Үндэсний бөхийн сүүлийн найман барилдааны үзүүлэлтээр гаргасан шинэчилсэн чансааг Монгол Улсын аварга Ч.Санжаадамба 11025 оноотойгоор тэргүүлж, улсын харцага Б.Бат-Өлзий 10924 оноотой удаалжээ.
Монголын үндэсний бөхийн холбооноос хүчит бөхчүүдийн уг чансааг энэ жилийн Цагаан сарын баярт зориулсан барилдаанаас эхлэн өнгөрсөн 10 дугаар сард болсон “Бөх билэгт” дэвжээний нэрэмжит барилдаан хүртэлх нийт найман барилдааны дүнг хамруулсан бөгөөд чансааны эхний 20 бөхийг танилцуулж байна.
1. Чимэдрэгзэн Санжаадамба у.ав 11025
2. Баярхүү Бат-Өлзий у.х 10924
3. Пүрэв Бүрэнтөгс у.а 9350
4. Намсрайжав Батсуурь у.ав 8970
5. Баатар Амарзаяа у.н 7780
6. Нэгдэл Жаргалбаяр у.з 7685
7. Цэдэв Содномдорж у.а 7250
8. Оргих Хангай у.х 7215
9. Батбаяр Даваа-Очир у.н 6620
10. Энхтөгс Оюунболд у.а 6497
11. Рэнцэнбямба Пүрэвдагва у.а 6259
12. Төрмөнх Бэгзсүрэн у.х 4805
13. Мягмар Бадарч у.х 4457
14. Батнасан Гончигдамба у.г 4380
15. Нацагсүрэн Золбоо у.х 4115
16. Сүхбаатар Мөнхбат у.ав 3830
17. Шар Мөнгөнбаатар у.х 3805
18. Дашзэвэг Амаржаргал у.н 3770
19. Дорж Анар у.н 3725
20. Дашдорж Цэрэнтогтох у.н 3717
Үндэсний аюулгүй байдлын зөвлөлийн ажлын албанаас хүүхэд, залуучуудыг цахим орчинд үйлдэгдэж буй гэмт хэрэг, зөрчлөөс урьдчилан сэргийлэх, хамгаалах, цахим орчинд үйлдэгдэж буй гэмт хэргийн шалтгаан нөхцөлийг арилгах, бууруулах зорилгоор “Unfriend” хөдөлгөөнийг санаачлан зохион байгуулсан Цагдаагийн ерөнхий газарт талархал илрүүлжээ.
УИХ-ын гишүүн О.Баасанхүү Захиргааны ерөнхий хуульд өөрчлөлт оруулах тухай хуулийн төслийг батлахыг эсэргүүцэж буйгаа мэдэгдлээ. Тэрбээр, “Захиргааны ерөнхий хуулийн төсөлд Засгийн газар, аймаг, нийслэлийн Засаг дарга нарын шийдвэрийг Захиргааныхэргийн шүүхээр авч хэлэлцэхгүй гэсэн заалт оруулсан. Энэ нь иргэдийн төрд тавих хяналтыг сулруулах, төрийн буруу шийдвэрийг эцэргүүцэх, залруулах боломжгүй болно гэсэн үг. Тиймээс энэ хуулийг батлах нь буруу. Түүнчлэн “Засгийн бүрэн эрх ард түмний гарт байна” гэсэн Үндсэн хуулийн заалтыг зөрчиж байгаа юм” хэмээв. Түүнчлэн Жижиг, дунд үйлдвэрлэлийг хөгжүүлэх сангаас зээл авсан төрийн өндөр албан тушаалтнуудад хариуцлага тооцох, шатахууны үнийн өсөлттэй холбогдуулан УУХҮ-ийн сайдыг огцруулах хэрэгтэй хэмээсэн юм.
Монгол Улсын Ерөнхийлөгчийн санаачилгаар Их эзэн Чингис хааны мэндэлсэн Монгол бахархлын өдөрт зориулан уламжлал болгон зохиож буй “Мөнх тэнгэрийн бичиг-2018” монгол уран бичлэгийн олон улсын үзэсгэлэн, сурагчдын бүтээлийн үзэсгэлэнгийн нээлт энэ сарын 05-нд болно. 2011 оноос уламжлал болгон зохиож буй тус монгол уран бичлэгийн үзэсгэлэнг энэ жил олон улсын уран бүтээлчдийн бүтээлээр Монголын Уран зургийн галерейд, сурагч багачуудын бүтээлээр Монголын Хүүхдийн урлан бүтээх төвийн “Орд” үзэсгэлэнгийн танхимд гаргах юм. Үзэсгэлэн энэ сарын 05-09-ний өдрүүдэд үнэ төлбөргүй олны хүртээл болно. Мөн Монгол Улсын Ерөнхийлөгчийн Тамгын газраас Их эзэн Чингис хааны мэндэлсэн Монгол бахархлын өдрийн хүрээнд Монгол Улсын Ерөнхийлөгчийн 2018 оны тавдугаар сарын 3-ны өдрийн “Монгол бичгийн хэрэглээг нэмэгдүүлэх ажлыг эрчимжүүлэх тухай” 46 дугаар зарлигийн хэрэгжилтийн талаар хэлэлцүүлгийг Ерөнхийлөгчийн дэргэдэх Иргэний Танхимд энэ сарын 07-нд зохион байгуулна. Хэлэлцүүлгээр, монгол бичгийн цахим кодыг хэрэглэх үндэсний стандартын асуудал, Монгол бичгийн дунд болон урт хугацааны үндэсний хөтөлбөрийн төсөл, Монгол хэл, бичиг үсгийг хэрэглэх, хамгаалах, хөгжүүлэхтэй холбоотой бодлогын баримт бичгийн төслийг хэлэлцэх юм.
Улсын Их Хурлын гишүүн, Улсын Их Хурал дахь Монгол-Британийн парламентын бүлгийн дарга С.Батболд тэргүүтэй төлөөлөгчид Британийн парламент дахь Британи-Монголын парламентын бүлгийн урилгаар Лондон хотноо 2018 оны аравдугаар сарын 27-ноос арваннэгдүгээр сарын 02-ны өдрүүдэд ажлын айлчлал хийлээ.
Ирэх онд өндөр насны тэтгэвэрт гарч байгаа төрийн албан хаагчид олгох нэг удаагийн буцалтгүй тусламжид 27.4 тэрбум төгрөг нэмж зарцуулахаар 2019 оны төсөвт төсөвлөжээ. Энэ нь 2018 онтой харьцуулахад 36 хувиар нэмэгдсэн дүн юм байна.