Month: October 2018

ОБЕГ-ын Захиргаа удирдлагын газраас төв, орон нутгийн Онцгой байдлын анги, байгууллагад шинээр томилогдсон удирдах албан тушаалтнуудад зориулсан сургалтыг зохион байгуулж байна.

Сургалтанд төв, орон нутгийн Онцгой байдлын байгууллагын дарга, захирагчаар шинээр томилогдсон удирдах бүрэлдэхүүнүүд хамрагдаж байгаа юм.

Сургалтын үеэр “Цэргийн нийтлэг дүрэм” болон “Онцгой байдлын байгууллагын бүсийн төвийн ажиллах журам”-ын төслийн талаар хэлэлцүүлэг өрнүүлэхийн зэрэгцээ шинээр дэвшин томилогдсон удирдах ажилтнуудад удирдахуйн ухааны онол аргазүйн талаар сургалт зохион байгуулж, мэргэжил аргазүйн зөвлөгөө өгөх юм.

Сургалт маргааш буюу 10 дугаар сарын 26-ны өдрийг хүртэл үргэлжилнэ гэж Онцгой байдлын ерөнхий газраас мэдээллээ.

Цэвэр, бохир, халаалтын шугамд гэмтэл гарах, ус алдах зэрэг асуудал гарахад иргэд Мэдээлэл, шуурхай удирдлагын төвийн 70321111 утсаар санал гомдлоо өгөхөөс өөр хаана хандахаа мэддэггүй. Тэгвэл Өвөрхангай аймаг уг асуудлыг шийдвэрлэхээр “Шуурхай бүлэг”-ийг байгуулжээ.

Аймгийн Онцгой байдлын газар, “Арвайхээр ТҮГ”, “Онги ус суваг” ТӨҮГ-ын ажилтнуудаас бүрдсэн “Шуурхай бүлэг” иргэдийн дуудлагаар ажиллаж, гэмтлийг засварла, буруутай аж ахуйн нэгж, байгууллагыг тогтоо” гарсан зардлыг нөхөн төлүүлэх юм.

Ингэснээр айл өрх, албан газрын халаалт дулаан, цэвэр, бохиртой холбоотой асуудал цаг хугацаандаа шийдэгдэж, энэ чиглэлийн гомдол, мэдээлэл эрс багасна хэмээн аймгийн Засаг дарга Г.Ганболд хэлтэс, албадын дарга нарын шуурхай хуралдаанаар мэдээллээ.

Нийслэлийн Засаг даргын Тамгын газрын Цэргийн штабаас дайчилгааны бэлтгэл нөөцийг нэмэгдүүлэх зорилгоор бэлтгэл офицерийн сургалтыг Үндэсний Батлан хамгаалахын их сургуультай хамтран зохион байгууллаа.

Сургалтыг заагдсан хөтөлбөрийн дагуу зохион байгуулж, 32 цэргийн үүрэгтэн хамрагдлаа. Сургалтад оролцсон бүрэлдэхүүнд гэрчилгээ гардуулж, бэлтгэл дэслэгч цол олгох үйл ажиллагааг өчигдөр Үндэсний Батлан хамгаалахын их сургуульд зохион байгууллаа гэж нийслэлийн ЗДТГ-ын Цэргийн штабаас мэдээлэв.

Нийслэлийн Баянзүрх дүүргийн 204–р цэцэрлэгийн эрхлэгч Ц.Оюунчимэгтэй ярилцлаа.

Сайн байна уу? Фэйсбүүк сошиалаар танай цэцэрлэгийг өглөө бүр өөр өөр амьтдын баг өмсөөд цэцэрлэгийн хүүхдүүдийг угтдаг гэсэн.Энэ талаар яриагаа эхлүүлье.

Манай цэцэрлэг үйл ажиллагаагаа эхлүүлээд дөрвөн жил болж байна. Харин энэ арга хэмжээ нь гурван жилийн өмнөөсодоог хүртэл хэрэгжсээрбайгаа.Гуравдагч багш болон туслах багш нар маань амьтдаа өглөө болгон ээлжлэн дуурайдаг учраас ачаалал харьцангуй бага. Амьтад маань хүүхдийн дуун дээр бүжиглэнгээ хүүхдүүддээ заавал “амжилт” гэж хэлэн угтдаг. Энэ нь хүүхдүүдэд урам өгч цэцэрлэгтээ явах эрч хүчийг өгдөг гэж боддог. Хүүхдүүдэд зөв дадал зуршил, төлөвшил олгох нь бидний зорилго шүү дээ.

Энэ багны цаана багш нар байдаг уу?

Янз янз. Нэг хэсэг би өөрөө өмсдөг байсан. Энэ жилээс цэцэрлэгийн дөрвөн бүлгийн багш нар, манаач зэрэг ээлжлээд өглөө бүр угтаж байна.Манайд нийт зургаан төрлийн баг байдаг. Энэ багаа ээлжлээд өглөө бүр өмсдөг. Уг нь хоёр хүн баг өмсөх боломжтой ч хүн хүч сул. Эцэг эхчүүдээ дайчлахад болох юм байна гэж бодсон ч бас л мэргэжил шаардагдаж байна.

Хүүхдүүд энэ тал дээр баярласнаа яаж илэрхийлдэг вэ?

Хүүхдүүд ихэвчлэн пороронд дуртай байдаг. Маргааш нь пороро ирээгүй бол ямар амьтад ирэх бол, дотор нь хэн байгаа бол гээд өглөө нь их дуртай ирдэг. Анх амьтад маань зүгээр мэндчилгээ хэлдэг байсан. Дараа нь бид өдөр бүр хүүхдэд итгэл өгөх зорилгоор хоёр гараараа “амжилт” гэж цохьдог болсон.

Эцэг эхчүүд ямар сэтгэгдэлтэй байна вэ?

Бид санал асуулга дандаа явуулдаг. Удирдлагууд хүлээж авдаг нь манай цэцэрлэгийн давуу тал. Багш нарын баяраар захидалаар баярласан сэтгэгдэл ирдэг. Гэхдээ энэ үйл ажиллагаан дээр ирж байгаагүй.

Үйл ажиллагаа зохион байгуулахад ямар бэлтгэл ажил хийсэн бэ?

Надад олон жилийн өмнөөс хэрэгжүүлэх юмсан гэсэн бодол байдаг байсан.Хөөрхөн амьтадтай харьцуулвал сонирхолтой байх болов уу? Цэцэрлэгээ дөнгөж байгуулагдаад тэр жилийн хавар энэ санааг бодоод урлангийн нэг хүнээр хийлгүүлсэн. Хийхэд нэлээн ажиллагаатай 750 мянгаар гурван амьтдын толгойг хийлгээд, үлдсэн хувцасыг манай ажилчид оёж байсан. Тухайн үед сая гаруй төгрөгний зардалтай хийлгүүлээд шинэ жилийнхээ үйл ажиллагаанд бас ашигласан. Тэр үед эцэг эхчүүд хүртэл гайхаж байсан шүү.

Э.АНУЖИН

Онцгой байдлын ерөнхий газар, Монголын Улаан загалмайн нийгэмлэгтэй 2015 оноос хамтын ажиллагааны “Санамж бичиг” байгуулан, аливаа гамшгаас урьдчилан сэргийлэх, бэлэн байдлыг хангах, гамшиг осолд өртсөн иргэдэд хүмүүнлэгийн тусламжийн үйл ажиллагааг зохион байгуулан ажиллаж байна.

Энэхүү санамж бичгийн хүрээнд Монголын Улаан Загалмайн нийгэмлэгээс хоёр байгууллагын цаашдын хамтын ажиллагааг өргөжүүлэх, ӨМӨЗО-ны Манжуур хотын Улаан загалмайн хорооны үйл ажиллагаатай танилцаж, харилцан туршлага судлах зорилгоор “Туршлага солилцох уулзалт”-ыг энэ сарын 17-23-ны өдрүүдэд зохион байгууллаа.

Улаанбаатар-Дорнод-Манжуур чиглэлд зохион байгуулагдсан тус уулзалтанд 21 аймаг, 9 дүүргийн Онцгой байдлын газар, хэлтсийн дарга нар болон Улаан загалмайн хороодын дарга нарын нийт 70 орчим хүн оролцсон юм.

Уулзалтын хүрээнд аймгуудын Онцгой байдлын газар, хэлтсийн удирдлагууд Улаан загалмайн дунд шатны хороодтойгоо хэрхэн хамтран ажилладаг талаар сайн туршлагаа хуваалцлаа.

Мөн Дорнод аймгийн Онцгой байдлын газар болон Улаан загалмайн хорооны үйл ажиллагаатай танилцаж, хүмүүнлэгийн үйлсэд хувь нэмрээ оруулж байгаа Чойбалсан хотын Хан-Уул цогцолбор сургууль болон хоёрдугаар цэцэрлэгийн туршлагатай танилцсан юм.

Түүнчлэн туршлага солилцох уулзалтад оролцсон төлөөлллийг БНХАУ-ын Манжуур хотын намын хорооны дарга Чи Байжинь, намын хорооны дэд дарга Лян Пэн, Гао Минь, тус хотын Онцгой байдлын асуудал эрхэлсэн дарга Хү Ши Хэ нар хүлээн авч уулзлаа.

Уулзалтаар Манжуур хотын Онцгой байдлын асуудал эрхэлсэн байгууллага, Дорнод аймгийн Онцгой байдлын газартай хамтран ажиллахаар тохиролцлоо гэж Онцгой байдлын ерөнхий газраас мэдээллээ.

БСШУС-ын сайд Ц.Цогзолмаа тэргүүтэй төлөөлөгчид энэ сарын 24-26-ны өдөр Эрхүү хотод ажлын айлчлал хийж байна.

Төлөөлөгчид энэ өдрүүдэд ОХУ-ын Эрхүүгийн УИС-ийн 100 жилийн ойн арга хэмжээнд оролцохын зэрэгцээ тус мужийн Засгийн газрын тэргүүний 1 дүгээр орлогч дарга В.Ю. Дорофеев, Боловсролын сайд В.В. Перегудова нартай уулзав. Уулзалтаар талууд Эрхүү мужийн их, дээд сургуулиуд Монголын их, дээд сургуулиудтай хэрэгжүүлж буй хамтын ажиллагааг цаашид идэвхжүүлэн бэхжүүлэх нь зүйтэй гэдэгт санал нэгдэв. Түүнчлэн БСШУС-ын сайд Байгалийн улсын их сургуульд сурч буй монголын 10 оюутантай уулзаж тэдний сургалтын талаар халуун дотно яриа өрнүүлсэн. Оюутнууд БСШУСЯ-ны зардлаар орос хэлний бэлтгэлд сурч байгаа бөгөөд ирэх хичээлийн жилээс боловсролын нарийн мэргэжлээр үргэлжлүүлэн суралцах юм. Салбарын сайд оюутнууддаа хичээнгүйлэн суралцаж, сурсан мэдсэнээ тусгай хэрэгцээт сургуулиудын сургалтын чанарыг ахиулахад ихээхэн хувь нэмэр оруулах ирээдүйн боловсон хүчин болохыг захив.

Өнөө шөнө Төв аймгийн нутгаар, маргааш өдөр Хэнтий, Дорнодын нутаг, Сүхбаатарын хойд хэсгээр ахиухан хэмжээний цас орж, цасан шуурга шуурна.

Өнөө шөнө Дундговийн нутаг, Өмнөговийн зүүн, Дорноговийн баруун хэсгээр, маргааш өдөр Дорноговийн нутаг, Сүхбаатарын өмнөд хэсгээр салхи секундэд 18-20 метр, зарим үед секундэд 24 метр хүрч ширүүснэ.

Малчид, иргэд, тариаланчдын анхааралд:

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Бага зэргийн цас орно. Салхи баруун өмнөөс хойш эргэж секундэд 7-12 метр, зарим үед 18-20 метр хүрч ширүүснэ. Шөнөдөө 3-5 градус хүйтэн, өдөртөө 3-5 градус дулаан байна.

26-нд төв болон зүүн аймгуудын нутгийн зарим газраар, 27-нд төвийн аймгуудын нутгийн зүүн хэсэг, зүүн аймгуудын нутгийн зарим газраар, 28-нд зүүн аймгуудын нутгийн зүүн хэсгээр бага зэргийн цас орно. Салхи 27, 28-нд нутгийн зүүн хагаст түр зуур секундэд 16-18 метр хүртэл ширүүсч шороон болон цасан шуурга шуурна. Дархадын хотгор, Алтай, Хангай, Хөвсгөл, Хэнтэйн уулархаг нутаг, Хүрэн бэлчир, Завхан голын эх, Идэр, Тэс, Туул, Тэрэлж голын хөндийгөөр шөнөдөө 15-20 градус, өдөртөө 1-6 градус, говийн бүс нутгийн өмнөд хэсгээр шөнөдөө 0-5 градус хүйтэн, өдөртөө 5-10 градус дулаан, бусад нутгаар шөнөдөө 7-12 градус хүйтэн, өдөртөө 0-5 градус дулаан байна.