Month: June 2020

“Бадамлянхуа” хүүхдийн төвийн сайн дурын ажилтан Англиын иргэн ноён Коннор Винникомбэ тус төвийн үйл ажиллагаанд дэмжлэг үзүүлэх зорилгоор 6 дугаар сарын 7-наас 14-ны өдрүүдэд7 хоногийн хугацаанд марафон алхалт эхлүүллээ. Ингэхдээ тэрээр өглөө 08:00 цагаас Сүхбаатарын талбай- Гачууртад байрлах Бадамлянхуа хүүхдийн төв- Сүхбаатарын талбай гэсэн маршрутаар өдөрт 1 удаа 7 хоногийн турш алхаж байгаа бөгөөд энэхүү үйлдлээрээ “Бадамлянхуа” хүүхдийн төвд хандив өргөхийг иргэдэд уриалж байгаа юм. Тус төвийн үйл ажиллагааг байнга дэмжин ажилладаг тэрээр өөрийн фейсбүүк хуудсаараа дамжуулан “Ковид-19” цар тахлын улмаас “Бадамлянхуа” хүүхдийн төвийн хүүхдүүд өнгөрөгч 1 дүгээр сараас хойш гэртээ хөл хорионд орсон. Бид тэднийгсэтгэлийн хаттай, тэвчээртэй байлгахын тулд илүү тохь тухтай орчин нөхцөл бүрдүүлэх шаардлагатай байгаа юм. Энэ нь хүүхэд багачуудын сэтгэлзүйнэрүүл мэндэд хамгийн чухал нөлөөлөх хүчин зүйл юм. Иймд би 7 хоногийн хугацаанд марафон алхалт хийх бөгөөд энэхүү үйлсдээ зориулж хандив цуглуулах юм. Та бүхэн энэхүү сайн үйлсийг бүтээхэд намайг дэмжинэ үү” хэмээн уриалсан байна.

“Бадамлянхуа” хүүхдийн төв нь анх 1995 онд Австралийн иргэн Диди Ананда Каликагийн санаачилгаар үүсгэн байгуулагдсан бөгөөд ар гэртийнхэндээ хаягдсан, нийгмийн хүчирхийлэлд өртсөн тусламж зайлшгүй шаардлагатай хүүхдүүдийг амьдрах орчин, хайр халамж, дэмжлэг үзүүлэн аз жаргалтай, бодитой, эерэг ирээдүйг бий болгох зорилгоор өдгөө 20 дахь жилдээ үйл ажиллагаагаа явуулж байна. Одоогоор тус төвд нийт 3 сартайгаас 18 нас хүртэлх 76 хүүхэд хамрагдаж байна. Тус төв нь төсвийн бус ТББ бөгөөд хүүхдүүдийг хоол хүнс, эрүүл мэнд, хувцас хунар, орон байр зэрэг үндсэн хэрэглээгээр хангах, хүүхдүүдийг хөгжүүлж, ядуурлын мөчлөгөөс ангижирахад нь туслах, хүүхэд бүрт чанартай боловсрол эзэмшүүлж, зөвлөгөө өгөх, өөртөө итгэх итгэлийг нь нэмэгдүүлж, амьдрах чадварыг нь сайжруулах, хүхэд бүрт халамж, анхаарал тавин мэдрүүлж, гэр бүлийн бүлийн хайраар дутаалгүй өсгөх, насанд хүрч, төвөөсөө явсан хүүхдүүдийг орхилгүйгээр үргэлжлүүлэн дэмжсэнээр тэдний амьдралыг илүү эрсдэлгүй болгож, ажилд орох, боловсрол эзэмшихэд нь туслах зорилгоор үйл ажиллагаа явуулдаг юм.

Та бүхэн “Бадамлянхуа” хүүхдийн төвийн үйл ажиллагаанд хувь нэмрээ оруулахыг хүсвэл тус төвийн “Хаан” банкны 5033092691 (Бадамлянхуа Хүүхдийн Төв) тоот дансанд хандив өгөн өөрийн дэмжлэгийг үзүүлэх боломжтой юм.

Үндэсний статистикийн хорооны мэдээлснээр, улсын хэмжээнд 2020 оны эхний таван сарын байдлаар 31.4 мянган эх амаржсан нь өмнөх оны мөн үеийнхээс 386-гаар буурсан байна.

Амаржсан эхчүүдийн 23.2 мянга нь 6, түүнээс дээш удаа жирэмсний хяналтад хамрагдсан нь өмнөх оны мөн үеийнхээс 649-өөр буурчээ. Нийт амаржсан эхчүүдийн 110 нь гэртээ төрсөн байна.

Харин тавдугаар сард улсын хэмжээнд 6427 эх амаржиж, өмнөх сараас 22-оор нэмэгджээ.

Байгууллагад:

Гол усны осол, уер усны аюулаас урьдчилан сэргийлэх сэрэмжлүүлгийг ард иргэдэд хүргэх, голын усанд осолдохоос урьдчилан сэргийлэн зорилгоор НОБГ-ын харьяа Нийслэлийн Аврах анги 105-ын алба хаагчид, Цагдаагийн байгууллагатай хамтран “Завьт эргүүл” арга хэмжээг өнөөдрөөс зохион байгуулж байна.

Тус арга хэмжээг Туул голд 2010 оноос хойш 10 дахь жилдээ зохион байгуулж байгаа юм.

“Завьт эргүүлээр” алба хаагчид 06 дугаар сарын 10-ны өдрөөс 09 дүгээр сарын 10-ны өдрийг хүртэлх хугацаанд Туул голын Гачууртын Хар усан тохойгоос Биокомбинатын гүүр хүртэл моторт завь, сэлүүрт завиар иргэдийг голын усанд осолдохоос урьдчилан сэргийлж аюулгүй байдлыг хангаж ажиллана гэж Онцгой байдлын ерөнхий газраас мэдээллээ.

Үндэсний статистикийн хороо Монгол Улсын нийгэм, эдийн засгийн 2020 оны эхний таван сарын нөхцөл байдлын мэдээллийг танилцуулжээ. 2020 оны эхний таван сард халдварт өвчнөөр өвчлөгчид 14.6 мянга болж, өмнөх оны мөн үеэс 4278-аар буурсан байна. Үүнд салхин цэцгээр өвчлөгчид 3918 (70.1%)-аар, цусан суулгаар өвчлөгчид 1047 (58.0%)-гоор, гар, хөл, амны өвчнөөр өвчлөгчид 606 (73.1%)-гаар буурсан нь голлон нөлөөлжээ.

Мөөгөнцрөөр өвчлөгчид 881 (2.3 дахин)-ээр,

Тэмбүүгээр өвчлөгчид 797 (32.1%)-гоор,

Трихомониазаар өвчлөгчид 366 (20.1%)-гаар,

Гонококкт халдвараар өвчлөгчид 88 (3.8 %)-аар тус тус нэмэгджээ.

Халдварт өвчнөөр өвчлөгчдийг халдварын замын төрлөөр авч үзэхэд 2020 оны тавдугаар сарын байдлаар бэлгийн замаар дамжих халдварын тохиолдол 1391 болж, өмнөх сараас 222 (13.8%)-оор, амьсгалын замаар дамжих халдварын тохиолдол 405 болж, 36 (8.2%)-аар, цусаар дамжих халдварын тохиолдол 26 болж, 16 (38.1%)-гаар тус тус буурч, харин гэдэсний халдварт өвчин
220 болж, 79 (56.0%)-өөр нэмэгдсэн байна.

Улаанбаатар хотод 2020 оны тавдугаар сард ХДХВ/ДОХ-ын 1 тохиолдол илэрч, улсын хэмжээнд бүртгэгдсэн ХДХВ/ДОХ-ын нийт тохиолдол 293 болсон байна.

Авлигатай тэмцэх газрын Хяналт шалгалт, дүн шинжилгээний хэлтэс нь 2020 оны 6 дугаар сарын 2-4-ний өдрүүдэд иргэн, аж ахуйн нэгж, байгууллагаас ирүүлсэн нийтийн албан тушаалтны авлига, ашиг сонирхлын зөрчилтэй холбоотой 46 гомдол, мэдээллийг шалгав.

Өнгөрсөн долоо хоногт 13 гомдол, мэдээллийг хянан шийдвэрлэсэн бөгөөд эдгээрээс 3 нь зөрчилтэй болох нь тогтоогдож, 3 гомдолд ашиг сонирхлын зөрчил тогтоогдоогүй байна. Түүнчлэн харьяаллын дагуу 6 гомдлыг шилжүүлж, 1 гомдолд хариу өгч буцаасан байна. Одоогоор 33 гомдол шалгагдаж байна.

Засгийн газрын 2019 оны 331 дүгээр тогтоолоор Хэнтий аймгийн Баян-Адарга суманд Эрэн хайх, аврах салбарыг шинээр байгуулан, алба хаагчдыг томилон үйл ажиллагааг нь эхлүүллээ. Энэ үеэр шуурхай албаны фургон автомашин болон холбооны техник хэрэгслийг салбарын дарга, ахлах дэслэгч Ц.Ганцогт гардуулан өгсн юм.

Ингэснээр тухайн сум орон нутаг болон хөрш зэргэлдээх сумдад төрийн үйлчилгээг түргэн шуурхай хүргэх, гамшгийн аюулаас урьдчилан сэргийлэх, авран хамгаалах үндсэн чиг үүргээ цаг алдалгүй зохион байгуулах боломж бүрдэж байна гэж Хэнтий аймгийн Онцгой байдлын газраас мэдээллээ.