Month: October 2018

Монгол Улс энэ жил 450.3 мянган тонн үр тариа, үүнээс 425.8 мянган тонн буудай, 151 мянган тонн төмс, 95.1 мянган тонн хүнсний ногоо, 30.1 мянган тонн тосны ургамал, 86.3 мянган тонн малын тэжээлийн ургамал урьдчилсан балансаар хурааж авна.

Одоогийн байдлаар 48.2 мянган га-г ангилан хадаж, нийт 257.1 мянган га-гаас 342.1 мянган тонн үр тариа, үүнээс 330.4 мянган тонн улаанбуудай, 12.8 мянган га-гаас 160.1 мянган тонн төмс, 8.2 мянган га-гаас 91.8 мянган тонн хүнсний ногоо, 37.3 мянган га-гаас 89.9 мянган тонн тэжээл, 27.2 мянган га-гаас 13.2 мянган тонн тосны ургамал хураан авчээ.

Энэ нь үр тарианы 75.3 хувь, төмсний 98.7 хувь, хүнсний ногооны 98.8 хувь, тэжээлийн 66 хувь, тосны ургамлын 47 хувийг хурааж аваад байгаа үзүүлэлт юм.

Мөн үр тариа, төмс, хүнсний ногооны хураалт дунджаар 91 хувьтай, нийт дүнгээр улсын хэмжээнд ургац хураалт 80 орчим хувьтай байна.

Булган аймгийн Гурван булаг сумын хэсгийн төлөөлөгч М нь ажлаа хийж яваад автын ослоор амиа алдсан харамсалтай хэрэг гарсан билээ.

Талийгаач эхнэр хүүхдийн хамт амьдардаг байсан бөгөөд бага хүү дөнгөж төрөөд хэд хонож байхад ийм золгүй явдал болжээ. Одоогоор бага хүүгийн биеийн байдал маш хүнд өнгөрсөн пүрэв гарагт ЭХЭМҮТ-д хэвтэн эмчлүүлж эхэлжээ.

Хүүгийн онош шарлалт нь хүндэрч элгэндээ нөлөөлсөн, цөс ялгарахгүй цагаан бааж байгаа 30-40 байх ёстой үзүүлэлт нь 700-800 болж өссөн, одоогоор хэд хоног эмчилгээ хийлгээд дээрдэхгүй бол хагалгаа хийх шаардлагатай.

Ээж нь шокийн байдлаасаа гүйцэт гараагүй байгаа цагдаагийн алба хаагчдын эхнэрүүдийн группын гишүүд сайн дураараа нэгдэн нийлж өөрсдийн хэмжээнд хандив цуглуулж эхний ээлжинд 500.000 төгрөг, хүүхдийн памперс, салфетка, хүүхдийн арьс арчилгааны бүтээгдэхүүн авч өгөн, өдөр бүр хуваарь гарган хоол цай дөхүүлж эргэж тойрч сэтгэл санааны дэм өгч байгаа ажээ.

Талийгаач М нь Цагдаагийн академи төгсөөд хөдөө томилогдож ажиллаж байхдаа гэр бүл зохиож, хөдөөгөөр нүүж амьдарч байсан учир өөрсдийн гэсэн тогтсон орох оронгүй байсан юм байна.

Нөхрөө дагаж аймаг сумаар нүүж амьдарч тэр ч байтугай хөдөө багт хүүхдээ төрүүлж байсан мундаг тэсвэр , хатуужилтай амьдралын төлөө гэсэн залуухан 0-5 насны 3 өнчин хүүхдээ тэврээд үлдсэн ээжид халуун гараа сунган орох оронтой болход нь туслаач гэж хүсч байгаа юм байна.

Энэ байр байдлыг нь ЦЕГ, Хууль зүйн яам гэх мэт нөлөө бүхий хүмүүст хүргэж өгөхийг олон олон цагдаагийн гэр бүл эхнэрүүд хүсчээ.

НӨАТ-ын урамшууллын сугалааны ээлжит тохирлыг өнөө орой Боловсрол телевизээр шууд дамжуулна.

Уг сугалаанд өнгөрсөн сарын 01-30-ны өдөр хүртэлх хугацаанд иргэдийн худалдан авалт хийсэн баримтуудыг хамруулах юм. Тиймээс иргэд өнөөдөр буюу энэ сарын 21-ний 23 цаг 59 минутаас өмнө худалдан авалтын баримтаа Цахим төлбөрийн баримтын систем буюу ebarimt.mn-д бүртгүүлэх шаардлагатай.

Өнгөрсөн удаагийн тохирлоор 125 сая төгрөгийн супер азтан тодроогүй тул энэ сард Супер азтаны шагналын сан 150 сая болж өсөх юм байна.

“Бээжинд хэрхэн эрүүл амьдрах вэ” хэлэлцүүлэгээр мэргэжлийн хүмүүс цуглан иргэддээ зориулан утаанаас сэргийлэх энгийн арга замуудыг зааж өгсөн байна. Тэд иргэддээ ямар зүйлсийг сануулсыг товчлон хүргэе.

1. Агаарын бохирдолтой үед насанд хүрсэн хүн 70 минутаас дээш хугацаанд гадуур явахад биед нөлөөлж эхэлдэг гэдгийг үргэлж санаж, шаардлагагүй бол гэртээ байхыг илүүд үзэх хэрэгтэй.

2. Маск зүүх нь гадуур явах үед утаа, агаарын бохирдлоос хамгаалах хамгийн сайн арга. Гэхдээ олон улсын стандартаар баталгаажсан гэрчилгээтэй маскийг сонгох хэрэгтэй. Нэг удаагийн буюу эмийн сан бүрд байдаг нимгэн маск агаарын бохирдлыг 10-15 хувиар шүүдэг учир энэ төрлийн маскыг ч гэсэн зүүж байхад илүүдэхгүй. Мэргэжилтнүүд Бээжингийн иргэд Cambridge mask-ыг хамгийн сайн нь хэмээн зөвлөжээ.

3. Агаар цэвэршүүлэгч сонгохдоо хамгийн үнэтэйг нь биш харин хамрах хүрээг нь судлаж байж сонгох хэрэгтэй. Учир нь агаар цэвэршүүлэгчид бүгд сэнс+шүүгч гэсэн бүтэцтэй байдаг учир үнэтэй байх нь хамаагүй харин гэрийн чинь агаарыг бүрэн цэвэршүүлж чадах хамрах хүрээ сайтайг нь худалдан аваарай.

4. Утаа зөвхөн уушгийг л өвчлүүлдэг гэж бодох нь өрөөсгөл. Утаа, агаарын бохирдол нь цус харвалт, зүрхний шигдээс өвчний зонхилох шалтгаан болдог байна.

5.Утаат өвлийг эрүүл чийрэг давж гарах хамгийн сайн арга нь мэдээж дасгал хөдөлгөөн хийж, амин дэмээр баялаг хоол хүнс хэрэглэх аж.

6. Агаарын бохирдлын биед үзүүлэх нөлөөг багасгахад С витаминаар баялаг хүнс хэрэглээрэй. Мөн оливын тос, брокколи, маалингын үр, улаан лооль, сонгино сармис идэх нь ч ашиг тусаа өгөх болно.