Month: April 2019

АНУ-ыг зорчиж байгаа иргэдийн дунд гадаад паспортын асуудлын улмаас хил дээр саатуулагдах явдал гарч байгаа аж. Тодруулбал, сунгалттай гадаад паспортоор АНУ-ыг зорьж буй иргэдийг хил дээр саатуулж эхэлжээ. Тиймээс иргэдийг шинэ гадаад паспорттой зорчихыг албаныхан олон нийтэд анхааруулж байна. АНУ-д зорчих гэж буй иргэн гадаад паспортын хүчинтэй хугацаагаа шалгах, мөн хоёр талын тийз бичүүлсэн байх, ЭСЯ-наас олгосон визний ангиллыг зөрчихгүй байх зэрэг анхааруулгыг сайтар мөрдөх юм. Мөн иргэд АНУ-ыг зорихын өмнө http://mongolianembassy.us сайтад анхааруулсан мэдээллийг нягтлан шалгаж байхыг хүсчээ. АНУ-д суугаа Элчин сайд Ё.Отгонбаатар “Иргэдийн анхааралд сунгалттай гадаад паспортоор АНУ-д зорчиж буй иргэдийг хил дээр саатуулж буй явдал гарч байгаа тул шинэ гадаад паспорттай зорчих нь зүйтэйг зөвлөж байна” гэжээ.

“Эрдэнэс-Тавантолгой ХК-иас “Эрхэс сувд” сургалтын төвтэй хамтран Өмнөговь аймгийн Цогтцэций сумын ажилгүй иргэд болон бичил бизнес эрхлэгчдэд дэмжлэг болгох мэргэшүүлэх сургалтыг хоёр ээлжээр өнгөрсөн гуравдугаар сарын 25-30-ны өдрүүдэд зохион байгууллаа.

Эхний ээлжийн сургалтаар “Архив, албан хэрэг хөтлөлт”, “Санхүү нягтлан бодох бүртгэл” гэсэн чиглэлээр тус бүр 22 цагийн хичээлийг судлуулсан бол хоёр дахь сургалтаар “Компьютерийн хэрэглээ, программ хангамж”, “Төсөл бичих арга зүй” гэсэн чиглэлээр мөн тус бүр 22 цагийн хичээл зааж, амжилттай төгсөгчдөд сертификат гардууллаа. Сургалтаар “Архив, албан хэрэг хөтлөлт”-ийн сургалтанд-37, “Санхүү нягтлан бодох бүртгэл”-ийн сургалтанд-42, “Компьютерийн хэрэглээ, программ хангамж”-ийн сургалтанд-44, “Төсөл бичих арга зүй”-н сургалтанд-21 суралцагч тус тус хамрагдсанаар нийт 144 суралцагч сертификатаа гардан авсан юм. “Суралцагчид мэргэжлийн диплом, сертификат байхгүйгээс ажилд ороход хүндрэлтэй байдгийн дээр стандартын дагуу бүрэн зөв хийж чаддаггүй зүйлүүд маш их байсан бол сургалтад хамрагдсанаар хүн бүр ажил, амьдрал дээрээ хэрэгжүүлж чадахуйц мэдлэг олж авсандаа баяртай байгаагаа илэрхийллээ. Тухайлбал, “Төсөл бичих арга зүй”-н сургалтын дүнд лекц, дадлага ажлын хичээлээр суралцагчид сүү цагаан идээ боловсруулах, оёдол, талх нарийн боов үйлдвэрлэх, хүүхэд зэрэг чиглэлээр шаардлага хангасан төсөлтэй болцгоосон юм.

Ерөнхийлөгч Улсын дээд шүүхийн Ерөнхий шүүгч Ц.Зоригийгийг өнгөрсөн долоо хоногт үүрэгт ажлаас нь чөлөөлсөн билээ. Тэгвэл Улсын дээд шүүхийн шүүгч нар өнөөдөр хуралдаж, Ерөнхий шүүгчид Д.Ганзоригийн нэрийг олонхын саналаар дэвшүүлсэн байна. Улмаар Д.Ганзоригийг нэрийг Монгол Улсын Ерөнхийлөгчид хүргүүлэх юм.

Монгол улсын хэмжээнд нийт 1277 удаа аюулт үзэгдэл, осол тохиолдож, үүний улмаас 29 хүн амь насаа алдаж, 6 хүн гэмтэж бэртэн 2360 толгой мал, амьтан хорогдож, 3.5 тэрбум төгрөгийн шууд хохирол учирсан.

Тохиолдсон аюулт үзэгдэл, ослын тоо, хохирлыг өнгөрсөн оны мөн үетэй харьцуулахад:

Өнгөрсөн онтой харьцуулахад улсын хэмжээнд аюулт үзэгдэл, осолд өртөж нас барсан хүний тоо 3-аар, гэмтэж бэртсэн хүний тоо 22-оор тус тус буурсан байна.

Өнгөрсөн оны мөн үетэй харьцуулахад аюулт үзэгдэл, ослоос аварсан хүний тоо 10-аар өссөн, аварсан эд хөрөнгө 0.3 тэрбум төгрөгөөр өссөн.

2019 онд эхний 3 сард тохиолдсон аюулт үзэгдэл, ослыг төрөл тус бүрээр өнгөрсөн оны мөн үетэй харьцуулвал:

МОНГОЛ УЛСАД 2019 ОНЫ ЭХНИЙ 3 САРД ТОХИОЛДСОН АЮУЛТ ҮЗЭГДЭЛ, ОСЛЫН НЭГДСЭН МЭДЭЭ

ОНЦГОЙ БАЙДЛЫН ЕРӨНХИЙ ГАЗАР

Шударга өрсөлдөөн, хэрэглэгчийн төлөө газрын үүсгэн байгуулагдсаны 15 жилийн хүрээнд Өрсөлдөөний тухайхууль тогтоомжийн талаарх ойлголтыг нэмэгдүүлэх, судалгаа шинжилгээний ажлыг эрчимжүүлэх, дэмжин урамшуулах, бүтээлч сэтгэлгээ, шинэлэг санаачилга, эрэлхийллийг нэмэгдүүлэх зорилгоор Монгол Улсын их cургууль, Отгонтэнгэр их cургууль, Шихихутаг их сургуулиудтай хамтран илтгэлийн уралдааныг зохион байгуулах гэж байна.

Тус уралдаанд дээрх сургуулиудын эрх зүй, эдийн засгийн чиглэлээр суралцаж буй оюутнууд хамрагдах юм.

Замын хөдөлгөөний удирдлагын төвөөс “E-POLICE” апп ашиглан иргэдийн ирүүлсэн мэдээллийг шалгаж 4970 зөрчилд хариуцлага тооцжээ. Замын хөдөлгөөнд оролцож буй жолооч нарын хувьд урсгал сөрөх, тэмдэг тэмдэглэгээ зөрчих, зогс шугам давж зогсох, уулзвар гарц хаах, уулзварт давхар эргэх, эгнээ хааж зогсох, эгнээ байр буруу эзлэх, гэрлэн дохио зөрчих гэх мэтээр замын хөдөлгөөний дүрмийг ихээр зөрчдөг. Эдгээр нь түгжрэл үүсгэж, замын ачааллыг ихээр бий болгож байгаа тул Замын хөдөлгөөний удирдлагын төв, Тээврийн цагдаагийн албатай хамтран “E-Police” аппликейшнийг гарган ажиллаж байгаа юм.

Оюунтнууд төрөөс олгодог 70200 төгрөг болон хөнгөлөлттэй зорчих Umoney картын зорчих хугацааг нэмэхийг шаардаж жагсаал хийхээ өнөөдөр мэдэгдлээ. Жагсаалаа 4 дүгээр сарын 5-нд хийх аж. Мөн энэ дөрөвдүгээр сарын 4-нөөс эхлэн оюутнуудаас дээрх асуудалтай холбоотойгоор санал асууж, гарын үсэг цуглуулах аяныг эхлүүлэх юм байна.

Он дамжин хэрэгжиж буй төсөл арга хэмжээний ажлын гүйцэтгэлийг сайжруулах талаар БСШУС-ын дэд сайд Г.Ганбаяр, Нийслэлийн засаг даргын орлогч Ш.Анхмаа болон холбогдох албаны хүмүүс өчигдөр уулзалт хийлээ.

Нийслэлийн боловсролын салбарын 2018 оны улсын төсвийн хөрөнгө оруулалтаар эхэлсэн ч он дамжин ажил нь удаашралтай байгаа барилга угсралтын ажил болон 2019 оны улсын төсөвт батлагдсан газрын асуудал шийдвэрлэхэд шаардлагатай төсөл арга хэмжээний асуудлаар санал талууд санал солилцож, холбогдох албаны хүмүүст үүрэг даалгавар өглөө.

Он дамжин хэрэгжиж буй барилга байгууламжийн ажлын гүйцэтгэл, явцад хяналт хийх, тулгарч буй асуудлыг газар дээр нь шийдвэрлэх ажлын хэсэг байгуулж ажиллахаар боллоо.