“Монголиан коппер корпорейшн” ХХК-ийн ТУЗ-ийн дарга М.Мөнхбаатар мэдээлэл хийлээ.
Тэрээр “Эрүүгийн цагдаагийн албанаас дуудсаны дагуу ирж байна. Өмнө нь Эрүүгийн цагдаагийн алба, Авлигатай тэмцэх газраас хэд хэдэн удаа дуудсан. Тэр бүрт нь ирж мэдээлэл өгсөн. Өнөөдрийн болж байгаа үйл явцаас харахад өнгөрсөн долоо хоног болон өчигдөр болсон үйл явдалтай холбоотой юм болов уу гэж бодож байна. Өнөөдөр өгч байгаа мэдээллийг манай компанийн эсрэг системтэйгээр өгч байна.
“Монголын зэс” компани төрөөс мөнгө авсан эсэхийг шалгаж байгаа. Энэ асуудал сүүлийн хоёр жилийн хугацаанд шалгагдаж байна. Би өмнө нь мэдүүлэг өгөхөөр 4-5 удаа ирсэн. Манай компанийн авсан зээлийн гэрээ мэдээллийн хэрэгслүүдээр гарсан. Б.Эрдэнэбилэг гэдэг хүн Худалдаа хөгжлийн банкны төлөөлөн удирдах зөвлөлийн дарга. Манай компани Худалдаа хөгжлийн банкнаас зээл авсан. Хэрвээ төрийн байгууллага шударгаар ажилладаг бол энэ асуудал 1-2 хоногийн дараа тодорхой болох байх. Энэ үйл явдал нь удахгүй болох Эрдэнэтийн 51 хувийн асуудалтай холбоотой шүүх хурлыг дарах гэсэн хардлага гэж бодож байна.
Бид энэ үйлдвэрийн 49 хувийг эзэмшдэг. Арбитрийн шүүхийн дагуу төлөх мөнгөний 49 хувь нь манай компаниас гарна. Гэтэл бид юу гэж зориуд ялагдахыг хүсэх юм бэ. Бид энэ онд ноогдол ашиг аваагүй. 2018 оны санхүүгийн жил дуусаагүй аудитлагдаагүй байгаа учраас ноогдол ашгаа аваагүй байна.
Хоёр жилийн өмнө хэвлэл мэдээллийн хэрэгслээр ил болсон зүйлийг нууцаас ил гаргасан гээд шуугиулаад байх юм. 51 хувьтай холбоотой буруутай этгээдүүдийн шүүх хурал болох гэж байгаа учраас эрх баригч нам анхаарал сарниулах үүднээс үүнийг хийж байгаа гэж хардаж байгаа.
Манай компанийн зүгээс Ерөнхийлөгч, Ерөнхий сайдтай уулзах хүсэлт тавьсан хариу өгөөгүй. 51 хувийн асуудалд санаа зовж ҮАБЗ-д хандсан боловч өнөөдрийг хүртэл хариу байхгүй байгаа.
“Эрдэнэт” үйлдвэрийн 49 хувийг худалдаж авсан гэрээ хэлэлцээр хүчин төгөлдөр бус болбол энэ хувь ОХУ-ын “Ростех” корпорацийн өмчлөлд шууд очно. Үүнийг УИХ-ын гишүүд мэдэхийн дээдээр мэдэж байгаа” гэлээ.
Төв аймгийн Борнуур сумын Өгөөмөр нэгдүгээр багийн нутаг “Нуурынзавсар” гэх газарт “2018 оны 05 дугаарсарын 30-наас 31-нд шилжих шөнө иргэн Н-ийг хөнөөн гэмт хэрэг гарсан. Уг гэмт хэргийг хохирогчийн хамтран амьдрагч Б нь үйлдсэн болох нь мөрдөн шалгах ажиллагааны явцад тогтоогдсон ба цогцсыг гэрийн хажууд байсан тэргэнд хийгээд ойролцоох жалганд оруулан шатаажээ.Хэргийг Төв Аймгийн прокурорын газраас Эрүүгийн хуулийн тусгай ангийн 10.1 дүгээр зүйлийн 2 дахьхэсгийн 2.8-д зааснаар яллах дүгнэлт үйлдэж, шүүхэд шилжүүлсэн байна. Төв аймаг дахь Сум дундын Эрүүгийн хэргийн анхан шатны шүүхийн хуралдаанаар шүүгдэгч Ц.Н-д холбогдох эрүүгийн хэргийг хянан хэлэлцэж, шүүгдэгч С.Б-г гэр бүлийн хүчирхийлэл үйлдэж, хамтран амьдрагч Ц.Н-ийн толгой, цээжин тус газарт нь цохинхөнөөсөн” гэмт хэргийг үйлдсэн гэм буруутайд тооцож бүх насаар нь хорих ялоноосон байна.
“Орон нутагт гэмтэл согогийн тусламж үйлчилгээний чанар, хүртээмжийг сайжруулах” төсөл Өвөрхангай аймагт хэрэгжиж эхэллээ. Тус төслийг Гэмтэл согог судлалын үндэсний төв санаачлан Эрүүл мэндийн яам, Өвөрхангай аймгийн Эрүүл мэндийн газар, тус аймгийн Бүсийн оношилгоо эмчилгээний төвтэй хамтран хэрэгжүүлж байгаа ажээ. Төслийн нээлтийн үйл ажиллагаа өнөөдөр Өвөрхангай аймгийн төв Арвайхээрт болж, Эрүүл мэндийн сайд Д.Сарангэрэл тэргүүтэй албаны хүмүүс оролцжээ. Орон нутгийн эмчилгээ үйлчилгээний чанар хүртээмжийг нэмэгдүүлэх зорилготой уг төслийн хүрээнд Гэмтэл согог судлалын үндэсний төвийн гэмтлийн нарийн мэргэжлийн эмч нар Өвөрхангай аймагт он гарснаас хойш хоёр удаа очиж ажиллажээ. Ингэхдээ 600 гаруй өвчтөнд үзлэг, оношилгоо хийж, гэмтлийн төлөвлөгөөт хагалгааг 42, яаралтай хагалгааг есөн хүнд хийсэн байна. Цаашид осол, гэмтэл өндөр гардаг Арвайхээр, Нарийнтээл, Хужирт, Хархорин, Уянга сумдад цогц арга хэмжээ авах, сумын Эрүүл мэндийн төвийн яаралтай тусламж үзүүлэх чадавхийг сайжруулах зэргээр төлөвлөгөө гарган ажиллах юм байна. 
УИХ-ын гишүүн О.Баасанхүү сэтгүүлчдэд мэдээлэл хийлээ. 
Монгол Улсын Ерөнхий сайд У.Хүрэлсүх АНУ-аас Монгол Улсад суух Онц бөгөөд Бүрэн Эрхт Элчин сайд Майкл С.Клеческийг хүлээн авч уулзав.
Монгол Улсын Ерөнхий сайд У.Хүрэлсүх Их Британи, Умард Ирландын Нэгдсэн Вант Улсын Элчин сайд Филип Мэлоүнийг өнөөдөр хүлээн авч уулзлаа. Тэрбээр манай улсад Элчин сайдаар томилогдож, үүрэгт ажлаа хүлээж аваад байгаа юм.
Эрдэнэтийн 49 хувьтай холбоотой хэрэг дээр цагдаагийн ерөнхий газар, авилгалтай тэмцэх газраас хамтарсан ажлын хэсэг шалгаж байгаа. Уг хэрэгтэй холбогдуулан хэрэг бүртгэлийн хэрэгт Худалдаа хөгжлийн банкны төлөөлөн удирдах зөвлөлийн дарга Д.Эрдэнэбилэг, тус банкны гүйцэтгэх захирал О.Орхон, “Монголиан коппер корпорейшн” ХХК-ны гүйцэтгэх захирал Ц.Пүрэвтүвшин нарыг авчираад мөрдөн шалгах ажиллагаа явагдаж байгаа. Үүнээс өөр мэдээлэл өгөх боломжгүй. 
Хонконгийн их сургуулиас Монголын их, дээд сургуулийн багш нарт сургалт Хонконгийн их сургуулийн Боловсролын факультетын багш нар БСШУСЯ-ны захиалгаар “Заахуй, суралцахуй болон үнэлгээ” сэдэвт сургалтыг 3 дугаар сарын 2-7-нд хот, хөдөө орон нутгийн их, дээд сургуулийн 58 багшид явуулж байна. Энэ сургалт нь 1. Сургалтын хөтөлбөр, заах арга зүй, 2. Багшлахуй/заахуй ба суралцахуй, 3. Боловсрол дахв технологи, 4. Дүгнэлт, үнэлгээ, чанар гэсэн дөрвөн чиглэлээр Улаанбаатар хотод явагдаж байгаа юм. Сургалт явуулж байгаа Хонконгийн их сургууль нь Азид 2-т, дэлхийд 25-д ордог. 
