрэхээсээ өмнө тамхи татаж эхэлжээ. Тамхи татдаг хүмүүсийн дундаж наслалт огт татдаггүй хүнийхээс арван жилээр бага байгаа бол тамхи татдаг хоёр хүний нэг нь тамхитай шууд холбоотой шалтгаанаар нас бардаг байна. БНХАУ, Энэтхэг, Индонези, АНУ, ОХУ, Бангладеш, Япон, Турк, Вьетнам болон Филиппин улсууд хамгийн их тамхидалттай 10 улс болсон байна.

Монгол Улсын Ерөнхийлөгчийн 2021 оны ээлжит сонгуулийн Сөүл хот дахь салбарт саналаа өгөх сонгогчид тавдугаар сарын 30, 31-ний өдрүүдэд саналаа өгнө.

Ерөнхийлөгчийн сонгуульд санал өгөхөөр сонгогчдын нэрийн жагсаалтад нэр нь баталгаажсан сонгогч тавдугаар сарын 30 /Ням гараг/, 31-ний /Даваа гараг/ 07:00-22:00 цагийн хооронд иргэний үнэмлэх эсхүл үндэсний гадаад паспортоо авч Элчин сайдын яамны байранд биечлэн ирж саналаа өгөх юм байна.

Сонгуулийн Ерөнхий Хорооноос ирүүлсэн сонгогчдын нэрсийн жагсаалтад бүртгэгдсэн эсэхээ доорх ЭНД дарж шалгах боломжтой.

Элчин сайдын яамны хаяг:

• 140-885, 서울특별시 용산구 독서당로 95, 주한몽골대사관,
• Embassy of Mongolia, 95, Dokseodang-ro, Yongsan-gu, 140-885, Seoul, Republic of Korea
• http://naver.me/Gs3hXrTA

Монгол Улсын Ерөнхийлөгч Халтмаагийн Баттулга “Эхийн алдар” I, II одон хүртэж буй ээжүүдийн төлөөлөл болгон өнөөдөр зарим ээжид Төрийн ордны “Есөн хөлт, цагаан тугт” танхимд одонг нь гардуулж, баяр хүргэлээ.

Төрийн ордонд Ерөнхийлөгчөөс “Эхийн алдар” I одон гардан авсан Э.Хишигсайхантай хийсэн ярилцлагыг хүргэж байна.

-Монгол Улсын Ерөнхийлөгчийн зарлигаар “Эхийн алдар” I зэргийн одон гардлаа. Танд баяр хүргэе.

-Баярлалаа. Маш сайхан байна. Үгээр зүйрлэж хэлэхийн аргагүй сайхан мэдрэмж төрдөг юм байна. Би 6 хүүхэдтэй. 5 сайхан охин, 1 хүүгийн ээж байна. Бага нь 1 ой 10 сартай, том нь 13 настай.

-Эх хүн байхын онцлогийг та юу гэж тодорхойлох вэ?

-Юун түрүүнд энэхүү эрхэм хүндтэй шагналыг хамт авсан, авах бүх ээжүүддээ халуун баяр хүргэе. Ээж хүн гэдэг агуу том ертөнц л гэж хэлмээр байна.

-Ээжүүд бараг бүх мэргэжлийг эзэмшсэн хэмжээний байдаг шүү дээ.

– Чадахаасаа чадахгүйг хүртэл ээжүүд маань өөрсдөө бүхнийг хийж байдаг болохоор хүүхэд өвдөх л хамгийн хэцүү байдаг. Болдог бол өмнөөс нь өвдмөөр тийм л хэцүү мэдрэмж шүү.

-Аз жаргалтай гэр бүлийг та юу гэж тодорхойлох вэ?

-Би өдөр болгон аз жаргалтай байдаг. Өнөр өтгөн гэр бүл байхын сайхан нь гэр маань үргэлж инээд хөөрөөр бялхаж байдаг даа. Би 4 хүүхэдтэй айлын том охин болохоор олуулаа байх дуртай. Тэр нь сайхан байдаг. Охидуудтай байх гоё. Учир нь юу ч болсон бүгд эмэгтэй болохоор тал талаас “одоо тэгье, одоо ингээрэй ээж ээ” гээд их зөвлөгөө өгнө. /Инээв/.

-Хүүхдүүдээ ирээдүйд ямар хүн болж төлөвшөөсэй гэж боддог вэ?

-Хүүхдүүдээ эх орон, эх дэлхийдээ хайртай хүмүүс болж өсөөсэй гэж хүсдэг.

-Баярлалаа.

НҮБ-ын Ерөнхий ассамблейгаас 2002 оны тавдугаар сарын 29-нийг Олон улсын Энхийг сахиулагчдын өдөр болгон зарласан түүхтэй.

Онцгой байдлын байгууллагын алба хаагчид 2012 оноос хойш даян дэлхийн энх тайвны төлөө дэлхийн орнуудын дайчин эрстэй мөр зэрэгцэн энхийг сахиулах үүргийг гүйцэтгэж байгаа билээ.

Энэ хугацаанд 350 орчим алба хаагч цэнхэр дуулгатнуудын эгнээнд орж, дэлхийн энх тайвныг батлан хамгаалах ариун үйлсэд хүчин зүтгэж Онцгой байдлын байгууллагын төдийгүй Монгол Улсынхаа нэрийг олон улсад өндөрт өргөн, үүргээ биелүүлж байна.

Онцгой байдлын байгууллагаа төлөөлөн НҮБ-ын Энхийг сахиулах ажиллагаанд оролцож байгаа цэнхэр дуулгатнуудын гурав нь эмэгтэй алба хаагч байгаа юм.

НҮБ-ын энхийн ажиллагаанд үүрэг гүйцэтгэсэн, үүргээ нэр төртэй биелүүлж буй Онцгой байдлын байгууллагын нийт Цэнхэр дуулгатан Та бүхэнд “Энхийг сахиулагчдын өдөр”-ийн мэндийг хүргэе гэж Онцгой байдлын ерөнхий газраас мэдээллээ.