Аргын тооллын дөрөвдүгээр сарын 3, Буд гариг. Билгийн тооллын 28, Шувуун хушуут одтой, цагаан морь өдөр. Өдрийн наран 6:27 цагт мандан, 19:24 цагт жаргана. Тухайн өдөр бар, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан гөрөө хийх, мал адгуус муулах, гаригийг тахих, тангараг тавихад сайн. Гэр бүрэх, хэрүүл тэмцэл хийх, улаа гаргах, хиншүү хярвас гаргах, хүүхэд хөлд оруулахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод баруун урагш мөрөө гаргавал зохистой.
Үс шинээр үргээлгэх буюу засуулахад тохиромжгүй.
Өглөө бүр тантай хамт байдаг “Өдрийн сонин”-ы мягмар гаригийн дугаар 20 нүүрээр хэвлэгдэж, та бүхний гар дээр хүрч байна.
Монгол Улсын Гадаад харилцааны яамнаас Жижиг, дунд үйлдвэрийг хөгжүүлэх сан, Парис хотноо төвтэй Эдийн засгийн хамтын ажиллагаа, хөгжлийн байгууллага (ЭЗХАХБ-OECD), Бүгд Найрамдах Польш Улсын Гадаад хэргийн яамтай хамтран энэ оны 4 дүгээр сарын 2-3-ны өдрүүдэд “Монгол Улсын ЖДҮ-ийг хөгжүүлэх бодлогод дэмжлэг үзүүлэх нь” сэдэвт семинарыг зохион байгуулж байна. Энэхүү хоёр өдрийн семинараар Монгол Улс дахь ЖДҮ-ийн эрх зүйн орчинг сайжруулах, бизнес эрхлэгчдэд санхүүжилтийн дэмжлэг үзүүлэх, компаниуд олон улсын зах зээлд нэвтрэх боломжийн талаар санал солилцож, тулгарч буй хүндрэл бэрхшээлийг арилгах асуудлыг хэлэлцэх ба ЭЗХАХБ болон Польш Улсын төрийн байгууллагын төлөөлөгчид хүрэлцэн ирж, хөгжингүй орнуудын сайн туршлагаас хуваалцах юм.
Боловсролын магадлан итгэмжлэх үндэсний зөвлөлийн Удирдах зөвлөлийн хуралдаан 2019 оны дөрөвдүгээр саын 2-ны өдөр 100 хувийн ирцтэйгээр эхэлж, хуралдааныг Боловсрол, соёл, шинжлэх ухаан, спортын сайд Ё.Баатарбилэг удирдав. Боловсролын магадлан итгэмжлэх үндэсний зөвлөлийн ажлын албаны захирал Ж.Ариунболд 2018 онд хийж гүйцэтгэсэн тайлант ажлаа удирдах зөвлөлийн гишүүдэд танилцуулж, магадлан итгэмжлэлийн үйлчилгээний төлбөрийн хэмжээг шинэчлэн тогтоох санал хэлэлцүүлэн, ажлын албаны 2019 оны төсвийг батлуулав. Мөн Монгол Улсын боловсролын салбарт анх удаа докторын хөтөлбөрийн магадлан итгэмжлэлийн шалгуур шаардлага болон Эрүүл мэнд, нийгмийн хамгааллын мэргэжлийн зөвлөлийн бүрэлдэхүүнд өөрчлөлт оруулах талаар танилцуулга хийн санал солилцож, уг зөвлөлийг шинэчлэн баталлаа. Түүнчлэн эрх зүйн хөтөлбөрийн мэргэжлийн зөвлөлийг шинэчлэн байгуулах тухай хуульчдын холбоотой хамтран хийхээр санал нэгдсэн албан бичиг, холбогдох баримтад үндэслэн хэлэлцэж, гишүүдийн саналаар шинэчлэн баталсан юм. 
Замын хөдөлгөөнд оролцож буй жолооч нарын хувьд урсгал сөрөх, тэмдэг тэмдэглэгээ зөрчих, зогс шугам давж зогсох, уулзвар гарц хаах, уулзварт давхар эргэх, эгнээ хааж зогсох, эгнээ байр буруу эзлэх, гэрлэн дохио зөрчих гэх мэтээр замын хөдөлгөөний дүрмийг ихээр зөрчдөг. Үүний улмаас түгжрэл үүсч, хөдөлгөөний ачааллыг ихээр бий болгож байна. Тиймээс замын хөдөлгөөний соёлыг дээшлүүлэх, зөрчлийг бууруулах, иргэдийн оролцоо, хяналтыг нэмэгдүүлэх, болзошгүй аюулаас урьдчилан сэргийлэх зорилгоор Замын хөдөлгөөний удирдлагын төв, Тээврийн цагдаагийн албатай хамтран “E-Police аппликейшнийг гарган ажиллаж байгаа юм.
Жил бүрийн 4-р сарын 2-ныг дэлхий нийтээр Аутизмыг таниулах дэлхийн өдөр хэмээн зарлаж, энэ төрлийн эмгэгийг олон нийтэд таниулж, ялгаатай байдлыг ойлгуулахад чиглэсэн арга хэмжээ зохион байгуулдаг уламжлалтай. 21-р зуун гарсаар манай улсад ч мөн адил Аутизмын эмгэгтэй хүүхэд төрөх болж, улмаар дэлхий нийтийн энэ өдөрт нэгдсэн байдаг юм. Өнөөдөр 
Монгол Улсын Их Хурлын дарга Г.Занданшатар БНАСАУ-аас Монгол Улсад суугаа Онц бөгөөд Бүрэн эрхт Элчин сайд О Сын Хо-г хүлээн авч уулзлаа.
Нийслэлийн мэргэжлийн хяналтын газраас төлөвлөгөөт хяналт шалгалтын дагуу “Дулааны хоёрдугаар цахилгаан станц” ТӨХК-д хяналт шалгалт хийжээ. Шалгалтаар аюулгүйн үзлэг шалгалтын рентген төхөөрөмжийг тусгай зөвшөөрөлгүйгээр ашигласан, цацрагийн аюулгүй ажиллагаа хангагдаагүй зэрэг зөрчил илрүүлжээ. Тус зөрчлүүдэд зөрчлийн хэрэг нээн зөрчил шалган шийдвэрлэх ажиллагаа явуулж, прокурорын тогтоолоор тус компанийн рентген төхөөрөмжийн ашиглалтын үйл ажиллагааг түр зогсоож, Зөрчлийн тухай хуулийн дагуу торгох шийтгэл оногдуулсан байна.
