Month: December 2020

Монгол Улс даяар хорио цээрийн дэглэм үргэлжилж буй энэ цаг үед “Гялс кредит ББСБ” нь нийгмийн хариуцлагын хүрээнд гадаадад амьдарч буй иргэдийнхээ Монгол Улс руу хийх мөнгөн гуйвуулгын шимтгэлийг бүрэн чөлөөлөх шийдвэрийг гаргалаа.

“Sendly” аппликейшнийг хөгжүүлэгч “Гялс кредит” ББСБ нь АНУ-д ажиллаж, амьдарч буй иргэддээ зориулан “Sendly” аппликейшнд шинээр хэрэглэгч болж буй бүх хэрэглэгчдийнхээ 500 хүртлэх ам.долларын эхний гүйлгээний шимтгэлийг 2020 оны арванхоёрдугаар сарын 31-нийг дуустал хугацаанд чөлөөлж, шимтгэлийн зардлыг компаниас хариуцахаар боллоо.

SENDLY мөнгөн гуйвуулгын үйлчилгээний шимтгэл:

Монгол залуусын хөгжүүлсэн “Sendly” аппликейшн нь гадаадад буй Монголчууддаа зориулсан, албан ёсны тусгай зөвшөөрөлтэй анхны бие даасан олон улсын мөнгөн гуйвуулгын үйлчилгээ бөгөөд 2020 оны 5 дугаар сараас эхлэн АНУ-с Монгол руу шилжүүлэг хийж эхэлсэн юм.

“Sendly” аппликейшныг ашиглан АНУ-ын 31 мужийн 4,900 гаруй банкны данс болон дебит картыг холбон 10 минутын дотор Монгол улсын арилжааны бүх банкны данс руу шилжүүлэг хийх боломжтой юм. Мөн тус аппликейшнээр дамжуулан хайртай дотны хүмүүстээ шуурхай мөнгө шилжүүлэх, мөн шилжүүлэг хүлээн авагч нь хөл хорионы үед гэрээсээ гаралгүй өөрийн дурын банкны дансандаа хүлээн авах боломжийг олгож буйгаараа давуу талтай аж.

SENDLY аппликейшн хөгжүүлэгчид:

“Гялс Кредит ББСБ” нь 2015 онд байгуулагдсан Санхүүгийн зохицуулах хорооны Мөнгөн гуйвуулга, цахим төлбөр тооцоо, валют арилжааны үйл ажиллагаа, Зээлийн үйл ажиллагаа эрхлэх тусгай зөвшөөрөлтэйгээр үйл ажиллагаа явуулдаг бөгөөд АНУ-ын 31 мужид мөнгөн гуйвуулгын тусгай зөвшөөрөл эзэмшдэг Golden Money Transfer, Prabhu Money Transfer, Moneytun компаниудтай хамтран ажилладаг. Цаашид, “Sendly” аппликейшнийг Монголчууд ихээр ажиллаж, амьдардаг Европын холбооны улсууд болон Австрали, Япон, БНСУ зэрэг улсуудад нэвтрүүлэх бөгөөд нийгмийн даатгалын сайн дурын даатгалын төлбөр төлөх үйлчилгээ, орон сууцны зээл зэрэг санхүүгийн үйлчилгээг хүргэхээр зорин ажиллаж байна.

SENDLY аппликейшний давуу талууд:

Хамгийн найдвартай – Хэрэглэгч аюулгүй байдлыг бүрэн хангасан PLAID системээр дамжуулан АНУ дах банкны дансаа холбож шилжүүлгээ хийнэ.

Хамгийн бага шимтгэл – 200 хүртлэх ам.долларт 3 ам.долларын шимтгэлтэй.

Хамгийн хурдан – Хэрэглэгч дебит картаа холбон шилжүүлэх тохиолдолд 10 минутын дотор Монгол дах хүлээн авагчийн банкны дансанд орно.

100% онлайн- Хэрэглэгч банк, мөнгөн гуйвуулгын агент байгууллага дээр очих шаардлагагүй хаанаас ч хэзээ ч шилжүүлэг хийх, хүлээн авах боломжтой.

“Sendly” аппликейшнийг татах холбоос:

App store: https://apps.apple.com/us/app/sendly/id1481558217

Play store: https://play.google.com/store/apps/details?id=mn.gyalscredit.sendly

Нийслэлийн онцгой комиссоос нийслэлийн хэмжээнд халдвар голомтлон гарсан хороо болон эрсдэл өндөртэй хороодын 70.000 өрхийг сонгож, сонгогдсон өрх тус бүрээс нэг иргэнийг коронавирусийн тандах, илрүүлэх шинжилгээнд хамруулж байна.

Өнөөдрийн байдлаар 48346 иргэнийг уг тандалт, илрүүлгийн шинжилгээнд хамруулж, уг ажлын явц 69 хувьтай үргэлжилж байна. Хамгийн сүүлийн мэдээгээр буюу 2020 оны арванхоёрдугаар сарын 06-ны 08:00 цагаас 2020 оны арванхоёрдугаар сарын 07-ны 08.00 цагийн хооронд 22631 хүнд уг шинжилгээг хийснээс 22513 ПСР-ийн сорьц авч ХӨСҮТ-рүү илгээлээ.

Уг тандалт, илрүүлгийн шинжилгээнд хамруулах өрхийг сонгохдоо олон ам бүлтэй, хөдөлгөөнт ажил эрхэлдэг, нэг хашаанд эсвэл байранд олноороо амьдардаг, үйлчилгээний газарт ажилладаг болон ажиллуулдаг, мөн бусад эрсдэлтэй байдлыг тооцон сонгож уг шинжилгээнд хамруулахаар төлөвлөсөн. Нийт шинжилгээнд хамрагдах өрхийн 70 хувийг нь өвчлөл гарсан хороодоос, 30 хувийг нь эрсдэл өндөртэй болон бусад хороодоос тандалт хийх зорилгоор хамруулах юм.

Улсын Онцгой комиссын даргын тушаалаар томилогдсон шуурхай бүлэг Дорнод аймгийн Чулуунхороот суман дахь Монгол Улс, ОХУ-ын хилийн Эрээнцав төмөр замын боомтыг 2020 оны арванхоёрдугаар сарын 01-ний өдрөөс нээн ажиллуулахтай холбогдуулан коронавируст халдварын цар тахал хүн амын дунд тархахаас урьдчилан сэргийлэх, эрсдэлийг бууруулах, халдвар хамгааллын дэглэмийг сахиулах, боомтын аюулгүй байдлыг хангуулах талаар хяналт тавьж, заавар, зөвлөмж өгч, холбогдох зохион байгуулалтаар ханган ажиллаж байна. Шуурхай бүлэгт МХЕГ, ТЕГ, ЭМЯ, ЗТХЯ, ХӨСҮТ-ийн төлөөлөл ажиллаж байгаа аж.

Энэ үеэр тус аймгийн болон сум Онцгой комиссын шуурхай штаб, хилийн боомтын отряд, хилийн мэргэжлийн хяналтын бүрэлдэхүүнтэй 5 удаагийн уулзалтыг хийж, үйл ажиллагааг хамтран зохион байгуулж Эрээнцав боомтоор 76 цс буюу 72368 тн нефтийн бүтээгдэхүүн импортолж, 36 пв буюу 2368 тн уул уурхайн бүтээгдэхүүн экспортлосон байна.

“Ковид-19” цар тахлын үед Эрүүл мэндийн салбарын бэлэн байдлыг хангах, хариу арга хэмжээ авах ажлын хүрээнд эрчимт эмчилгээний тасгуудын хүчин чадлыг шат дараатай сайжруулж байна. Энэ удаа төрөлжсөн төв эмнэлгүүд болон дүүргийн нэгдсэн эмнэлгүүдэд БНГУ-ын Драгер брэндийн 175 амьсгалын аппаратыг нэмэлтээр хуваарилан хүлээлгэн өглөө.

Хоёр дахь ээлжийн амьсгалын аппаратыг хүлээлгэн өгөх үеэрээ Эрүүл мэндийн сайд Т.Мөнхсайхан “Цар тахлын үед эмнэлгийн тусламж, үйлчилгээг өндөржүүлсэн бэлэн байдалд ажлуулж, болзошгүй эрсдэлээс урьдчилан сэргийлэх зорилгоор бүх эмнэлгүүдийн эрчимт эмчилгээний тасгаа амьсгалын аппаратаар хангаж байгаа. Энэ хүрээнд Дэлхийн Банк, Азийн Хөгжлийн Банкнаас 400, ДЭМБ-аас 125, АНУ дахь элчин сайдын яамнаас 50 амьсгалын аппарат авч байгаа. Энэ удаа нэмэлтээр 175 амьсгалын аппаратыг төрөлжсөн төв эмнэлгүүд болон дүүргүүдэд хүлээлгэн өглөө. Мөн Цэргийн төв эмнэлэг, ХӨСҮТ-ийн амьсгалын аппаратын тоог нэмэгдүүлээд байна. Удахгүй аймгуудын нэгдсэн эмнэлгүүдэд амьсгалын аппаратыг нэмэлтээр хуваарилан өгнө. Аймгуудаа хүчилтөрөгчийн үйлдвэртэй болгохоор ажиллаж байна” хэмээн онцоллоо.

Харин Улсын Гуравдугаар эмнэлгийн Ерөнхий захирал Ц.Төмөр-Очир “Цар тахлын үед орны нөөц, эрчимт эмчилгээний бэлэн байдлаа хангаж байна. Өнөөдөр БНГУ-ын Драгер брэндийн өндөр хүчин чадалтай, чанартай амьсгалын аппаратаа хүлээн авч байна. Манай УГТЭ цар тахлын үед эрчимт эмчилгээний 50 ор дэлгэн, тусгаарлах эмчлэх 200 ор дэлгэх ёстой байгаа. Эрчимт эмчилгээний бэлтгэл хангагдсан, тусгаарлан эмчлэх 200 орныхоо 20-30 хувьд нь амьсгалын аппаратыг бэлдэнэ” гэлээ.

Хавдар Судлалын Үндэсний Төвийн Ерөнхий захирал Н.Эрдэнэхүү “ХСҮТ дээр хавдрын өвчлөлтэй хүмүүс дандаа үйлчлүүлдэг учраас эрсдэл хамгийн өндөр байдаг. Манай ХСҮТ 300-аад ортой мөртлөө 5 амьсгалын аппараттай байсан бол өнөөдөр шинээр 25 амьсгалын аппаратыг хүлээн авч байна. Ингэснээрээ бид Ковид-19 үед хавдартай өвчтөнүүддээ зориулан болзошгүй эрсдэл тулгарахад яаралтай болон эрчимт эмчилгээний тасгуудаа бүрэн амьсгалын аппаратаар хангаж, нэмж 16 орыг дэлгэхэд бэлэн болсон байгаа” гэв.

Бэлэн байдлын зэрэгт шилжсэнтэй холбогдуулан “COVID-19”-ийн цар тахлын хөл хорионы үед нийслэлд болон зарим аймагт архи согтууруулах ундаа худалдан борлуулах, түүгээр үйлчлэхийг хориглосон. Гэтэл нийслэлд өчигдөр нийт 793 гомдол мэдээлэл цагдаагийн 102 дугаарт иржээ. Үүнээс эрүүлжүүлсэн 105, зөрчил гаргасан 322, гэмт хэрэг 38, гэр бүлийн хүчирхийлэл 58 бүртгэгдсэн байна.

Мөн согтуугаар тээврийн хэрэгсэл жолоодсон 12, гэмтсэн 9, хулгай 11, хүний биед халдах 28, олон нийтийн газар зүй бус биеэ авч яваагүй, танхайрсан 59, оршин суугчдийн аюулгүй байдал алдагдуулсан 66 дуудлага иржээ. Иймд иргэд та бүхнийг цар тахлын хөл хорионы энэ үед мэргэжлийн байгууллагуудаас гаргаж байгаа дүрэм журмыг дагаж мөрдөхийг анхааруулж байна.