Month: July 2019

Тулгар төр байгуулагдсаны 2228 жил, Ардын хувьсгалын 98 жилийн ой, Үндэсний их баяр наадмын ахмадын шагай харваа амжилттай боллоо. Үндэсний шагай харваан ахмадын ангилалд Хэнтий аймгийн Ж.Бүрнээ ахлагчтай баг түрүүлэв.

Үндэсний шагай харвааны ахмадын ангилалд тэргүүн байр эзэлсэн Хэнтий аймгийн багийн ахлагч Ж.Бүрнээ “Үе тэнгээрээ сайхан тоглож түрүүллээ. Баяртай байна. Би өдгөө 75 настай. Багийнхаа хамгийн ахмад нь. Манай багт дандаа 60-аас дээш насныхан байна” хэмээв.

Шагай харвааны ахмадын төрөлд нийт 12 баг орсон бөгөөд түрүүлсэн баг 11 тоглолт хийсний эцэст алтан медалийг хүртсэн юм.

Ахмадын шагай харваанд:

• Тэргүүн байранд Хэнтий аймгийн Ж.Бүрнээ ахлагчтай баг
• Дэд байранд Сэлэнгэ аймгийн Д.Пүрэв ахлагчтай баг
• Хүрэл медал буюу гуравдугаар байранд Дорноговь аймгийн Ч.Гомбо ахлагчтай баг
• Дөрөвдүгээр байранд Дундговь аймгийн Г.Тулга ахлагчтай баг тус тус байр эзлэв.

НМХГ-ын 400 гаруй байцаагч Төв цэнгэлдэх хүрээлэнд ажиллаж байгаа аж. Нийслэлийн мэргэжлийн хяналтын газраас өнөөдрийн байдлаар нийт 63 улсын байцаагч Төв цэнгэлдэх хүрээлэнд үйл ажиллагаа явуулж байгаа 400 гаруй аж ахуй нэгж байгууллагын хоол үйлдвэрлэл, худалдаа, тоглоомын газрын үйл ажиллагаанд хяналт тавин ажиллаж байгаа юм байна. Өнөөдрийн байдлаар 30 гаруй иргэн зөвшөөрөлгүй үйл ажиллагаа явуулж байсныг зогсоож мөн Сүхбаатар дүүргийн 45 лангуунаас таван кг муудсан махыг хурааж, устгалд оруулжээ.

НМХГ-аас Төв цэнгэлдэх хүрээлэн, Хүй долоо худаг, Сүхбаатарын талбай, Үндэсний цэцэрлэгт хүрээлэн, Үндэсний соёл амралтын хүрээлэнд наадамчин олонд эрүүл ахуй, хүнсний аюулгүй байдал, стандартын шаардлага хангасан чанартай, соёлтой үйлчилгээ үзүүлэх зорилгоор баяр наадмын үеэр нийт 610 зөвшөөрөгдсөн цэгт 400 улсын байцаагч байнгын урьдчилан сэргийлэх хяналт шалгалт хийж байгаа талаар бид мэдээлсэн. Тус шалгалтаар өнөөдрийн байдлаар Төв Цэнгэлдэх хүрээлэнд- зөвшөөрөлгүй, гар дээрээс худалдаа хийж буй таван иргэний үйл ажиллагааг таслан зогсоож, эрүүл мэндийн урьдчилан сэргийлэх үзлэг шинжилгээнд хамрагдаагүй, дэвтэргүй 40 ажилтныг хоол үйлдвэрлэлийн үйл ажиллагаанд оролцохыг хоригложээ. Мөн нэг ААН-ын муудсан 5 кг хонины махыг хурааж устгасан байна. Мөн 7 ААНБ, 2 иргэний цахилгаан дамжуулах утасны аюулгүй байдлыг хангуулж, 1 иргэний ашиглалтын шаардлага хангахгүй цахилгааны утсыг хураажээ. Харин Хүй долоон худагт зөвшөөрөлгүй худалдаа эрхэлж байсан 6 иргэний үйл ажиллагааг таслан зогсоож, эрүүл мэндийн урьдчилан сэргийлэх үзлэг шинжилгээнд хамрагдаагүй, хуурамч дэвтэртэй 5 ажилтныг хоол үйлдвэрлэлийн үйл ажиллагаанд оролцохыг хориглосон байна. Хоол үйлдвэрлэлийн зөвшөөрөлтэй аж ахуйн нэгж согтууруулах ундаа зөвшөөрөлгүй худалдан борлуулж байсан зөрчлийг илрүүлэн архи-32 ш, пиво 25 ш хураан авчээ. Мөн нэг ААН хоносон 85 хуушуур худалдаалах гэж байсныг газар дээр нь устгалд оруусан аж. Түүнчлэн 17 ААН ил задгай гал түлж үйл ажиллагаа явуулж байсан зөрчлийг таслан зогсоож, 0.0035 мм-ээс доош 414 ш нийлэг гялгар уутыг хураан авсан байна. Хуушуур хийхээр бэлдсэн 12 махны дээж, худалдан борлуулж байгаа айрагны 3 дээж авч лабораторийн шинжилгээнд хамруулжээ. Мөн 10.9 кг хуршиж, хальс нь ногоорсон махыг хураан устгасан байна.

Тосонцэнгэл-Улиастай чиглэлийн 67 км хатуу хучилттай автозамын барилгын ажлыг хийж гүйцэтгэхдээ холбогдуулан Завхан аймгийн Алдархаан, Идэр, Яруу сумдын нутаг дэвсгэр дэх Загастайн давааны дээрх чиглэлийн замыг 2019.07.13-2019.09.01-ний өдрийг хүртэл, Алдархаан сумын Чигэстэй багаас Загастай баг хүртэлх 37 км автозамыг 2019.09.01-2019.11.01-ний өдөр хүртэл хаана.