Month: May 2019

Нийслэлийн хэмжээнд 600 гаруй төрийн болон төрийн бус өмчийн цэцэрлэг үйл ажиллагаа явуулдаг. НМХГ-аас 2019 онд сургуулийн өмнөх боловсролын 109 байгууллагад шалгалт хийжээ. Энэ талаар өнөөдөөр сэтгүүлчдэд мэдээлэл хийлээ.

СӨБ-ын байгууллага буюу цэцэрлэгүүдэд хяналт шалгалт хийхэд нийтлэг хэд хэдэн зөрчил илэрчээ. Тухайлбал шалгалтад хамрагдсан 32 цэцэрлэг сургалтын ажил эрхлэх тусгай зөвшөөрлийн нөхцөл, шаардлагыг хангахгүй байна. Мөн цэцэрлэгүүдийн 28 нь буюу 25 хувь нь мэргэжлийн эрхлэгчгүй, 58 буюу 53 хувь нь мэргэжлийн багшгүй, төрийн бус өмчийн 36 цэцэрлэг буюу 50 хувь нь цэцэрлэгийн байргүй, 92 буюу 84 хувь нь гадна тоглоомын талбай, биеийн тамирын талбайгүй зэрэг зөрчил дутагдал илэрчээ.

Хяналт шалгалтаар илэрсэн нийт 1799 зөрчлийн 614 буюу 34 хувийг сургалтын орчинтой холбоотой зөрчил эзэлж байгаа нь сургуулийн өмнөх боловсролын байгууллагуудын сургалтын орчин хэвийн үйл ажиллагаа явуулахад шаардлага хангахгүй байна гэж дүгнэхэд хүрчээ.

Улмаар шаардлага хангахгүй байгаа 30 гаруй цэцэрлэгийн тусгай зөвшөөрлийг цуцлах саналыг Нийслэлийн боловсролын газарт хүргүүлээд байгаа аж.

Төрийн өмчийн 105 цэцэрлэгийг шалгахад 15 хувь нь барилга байгууллага хуучирч, сантехник шугам хоолой элэгдэлд орсон ч засвар үйлчилгээ хангалтгүй хийгдэж байгаа нь цэцэрлэгийн хэвийн үйл ажиллагаанд нөлөөлөхүйц нөхцөл байдал үүссэн байгааг НМХГ-ын байцаагчид хэллээ.

Мөн шалгалтад хамрагдсан төрийн өмчийн цэцэрлэгүүд хүчин чадлаасаа 1.2-2.5 дахин хүүхэд хүлээн авч анги бүлгийн нягтрал ихэссэн байна. Улмаар ариун цэвэр, эрүүл ахуйн норм 1.5-2 дахин их байгаа нь бага насны хүүхдүүдийн дунд халдварт өвчин тархах, багш ажилчдын хөдөлмөрийн чадвар алдахад нөлөөлж байна гэж үзсэн байна.

Улсын цэцэрлэгийн ачаалал 40-60 орчим их байдаг аж. Үүнээс улбаалан амьсгалын замын, бохир гараад дамжих халдварт өвчнүүд хүүхдийн нягтаршил ихэссэнтэй холбоотой гэж мэргэжлийн байгууллагууд үздэг. Иймд төрийн байгууллагууд хүүхдийн нягтаршлыг багасгахын тул онцгой анхаарал хандуулан ажиллаж эхэлжээ.

Шударга өрсөлдөөн, хэрэглэгчийн төлөө газар нь байгуулагдсан цагаасаа хойш олон улсын ижил төстэй байгууллагуудтай хамтын ажиллагаагаа өргөжүүлэн, туршлага хуваалцах ажлыг тогтмол зохион байгуулан ажиллаж байна. Монгол Улсын Засгийн газар “Иргэн төвтэй төрийн үйлчилгээний жил”, Шударга өрсөлдөөн, хэрэглэгчийн төлөө газраас зарласан “Хариуцлагатай хэрэглээ – хэрэглэгчийн эрх”-ийн жилийн ажлын хүрээнд 2019 онд бид хэд хэдэн олон улсын уулзалт, арга хэмжээнүүдийг Монгол Улсад зохион байгуулахаар бэлтгэл ажлыг ханган ажиллаж байна.

Үүнд:

1.Олон улсын Хэрэглэгчийн байгууллага хоорондын туршлага солилцох “Улаанбаатарын уулзалт” – 6 дугаар сар

2.Азийн хөгжлийн банк, Японы Шударга худалдааны хорооны дэмжлэгтэйгээр Зүүн Азийн өрсөлдөөний байгууллагын удирдлагуудын дээд хэмжээний уулзалт – 7 дугаар сар

3.Олон улсын Эдийн засгийн хамтын ажиллагаа, хөгжлийн байгууллагын дэмжлэгтэйгээр “Бүс нутгийн өрсөлдөөний байгууллагуудын олон улсын хурал” – 9дүгээр сар

4.Өрсөлдөөний Улсын зөвлөгөөн – 10 дугаар сар

5.Шударга өрсөлдөөн, хэрэглэгчийн төлөө газар үүсэн байгуулагдсаны 15 жилийн ой, тэмдэглэлт өдрийг 11 дүгээр сард тус тус зохион байгуулах юм. Эдгээр олон улсын уулзалт, арга хэмжээнүүдээс хэрэглэгчийн эрхийг хамгаалах байгууллага хоорондын харилцан сайн туршлагаа хуваалцах, хамтын ажиллагаагаа идэвхжүүлэх зорилготой “Улаанбаатарын уулзалт” олон улсын арга хэмжээг Шударга өрсөлдөөн, хэрэглэгчийн төлөө газраас санаачлан 2019 оны 06 дугаар сарын 06, 07-ны өдрүүдэд Монгол Улсад анх удаа зохион байгуулах гэж байна. Дэлхийн улс орнуудын хэрэглэгчийн байгууллагуудтай хамтын ажиллагаагаа өргөжүүлэх, сайн туршлагаас хуваалцах, нөгөө талаар улс орон, байгууллагынхаа үйл ажиллагааг олон улсад сурталчлан таниулах чухал ач холбогдолтой “Улаанбаатарын уулзалт” олон улсын арга хэмжээнд БНХАУ, ОХУ, БНСУ, Япон, Кувейт гэх мэт улсуудын хэрэглэгчийн байгууллагын зочид төлөөлөгчид оролцож илтгэл, мэдээлэл хийх талаар мэдэгдээд байна.

Жуулчны идэвхтэй улирал эхэлж байгаатай холбогдуулан гадаад, дотоодын жуулчдыг Улаанбаатар хотод аюулгүй зорчих нөхцөлийг бүрдүүлэх зорилгоор нийслэлийн Цагдаагийн газар, Аялал жуулчлалын газар, Монголын Оюутны Холбоо хамтран “Оюутан цагдаа” арга хэмжээг зургаа дахь жилдээ 2019 оны зургадугаар сарын 3-ны өдрөөс эхлэн хэрэгжүүлэх гэж байна. “Оюутан цагдаа” нар нь энэ зун иргэд, жуулчдад Монголын түүх соёл, нийслэл хотоо сурталчлахын зэрэгцээ гэмт хэрэг, зөрчилд өртөхөөс урьдчилан сэргийлэн аюулгүй байдлыг нь ханган ажиллана. Өнгөрсөн онд тус арга хэмжээний үеэр гадаадын жуулчидтай холбоотой гэмт хэрэг, зөрчил 44.8 хувиар буурсан үзүүлэлт гарчээ. Тус арга хэмжээнд зөв боловсон харилцаатай, гадаад хэлний мэдлэгтэй их, дээд сургуулийн оюутнуудыг тавдугаар сарын 27-ны өдөр хүртэл Монголын Оюутны Холбооны 96909041, 80132349 дугаарт бүртгэж байна. Нийслэлийн Аялал жуулчлалын газраас иргэд, жуулчдын санал гомдол, хүсэлтийг 70108687 дугаарт хүлээн авдаг бөгөөд Жуулчны мэдээлэл, сурталчилгааны төвүүдийг дараах байршлуудад ажиллуулж байна.

Салбар 1. Нийслэлийн Засаг захиргааны 4-р байр, 1-р давхар, Бага тойруу, IV хороо, Чингэлтэй дүүрэг

Салбар 2. “Монгол гэр”, Г эрэлт гудамж, Сөүлийн гудамж-42, IV хороо Сүхбаатар дүүрэг

Салбар 3. Монгол шуудангийн байр, 1 давхар, Сүхбаатарын талбай, I хороо, Чингэлтэй дүүрэг гэсэн хаягаар тус тус бүртгэнэ.

Цагдаагийн байгууллагаас нийслэл хотын хэмжээнд халаасны хулгайн гэмт хэргээс урьдчилан сэргийлэх зорилгоор автомашинт ухуулга, нөлөөллийн ажлыг зохион байгуулж байна. Сүхбаатар дүүрэг дэх Цагдаагийн нэгдүгээр хэлтсээс хүн ихээр төвлөрөн, зорчдог гудамж зам, автобусны буудал, худалдаа, үйлчилгээний газрууд орчмоор иргэд, олон нийтэд халаасны хулгайн гэмт хэргээс урьдчилан сэргийлэх талаар сэрэмжлүүлгийг хүргэж байгаа юм.

Тус цагдаагийн хэлтсийн хариуцсан 1-8 дугаар хорооны нутагт төр захиргаа, соёл боловсрол, эрүүл мэнд, шинжлэх ухааны төв байгууллагууд, улс төрийн нам, олон улсын томоохон аж ахуйн нэгжүүд, их дээд сургуулиуд төвлөрөн үйл ажиллагааг явуулдаг ба өдөрт 400,000-500,000 хүн дамжин өнгөрдөг байна.

Увс аймгийн цагдаа М нь албан тушаалаа ашиглан насанд хүрээгүй охиныг хүчирхийлж жирэмсэн болгосон хэрэг гарчээ. Тухайн хэргийг Увс аймгийн цагдаагийн газрын дарга н.Лхагвадорж зохион байгуулалттайгаар нуун дарагдуулж байгаа гэж тус аймгийн иргэд мэдээлж байна.

Мөн тухайн аймгийн иргэн Д гэгч ЕБС-ийн сурагчтай бэлгийн харилцаанд орж жирэмсэн болгосон, үүнийг ч бас олон нийтээс нууж байгаа аж.