Байгалийн ургамал, ойн дагалт баялаг ашиглах, түүх идэвхтэй улирал үргэлжилж байгаатай холбогдуулан иргэд, аж ахуйн нэгжийг хууль зөрчсөн үйл ажиллагаа явуулахаас сэргийлж Нийслэлийн Байгаль орчны газраас зөвлөмж хүргүүлж байна.
Улаанбаатар хот орчимд 78 овог, 307 төрөл, 631 зүйл байгалийн ургамал бүртгэснээс 18 зүйл нэн ховор ургамал, 50 зүйл ховор ургамал, 3 зүйл Монголын унаган ургамал, 14 зүйл Монголд байгаа завсрын унаган ургамал, 6 зүйл эртний ойн ба усны үлдвэр ургамал бүртгэгдсэн.
Нийслэлийн нутаг дэвсгэр дэх байгалийн ургамлуудаас ашиглалтад өртөмтгий ургамалд бэлчээрийн, эмийн болон бусад ашигт ургамлуудын зэрэгцээ хорт ба мансууруулах үйлчилгээтэй ургамлууд орж байна.
Ашиглалтад өртөмтгий ургамлын зүйлийн бүрдлийг авч үзэхэд бэлчээрийн 430 зүйл, эмийн 250 зүйл ургаж байгаагийн зэрэгцээ 37 зүйл хорт ургамал, 56 зүйл хогийн ургамал, 6 зүйл мансууруулах үйлчилгээтэй ургамлууд ургаж байна.
Нийслэлийн засаг дарга Улаанбаатар хотод байгалийн голомтот тарваган тахал болон хүн, мал, амьтны гоц халдвар тархахаас урьдчилан сэргийлэх зорилгоор ирэх аравдугаар сарын 30-ны өдөр хүртэл авто тээврийн шалган бүртгэх товчоодыг түшиглэн 24 цагаар үзлэг тандалт хийж, хяналт шалгалтыг эрчимжүүлэн ажиллах тухай захирамж гаргасан.
Үндэсний төв цэнгэлдэх хүрээлэнг Нийслэлийн Хан-Уул дүүргийн VIII хорооны нутаг дэвсгэрт Нисэх, Яармагийн аюулгүйн тойргийн зүүн урд хэсэгт барихаар тогтлоо. Тус хүрээлэнгийн техник эдийн засгийн үндэслэл, эх загвар зураг боловсруулахад шаардагдах зардлыг гаргана. Үндэсний төв цэнгэлдэх хүрээлэнгийн иж бүрэн зураг төслийг боловсруулах, барилгын ажил гүйцэтгэхэд шаардагдах хөрөнгийг 2020 оны улсын төсөвт тусгуулах болон бусад эх үүсвэрээс санхүүжүүлэх асуудлыг судалж, зохих арга хэмжээ авч хэрэгжүүлэхийг Монгол Улсын сайд, ЗГХЭГ-ын дарга Л.Оюун-Эрдэнэ, Сангийн сайд Ч.Хүрэлбаатар, Нийслэлийн Засаг дарга С.Амарсайхан нарт даалгалаа. Үндэсний төв цэнгэлдэх хүрээлэнг үндэсний онцлог хэв шинжийг агуулсан, байгаль орчинд ээлтэй, орчин үеийн дэвшилтэд технологийн шийдэл бүхий, Үндэсний их баяр наадмаас гадна олон улсын спортын төрөл бүрийн тэмцээн, урлаг, уран сайхны арга хэмжээ зохион байгуулах бололцоо нөхцөл хангагдсан байх ёстой гэж төлөвлөж байна.
Монголын Үндэсний музей, АНУ-ын Питсбургийн их сургууль, Америкийн Монгол Судлалын төвтэй хамтран Дархадын хотгорын сав нутагт археологийн судалгааны “Умард Монгол” төслийг хамтран хэрэгжүүлдэг. Төслийн багийн эрдэмтдийн энэ зуны малтлагын үр дүнд дэлхийн археологийн шинжлэх ухаанд нээлт болохуйц, Монголын эзэнт гүрний язгууртнуудад холбогдох цоо шинэ олдворуудыг нээжээ. 
Мэргэжлийн ангийн бэлтгэл бэлэн байдлыг хангуулах, алба хаагчдын мэргэжлийн ур чадварыг дээшлүүлэх зорилгоор зохион байгуулсан тус дадлага сургуульд “Бльюмон” ХХК-ийн штаб, мэргэжлийн ангийн бүрэлдэхүүн, Гал түймэр унтраах, аврах 34, 10 дугаар анги болон нийслэлийн Аврах анги 105-ын нийт 185 ажилтан, алба хаагч, 5 автомашин, техник хэрэгсэлтэйгээр оролцсон юм.
Уул уурхай, хүнд үйлдвэрийн сайд Д.Сумъяабазар Бүгд Найрамдах Казахстан улсаас Монгол Улсад суугаа Онц бөгөөд Бүрэн Эрхт элчин сайд К.И.Кобландиныг нутаг буцаж байгаатай холбогдуулан 2019 оны 08 дугаар сарын 15-ны өдөр хүндэтгэн хүлээн авч уулзав.
Монгол Улсын сайд, Засгийн газрын Хэрэг эрхлэх газрын дарга Л.Оюун-Эрдэнэ аймгийн засаг дарга нартай уулзаж, өвөлжилтийн бэлтгэл ажлын талаар мэдээлэл сонсож байна.
Орон байрны хулгайн гэмт хэрэг үйлддэг 14-15 насны бүлэг хүүхдүүдийг баривчилжээ. Баянзүрх дүүргийн цагдаагийн III хэлтсийн алба хаагчид орон байрны хулгайн гэмт хэрэг үйлддэг 14-15 насны 21 удаагийн үйлдэлтэй О, Б нарын бүлэг этгээдийг түр саатуулаад байна. Сурч боловсрох насандаа бусдыг хууран мэхэлж, эд зүйлийг нь хулгайлж зарж, борлуулдаг тэд зөвхөн цахим тоглоом тоглох зорилгоор хулгайлах гэмт хэрэг үйлддэг тухай ярьж байна. Тэд хоёр жилийн өмнөөс эзгүй айлын цоожийг эвдэн, тооно болон цонхоор нь орж, хувцас, нөүтбүүк, мөнгөн аяга зэргийг хулгайлж Нарантуул захад аваачин зарж, борлуулдаг байна. Гэр хороололд үйлдэгдэж буй хулгайн гэмт хэргийн ихэнх тохиолдол нь өдрийн цагаар буюу иргэдийг гэр орноо эзэнгүй орхисон үед гардаг байна. Иймд иргэдийг гэр, орон сууцаа эргэх, хөршийн холбоог байгуулан энэ төрлийн гэмт хэргээс урьдчилан сэргийлэхийг анхааруулж байна.