Month: July 2019

Монгол Улсын Ерөнхийлөгч Х.Баттулга өнөөдөр зарлиг гаргаж, Тулгар төрийн 2228, Их Монгол Улсын 813, Ардын хувьсгалын 98 жилийн ой, Үндэсний их баяр наадмын үндэсний сурын харвааны тэмцээнд нэг, хоёр, гуравдугаар байр эзэлсэн харваачдад улсын цол олголоо.

Монгол Улсын Ерөнхийлөгчийн Тамгын газрын дарга З.Энхболд уншиж танилцуулсны дараа Монгол Улсын Ерөнхийлөгч Х.Баттулга Монгол Улсын цолны үнэмлэх, тэмдгийг нь гардуулан өгөв.

Үндэсний сурын харваанд эрэгтэй харваачдаас,

• 40 сумнаас 39 онож түрүүлсэн Төв аймгийн Зуунмод сумын уугуул, Төв аймгийн үндэсний сурын “Зуун мэргэн” холбооны харваач, Монгол Улсын спортын мастер, Аймгийн мэргэн Энхтунгалагийн Цогбаярт Монгол Улсын “Мэргэн” цол,
• 40 сумнаас 38 онож хоёрдугаар байр эзэлсэн Баян-Өлгий аймгийн Буянт сумын уугуул, “Эрдэнэт үйлдвэр” ТӨҮГ-ийн ил уурхайн ажилтан, “Хангарьд” спорт клубын харваач, Монгол Улсын спортын мастер, Аймгийн мэргэн Эрдэнэбатын Ганчулуунд Монгол Улсын “Гарамгай харваач” цол,
• 40 сумнаас 37 онож гуравдугаар байр эзэлсэн Ховд аймгийн Дуут сумын уугуул, “Зэлмэ” сурын холбооны харваач, Монгол Улсын спортын мастер, Аймгийн мэргэн Дансрангийн Чулуунбатад Монгол Улсын гоц харваач цол олголоо.

Үндэсний сурын харваанд эмэгтэй харваачдаас,

• 40 сумнаас 37 онож түрүүлсэн Дундговь аймгийн Дэлгэрхангай сумын уугуул, Цахир багийн харваач Өрнөхийн Хатанболорт Монгол Улсын “Мэргэн” цол,
• 40 сумнаас 33 сум онож гуравдугаар байр эзэлсэн Булган аймгийн Бүрэгхангай сумын уугуул, Хан-Уул дүүргийн харваач, Монгол Улсын спортын мастер, Аймгийн мэргэн, Батбаатарын Баярцэцэгт Монгол Улсын “Гоц харваач” цол тус тус олгов.

Мөн Монгол Улсын Ерөнхийлөгч Х.Баттулга Тулгар төрийн 2228, Их Монгол Улсын 813, Ардын хувьсгалын 98 жилийн ой, Үндэсний их баяр наадмын шагайн харваан төрөлд нэг, хоёр, гуравдугаар байр эзэлсэн багийн тамирчдад шагнал гардууллаа.

Үндэсний их баяр наадмын хүчит бөхийн барилдааны долоогийн давааны ам авсан байдал.

Улсын начин Д.Анар энэхүү даваанд давсан тохиолдолд Улсын заан цолны болзол хангах юм.

У.ав Ч.Санжаадамба – У.г Б.Гончигдамба

У.ав Н.Батсуурь – У.ав С.Мөнхбат

У.ар П.Бүрэнтөгс – У.ар Ц.Содномдорж

У.ар Э.Оюунболд – У.н Д.Анар нар тунажээ.

“Зүүн бүсийн хурд-2019” наадам VII сарын 27-28-нд Дорнод аймагт болно. Тус наадмын хүрээнд Ардын хувьсгалын 98 жилийн ой, Дорнод аймаг байгуулагдсаны 88 жилийн ойн баяр наадмыг тэмдэглэн өнгөрүүлэх юм байна. Дорнод аймгийн Засаг даргын Тамгын газар, баяр наадмыг зохион байгуулах хороо, Монголын морин спорт, уяачдын холбооны Дорнод аймаг дахь салбараас “Зүүн бүсийн хурд-2019” наадмын логоны уралдааныг зарлажээ. Уг уралдаанд дизайнер Г.Баясалын бүтээл шалгарчээ.

Үндэсний их баяр наадмын хүчит бөхийн барилдааны зургаагийн даваа дууслаа. Долоогийн даваанд Улсын аварга Ч.Санжаадамба, Н.Батсуурь, С.Мөнхбат, Улсын арслан П.Бүрэнтөгс, Э.Оюунболд, Ц.Содномдорж болон Улсын гарьд Б.Гончигдамба, харцага цолны болзол хангасан Улсын начин Д.Анар нар үлдлээ. Одоо Үндэсний их баяр наадмын хурдан морь, сур харвааны шагнал гардуулах арга хэмжээ Төв цэнгэлдэх хүрээлэнд болж байна.

Хүчит бөхийн барилдааны зургаагийн даваа үргэлжилж байна. Улсын аварга С.Мөнхбат Сэлэнгэ аймгийн арслан Н.Баярбаатарыг давж шөвгөрлөө.

Улсын арслан Э.Оюунболд аймгийн арслан Б.Цэдэнсодномоор шөвгөрлөө. Улсын арслан П.Бүрэнтөгс Улсын начин Э.Энхбатаар, Улсын гарьд Б.Гончигдамба улсын начин Д.Цэрэнтогтохоор шөвшөрлөө. Мөн Улсын начин Д.Анар Улсын харцага Б.Бат-Өлзийгөөр Харцага цолны болзол хангалаа.

Үндэсний их баяр наадмын хүчит бөхийн барилдааны зургаагийн даваанд Улсын аварга Ч.Санжаадамба начны болзол шинээр хангасан аймгийн арслан А.Даваанямаар, улсын аварга Н.Батсуурь аймгийн арслан Ж.Ням-Эрдэнэ нарыг давж шөвгийн наймд үлдлээ. Мөн Улсын арслан Э.Оюунболд аймгийн арслан Б.Цэдэнсодномоор шөвгөрлөө. Улсын арслан П.Бүрэнтөгс Улсын начин Э.Энхбатаар зургаа давж шөвгөрлөө.

Үндэсний их баяр наадмын Хүчит бөхийн барилдааны зургаагийн даваанд Улсын арслан Ц.Содномдорж начны болзол хангасан аймгийн хурц арслан Б.Орхонбаярыг давж, шөвгийн наймд үлдлээ.