Month: April 2019

Монгол Улсын Үндэсний аюулгүй байдлын зөвлөлийн 2018 оны 02 дугаар сарын 05-ны өдрийн “Мансууруулах эм, сэтгэцэд нөлөөт бодисын хууль бус эргэлтийн ажлыг эрчимжүүлэх” зөвлөмжийн биелэлт, хэрэгжилттэй танилцах ажлын хүрээнд өнөөдөр /2019.04.22/ Үндэсний аюулгүй байдлын зөвлөлийн нарийн бичгийн дарга А.Гансүх Цагдаагийн ерөнхий газрын Хар тамхитай тэмцэх газрын үйл ажиллагаатай танилцлаа. Энэхүү үйл ажиллагаанд Цагдаагийн ерөнхий газрын дарга, дотоодын цэргийн командлагч, цагдаагийн хурандаа С.Баатаржав болон бусад албаны хүмүүс оролцсон юм. Уг үйл ажиллагааны үеэр Монгол Улс дахь мансууруулах эм, сэтгэцэд нөлөөт бодисын хууль бус эргэлтийн нөхцөл байдал, энэ төрлийн гэмт хэрэгтэй тэмцэхэд ашиглагдаж буй техник хэрэгсэл болон “Сургалт мэдээллийн тэнхим”-ийн үйл ажиллагаатай танилцаж, алба хаагчидтай уулзалт хийж энэ төрлийн гэмт хэрэгтэй тэмцэх чиг үүргийн байгууллагыг чадвхжуулах, алба хаагчдыг мэргэшүүлэхэд дэмжиж ажиллахаа илэрхийллээ.

Манай орны ихэнх нутгаар үлийн цагаан оготно тархсан. Тиймээс үлийн цагаан огтоно устгах ажлыг хавар хийдэг аж.

Сэлэнгэ аймаг 2019 оныг “Бүтээн байгуулалтыг нэмэгдүүлж, өрхийн аж ахуйг хөгжүүлэх жил” болгон зарлаж, аймгийн төвдөө “Нутагтаа сайхан амьдаръя” өрхийн үйлдвэрлэгчдийн чуулга уулзалт, үзэсгэлэн худалдааг амжилттай зохион байгууллаа. 17 сумын баялаг бүтээгчдийн бараа бүтээгдэхүүн, шилмэл үүлдрийн малын үзэсгэлэн худалдаа аймгийн төв Партизаны талбайд гарлаа. Сэлэнгэ аймгийн Хөдөлмөр халамжийн үйлчилгээний газраас төсөл сонгон шалгаруулалтын дагуу шалгарсан аж ахуйн нэгж иргэдэд батламж, Монголын хөдөөг шинэчлэх фермерүүдийн холбоотой хамтран 20 иргэнд өрхийн ногооны үр, олон улсын байгууллагын Монгол дахь суурийн төлөөлөгчийн газрын Органик хөдөө аж ахуйн түншлэл төслийн хүрээнд 11 сумын 31 хоршоонд багаж тоног төхөөрөмж, Швейцарийн хөгжлийн агентлагийн тогтвортой бичил уурхай төслийн хүрээнд Мандал, Ерөө, Баянгол, Хүдэр, Орхонтуул сумдын бичил уурхай эрхлэгч нөхөрлөлд тарьц суулгацыг тус бүр өгч үйл ажиллагаанд нь дэмжлэг үзүүллээ. “Нутагтаа сайхан амьдаръя” өрхийн үйлдвэрлэгчдийн үзэсгэлэн худалдаанд хөрш зэргэлдээ Буриад улсын Хиагтын районы удирдлагууд, талх нарийн боов жигнэмэг үйлдвэрлэгчдийнхээ хамт хүрэлцэн ирж оролцлоо. Орон нутгийнхаа баялаг бүтээгчдийн үйлдвэрлэсэн бараа бүтээгдэхүүнд худалдан авалтын дэмжлэг үзүүлж хөрөнгө оруулалт хийлээ.

ЗТХ-ийн сайд Б.Энх-Амгалан Дорноговь аймгийн Алтанширээ суман дахь нефть боловсруулах үйлдвэрийн чиглэлд баригдаж буй авто зам, төмөр замын бүтээн байгуулалтын ажилтай танилцлаа.

Гадаадын гүйцэтгэгч байгууллагууд 1 километр төмөр замын барилгын ажилд 3.2 сая ам.долларын өртөг санал болгож байсан бол Монголчууд дотоод нөөц бололцоогоо ашиглан үндэсний их бүтээн байгуулалтыг хийж, 1 километр төмөр замыг 800-900 мянган ам.доллараар буюу дээрх үнээс даруй 3 дахин бага өртгөөр бүтээн босгож байна. Төмөр замын барилгын ажлыг УБТЗ ХНН өөрсдийн хүчээр гүйцэтгэж, зөвлөх инженерээр монгол хүн ажиллаж байгаа бол авто замын барилгын ажлыг цэргүүд бүтээн байгуулж байгаа юм. Зэвсэгт хүчний 20 гаруй анги, байгууллагын 189 цэргийн алба хаагч ажиллаж байгаагийн 100 гаруй нь инженер техник, машин механизмын ажилчид, 21 нь хугацаат цэргийн албан хаагч нар үүрэг гүйцэтгэж байна.

Уг замаар газрын тос тээвэрлэхээс гадна, хэвтээ тэнхлэгийн төмөр замын эхлэл болж байгаагаараа онцлог юм. Б.Энх-Амгалан сайд Үндэсний хэмжээний бүтээн байгуулалтыг дотоод нөөц бололцоогоороо хийж гүйцэтгэж байгаагийн давуу тал нь хөрөнгө оруулалтын өгөөж дотооддоо үлдэхээс гадна цэргүүд алба хаах хугацаандаа эх орныхоо бүтээн байгуулалтад гар бие оролцож, халагдаад явахдаа ажил амьдралын гараагаа эхлэх тодорхой хэмжээний мөнгөтэй, мэргэжлийн чиг баримжаатай иргэн орон нутагтаа очих нь сайшаалтай хэрэг гэдгийг онцоллоо.

Нийслэлийн Ерөнхий боловсролын сургуулийн ахлах ангийн сурагчдад цэрэг эх оронч үзэл, хүмүүжил олгох, эх орноороо бахархах үзлийг төлөвшүүлэх, тэдэнд бие бялдар, сэтгэл зүйн бэлтгэл, тэвчээр хатуужил олгох, ирээдүйн мэргэжлээ зөв сонгоход дэмжлэг үзүүлэх Зэвсэгт хүчний залгамж халааг бэлтгэх зорилгоор нийслэлийн Засаг даргын 2019 оны А/178 дугаар захирамжаар цэрэг-спортын “Дөл” цогцолбор тэмцээний хоёрдугаар шатны шалгаруулалтыг Үндэсний батлан хамгаалахын их сургуулийн материаллаг баазыг түшиглэн энэ сарын 19-ны өдөр зохион байгууллаа.

Тэмцээний 2 дугаар шатанд Эрдмийн ундраа цогцолбор сургуулийн “Соёмбо” тасаг, Ерөнхий боловсролын 79 дүгээр сургуулийн “Соёмбо” тасаг, Ерөнхий боловсролын 65 дугаар сургуулийн “Соёмбо” тасаг, Сүхбаатар дүүргийн Ерөнхий боловсролын 3 дугаар сургуулийн “Алтан-Од” тасаг, Хан-Уул дүүргийн Ерөнхий боловсролын 26 дугаар сургуулийн “Сүлд” тасаг, Чингэлтэй дүүргийн Ерөнхий боловсролын 5 дугаар сургуулийн “ Хар сүлд” тасаг,Багануур дүүргийн Боловсрол цогцолбор сургуулийн “Соёмбо” тасаг ,Налайх дүүргийн Ерөнхий боловсролын 103 дугаар сургуулийн “Чандмань” тасаг, Багахангай дүүргийн Хангай цогцолбор сургуулийн “Жигүүр” тасаг тус тус оролцон хурд, хүч, тэсвэр хатуужил, авхаалж самбаагаа сорин өрсөлдлөө.

Тэмцээний нийлбэр дүнгээр “ТЭРГҮҮН БАЙР” Сонгинохайрхан дүүргийн ерөнхий боловсролын 65 дугаар сургуулийн “Соёмбо” тасаг шалгарч цом, алтан медаль, өргөмжлөл, мөнгөн шагнал; “ДЭД БАЙР” Чингэлтэй дүүргийн Ерөнхий боловсролын 78 дугаар сургуулийн “ Харсүлд” тасаг шалгарч мөнгөн медаль, өргөмжлөл, мөнгөн шагнал; “ГУТГААР БАЙР” Баянгол дүүргийн Эрдмийн ундраа цогцолбор сургуулийн “Соёмбо” тасаг хүрэл медаль, өргөмжлөл, мөнгөн шагнал; “ТУСГАЙ БАЙР” 29,04 оноогоор Багануур дүүргийн Боловсрол цогцолбор сургуулийн “Соёмбо” тасаг шалгарч өргөмжлөл, мөнгөн шагналаар тус тус шагнагдлаа.

Баянзүрх дүүрэг дэх цагдаагийн хоёрдугаар хэлтсийн алба хаагчид цагдаагийн алба хаагчийн албаны үнэмлэх болон энгэрийн тэмдэг хуурамчаар үйлдэн ашиглаж, иргэдийг хууран мэхэлж байсан “А” гэгч этгээдийг саатуулан шалгаж байна. Сэжигтэн А-г хэрэгт холбогдуулан шалгахад гурван найзын хамт уг хэргийг үйлдсэн нь тогтоогдсон бөгөөд эдгээр этгээдүүд нь гадуур явахдаа цагдаагийн алба хаагчийн дүрэмт хувцастай, үнэмлэхтэй, энгэрийн тэмдэгтэй ихэвчлэн шөнийн цагаар залилан мэхлэх гэмт хэрэг үйлддэг байсан аж.

Төв аймгийн Онцгой байдлын газрын он цагийн хэлхээс, онцлогийг илтгэсэн үзэсгэлэн өнөөдөр Онцгой байдлын албаны түүхэн музейд дэлгэгдлээ.

АНУ-ын Ерөнхийлөгч Дональд Трамп Украины Ерөнхийлөгчийн сонгуульд үнэмлэхүй ялалт байгуулсан Володимир Зеленськийд баяр хүргэж, утсаар ярьсан тухай АНУ-ын Төрийн департаментын Украины асуудал хариуцсан тусгай төлөөлөгч Курт Волкер твиттер хуудсандаа мэдээлжээ.

Түүний жиргээнд “Ерөнхийлөгч Дональд Трамп Зеленськийд баяр хүргэж утсаар ярилаа. Мөн Украин улсын ард түмэнд ардчилсан сонгууль явуулсанд баяр хүргэсэн” хэмээгээд өнгөрсөн хүнд хэцүү цаг хугацаанд Украин улсыг удирдаж байсан Петро Порошенкод талархаж буйгаа илэрхийлжээ.