“Монголын хөрөнгийн бирж” ТӨХК нь үнэт цаасны бүртгэлийн шалгуур, шаардлага хангахгүй байгаа хувьцаат компаниудад хууль тогтоомжоор хүлээсэн үүргээ биелүүлэх хугацаатай үүрэг даалгавар өгч, заасан хугацаанд холбогдох зөрчлийг арилгаагүй компаниудыг бүртгэлээс хасах хүртэл арга хэмжээг авч байгаа юм.
Энэ дагуу, үнэт цаасны арилжааг зогсоосноос хойш 1 жилээс дээш хугацаанд арилжаа сэргээгүй буюу арилжааг зогсоох нөхцөл шалтгаан нь арилаагүй дараах нэр бүхий 21 компанийг Компанийн тухай хуулийн 83 дугаар зүйлийн 83.1, Санхүүгийн зохицуулах хорооны “Үнэт цаасны бүртгэлийн журам”-ын 3 дугаар зүйлийн 3.2.1, 3.2.10 дахь заалтууд, “Монголын хөрөнгийн бирж” ТӨХК-ийн Дүрмийн 8 дугаар зүйлийн 8.10.11, “Үнэт цаасны бүртгэлийн журам”-ын 23 дугаар зүйлийн 23.11.4 дэх заалтыг тус тус үндэслэн “Монголын хөрөнгийн бирж” ТӨХК-ийн Гүйцэтгэх захирлын 2019 оны 3 дугаар сарын 04-ний өдрийн А/20 тоот тушаалаар Монголын хөрөнгийн биржийн үнэт цаасны бүртгэлээс хасжээ. Үүнд:
Монгол Улсын Ерөнхий сайд У.Хүрэлсүх Бүгд Найрамдах Франц Улсаас Монгол Улсад суугаа Элчин сайд Филипп Мэрлинийг хүлээн авч уулзлаа.
Өнөөдөр Эрүүгийн цагдаагийн албанд байцаалт өгсөн Д.Эрдэнэбилэг, О.Орхон, Ц.Пүрэвтүвшин нарын гэр болон ажлын байранд яг одоо шалгалт хийж байгаа аж. Харин үүний дараа тэднийг саатуулах шаардлагатай бол Цагдаагийн байгууллага Прокурорт хүсэлт гаргах учиртай юм.
“Эрдэнэт” үйлдвэрийн 49 хувийн асуудлаар Ц.Пүрэвтүвшинг хоёр цаг байцаасны эцэст АТГ руу авч явлаа. Харин Худалдаа Хөгжлийн Банкны Д.Эрдэнэбилэгийг цагдан хорьж ШШГЕГ-ын харъяа цагдан хорих 461-р ангид хүргэсэн байна.
Монгол HD телевизийн бүтээл “The Voice of Mongolia”-2018 тэмцээнд оролцож олны танил болоод буй Ж.Ариунжаргал ОХУ-ын Улаан-Үд хотноо болсон тэмцээнд оролцож гуравдугаар байрт шалгарсан мэдээ байна. Тодруулбал, тэрээр олон улсын эстрадын дуучдын “Белый месяц” уралдаанд оролцсон бөгөөд тус тэмцээний шүүгчээр Монголоос УГЗ Б.Долгион, Улсын филармонийн гоцлол дуучин Н.Наранбаатар нар ажилласан аж. Мөн Ж.Ариунжаргалыг бид Монгол улсын Ардын жүжигчин, Төрийн хошой шагналт, хөгжмийн зохиолч Н.Жанцанноровын охин гэдгээр нь мэдэх билээ.
Анагаах ухаанд бүртгэгдснээсээ хойш өнөөг хэр нь эмчлэгддэггүй, өөрөөр хэлвэл бүрэн төгс эмчилгээ байхгүйд тооцогддог байсан ХДХВ-ыг бүрэн эмчилсэн хоёр дахь тохиолдол бүртгэгджээ. Өвчтнийг вируст төрөлхийн тэсвэртэй хүний үүдэл эсийг шилжүүлэн суулгаснаар бүрэн эмчилж чадсан байна.
Худалдаа хөгжлийн банкны гүйцэтгэх захирал О.Орхоныг Эрүүгийн цагдаагийн газраас авч явлаа. Үүнээс өмнөхөн Худалдаа хөгжлийн банкны ТУЗ-ийн дарга Д.Эрдэнэбилэг болон “Монголиан коппер корпорэйшн” компанийн гүйцэтгэх захирал Ц.Пүрэвтүвшин нарыг цагдаагийн байгууллагаас авч явсан юм. Тэдний байцаалт дууссан бололтой. Гэхдээ хаашаа явж буй талаар мэдээлэлгүй байна.
Дөнгөж сая Эрүүгийн Цагдаагийн албанд байцаагдаж байсан ХХБ -ны ТУЗ-ийн дарга Д.Эрдэнэбилэгийг авч гарлаа. Түрүүнд нь Ц.Пүрэвтүвшинг мөн ЭЦА-наас авч яваад байсан юм. Чухам хаашаа авч байгаа талаар одоогоор тодорхой мэдээлэл байхгүй байна. 
НҮБ-ын Гамшгийн эрсдэлийг бууруулах газраас зохион байгуулж байгаа “Тогтвортой ба тэсвэртэй хотууд” сэдэвт туршлага солилцох сургалт, семинарт НОБГ-ын тэргүүн дэд дарга, дэд хурандаа Н.Нямхорлоо, НЗДТГ-ын Гамшгаас хамгаалах, урьдчилан сэргийлэх асуудал хариуцсан мэргэжилтэн Э.Оргилцогцлох нар оролцож байна. БНСУ-ын Инчеон хотноо болж буй тус сургалт, семинарт 20 орны 70 орчим төлөөлөгч оролцож байгаа юм. Гамшгийн эрсдэлийг бууруулах болон тогтвортой хөгжлийн суурь мэдлэгийг бий болгох, гамшгийн эрсдэлийг даван туулах чадварыг дээшлүүлэх, уян хатан байдлыг хангах үйл ажиллагааны төлөвлөгөөг боловсруулах зорилготой тус сургалт энэ сарын 09-нийг хүртэл үргэлжилнэ гэж нийслэлийн Онцгой байдлын газраас мэдээллээ.