Монголын ХААН-н хоршоологчдын үндэсний холбоо /ХААХҮХ/ нь 21 аймаг, нийслэлд 480 гаруй анхан шатны хоршоо, 10 дундын хоршоог эгнээндээ нэгтгэсэн, Олон улсын хоршооллын холбооны гишүүн, томоохон мэргэжлийн холбоодын нэг юм. Энэхүү холбооны наймдугаар их хурал өнөөдөр Чингис хаан зочид буудлын хурлын танхимд нээлтээ хийв.
ХАА-н хоршооллын хөдөлгөөнийг эрчимжүүлэх зорилгоор ХААХҮХ-оос 2014-2022 онд хэрэгжүүлэх бодлогын баримт бичгийг долоодугаар их хурлаараа баталсан аж. Энэ удаагийн Их хурлаар энэхүү баримт бичгийн дунд хугацааны үр дүн, үндэсний холбооны дүрэмд нэмэлт өөрчлөлт оруулах зэрэг томоохон баримт бичгүүдийг хэлэлцэн батална. Дүрмийн нэмэлт өөрчлөлт баталснаар ХАА-н хоршооллын хөдөлгөөний үүрэг, хариуцлага бүх шатанд дээшилж, шинэчлэл хөгжлийн замд хөтлөхөд чухал алхам болно гэдэгт бүрэн итгэлтэй байгаагаа төлөөлөгчид илэрхийлж байв. Их хурал нь Үндэсний холбооны удирдах дээд байгууллага бөгөөд дөрвөн жил тутамд хуралдаж, хоёр их хурлын хооронд хийсэн ажилаа тайлагнан, өмнөх хурлын шийдвэрийн хэрэгжилтийг үнэлж дүгнэн дараагийн дөрвөн жилд баримтлах бодлогоо тодорхойлдог аж. Мөн их хурлаас үндэсний холбооны ерөнхийлөгч, удирдах зөвлөл, хяналтын зөвлөлийн бүрэлдэхүүнийг сонгодог байна.
Дорноговь аймгийн Алтанширээ сумын “Олон ширээ” хоршооны захирал Л.Ишдорж хэлэхдээ: “ХАА-н салбар ялангуяа малчдыг хоршоонд хамруулах тал дээр учир дутагдалтай байна. Сумаас 200 км-т амьдарч буй малчдын амьдралд хоршоо яаж тус болох вэ, хэрхэн нөлөөлөх вэ гэдгийг мэддэггүй.Энэ удаагийн их хурал Монголын ХАА-н хоршоологчдын үндэсний холбоо цаашид улам хүчирхэгжин нэгдэх, сум аймаг дүүрэг хоорндоо нягт хамтран ажиллах, бүх нийтэд хоршооллын давуу талыг суртачлах чухал эхлэлийг тавьсан шинэчлэлийн их хурал болно гэж хоршоологчид бид найдаж байна” гэлээ.
Мөн хурлын үеэр ажил үйлсээрээ шалгарсан шилдэг тэргүүний хоршоологчдыг Төр засгийн болон Үндэсний холбооны нэрэмжит шагналаар шагнаж урамшуулна. Их хурал маргааш үргэлжилнэ.
Япон улсын Засгийн газрын Өвсний үндэс төслийн хөрөнгө оруулалтаар Улаанбаатар хотын эрүүл мэндийн байгууллагуудад түргэн тусламжийн автомашин хүлээлгэн өгөх төслийн гэрээнд гарын үсэг зурлаа. 
УИХ дахь АН-ын бүлгийн хуралдаанаар хэлэлцсэн асуудлын талаар УИХ дахь АН-ын бүлгийн дарга Д.Эрдэнэбат мэдээлэл хийлээ. Тус бүлгийн хуралдаанаар Монголбанкны удирдлагуудаас Төрөөс 2019 онд баримтлах мөнгөний бодлогын талаар мэдээлэл сонссон байна. 
Монгол Улсад нотариатын байгууллага үүсэж хөгжсөний 93 жилийн ой, мөн дэлхийн нотариатын өдрийг тохиолдуулан энэ сарын 13-нд Монголын нотариатчдын танхимаас байгууллагынхаа үйл ажиллагааг олон нийтэд сурталчлах, хамтын ажиллагааг бэхжүүлэх, харилцан туршлага солилцох, шатрын спортыг түгээн дэлгэрүүлэх зорилгоор хуулийн байгууллагуудын дунд шатрын тэмцээн зохион байгуулав. Хууль зүйн үндэсний хүрээлэнд болсон тус тэмцээнд 3 эрэгтэй, 1 эмэгтэй тамирчны бүрэлдэхүүнтэй нийт 18 баг өрсөлдсөнөөс УИХ-ын Тамгын газрын баг 12 оноогоор тэргүүн байр эзэлж, шилжин явах цом, алтан медаль хүртлээ. Тус багт УИХ-ын гишүүн Б.Саранчимэг, Мэдээлэл, хяналт шинжилгээ, үнэлгээний хэлтсийн референт ОУХМ Г.Алтан-Оч, ахмад ажилтан, спортын мастер Д.Ламжав, Г.Чулуун нар багтжээ. Тэмцээн швейцарь системээр 7 тойрог, талдаа 15 минутын цагийн хяналттай явж, Өмгөөлөгчдийн холбоо, Дарханы хуульчдын баг тус тус 10 оноогоор хоёр, гуравдугаар байр эзэллээ хэмээн Монголын Өмгөөлөгчдийн холбооноос мэдээллээ.
“Өдрийн сонин”-ы Вашингтон дахь тусгай сурвалжлагч, хэл шинжлэлийн ухааны доктор, АНУ-ын Төрийн Департаментын Гадаад харилцааны дээд сургуулийн багш, Конгрессийн номын сангийн монгол номын мэргэжилтэн М.Саруул-Эрдэнэ нэгэн сонирхолтой нийтлэлийг илгээжээ.
