Month: August 2020

Нийслэлийн Онцгой байдлын газар, Аялал жуулчлалын газар, Байгаль орчны газар, Мэргэжлийн хяналтын Дүүргийн Засаг даргын Тамгын газрын Хүнс, худалдаа, үйлчилгээний хэлтэс, Цагдаагийн хэлтэс, хамтран амралтын газар, жуулчны баазуудад хамтарсан үзлэг шалгалтыг зохион байгуулж байна. Хяналт шалгалтаар Нийслэлийн Иргэдийн төлөөлөгчдийн хурлын тэргүүлэгчдийн 2011 оны 120 дугаар тогтоолоор батлагдсан “Улаанбаатар хотын нутаг дэвсгэрт аялал жуулчлалын байр сууцын үйл ажиллагаа эрхлэх журам” болон амралтын газар, жуулчны баазуудын үйл ажиллагаанд тухайн төрөл, ангиллын улсын стандартын хэрэгжилтийг хэрхэн хангаж байгаад үнэлэлт, дүгнэлт өгөх юм. Мөн үйлчилгээндээ шинэ дэвшилт техник, технологи үйлчилгээг нэвтрүүлэх, гал түймрийн болзошгүй эрсдэл, үер усны аюул зэргээс урьдчилан сэргийлж, үйлчлүүлэгчийн аюулгүй байдлыг хангах мэргэжил, аргазүйн зөвлөгөө өгч ажиллаж байна гэж нийслэлийн Онцгой байдлын газраас мэдээллээ.

Нийслэлийн Засаг даргын Тамгын газар, Нийслэлийн Боловсролын газрын зүгээс ерөнхий боловсролын сургууль, цэцэрлэгийн хүртээмж хамрагдалтыг нэмэгдүүлэх чиглэлээр хийж хэрэгжүүлж буй ажлуудын нэг нь төрийн бус өмчийн цэцэрлэг, сургууль байгуулах хүсэлтэй иргэн, аж ахуй нэгжүүдэд хууль эрх зүйн хүрээнд дэмжлэг үзүүлж ажиллах байдаг.

Нийслэлийн Боловсролын газрын дарга Ж.Гантулга, Захиргааны хэлтсийн дарга Г.Мөнхбилэг нар өнөөдөр нийслэлийн Боловсролын газрын хүндэтгэлийн танхимд 2020-2021 оны хичээлийн жилд шинээр үйл ажиллагаа явуулах сургууль, цэцэрлэгүүдийн үүсгэн байгуулагчдад сургалт эрхлэх тусгай зөвшөөрлийг гардуулж өглөө.
2020 оны 2 дугаар сард нийт 39 иргэн, аж ахуй нэгж байгууллага хүсэлтээ ирүүлснээс барилгын норм дүрэм, сургалтын орчны стандарт, эрүүл ахуйн шаардлагыг хангасан 8 цэцэрлэг, 5 сургуульд сургалт эрхлэх тусгай зөвшөөрөл олгохоор Нийслэлийн Засаг даргын захирамж гарч, энэ жил нийслэлийн хэмжээнд цэцэрлэгийн хүүхдийн хүчин чадал 679, сургуулийн суудлын тоо 1480-аар нэмэгдэж байна.
Өнөөдрийн байдлаар нийслэлийн хэмжээнд төрийн бус өмчийн ерөнхий боловсролын 117 сургууль, 434 цэцэрлэг үйл ажиллагаа явуулж, төрийн бус өмчийн цэцэрлэгүүдэд 31222 хүүхэд, ерөнхий боловсролын сургуульд 37992 суралцагч суралцаж байна. Энэ нь нийт цэцэрлэгт хамрагдалтын 26%, суралцагчдийн 13 хувийг эзэлж байна.
Энэ тоон үзүүлэлт нь төрийн бус өмчийн сургууль, цэцэрлэгүүдийн боловсролын салбар дахь төрийн ачааллыг хөнгөвчлөхөд тодорхой үүргийг гүйцэтгэж байгаа нь харагдаж байна.

Боловсрол, шинжлэх ухааны сайд Л.Цэдэвсүрэн Японы Олон Улсын хамтын ажиллагааны ЖАЙКА байгууллагын суурин төлөөлөгч Тамүра Эриког хүлээн авч уулзлаа. Уулзалтын хүрээнд боловсролын салбарт Япон Улсын буцалтгүй тусламж, зээлээр хэрэгжиж байгаа бүтээн байгуулалт, төсөл хөтөлбөрийн явц, үр дүнгийн талаар ярилцаж, цаашид хамтын ажиллагааг хэрхэн өргөжүүлэх боломжтой талаар санал солилцлоо.

Боловсрол, шинжлэх ухааны яамнаас ЖАЙКА-тай хамтарч 4 төсөл хөтөлбөр хэрэгжүүлж байна. Төслийн хүрээнд баригдаж буй ерөнхий боловсролын сургуулийн барилгын ажлыг хичээлийн шинэ жил эхлэхтэй холбогдуулан хүлээлгэн өгөх асуудлыг ярилцав. Мөн “Тусгай хэрэгцээт боловсрол шаардлагатай хүүхдэд үзүүлэх эрүүл мэнд, боловсрол, нийгмийн хамгааллын үйлчилгээг сайжруулах төсөл”-ийн 2 дахь үе шатыг 9 дүгээр сараас эхлүүлэхээр тохиролцлоо. Тусгай хэрэгцээт боловсролын салбарын боловсон хүчнийг бэлтгэх урт, богино хугацааны тэтгэлэгт сургалтад залуу багш, иргэдийг хамруулах, Монгол Улсын ерөнхий боловсролын зарим сургуулиудад зориулалтын гал тогооны газар байгуулах, хоол үйлдвэрлэлтийн тоног төхөөрөмжөөр бүрэн хангах хамтарсан төслийг боловсруулан, хэрэгжүүлэх талаар санал солилцлоо.

Олон улсын зах зээлд газрын тосны ханш буурсантай холбогдуулан манай улсад өнгөрсөн 5 дугаар сарын сүүлийн долоо хоногт бүх төрлийн шатахууныг литр тутамд нь 200 төгрөгөөр бууруулсан. Гэтэл өчигдөр “Шунхлай”, “Сод Монгол” компани АИ-92 бензинийг 1420, АИ-95-ыг 2000, дизель түлшийг 2090 төгрөгөөр борлуулж эхлэв. Энэ нь сүүлийн гурван долоо хоногийн дотор АИ-95 бензиний үнэ 200, дизель түлшнийх 100 төгрөгөөр өссөн. Мөн АИ-92 бензиний үнэ 3-4 хоногт 60 төгрөгөөр нэмэгдсэн байна.

АМГТГ-н орлогч дарга Ц.Эрдэнэбаяр “Өнгөрсөн зургадугаар сараас шатахууны хилийн үнэ 3-5 дугаар сартай харьцуулахад бараг хоёр дахин өссөн. Хилийн үнэ буурахад компаниуд жижиглэнгийн ханшаа хямдруулж байсан бол өсөхөд нь нэмэхээс өөр аргагүй. АИ-92 бензиний хувьд үнэ тогтворжуулах гэрээ байгуулсан ч ам.долларын ханш тогтмол чангарч буйгаас шалтгаалж литр тутамдаа 50-60 төгрөгөөр нэмэгдсэн” гэв.

Төрийн өмчит үйлдвэрийн газар жилд нэг удаа үйлдвэрлэлээ зогсоож, тоног төхөөрөмжийн иж бүрэн засвар үйлчилгээ хийдэг. “Эрдэнэт үйлдвэр” Энэ жилийн “Их зогсолт”-оо 7 дугаар сарын 31-ний 18:00 цагаас 8 дугаар сарын 2-ны өдрийн 19:00 цаг хүртэл үргэлжлүүлсэн байна.

Эрдэнэт үйлдвэрийн ХМОНХ-ээс мэдээлснээр, “Их зогсолт”-ын ажилд 10 объектод 103 засварын ажил гүйцэтгэн давхардсан тоогоор 1410 хүн оролцож, таван чиглэлээр нийт 330 нэр төрлийн ажил хийсэн. Засварын ажлын туслан гүйцэтгэгчээр “Эрдэнэт үйлдвэр”-ийн Засвар угсралтын цех, Засвар механикийн завод, Барилга засварын цехүүд тус тус ажилласан байна.Эрдэнэт үйлдвэр их зогсолт хийлээ

Төрийн өмчит үйлдвэрийн газар жилд нэг удаа үйлдвэрлэлээ зогсоож, тоног төхөөрөмжийн иж бүрэн засвар үйлчилгээ хийдэг. “Эрдэнэт үйлдвэр” Энэ жилийн “Их зогсолт”-оо 7 дугаар сарын 31-ний 18:00 цагаас 8 дугаар сарын 2-ны өдрийн 19:00 цаг хүртэл үргэлжлүүлсэн байна.

Эрдэнэт үйлдвэрийн ХМОНХ-ээс мэдээлснээр, “Их зогсолт”-ын ажилд 10 объектод 103 засварын ажил гүйцэтгэн давхардсан тоогоор 1410 хүн оролцож, таван чиглэлээр нийт 330 нэр төрлийн ажил хийсэн. Засварын ажлын туслан гүйцэтгэгчээр “Эрдэнэт үйлдвэр”-ийн Засвар угсралтын цех, Засвар механикийн завод, Барилга засварын цехүүд тус тус ажилласан байна.

Д.СУВД-ЭРДЭНЭ

Монгол Улсын Засгийн газрын ээлжит хуралдаанаар 2020 оны төсвийн тодотгол, Засгийн газрын 2020-2024 оны үйл ажиллагааны хөтөлбөр болон Улаанбаатар хотын нийтийн тээврийн асуудлыг хэлэлцэхээр төлөвлөжээ.

Эдийн засагчид 2020 оны төсвийг тодотгох зайлшгүй шаардлагатайг онцолж, зардлаа танаж, илүү хэмнэлтийн горимд шилжсэнээр хямралыг давна хэмээн эртнээс анхааруулсаар ирсэн. Тухайлбал, эдийн засагч Н.Энхбаяр “Энэ оны төсвийн алдагдал дотоодын нийт бүтээгдэхүүний 5.1 хувьтай тэнцэж буй. Уул уурхайн экспорт бүрэн зогссонтой холбоотой төсвийн орлого буурах нь нэгэнт тодорхой болсон. Үүнтэй хамт 11.7 их наядын орлогыг төсөвт төвлөрүүлэх боломж хумигдаж байгаа тул хамгийн багадаа зардлаа хоёр их наядаар танах хэрэгтэй” хэмээв.

2020 оны төсвийн зардал 13.8 их наяд төгрөг. Төсвөө танахгүй бол Засгийн газрын өр улам нэмэгдэнэ. Төсвийн хямрал эдийн засгийн хямрал болж байсан удаатай гэдгийг онцоллоо.

НИТХ-ын Тэргүүлэгчдийн хуралдаанаар Өнөөдөр “Төр хувийн хэвшлийн түншлэл”-ээр хэрэгжүүлэх төслүүдийн танилцуулгыг хэлэлцлээ. “Улаанбаатар хотын хөгжлийн корпораци” ХК-д өнгөрсөн хугацаанд хувийн хэвшлийн хөрөнгө оруулалтаар хийж хэрэгжүүлэх 30 орчим төслийн санал ирсэн байна. Эдгээр төслийн эдийн засгийн үр өгөөж, нийслэлд тулгамдаж буй асуудлыг шийдвэрлэх үүднээс 6 төслийг хэрэгжүүлэхээр НИТХ-ын Тэргүүлэгчдийн хуралдаанд танилцуулжээ. Түүнчлэн дараах төслүүдийг хувийн хэвшлийн хөрөнгө оруулалтаар хэрэгжүүлэхээр тогтосон байна. Тодруулбал:

“Улаанбаатар хотын хог хаягдлын менежментийг сайжруулах”,

“Улаанбаатар хүнсний агуулах”,

нийслэлийн хүнсний зарим хэрэгцээг хангах зорилгоор “Улаанбаатар дөрвөн улирлын хүлэмж”,

сайжруулсан түлшний уутыг дотооддоо үйлдвэрлэх “Улаанбаатар нийлэг уут”,

“Орчин үеийн дэвшилтэт технологи ашиглан, нийслэлийн ЕБС-ийн сурагчид, гэр бүлийг гэнэтийн аюул, болзошгүй эрсдэлээс урьдчилан сэргийлэх, хараа хяналтыг сайжруулах”,

Төр хувийн хэвшлийн түншлэлээр хог хаягдлын менежментийг сайжруулах төсөл хэрэгжүүлнэ

Такси үйлчилгээг цогцоор хөгжүүлэх: Шинэ нисэх буудлын зорчигч тээвэрлэх/нийтийн тээврийн үйлчилгээ төсөл. Үүнд:

Тусгай чиглэлийн, шуурхай /экспресс/ үйлчилгээний том оврын зорчигч тээврийн автобусны үйлчилгээ,

Тусгай чиглэлийн, шуурхай /экспресс/ үйлчилгээний дунд оврын зорчигч тээврийн автобусны үйлчилгээ,

Шинэ нисэх буудал орчмын тусгай такси зэрэг төслийг хувийн хэвшлийн хөрөнгө оруулалтаар зохион байгуулж хэрэгжүүлэхийг “Улаанбаатар хотын хөгжлийн корпораци” ХК /Ж.Билэгсайхан/-д даалгалаа.

Энэхүү төслүүдийг 2020-2025 он хүртэл хэрэгжүүлэх төлөвлөгөөг боловсруулсан байна. Харин нийслэлийн зүгээс зарим төсөлд газрын асуудлыг шийдвэрлэх, хамтарсан компани байгуулах зэрэг хамтран ажиллах юм.

Б. Оюундарь

Сиатл-Улаанбаатар чиглэлийн тусгай үүргийн нислэг өнөөдөр 13:10 цагт “Буянт-Ухаа” олон улсын нисэх буудалд газардах хуваарьтай байна. Тус нислэгээр нийт 260 иргэн эх орондоо ирэх юм. Энэхүү нислэг нь тус улс руу үйлдэж байгаа хоёрдахь удаагийн тусгай үүргийн нислэг гэдгээрээ онцлог. Өмнө нь буюу 06 дугаар сарын 24-нд анхны нислэгээрээ 256 иргэнээ эх орондоо авчирсан гэж Улсын онцгой комиссын Шуурхай штабаас мэдээллээ.