Гамшгаас хамгаалах бүх нийтийн бэлэн байдлын зэрэгт шилжиж, нэгдсэн арга хэмжээг нийслэл даяар өрнүүлж байна. Нэгдсэн арга хэмжээний үйл ажиллагаанд Аудитын газраас хөндлөнгөөс хяналт тавьж ажиллах асуудлаар Шадар сайд С.Амарсайхан холбогдох албаныхантай цахимаар санал солилцлоо.

Хөл хорионы хязгаарлалтаар авч хэрэгжүүлэх арга хэмжээг үр дүнтэй хэрэгжүүлэхэд шаардлагатай бүх талаар туслалцаа үзүүлж хамтарч ажиллах болно гэдгийг Аудитын газраас мэдэгдлээ. Өнөөдрөөс эхэлж үйл ажиллагааны дөрвөн баг ажиллаж эхлэх аж. Түүнчлэн Аудитын газраас УОК-ын дэргэдэх Эрдэмтдийн зөвлөл болон Гамшгийн эрсдлийн үнэлгээний багтай ойрын хугацаанд цахимаар зөвлөлдөх уулзалт хийх хүсэлтэй байгаагаа илэрхийлэв.
Үйл ажиллагааны гүйцэтгэл, үүнтэй холбоотой ажил үүргийн харилцан уялдаа холбоог бүх шатанд хангах чиглэлээр мэргэжлийн байгууллагын үр үнэлэлт дүгнэлт хийж, ажил үүргээ сайжруулахад Аудитын газрын дэмжлэг туслалцаа чухал хэмээн Шадар сайд үзэж байна. Бүх нийтийн бэлэн байдлын зэрэгт шилжсэн үед “Нэг хаалга-нэг шинжилгээ” арга хэмжээг хэрэгжүүлэхэд онцгой анхаарч цар тахлын голомтыг хумих, цаашид аж ахуйн нэгжүүдийн үйл ажиллагааг хэвийн үргэлжлүүлэхээр зорьж байгааг тэрээр онцолж хэллээ. Нэгдсэн арга хэмжээний гүйцэтгэл, үр дүнг цаг тухайд гаргаж өгөх асуудалд анхаарал хандуулахыг хүсээд, цар тахлаас гадна, гамшгийн үеийн бэлэн байдлыг хангах стратеги төлөвлөгөө боловсруулах ажилд хөндлөнгөөс хяналт тавих ажилд цаашид хамтран ажиллана хэмээн Шадар сайд С.Амарсайхан хэллээ.

ЭМЯ-наас цаг үеийн асуудлаар мэдээлэл хийлээ. Шинээр 40 тохиолдол бүртгэгдсэн бөгөөд 1 тохиолдол нь зөөвөрлөгдсөн, 39 тохиолдол нь Улаанбаатар хотод бүртгэгдсэн. Сүүлийн 24 цагийн хугацаанд 22 иргэн эдгэж эмнэлэгээс гарсан байна.

Улсын хэмжээнд халдварын батлагдсан тохиолдол 2247 болсон бол үүнээс 1640 хүн эдгэрсэн байна. Эмчлэгдэж байгаа 582 хүний биеийн байдлыг үнэлбэл, маш хүнд 1, хүнд 3, хүндэвтэр 84, хөнгөн 494 иргэн байгаа гэдгийг ХӨСҮТ-ийн тандалт судалгааны албаны дарга А.Амбасэлмаа мэдээллээ.

Цагдаагийн байгууллагад өчигдөр буюу 2021 оны хоёрдугаар сарын 11-ний өдөр нийт 1067 гомдол, мэдээлэл иржээ.

Нийт дуудлагын 1004 нь зөрчлийнх бол хулгайлах 1, гэр бүлийн хүчирхийллийн 97, гэмт хэргийн шинжтэй 36 дуудлага ирсэн байна.

Нийт 244 хүн эрүүлжүүлэгдэж, согтуугаар тээврийн хэрэгсэл жолоодсон 44 зөрчил гарчээ.

Мөн олон нийтийн газар танхайрсан 53, оршин суугчдын ая тухтай байдлыг алдагдуулсан 49 зөрчил гарсан байна.

Нийслэлийн Засаг дарга бөгөөд Улаанбаатар хотын захирагч Д.Сумъяабазар “Иргэд хуваарийн дагуу шинжилгээнд орох ёстой байтал хуваарийг нь дээд талд зөрүүлчихэж байна. Ч.Номин сайдаар ахлуулсан Эрсдлийн үнэлгээний хороонд будлиан гарч байна.

Энэ асуудлыг Эрүүл мэндийн сайддаа хэлээд зас. Хариуцаж байгаа Соёлын сайдад зааж зааварлаж, уурлаж уцаарлах нь төрийн албаны ёс зүйгүй асуудал. Шинжилгээний хуваарь зөрж байгаа асуудлыг Эрүүл мэндийн сайдад дамжуул. Бүх шинжилгээ анхан шатны байгууллагад явагдана. Бүх хороо нэгжид иргэдээ мэддэг улсууд ажлаа хийж чаддаг юм. Дээгүүр байгаа дарга нар хорооны бодит амьдралыг мэддэггүй юм. Тийм учраас нөхцөл байдлыг Эрүүл мэндийн сайдад дамжуулах хэрэгтэй” гэлээ.

Өнөөдөр өглөөний 08:00 цаг хүртэлх өнгөрсөн 24 цагийн хугацаанд Нийслэлийн авто тээврийн шалган нэвтрүүлэх есөн товчоонд эрүүл мэнд, онцгой, цагдаа, мал эмнэлэг, мэргэжлийн хяналтын 76 ажилтан, албан хаагч үүрэг гүйцэтгэн ажиллаж байна.

Үүнээс эрүүл мэндийн байгууллагын 20 албан хаагч ажиллаж байгаа юм. Дээрх хугацаанд товчоодоор орсон 324, гарсан 286 нийт 610 автомашин нэвтэрчээ.

Эдгээр тээврийн хэрэгслээр нийт 900 зорчигч товчоодоор орж гарсан бөгөөд эрүүл мэндийн хяналтаар сэжигтэй тохиолдол бүртгэгдээгүй байна. 2020 оны арваннэгдүгээр сарын 10-ны өдрөөс хойш нийт 254,551 автомашины 602,480 иргэнд эрүүл мэндийн хяналт хийжээ.

Эх сурвалж: Нийслэлийн ЗДТГ-ын Хэвлэл мэдээлэл, олон нийттэй харилцах хэлтэс

Аймгийн Засаг даргын зөвлөлийн ээлжит хурал болж, аймгийн аварга малчдыг шалгарууллаа. Хурлаар аймгийн Засаг даргын 2021 оны 01 дүгээр сарын 19-ний өдрийн А/23 дугаар захирамжийн хавсралтаар батлагдсан “Аймгийн аварга малчин өрх”, “Аймгийн аварга саальчин”, “Аймгийн аварга фермер”, “Аймгийн аварга тариаланч”, тариаланч хамт олон шалгаруулах болзол журмын дагуу 19 сумаас малчид, тариаланчдын материалыг Хүнс, хөдөө аж ахуйн газраас мэдээллээ.

ЭМЯ-ны өнөөдрийн хэвлэлийн хурлын үеэр эмнэлгийн тусламж үйлчилгээний талаар ЭМЯ-ны ЭТБЗГ-ын Б.Буянтогтох танилцууллаа. Тэрбээр “Улсын хэмжээнд 152 эх амаржиж, 154 нярай эсэн мэнд мэнд мэндэллээ. Хөл хорионы үед эрүүл мэндийн байгууллагын 300 гаруй ажилчин тусламж үйлчилгээ үзүүлж байна. Хүлээн авах яаралтай тусламжийн тасгаар нийт 1491 хүн үйлчлүүлсэн. Эрчим эмчилгээний тасагт 250 хүн эмчлүүлж байна.

Түргэн тусламжийн дуудлага өнгөрсөн хоногт өмнөх үеийнхээс гурав дахин нэмэгдсэн. Харин энэ хугацаанд амбулаторийн үйлчилгээ цөөрсөн байна. Тогтмол хугацаанд эмчилгээ үйлчилгээнд ордог хүмүүс хуваарьт автобусаар явах, эсвэл ЭМЯ-наас гаргасан “зорчих эрхийн зөвшөөрлийн хуудас”-т үйлчлүүлдэг эмнэлгийнхээ эмчилгээ эрхэлсэн орлогчоор тамга даруулж, гарын үсэг зуруулж аваад зорчих эрх олгож байна. Эрүүл мэндийн байгууллагууд бүх нийтийн бэлэн байдлын зэрэгт шилжин ажиллаж байна” гэв.