Month: June 2020

Хойд бүсийн төв-Орхон аймгийн Онцгой байдлын газрын “Эрдэнэт үйлдвэр” төрийн өмчит үйлдвэрийн газрын гэрээт Гал түймэр унтраах, аврах 58 дугаар ангиас алба хаагчдын нийгмийн асуудлыг шийдвэрлэх зорилгоор “Хариу нэхээгүй тус” аяныг зохион байгуулж байна.

Энэ хүрээнд тус ангид 23 дах жилдээ ажиллаж байгаа амьсгалын бие даасан төхөөрөмжийн засварчин, ахлах ахлагч М.Ганзоригийн байшинг бүрэн засварласан бол аврагч-гал сөнөөгч, ахлах ахлагч У.Ган-Эрдэнийн байшинд 4х5 хэмжээтэй залгааг шинээр барьж өглөө.

Алба хаагчдын нийгмийн асуудлыг шийдвэрлэх тус ажил нь одоогийн байдлаар 30 хувьтай явагдаж байна.

Ангиас зохион байгуулсан засвар, тохижилтын ажилд идэвх санаачлагатай оролцсон аврагч-гал сөнөөгч, ахлах ахлагч Л.Гансүхийн байшингийн хуучин гурван цонхыг шинэ вакуум цонхоор сольж, засварын ажлын гол багаж болох компрессорыг бэлэглэлээ.

Түүнчлэн 18 жил үүрэг гүйцэтгэн ажиллаж байгаа аврагч-гал сөнөөгч, ахлах ахлагч Г.Магнайбаярын нийгмийн асуудлыг аймгийн удирдлагуудад танилцуулж, иж бүрэн таван ханатай гэртэй болголоо гэж Хойд бүсийн төв-Орхон аймгийн Онцгой байдлын газраас мэдээллээ.

1. Швейцарийн судлаачид коронавируст халдварын гэр бүлийн доторх халдварлалтыг судлахаар 1339 өрхийн 2766 хүмүүсийг хамруулан судлахад эхний долоо хоногт гэр бүлийн гишүүдийн 4.8%, хоёр дахь долоо хоногт 8.5%, гурав дахь долоо хоногт 10.9%, дөрөв дэх долоо хоногт 6.6%, тав дахь долоо хоногт 10.8%-д COVID-19-ийн эсрэг бие илэрчээ.
2. Бельгийн төв эмнэлгийн 3056 ажилтанд коронавируст халдварын эсрэг бие илрүүлэх шинжилгээ хийхэд 6.4%-д IgG эсрэг бие илэрчээ. Эсрэг бие илэрсэн ажилтнуудын 15%-д ямар ч шинж тэмдэг илрээгүй гэж мэдэгджээ.
3. Хятад, Итали, Япон, Сингапур, Канад, Өмнөд Солонгос зэрэг улс орнуудын тархвар судлалын мэдээлэлд үндэслэн COVID-19-ийн тархалт наснаас хамааралтай эсэхийг математик загварчлалаар судлахад 20-оос доош насны хүмүүсийн халдварын өртөмтгий байдал нь 20-оос дээш насны насныхнаас 2 дахин бага байсан бол 70-аас дээш насныхны 69% нь халдварт өртөмтгий байжээ.
4. Судлаачид Европ, Хойд Америк, Азийн зарим оронд коронавируст халдварын мэдэгдэхүйц бууралтыг хөл хорио, хөдөлгөөн хязгаарлалт болон сүргийн дархлаатай холбон тайлбарласан.
5. АНУ-ын Өвчний хяналт сэргийлэлтийн төвд бүртгэгдсэн коронавируст халдварын 1 406 098 тохиолдлын мэдээллийг судлахад нийт тохиолдлын 32% нь зүрх судасны эмгэг, 30% нь чихрийн шижин, 18% нь уушигны архаг өвчтэй байв. Эдгээр хүмүүс архаг хууч эмгэггүй хүмүүстэй харьцуулахад эмнэлэгт хэвтэх нь 6 дахин, нас баралт 12 дахин их байна.
6. Вашингтоны их сургуулийн эрдэмтэд хүн бүр амны хаалт зүүхгүй бол АНУ-д 10 сарын 1 гэхэд 180 000 орчим хүн эндэх эрсдэлтэй гэсэн тооцооллыг хийжээ. Хэрэв хүн амын 95% нь амны хаалт зүүвэл энэ тоо 146 000 орчим болж буурна гэжээ.
7. АНУ-ын Өвчний хяналт сэргийлэлтийн төв нь КОВИД-19 вирус болон томуугийн А, В хүрээний вирусийг зэрэг илрүүлдэг тест бүтээжээ. Коронавирусийг илрүүлэх шинжилгээний явцад томуугийн вирусийг илрүүлэх боломжтой ажээ. Энэ нь цаг хугацаа болоод эдийн засгийн хувьд нөөцийг хэмнэх чухал ач холбогдолтой, мөн зөв оношлох, эмчилгээг зөв хийхэд чухал гэжээ.

1.Цаг агаар:

Өнгөрсөн хоногт: Улаанбаатар хот болон, Говьсүмбэр, Дархан-Уул, Дорноговь, Дорнод, Дундговь, Сүхбаатар, Сэлэнгэ, Төв, Хэнтий аймгийн нутгаар дуу цахилгаантай аадар бороо орсон. Бусад нутгаар цаг агаар тогтуун байлаа.

Өнөөдөр: Нутгийн зүүн хагаст үүлэрхэг, бусад нутгаар солигдмол үүлтэй. Зүүн аймгуудын ихэнх нутаг, баруун аймгуудын нутгийн баруун, төв, говийн аймгуудын нутгийн зүүн хэсгээр дуу цахилгаантай бороо орно. Салхи нутгийн зүүн хагаст зүүн хойноос, бусад нутгаар баруунаас 6-11 м/с, борооны өмнө түр зуур ширүүснэ. Хангай, Хөвсгөл, Хэнтэйн уулархаг нутаг, Тэрэлж, Хэрлэн, Онон, Улз, Халх голын хөндий, Дорнод-Дарьгангын тал нутгаар 15-20 градус, Их нууруудын хотгор болон говийн бүс нутгийн баруун хэсгээр 25-30 градус, бусад нутгаар 20-25 градус дулаан байна.

Улаанбаатар хотод: Үүлшинэ, дуу цахилгаантай бага зэргийн аадар бороо орно, салхи зүүн хойноос 6-11 м/с, борооны өмнө түр зуур ширүүснэ, 20-22 градус дулаан байна.

Төлөв байдал: 26, 28-нд нутгийн зарим газраар, 29-нд баруун аймгуудын нутгийн баруун хэсэг, төв болон зүүн аймгуудын нутгийн зарим газраар дуу цахилгаантай аадар бороо орно. Салхи борооны өмнө түр зуур ширүүсэж, шороон шуурга шуурна. Алтай, Хангай, Хөвсгөл, Хэнтэйн уулархаг нутаг, Хүрэнбэлчир орчим, Завхан голын эх, Тэрэлж голын хөндийгөөр шөнөдөө 3-8 градус, өдөртөө 19-24 градус, говийн бүс нутгийн өмнөд хэсгээр шөнөдөө 13-18 градус, өдөртөө 29-34 градус, бусад нутгаар шөнөдөө 8-13 градус, өдөртөө 25-30 градус дулаан байна.

2.Гал түймэр:

Хувийн өмчид гарсан: Хөвсгөл аймгийн Бүрэнтогтох сумын Туяа багийн “Үүдэн цахир” гэдэг газар /аймгийн төвөөс баруун зүгт 15 км-т, сумын төвөөс зүүн зүгт 40 км-т/ иргэн Б-ийн дугаартай “Соната-6” загварын суудлын автомашин шатаж байна гэсэн дуудлагыг 06.24-ний өдрийн 22:10 цагт хүлээн авсан. Тус аймгийн Онцгой байдлын газрын Гал түймэр унтраах, аврах 27 дугаар ангийн алба хаагчид 15 км зам туулан 22:33 цагт очиж 5 минут ажиллаж унтраасан.

3.Байгаль цаг агаарын аюулт үзэгдэл:

Үер – Усны үер: Говьсүмбэр аймгийн Сүмбэр сумын Малх багийн “Цагаан толгой” гэдэг газар /сумын төвөөс зүүн зүгт 80 км-т/ тус сумын нутгаар 06.24-ний өдрийн 17:20 цагийн орчимд усархаг аадар бороо орсны улмаас иргэн Б-ийн “Марк-2” загварын суудлын автомашин үерт хөвсөн тухай дуудлагыг 06.24-ний өдрийн 17:32 цагт хүлээн авсан. Тус аймгийн Онцгой байдлын газар, Цагдаагийн газрын алба хаагчид 8 км зам туулан 18:05 цагт очиж, суудлын автомашинд зорчиж явсан 3 иргэнийг эсэн мэнд гаргаж, автомашиныг татан гаргах боломжгүй тул үлдээсэн.

Нийслэлийн Сонгинохайрхан дүүргийн 22 дугаар хороо Улаанбаатар хотод 06.24-ний өдрийн 14:00 цаг, 17:30 цагуудад усархаг бороо орж үер буусны улмаас “Тахилт”-ын автобусны 3 дугаар буудлын хажуугаас 1 том хүн, 1 хүүхэд үерийн усанд урссан тухай дуудлагыг 06.24-ний өдрийн 18:39 цагт хүлээн авсан. Нийслэлийн Онцгой байдлын газрын Аврах ангийн алба хаагчид 25 км зам туулан 19:13 цагт очиход тус дүүргийн 22 дугаар хорооны “Тахилт”-ын 27 дугаар гудамжны “Задгай”-д оршин суугч иргэн Б/21 настай, эмэгтэй/, Т /11 настай, эрэгтэй нарыг иргэд үерийн уснаас татан гаргасан байсан.

Хэнтий аймгийн Хэрлэн сумын 1, 2,3,4,5 дугаар багт тус суманд 06.24-ний өдрийн 18:55-20:50 цагийн хооронд аадар бороо /мөндөр/ орж үер болсны улмаас 06.25-ны өдрийн 01:00 цагийн байдлаар 99 айл өрхийн гэр хашаа /84 гэр, 15 байшин/, 13 аж ахуйн нэгж байгууллагын барилгын зоорийн давхар, 9 орон сууцны байрны зоорийн давхар, нийтийн эзэмшлийн зам талбайн 80 хувь нь усанд автсан тухай 121 дуудлага бүртгэгдсэн. Тус аймгийн Онцгой байдлын газрын алба хаагчид зам арчлалтын “Харгуй” ХХК-ийн ажилтнууд сэргээн босгохоор ажиллаж байна. Үерт өртөж гэртээ амьдрах боломжгүй болсон 4 айл өрхийн 7 том хүн, 5 хүүхэд, нийт 12 хүнийг Хэрлэн сумын Ерөнхий боловсролын 4 дүгээр сургуулийн дотуур байранд түр байрлуулж байгаа бөгөөд тус аймгийн Ус цаг уур орчны шинжилгээний газрын 06.24-ний өдрийн 19:00 цагийн мэдээгээр 06.25-ны өдрийн 01:00 цагаас эхлэн усархаг аадар бороо орох тул ОБЕГ-ын Тэргүүн дэд дарга бөгөөд штабын дарга, бригадын генерал Г.Ариунбуянгийн шийдвэрээр хүч нэмэгдүүлэн Үндэсний аврах бригад,Багануур дүүргийн Онцгой байдлын хэлтсийн алба хаагчид 04.24-ний өдрийн 23:00 цагт явж, БНД-ийн ОБХ-ийн бүлэг 03:15 цагт, ҮАБ-ын бүлэг 05:40 цагт очсон.

Хүчтэй салхи, шуурга: Дорнод аймгийн Хэрлэн сумын 7 дугаар багийн 40 дүгээр байр тус сумын нутгаар 06.24-ний өдрийн 17:00 цагийн орчимд салхины хурд 20 м/с хүрсний улмаас 5 давхар орон сууцны байрны төмөр дээвэр хууларч зогсоолд байсан “Приус-30” загварын суудлын автомашин дээр унасан тухай дуудлагыг 06.24-ний өдрийн 17:04 цагт хүлээн авсан. Тус аймгийн Онцгой байдлын газрын алба хаагчид 3 км зам туулан 17:13 цагт очиж 7х28 метрийн хэмжээтэй төмөр дээврийг зайлуулж дарагдсан автомашиныг гаргасан.

4.Эрэн хайх, аврах ажиллагаа:

Усны осол /эрэн хайх, аврах/: Хэнтий аймгийн Дадал сумын Балж багийн “Цагаан чулуут” гэдэг газар /сумын төвөөс хойд зүгт 65 км, аймгийн төвөөс зүүн хойд зүгт 325 км-т/ тус багийн харьяат малчин Б /39 настай, эрэгтэй/, С /5 настай, эмэгтэй/ нар “Хёрхон” гэдэг голын эргээс таана, мангир түүхээр 06.23-ны өдрийн 11:00 цагт гэрээсээ мотоциклоор гараад сураггүй болсон /Хёрхон голд живсэн байж болзошгүй/ тухай дуудлагыг 06.24-ний өдрийн 06:40 цагт хүлээн авсан. Хилийн 0287 дугаар ангийн алба хаагчид, орон нутгийн иргэд 06.23-ны өдрийн 22:00 цагаас эхлэн эрэн хайх ажиллагааг зохион байгуулж 06.24-ний өдрийн 04:00 цагт мотоциклыг нь Хёрхон голын эргээс олсон. Тус аймгийн Онцгой байдлын газрын алба хаагчид 06.24-ний өдрийн 10:30 цагт Дадал сумын чиглэлд явж мөн өдрийн 17:50 цагт очиж хоносон. 06.25-ны өдрийн 04:00 цагт эрэн хайх ажиллагааг эхлүүлнэ.

Усанд суусан: Төв аймгийн Мөнгөнморьт сумын Байдлаг багийн “Сөрдөгийн гарам” гэдэг газар /сумын төвөөс урд зүгт 35 км-т/ Төв аймгийн Мөнгөнморьт сумын тус багийн ‘’Тэнүүн’’ гэдэг газраас Мөнгөнморьт сумын төвийн чиглэлд 2 зорчигчтой зорчиж явсан 2 ЗИЛ-131 загварын ачааны автомашин Хэрлэн голын усанд суусан тухай дуудлагыг 06.24-ний өдрийн 22:10 цагт хүлээн авсан. Тус аймгийн Онцгой байдлын газрын Гал түймэр унтраах, аврах 75 дугаар алба хаагчид 35 км зам туулан 23:20 цагт очиж нийслэлийн Багануур дүүргийн иргэн Б /45 настай, эрэгтэй/, мөн дүүргийн иргэн О /20 настай, эрэгтэй/ нарыг эсэн мэнд гол гаталгаж, автомашиныг татан гаргах боломжгүй тул орхисон.

5.Мэдээлэл:

Гамшиг, аюулт үзэгдэл, ослын талаар: Булган аймгийн Гурванбулаг сумын Агьт багийн “Долоон худаг” гэдэг газар /сумын төвөөс хойд зүгт 28 км-т, аймгийн баруун урд зүгт 150 км-т/ тус сумын нутгаар 06.24-ний өдрийн 01:00-03:00 цагийн хооронд аадар бороо орсны улмаас тус багийн харьяат малчин Д-ийн 200 орчим бог мал үерт өртөж хорогдсон. Мэдээллийг тус сумын Засаг дарга Б.Эрдэнэбулган 06.24-ний өдрийн 16:00 цагт аймгийн Онцгой байдлын газарт ирүүлсэн.

Булган аймгийн Гурванбулаг сумын Агьт багийн “Хараат-Уул” гэдэг газар тус сумын нутгаар 06.24-ний өдрийн 01:00-03:00 цагт аадар бороо орсны улмаас хатуу хучилттай авто замын зорчих хэсэгт шороо, чулуу овоорон тээврийн хэрэгслийн хөдөлгөөнд саад учруулсан. Булган ААЗА” ХХК-ийн ажилтнууд ажиллаж авто замын зорчих хэсэгт овоорсон шороо, чулууг цэвэрлэсэн тухай мэдээллийг тус сумын Засаг дарга Б.Эрдэнэбулган 06.24-ний өдрийн 16:00 цагт аймгийн Онцгой байдлын газарт ирүүлсэн.

Булган аймгийн Рашаант сумын Хөгнөхаан багийн “Багахааны-Өвөр” гэдэг газар / сумын төвөөс баруун хойд зүгт 30 км-т/ тус сумын нутгаар 06.24-ний өдрийн 02:00 цагт усархаг аадар бороо орсны улмаас Э-ын 71 бог, 3 бод, Х-ын 26 бод, Н-ын 38 бог, Х-ын 19 бог, 17 бод , нийт 128 бог, 57 бод мал, нийт 185 мал хорогдсон. Мэдээллийг тус сумын Засаг даргын Тамгын газрын дарга Г.Гончиг мөн өдрийн 17:00 цагт аймгийн Онцгой байдлын газарт ирүүлсэн.

1. ЭЕШ-ын хуваарийг БСШУСЯ-тай зөвшилцөн БҮТ / http://www.eec.mn/article449/ зарласан бөгөөд шалгалтыг орон даяар Улаанбаатар хотын цагаар нэгэн зэрэг зохион байгуулна.

ДЭМБ-ын ажилтан О.Ариунтуяа:

Өнөөдрийн байдлаар COVID-19 халдварын 9.1 сая гаруй тохиолдол, 470 мянган нас баралт бүртгэгдсэнийг ДЭМБ-д мэдээлэгджээ.

COVID-19 халдварын дэгдэлтийн эхний сард 10 мянга ч хүрэхгүй тохиолдол бүртгэгдэж байсан бол сүүлийн сард дөрвөн сая гаруй тохиолдол шинээр бүртгэгдлээ.

Дараагийн долоо хоногт ч нийт халдварын тоо 10 саяд хүрэх нь тодорхой байна.

Вирусийн тархалтыг амжилттай зогсоосон улс, орнуудад халдвар дахин сэргэх тохиолдол гарч байна. Улс, орнуудад хүн амын эрүүл мэндийг хамгаалахын зэрэгцээ нийгэм эдийн засгийн хохирлыг багасгах давхар шаардлага тулгарч буй.

ДЭМБ–ын ерөнхий захирал хэвлэлийн хурлын үеэр улс, орнуудын засгийн газруудад хүн амынхаа эрүүл мэндийг хамгаалахын хажуугаар амжиргааг нь хэвээр байлгах шинэлэг шийдэл олохыг уриалжээ.

COVID-19 эрүүл мэндийн тогтолцоо, боловсон хүчинд хөрөнгө оруулахын үнэ цэнэ болон эв нэгдэл, бэлэн байдлын чухлыг ойлгууллаа.

Өнөөдөр Бүгд Найрамдах Ардчилсан Конго улс хоёр жил тэмцсэний эцэст Эбола халдварын дэгдэлтийг дууссаныг зарлах гэж байна. Эбола вирусийн эсрэг авсан арга хэмжээ буюу халдварыг эрт илрүүлж, шуурхай хариу арга хэмжээ авах нь COVID-19 халдварыг зогсооход мөн чухал байгаа юм.

ДЭМБ–аас эхийн сүүгээр дамжин коронавирус хүүхдэд халдварлах чадвартай эсэхэд үнэлгээ хийсэн.

СOVID-19 халдвар авсан нь батлагдсан 46 эхэд хийсэн тус судалгаагаар 43-ынх нь хөхний сүүнд вирус илрээгүй. Харин 3 эхэд эерэг хариу гарсан ч амьд вирус тодорхойлогдоогүй. Мөн 15 эхийн хөхний сүүний сорьцын 13-т нь дархлалын урвал үүссэн байжээ.

Тиймээс дээрх судалгаанд үндэслэн хөхөөр хооллохын ач тус нь халдвар дамжих эрсдлээс илүү гэж үзэн ДЭМБ–аас ээжүүдэд хүүхдээ хөхөөр хооллохыг зөвлөсөн.

Хэнтий аймгийн Дадал сумын Балж багийн “Цагаан чулуут” гэдэг газар /сумын төвөөс хойд зүгт 65 км, аймгийн төвөөс зүүн хойд зүгт 325 км-т/ тус багийн харьяат малчин Б /39 настай, эрэгтэй/, С /5 настай, эмэгтэй/ нар “Хёрхон” гэдэг голын эргээс таана, мангир түүхээр 2020.06.23-ны өдрийн 11:00 цагт гэрээсээ мотоциклоор гараад сураггүй болжээ.

Иргэд голд живсэн байж болзошгүй гэдэг дуудлагыг 2020.06.24-ний өдрийн 06:40 цагт ирүүлсний дагуу Хилийн 0287 дугаар ангийн алба хаагчид, орон нутгийн иргэд 06.23-ны өдрийн 22:00 цагаас эхлэн эрэн хайх ажиллагааг зохион байгуулж 06.24-ний өдрийн 04:00 цагт мотоциклыг нь Хёрхон голын эргээс олжээ.

Тус аймгийн Онцгой байдлын газрын алба хаагчид 06.24-ний өдрийн 10:30 цагт Дадал сумын чиглэлд явж мөн өдрийн 17:50 цагт очиж 06.25-ны өдрийн 04:00 цагт эрэн хайх ажиллагааг эхлүүлсэн байна.

Эрүүл мэндийн яамнаас коронавируст халдварын үед мах боловсруулах үйлдвэрлэл, худалдаа эрхлэгчдэд өгөх зөвлөгөөг боловсруулсныг хүргэж байна.

Аж ахуйн нэгжид:

• Биеийн халуун үзэх
• Ам, нүүрний хаалт зүүх
• Малгай, хормогч, бээлий өмсөх
• Хүн хооронд 1.5-2 метрийн зай барих
• Спиртэн суурьтай гар халдваргүйжүүлэгч байршуулах
• Агааржуулагч ажиллуулах, агаар сэлгэлт тогтмол хийх
• Махны мод, тавцан, хутга, хөрөө, махны машин зэргийг хэрэглэх бүртээ зориулалтын шингэнээр угааж цэвэрлэх
• Бохирдсон хормогч, ханцуйвчийг зориулалтын шингэнээр тогтмол угааж цэвэрлэх
• Сандал, хөргөгч, хаалганы бариул, хана, шал зэрэг хатуу гадаргууг 1л усанд 25мл белизна хийсэн уусмалаар өдөрт 2-оос доошгүй удаа халдваргүйжүүлэх
• Сард 1 удаа мэргэжлийн байгууллагаар халдваргүйжүүлэлт хийлгэх
• Халдвар судлагч, хүнсний технологич, эрүүл ахуйчийн бүрэлдэхүүнтэй багийг урьдчилан томилон, халдвар эсэргүүцэх төлөвлөгөөтэй байх
• Халдвар хамгааллын хяналт тавих хүн ажиллуулах
• Хог хаягдлыг ил задгай хаяхгүй байх
• Коронавируст халдвараас урьдчилан сэргийлэх зөвлөмжийг ил тод байршуулах
• Халуурах, ханиах, цээжээр өвдөх зэрэг шинж тэмдэг илэрвэл 119, 80086829 дугаарт хандах

Мах бэлтгэгч, худалдагч нарт:

• Ам, нүүрний хаалт зүүх
• Малгай, хормогч, бээлий өмсөх
• Хүн хооронд 1.5-2 метрийн зай барих
• Гараа сайтар савандаж угаах
• Нойтон сальфетка, спиртэн суурьтай гар халдваргүйжүүлэгчтэй байх
• Махны мод, хутга, ирлэгч зэргийг бусадтай сольж хэрэглэхгүй байх
• Бэлэн мөнгөөр аль болох тооцоо хийхгүй байх
• Бохир гараар ам, хамар, нүүрэндээ хүрэхгүй байх
• Ажлын хувцсаа тогтмол угааж, цэвэрлэх, хоорондоо солихгүй байх
• Ус,ундаа ам дамжуулан хэрэглэхгүй байх
• Ковид-19-ийн талаарх мэдээлэлтэй байх

Үйлчлүүлэгчдэд :

• Амны хаалт зүүх
• Маханд гар хүрэхгүй байх
• Бэлэн мөнгөөр аль болох тооцоо хийхгүй байх
• Тахиа, загасны махыг угааж хэрэглэх
• Далайн гаралтай бүтээгдэхүүн аль болох хэрэглэхгүй байх
• Сав,баглаа, боодлыг чийгтэй алчуур, нойтон сальфетикаар арчих
• Түүхий болон боловсруулсан бүтээгдэхүүнийг тус тусад нь байлгах