Монгол Улсын Төрийн шагналт, Ардын жүжигчин, зууны манлай бүжиг дэглээч, Цэрэндуламын Сэвжид агсны нэрэмжит ирээдүйн шилдэг бүжигчдийг тодруулах, хүүхэд багачуудыг бүжгэнд дуртай болгох, дэлхийд танигдсан мэргэжлийн бүжгийн чуулга хамтлагийг бий болгох, ардын бүжгийг хойч үедээ өвлүүлэх зорилготой өсвөрийн бүжигчдийн улсын XIV уралдаан 11 дүгээр сарын 02-нд Сайншанд хотноо эхэллээ. Уралдаанд Архангай, Өвөрхангай, Сэлэнгэ, Хэнтий, Говьсүмбэр зэрэг 10 аймаг, зургаан дүүргийн 200 гаруй өсвөрийн шилдэг бүжигчид авьяас чадвараа сорин өрсөлдөж байна. Нэгдүгээр шатны шалгаруулалт бага, дунд насны гоцлол бүжиг, бага, дунд, ахлах насны хамтлаг бүжиг, хоёрдугаар шатны шалгаруулалт бага, дунд насны гоцлол бүжиг, бага, дунд, ахлах насны хамтлаг бүжиг, гуравдугаар шатны шалгаруулалт бага, дунд насны гоцлол бүжиг, бага, дунд, ахлах насны хамтлаг бүжиг гэсэн дарааллаар явагдаж шилдгүүдээ тодруулна. Төгсгөлд нь шилдэг бүжигчдийн хүндэтгэлийн тоглолтоор10 дугаар сарын 03-нд наадам өндөрлөх юм.
МУИС-ийн Эрдмийн зөвлөлийн хурлаар академич С.Нарангэрэлд “МУИС-ийн эмерит профессор” цол хүртээв. Энэ цолыг 2015 онд бий болгосон байна. МУИС-ийн хүндэт цол олгох журамд заасны дагуу МУИС-ийн профессор, дэд профессор цолтой, тус сургуульд 20-иос доошгүй жил профессорын албан тушаалд ажилласан, шинжлэх ухаан, боловсролыг хөгжүүлэх үйлст дорвитой хувь нэмэр оруулсан эрдэмтэд олгодог цол аж.
Хүний биед гэмтэл учруулсан хэргээр дуучин Б.Амархүү нарт холбогдох хэргийн урьдчилан хэлэлцүүлгийн шүүх хурал өчигдөр болж эл хэргийг анхан шатны шүүхэд шилжүүлэхээр шийдвэрлэв. 
БНХАУ-ын Ухань хотноо жил бүр зохион байгуулдаг Олон улсын циркчдийн 13 дахь удаагийн тэмцээнээс Б.Золбаяр ахлагчтай “Есөн өрлөг” хамтлаг алтан цом, У.Сэлэнгэ багштай уран нугаралтын жүжигчид мөнгөн цом хүртжээ. Уралдаанд 40 гаруй орны циркийн урлагийн шилдгүүд оролцдог тул дэлхийн хэмжээний “А” зэрэглэлийн уралдааны нэгд зүй ёсоор тооцогддог байна. “Есөн өрлөг” хамтлагийн уран бүтээлчид 2010 онд анх удаа тус уралдаанаас эх орондоо анхны алтан цомыг авчирчбайсан юм.
Монгол Улсын ШУА-ийн эрдэмтдийн боловсруулсан төсөлд Олон улсын хөрөнгө оруулалтын банк 100 сая төгрөгийн санхүүжилт олгохоор болжээ. Энэхүү гэрээнд ШУА-ийн ерөнхийлөгч Д.Рэгдэл, Олон улсын хөрөнгө оруулалтын банкны ерөнхий захирал Н.Н.Косов нар гарын үсэг зурсан байна. Олон улсын хөрөнгө оруулалтын банк нь Монгол улсад хөрөнгө оруулалт хийдэг гадны том банкуудын нэг бөгөөд сүүлийн жилүүдэд ногоон хөгжлийн бодлогыг дэмжиж энэ чиглэлийн судалгаанд түлхүү санхүүжилт олгодог болсон. Тус банк нь жилд дунджаар жилд 170 сая орчим ам.долларын хөрөнгө оруулалт хийдэг аж. Энэ удаа ШУА-ийн эрдэмтдийн боловсруулсан Хүлэрт намгийн төлөв байдлыг судлах, нөхөн сэргээх төслийг тус банкны удирдлагын зөвлөл сайшааж эхний удаад 100 сая төгрөгийн санхүүжилт олгохоор болоод байна. Энэхүү төслийн удирдагчаар академич Ч.Дугаржав ажиллаж байгаа аж.
УИХ-ын чуулганы өнөөдрийн нэгдсэн хуралдаанаар Монгол Улсын 2019 оны төсвийн тухай хуулийн гурав, дөрөв дэх хэлэлцүүлгийг хийж батлав. Засгийн газраас 2019 оны төсвийн төсөлд нэгдсэн төсвийн тэнцвэржүүлсэн орлогыг 9 их наяд 676.5 тэрбум төгрөг буюу ДНБ-ий 27.4 хувь, нийт зарлагыг 11 их наяд 589.8 тэрбум төгрөг буюу ДНБ-ий 32.8 хувь байхаар тооцсон. Өөрөөр хэлбэл, төсвийн алдагдал 1 их наяд 913.3 тэрбум төгрөг буюу ДНБ-ий 5.4 хувь байхаар тооцжээ. Ирэх оны төсөвт цалин, хөлс нэмэхэд 720 тэрбум төгрөг, МСҮТ-ийн суралцагчдад сар бүр 100 мянган төгрөгийн тэтгэмж олгоход 41 тэрбум төгрөг тусгасан. Мөн ирэх онд 117 сургууль, 144 цэцэрлэг, 34 дотуур байр, 61 эмнэлэг, 50 улсын болон орон нутгийн замын ажлыг эхлүүлэх, орон нутгийн хөрөнгө оруулалтыг нэмэгдүүлж, 189 тэрбум төгрөгийг 21 аймагт хуваан олгохоор тусгажээ. Харин төсвийн алдагдлын 1.9 их наяд төгрөгийн дийлэнхийг гадны зээл тусламжаар хэрэгжүүлэх нийслэлийн шинэ цэвэрлэх байгууламж, Улаанбаатар-Дархан чиглэлийн автозамын төсөл зэрэг эзэлж байгаа юм.
ЖДҮХСангаас сайд, гишүүдийн хамаарал бүхий компаниуд их хэмжээний зээл авсан асуудал нийтэд ил болж, томоохон асуудал үүсгээд байгаа. Уг асуудалтай холбогдуулан ХХААХҮ-ийн сайд Б.Батзориг албан тушаалаасаа огцрох өргөдлөө өгсөн. Хэрэг явдалтай холбогдуулан уг асуудлыг Нийслэлийн прокурор, АТГ-ынхан шалгаж эхэлсэн юм.
Зуун буудалт даамын Өсвөр, залуучуудын ДАШТ Беларусь улсын Гомель хотноо зохиогдож байна. Тус тэмцээнд манай улсаас 24 тамирчин дөрвөн насны ангилалд өрсөлдөж байгаа юм. Өчигдөр/11.01/ тэмцээний блиц (түргэвчилсэн) тоглолт болсон бөгөөд охидын 8-10 насны ангилалд Батдаваагийн Есүй аваргалжээ. Тэрбээр 9 өрөг тоглохдоо 7 хожиж, 1 тэнцэн, 1 хожигдон, 15 оноо авсан байна.
Улсын Их Хурлын гишүүн, Улсын Их Хурал дахь Монгол-Британийн парламентын бүлгийн дарга С.Батболд тэргүүтэй төлөөлөгчид Британийн парламент дахь Британи-Монголын парламентын бүлгийн урилгаар Лондон хотноо 2018 оны аравдугаар сарын 27-ноос арваннэгдүгээр сарын 02-ны өдрүүдэд ажлын айлчлал хийлээ.