Month: April 2019

“Засгийн газраас 2018 оны наймдугаар сард баталсан “Эрүүл шүд-Эрүүл хүүхэд” хөтөлбөр хэрэгжиж эхэллээ.

Манай улсын нийт хүүхдүүдийн 84-96 хувь шүдний цооролтой байна гэх судалгаа гарсан. Энэ асуудлыг хайхралгүй орхивол бүтэн нэг үе шүдний асуудалтай үлдэх байсан учраас хөтөлбөрийг хэрэгжүүлэхээр болсон.

Шүд бол гадна талаасаа гоо зүй, дотор талаасаа олон өвчлөлийн эхлэл болдог. Тиймээс хөтөлбөр онц чухал үүрэгтэй.

Бид 2-12 насны хүүхдүүдээ эмчлэхээс гадна амны хөндийн эрүүл ахуйн талаар дадал хэвшлийг бий болгохыг зорьж байна.

Хөтөлбөрт нийт 50 тэрбум төгрөг зарцуулахаас 2019 онд 4.2 тэрбум төгрөгийн санхүүжилт хийгдэнэ.

Эрүүл мэндийн байгууллагууд, хувийн хэвшлийнхэнтэй бүрэн ойлгоцсоны үндсэн дээр хөтөлбөрийг эхлүүлж байна.

Хөтөлбөрийн үр дүнд 2023 он гэхэд шүдний цоорлыг 30 хувь бууруулах төлөвлөгөө гарган ажиллаж байгаа.

Эмнэлгүүдийн жагсаалтыг зарласан. Иргэдийн зүгээс цахим орчинд үнэгүй юм бол чанаргүй гэх сэтгэгдлийг илэрхийлж байна. Тиймээс үүнийг би үнэгүй биш гэдгийг онцолж хэлье. Эмчилгээний зардлыг төрөөс гаргаж байгаа.

2-12 насны 700 гаруй мянган хүүхдийн шүдийг бүгдийг нь нэг жилд эмчлэх боломжгүй.Тиймээс эхний ээлжинд 2-6 насны, зайлшгүй шаардлагатай тохиолдолд 7-12 насны хүүхдийн шүдийг эмчлэх уян хатан бодлого баримталж байна.

Зайлшгүй гэдэгт тухайн хүүхэд цаг алдалгүй эмчилгээ хийлгэх шаардлагатай хэдий ч санхүүгийн шалтгаанаар эмчилгээ хийлгэж чадахгүй байгаа тохиолдлыг хамруулна” хэмээн ярилаа.

Шинэ театрын барилгын ажлыг дахин эхлүүлнэ. Үндэсний хэмжээний томоохон музейтэй болох талаар яаралтай шийдвэр гаргалаа. Ерөнхий сайдын захирамж гарсан.

Газрын асуудал зураг төсөв хөрөнгө оруулалтыг судлаад ойрын хугацаанд Засгийн хуралдаанаар оруулж шийдвэр гаргана гэлээ.

Мөн зургаан настнуудын элсэлтийн талаар “Сургуулиуд элсэлтээ хэрхэн зохион байгуулах нь өөрсдийнх нь шийдэх асуудал. Яамны зүгээс элсэлт зохион байгуулах ажилд оролцохгүй. Зургаан настай хүүхдүүдийг сургуульд элсүүлэхдээ ялгавартай хандахгүй л гэж байгаа” гэсэн юм.

Засгийн газрын өнөөдрийн хуралдаанаар Түрээсийн орон сууц өмчлүүлэх журмыг баталсан байна. Энэ талаар БХБ-ын сайд Х.Баделхан танилцууллаа.

“Иргэдээс ирсэн санал хүсэлтийн дагуу асуудлыг судалсны үндсэн дээр “Түрээсийн орон сууц өмчлүүлэх” журмыг батлаад байна. Орон сууц түрээслэгч иргэд тухайн түрээслэгч байгууллагад хүсэлт гаргаж хоёр нөхцөл хангаснаар өмчилж авч болно.

• Байрны төлбөрийн 30 хувийг төлснөөр ипотекийн зээлд хамрагдаж болно.
• Төлбөрийн чадвартай бол таван жилийн дотор байгууллагатай тохирсны үндсэн дээр сар бүр төлбөр төлөх зарчмаар худалдан авч болно.

Журам өнөөдрөөс эхлэн хэрэгжинэ. ТОСК-ийн зээлд хамрагдсан иргэд ч мөн энэхүү журмын дагуу орон сууцаа хувьчилж авч болно. Өнгөрсөн хугацаанд төлсөн түрээсийн төлбөрийг тооцохгүй.

Байр олгож буй байгууллагатай харилцан тохиролцсоны үндсэн дээр гурав эсвэл таван жилийн хугацаанд 30 хувийг төлж барагдуулах зэргээр энэ асуудлыг шийдвэрлэж байна.

Одоогоор хувьчлах боломжтой 1,512 айлын түрээсийн орон сууц байна. Өөрөөр хэлбэл, энэ 1,512 айл түрээсийн орон сууцаа хувьчилж авах боломжтой болж байна.

Ипотекийн зээлийн эх үүсвэрийн 4 хувийг нэг хувь болгон бууруулах тал дээр ажиллаж байна. Ингэснээр зээлийн эх үүсвэр хоёр дахин нэмэгдэх боломжтой. Өнөөдрийн байдлаар улсын төсвөөс олгож байгаа зээлийн эх үүсвэрийг 1 хувиар олгоод бууруулж байгаа ч Монголбанк үүнийг хэрэгжүүлэхгүй байгаа. Үүнийг өнөөдрийн Засгийн Газрын хуралдаанд танилцуулсан.

Энэ онд Ипотекийн зээлийн эргэн төлөлтийг Монголбанк хариуцаж байгаа бол ирэх жил Засгийн газар өөрөө хариуцаад явна гэдгийн гэрээнд тусгасан.

Гаднын зээл тусламжаар түрээсийн орон сууцыг нэмэгдүүлж болно. Тухайлбал, БНХАУ-ын буцалтгүй тусламжаар Дэнжийн 1000-д 1,008 айлын орон сууц баригдаж байна. Боломжтой бол бид ирэх сонгуулиас өмнө тус байрыг ашиглалтад оруулна.

Түрээсийн байраа өмчлөх хүсэлтэй иргэд хүсэлтээ ТОСК-т хүргүүлж, гэрээ байгуулна.” гэлээ.

Зам, тээврийн хөгжлийн сайд Б.Энх-Амгалан төмөр замын талаар Засгийн газрын хуралдаанаас гарсан шийдвэрийг танилцуулж, мэдээлэл хийлээ.

Засгийн газрын хуралдаанаар Гашуунсухайт-Тавантолгой чиглэлийн замын 247 км замыг барих үйл ажиллагааг идэвхжүүлэх тогтоол гарч байсан. Өнөөдөр Тавантолгой-Зүүнбаян чиглэлийн 414 км замыг өөрсдийн дотоодын нөөц бололцоогоо ашиглан барих шийдвэр гаргалаа. Учир нь энэ жил “Эрдэнэс тавантолгой” 807 тэрбум төгрөгийн ашигтай ажилласан. Үүний 750 тэрбум төгрөгийг Монголын төмөр замын бондыг худалдан авах замаар барихаар болж байна. Бонд гаргагч нь Монголын төмөр зам, худалдан авагч нь “Эрдэнэс тавантолгой” хэрэгжүүлэгч нь ЗХЖШ. Өмнө нь “Дорнын зам” компаниас нэг км төмөр замыг 3.2 сая ам.доллараас барих санал ирсэн. Өөрсдөө барих болсон учир саналаа татсан. Монголчууд өөрсдөө барихад 1.2 сая ам.долларт багтааж байна. ЗХЖШ-т судалгаа хийсэн. 1800 цэргийн албан хаагч, зэвсэг, техник шаардлагатай. Таван рот 30:30 км төмөр зам барихаар тооцсон. Энэ зам дээр 30 сая тонн нүүрс тээвэрлэх бололцоотой. Нийтдээ Тавантолгойгоос 60 сая тонн нүүрс тээвэрлэх тооцоо байна хэмээлээ. Мөн УБ-Дархан чиглэлийн замын ажил хийгдэж эхэлсэн, ажил хугацаандаа дуусна гэж байсан юм.