Month: January 2019

Цус сэлбэлт судлалын үндэсний төв (ЦССҮТ) нь ISO 9001:2015 -ЧАНАРЫН МЕНЕЖМЕНТИЙН ТОГТОЛЦОО, ISO 15189:2012 -ЭРҮҮЛ МЭНДИЙН ЛАБОРАТОРИ ЧАНАР БА ЧАДАВХИД ТАВИГДАХ ШААРДЛАГА, OHSAS 18001:2007-ХӨДӨЛМӨРИЙН ЭРҮҮЛ МЭНД, АЮУЛГҮЙ БАЙДЛЫН УДИРДЛАГЫН ТОГТОЛЦОО гэсэн Олон улсын 3 стандартыг хэрэгжүүлсэн анхны эрүүл мэндийн байгууллага болсон билээ.

2019 онд Олон улсын байгууллагаар баталгаажуулалт хийлгэх зорилго тавьсан юм. Энэ хүрээнд Английн “L loyd Register” олон улсын баталгаажуулалтын компанид хүсэлт тавьсан бөгөөд тус компанийн БНХАУ-ын Шанхай хот дахь төлөөлөгчийн газрын ахлах аудитор Энди Фанг ЦССҮТ-д хоёр өдөр ажиллаж эхний шатны буюу төлөв байдлын үнэлгээ хийлээ.

Ноён Энди Фанг үнэлгээнийхээ ажлыг дүгнэж хэлэхдээ “ЦССҮТ-д Чанарын менежментийн тогтолцоо тогтолцоо бүрэлдсэн байна. Дараагийн үнэлгээг хийлгэх шаардлага хангажээ” хэмээн үнэллээ. Олон улсын байгууллагын баталгаажуулалт хийх үйл ажиллагаа 3 үе шаттай бөгөөд эхний шаардлагыг хангасан нөхцөлд дараагийн шатны үнэлгээндээ ордог

Эрүүл мэндийн яамны Эмнэлгийн тусламжийн газар, Булган аймгийн Эрүүл мэндийн газартай хамтран энэ сарын 28-ны өдөр аймгийн хэмжээнд үйл ажиллагаа явуулж буй 19 эрүүл мэндийн байгууллагуудын 75 байгууллагын эмч, эмнэлгийн мэргэжилтэн, ёс зүйн салбар хороо, хэсгийн хороо, багийн гишүүдэд сургалтыг амжилттай зохион байгууллаа.

Тус сургалтаар эрүүл мэндийн тусламж үйлчилгээний чанар, аюулгүй байдлыг сайжруулах үйл ажиллагаа, үйлчлүүлэгчийн аюулгүй байдлыг хангах олон улсын зорилт, эмч эмнэлгийн мэргэжлтний ёс зүйн талаар сургалт хийж, аймаг, сум өрхийн эрүүл мэндийн төвийн чанарын сайн туршлагаас харилцан мэдээлэл солилцлоо.

Аймгийн эрүүл мэндийн газрын чанар тусламж үйлчилгээний өнөөгийн байдал, Аймгийн нэгдсэн эмнэлгийн чанарын албаны үйл ажиллагаа, ЭМГ-ын ёс зүйн салбар хорооны үйл ажиллагаа, болон хувийн хэвшлүүдийн үйл ажиллагаатай танилцан мэргэжил арга зүйгээр ханган ажиллаа.

Монгол Улсын хаан VIII Богд Жавзандамба хутагтын мэндэлсний 150 жилийн ой энэ онд тохиож байна. Богд хааны алдар гавьяаг мөнхжүүлж, түүний мэндэлсний 150 жилийн ойг тэмдэглэх тухай Монгол Улсын Ерөнхийлөгч Халтмаагийн Баттулга зарлиг буулгасныг холбогдох байгууллагуудад гардуулах ёслолын ажиллагаа Богд хааны ордон музейд өнөөдөр 11:40 минутанд болох юм. Уг үйл ажиллагааны нээлтэд ойг тэмдэглэх тухай Монгол Улсын Ерөнхийлөгчийн зарлигийг уншиж сонордуулах бөгөөд Монгол Улсын Ерөнхийлөгчийн тамгын газрын дарга З.Энхболд зарлигийг холбогдох байгууллагуудын төлөөлөлд гардуулна. Зарлигийг Монгол улсын сайд, Засгийн газрын хэрэг эрхлэх газрын дарга Г.Занданшатар, Боловсрол, соёл, шинжлэх ухаан, спортын сайд Ц.Цогзолмаа, Нийслэлийн засаг дарга бөгөөд Улаанбаатар хотын захирагч, Шинжлэх ухааны академийн ерөнхийлөгч, академич Д.Рэгдэл, Архивын ерөнхий газрын дарга С.Энхбаатар, Монголын бурхан шашинтны төв, Гандантэгчэнлин хийдийн тэргүүн хамба Д.Чойжамц, Монголын үндэсний номын сангийн захирал Б.Ичинхорлоо, Богд хааны ордон музейн захирал Ц.Эрдэнэбаатар нарт гардуулах юм.

Мөн энэ үеэр Богд хааны ордон музейд “Богд хаан-шүтээн” сэдэвчилсэн үзэсгэлэнг нээж олны хүртээлд толилуулах юм байна.

Богд хааны мэндэлсний 150 жилийн ой тохиож буйтай холбогдуулан Богд хааны ордон музейн зүгээс 2019 онд олон шинэлэг үйл ажиллагаа зохион байгуулахаар төлөвлөжээ.Монгол Улсын хаан VIII Богд Жавзандамба хутагтын мэндэлсний 150 жилийн ой энэ онд тохиож байна. Богд хааны алдар гавьяаг мөнхжүүлж, түүний мэндэлсний 150 жилийн ойг тэмдэглэх тухай Монгол Улсын Ерөнхийлөгч Халтмаагийн Баттулга зарлиг буулгасныг холбогдох байгууллагуудад гардуулах ёслолын ажиллагаа Богд хааны ордон музейд өнөөдөр 11:40 минутанд болох юм. Уг үйл ажиллагааны нээлтэд ойг тэмдэглэх тухай Монгол Улсын Ерөнхийлөгчийн зарлигийг уншиж сонордуулах бөгөөд Монгол Улсын Ерөнхийлөгчийн тамгын газрын дарга З.Энхболд зарлигийг холбогдох байгууллагуудын төлөөлөлд гардуулна. Зарлигийг Монгол улсын сайд, Засгийн газрын хэрэг эрхлэх газрын дарга Г.Занданшатар, Боловсрол, соёл, шинжлэх ухаан, спортын сайд Ц.Цогзолмаа, Нийслэлийн засаг дарга бөгөөд Улаанбаатар хотын захирагч, Шинжлэх ухааны академийн ерөнхийлөгч, академич Д.Рэгдэл, Архивын ерөнхий газрын дарга С.Энхбаатар, Монголын бурхан шашинтны төв, Гандантэгчэнлин хийдийн тэргүүн хамба Д.Чойжамц, Монголын үндэсний номын сангийн захирал Б.Ичинхорлоо, Богд хааны ордон музейн захирал Ц.Эрдэнэбаатар нарт гардуулах юм.

Мөн энэ үеэр Богд хааны ордон музейд “Богд хаан-шүтээн” сэдэвчилсэн үзэсгэлэнг нээж олны хүртээлд толилуулах юм байна.

Богд хааны мэндэлсний 150 жилийн ой тохиож буйтай холбогдуулан Богд хааны ордон музейн зүгээс 2019 онд олон шинэлэг үйл ажиллагаа зохион байгуулахаар төлөвлөжээ.

БСШУС-ын сайдын тушаалаар энэ жилээс эхлэн их, дээд сургуульд элсэгчдээс заавал авах Монгол хэлбичгийн шалгалтын босго оноог 400 байхаар тогтоолоо. Өмнө нь энэхүү шалгалтыг ЭЕШ-ын өмнөх өдөр, босго оноогүй зохион байгуулдаг байсан.

Монгол хэлбичгийн шалгалтыг 2019 оны гуравдугаар сарын 23-ны өдөр зохион байгуулна.

МИАТ компани агаарын хөлгийн парк шинэчлэлтээ үе шаттай нэмэгдүүлэх төлөвлөгөөнийхөө дагуу “Боинг” болон “Аволон” компанитай гурван талт хэлцэл хийгээд байсан. Үүний үр дүнд дөрвөн ширхэг “В737-8МАХ” агаарын хөлөг хүлээн авахаас эхний агаарын хөлгөө 2019 оны хоёрдугаар сарын 1-ний өдөр хүлээж авах төлөвтэй байна.

Ингэснээр тус компани Монголдоо хамгийн залуу насжилттай агаарын хөлөг бүхий авиакомпанийн нэг болох юм.

Хамгийн сүүлийн үеийн технологиор тоноглогдсон “В737-8МАХ” агаарын хөлөг нь ижил төрлийн агаарын хөлгөөс түлшний зарцуулалт бага, найдвартай байдал, зорчигчдод илүү тав тухтай, байгаль орчинд ээлтэй байдлаараа давуу талтай. Мөн зорчигч өөрийн гар утас, таблетээрээ Wifi сүлжээ ашиглан агаарын хөлгийн үзвэрийн системтэй холбогдож Hollywood-ийн кино, үзвэрээс сонгон үзэх боломжтой. МИАТ компани цаашид үйл ажиллагаагаа өргөжүүлж, нислэгийн шинэ чиглэл нээхэд агаарын хөлгийн паркийн хувьд ийнхүү илүү хангалттай болж байна.

XVII жарны ‘’Урвуулагч’’ хэмээх ‘’Шороон гахай’’ жилийн сар шинийн баярын босгон дээр Баянзүрх дүүргийн Иргэдийн төлөөлөгчдийн хурал, Засаг даргын Тамгын газраасдүүрэгт ажиллаж, амьдарч буй ахмадуудаа хүлээн авч, хүндэтгэл үзүүллээ.

Хүндэтгэлийн арга хэмжээнд Баянзүрх дүүргийн Иргэдийн төлөөлөгчдийн хурлын дарга Ш.Ганчимэг, Засаг дарга Т.Баясах, Засаг даргын орлогч Б.Наранчулуун, Эдийн засгийн хөгжлийн асуудал хариуцсан-Засаг даргын орлогч Д.Уламбаяр, Ахмадын хорооны дарга Ж.Гажсүрэн болон дүүргийн бусад удирдлагууд, төлөөлөгчид оролцсон юм.

Уг арга хэмжээнд дүүргийн 28 хорооны төлөөлөл болох 3000ахмад настан оролцсон бөгөөд ахмадууддаа зориулжМУСТА Ч.Алтантүлхүүр, Э.Чинбаяр залуу дуучин Н.Ундрал зэрэг уран бүтээлчид ая дууны мэндчилгээ дэвшүүллээ. Түүнчлэн уг хүндэтгэлийн арга хэмжээний үеэр төрд олон жил үр бүтээлтэй ажиллаж ард түмэн, үр хүүхдэдээ ажил үйлсээрээ үлгэр дууриалал үзүүлж буй нэр бүхий ахмадуудыг Ахмадын холбооны ‘’Хүндэт тэмдэг’’-ээр шагнаж урамшууллаа. Мөн урилгаар хүрэлцэн ирсэн нийт ахмадууддаа ‘’Цагаан сар’’-ын идээний дээж, гарын бэлэг гардууллаа

Үндэсний их баяр наадмыг зохион байгуулах хороо хуралдан Улсын баяр наадам болон Засгийн газрын шийдвэрээр зохион байгуулдаг шигшмэл, бүсийн уралдаанд амжилттай оролцсон нэр бүхий уяачдад улсын цол олгуулах талаар хэлэлцэв.

Нэр бүхий зургаан хүн “Тод манлай уяач”, долоон хүн “Манлай уяач”, долоон хүн “Алдарт уяач” цолны болзол хангасан хэмээн үзэж Монгол Улсын Ерөнхийлөгчид өргөн мэдүүлэхээр болов.