Month: October 2018

Нийслэлийн Засаг даргын хэрэгжүүлэгч агентлаг нийслэлийн Тээврийн газраас 2018 оныг “Иргэдийн оролцоотой тээвэрлэлтийг сайжруулах жил” болгон зарласан. Үүнтэй холбогдуулан нийтийн тээврийн талаарх иргэдийн санал хүсэлтийг 24 цагийн турш хүлээн авч, иргэдэд хүргэх нийтийн тээврийн үйлчигээний хүртээмжийг нэмэгдүүлэх, цагийн хуваарьт өөрчлөлт оруулах, нийтийн тээврээр зорчих нөхцлийг хангах, автобуснаас ялгарах утааг бууруулах зэрэг хэд хэдэн ажлыг хийгээд байгаа юм. Эдгээр болон зарим онцлох ажлуудынхаа талаар өнөөдөр нийслэлийн Тээврийн газраас мэдээлэл хийлээ.

Нийтийн тээврийн үйлчилгээ үзүүлдэг байгууллагуудын дунд зарласан болзолт уралдааныг дүгнэхэд иргэдийн санал чухал үүрэг гүйцэтгэнэ

Нийслэлийн Тээврийн газраас нийтийн тээврийн үйлчилгээний чанар, соёлыг сайжруулах, аж ахуйн нэгж, байгууллагад тавигдах стандартын шаардлага, гэрээний үүргийн биелэлт, сахилга хариуцлагыг дээшлүүлэх зорилгоор нийтийн тээврийн үйлчилгээ үзүүлдэг аж ахуйн нэгж, байгууллагуудын дунд болзолт уралдааныг хоёр дахь жилдээ зохион байгуулж байна.

Нийслэлийн Тээврийн газрын орлогч дарга Х.Булгаа “Энэхүү болзолт уралдаан нь энэ сарын 22-ноос арванхоёрдугаар сарын 14-н хүртэл үргэлжилнэ. Болзолт уралдааныг шүүж, шалгаруулахад иргэдээс нийтийн тээврийн үйлчилгээтэй холбоотой ирүүлж буй санал, хүсэлт, гомдол чухал үүрэг гүйцэтгэнэ. Иргэд санад, хүсэлтээ нийслэлийн Тээврийн газрын 70044040 утсаар 24 цагийн турш холбогдон өгөх боломжтой. Мөн Тээврийн газрын болон “нийтийн тээвэр – public transport UB”цахим хуудсуудаар мэдээлэх боломжтой. Дээрх дугаар, цахим хуудасны хаяг нь бүх автобусны суух болон буух хаалган дээр байрлуулсан байгаа” хэмээв.

Шинээр хоёр чиглэлийг нээж, 11 чиглэлийн замналд өөрчлөлт оруулжээ

Нийслэлийн Тээврийн газраас 2018 онд нийтийн тээврийн үйлчилгээнд хийсэн судалгаа, иргэд аж ахуйн нэгж байгууллагуудаас ирсэн санал хүсэлт, зорчих эрэлтэд үндэслэн нийт 11 чиглэлийн замналд өөрчлөлт оруулж, хоёр чиглэлийг шинээр нээсэн байна.

Тухайлбал Ч:66, Ч:65 буюу Зайсан – 11-р хороолол, Офицеруудын ордон – Зайсан гэсэн хоёр шинэ чиглэл нээн, үйлчилгээнд явуулж байгаа аж.

Ингэснээр үйлчилгээ хүрээгүй суурьшлын цэгт шинээр үйлчилгээ хүрч, иргэдийн зорчих эрэлт хангагдаж, нийтийн тээврээр зорчиход зарцуулах хугацааг багасгасан байна.

“Үүнээс гадна 21 чиглэлийн цагийн хуваарьт өөрчлөлт оруулсан. Хамгийн сүүлийн автобусны цагийг хойшлуулж орой буулгадаг болгосон. Мөн өглөөний ачааллын үеэр дан ганц эцсийн зогсоолоос автобуснууд хөдөлдөггүй, дундын зогсоолоос нэмэлт автобуснуудыг явуулах зохицуулалт байна. Цаашдаа иргэдээс ирүүлсэн санал, хүсэлт болон хотоос хэрэгжүүлж буй арга хэмжээнүүдтэй уйлдуулан нийтийн тээврийн хуваарьт өөрчлөлт оруулаад явна” хэмээн нийслэлийн Тээврийн газрын орлогч дарга Х.Булгаа ярилаа.

14 автобусны буудал шинээр байгуулан, 50 буудлыг стандартын дагуу тохижуулсан байна

Нийслэлийн замын сангийн хөрөнгөөр нийтийн тээврийн үйлчилгээний хөдөлгөөний аюулгүй байдлыг хангах, хүртээмжийг нэмэгдүүлэх үүднээс автобусны зогсоолын талбайг шинээр гаргах ажлын хүрээнд 2018 онд нийслэлийн иргэдээс ирүүлсэн санал хүсэлтэд үндэслэн тус газраас Тээврийн цагдаагийн алба, нийслэлийн Авто замын хөгжлийн газартай хамтран 14 зогсоолын талбай гаргах ажил бүрэн хийгджээ. Дээрх 14 зогсоолыг өнгөрсөн сарын 22-ны өдрөөс ашиглаж эхлэн өдөр тутам 29 чиглэл дайран өнгөрч, өдөр тутам нийт 3000 орчим зорчигч үйлчлүүлдэг аж.

БЗД, Гачууртын авто зам 15-ын зогсоол

Нийслэлийн Тээврийн газар нь Улаанбаатар хотын Захирагчийн ажлын алба, нийслэлийн Авто замын хөгжлийн газар, Жэй Си Дэко Монголиа ХХК-тай байгуулсан хамтран ажиллахгэрээний дагуу 2018 онд нийслэлийн нутаг дэвсгэрт нэр бүхий 50 байршилд дэлхийн стандартад нийцсэн автобусны зогсоолын байгууламж барьж ашиглалтанд оруулсан. Эдгээр тохижилтыг зөвхөн хотын төв хэсэгт бус Зунжин, Ар согоот, Салхит, Толгойт, Буянт Ухаа, Яармаг Нисэх зэрэг хотын захын хэсгүүдээр мөн баригдаж, зорчигчийн тав тухтай аюулгүй байдлыг хангасан томоохон ажил болсон байна.

ХУД, “Иргэний нисэхийн ерөнхий газар” зогсоол

Автобусны чиглэлийн хаяг, гарааш дугаарыг нэг загварт оруулав

Нийслэлийн Тээврийн газрын даргын тушаалаар нийтийн тээврийн хэрэгслийн гарааш дугаар болон чиглэлийн хаягийг нэг загварт оруулан баталжээ.Ингэснээр нийтийн тээврийн үйлчилгээнийчиглэлүүдийн хаяг иргэдэд илүү тодорхой ойлгомжтой, харагдахад хялбар болсон юм.

Автобусанд байрлах чиглэлийн хаягийн харагдах байдал

“DPF” шүүлтүүр автобуснаас ялгарах хар утааг 97 хувиар бууруулж байна

Япон Улсын Олон Улсын Хамтын Ажиллагааны “ЖАЙКА” байгууллага, Зам, Тээвэр хөгжлийн яам, нийслэлийн Засаг даргын Тамгын газар хамтран нийтийн тээврийн үйлчилгээний Дизель хөдөлгүүртэй 24 автобусанд (РМ) хөө тортогжилтыг шүүгч DPF төхөөрөмжийг 2 жилийн хугацаанд тавьж турших нарийвчилсан судалгаа хийх санамж бичгийг байгуулсан. Манай улсад ашиглагдаж байгаа хүхэр ихтэй дизель түлшинд ашиглах боломжтой “DPF” шүүлтүүрийг өнгөрсөн 7, 8-р сард нийтийн тээврийн үйлчилгээ эрхлэгч “Зорчигч тээврийн нэгтгэл” ОНӨААТҮГ, “Зорчигч тээвэр гурав” ОНӨААТҮГ, Сутайн буянт ХХК-ийн 24 автобусанд суурьлуулсан ба бодит туршилтаар хар утааг (PM) 97% хүртэл бууруулж байна.

Шүүлтүүрийн бохирдлыг автобусан дотор суурилуулсан хяналтын дэлгэцээр тогтмол хянадаг бөгөөд бохирдсон шүүрийг тусгай зориулалтын цахилгаан зууханд хийж өндөр хэмд шатааж цэвэрлэн гарсан хар утаа (PM)-ын шүүлтийн хэмжээг жигнэж байна. Туршилтаар өдөрт нэг автобусны шүүлтүүрээс дунджаар 175 гр хар утаа (PM)-ын ялгарч байгаа бөгөөд суурилуулснаас хойшхи хэмжилтийн дүнгээр тооцоход дээрх 24 автобуснаас ялгарах 204.6 кг хөө тортогийг агаарт хаягдахаас сэргийлсэн байна.

Дээрх тооцооллоор Улаанбаатар хотын нийтийн тээврийн үйлчилгээнд ажиллаж буй их багтаамжийн бүх автобусанд энэхүү шүүлтүүр (DPF)-ийг суурилуулсан тохиолдолд Хар утаа (PM)-ын жилийн ялгарлыг 43.8 тонноор бууруулах боломжтой гэсэн тооцоо гарч байгаа юм байнагэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

Эрүүл мэндийн яамнаас зарласан “1:2” зорилтын хүрээнд зохион байгуулагдаж байгаа мэргэжлээрээ ажиллаагүй сувилагч нарт буцаж ажиллахад дэмжлэг үзүүлэх “Сувилагчийн мэдлэг, чадварыг бататгах” 14 хоногийн, мэргэшлийн үйл ажиллагаа эрхлэх зөвшөөрлийн хугацаа дууссан, сунгуулж амжаагүй сувилагч нарт мэргэжлийн үйл ажиллагаа эрхлэх зөвшөөрлийн шалгалтанд бэлтгэх гурав хоногийн сургалтыг Эрүүл мэндийн хөгжлийн төв, Анагаахын шинжлэх ухааны үндэсний их сургууль хамтран сар бүр зохион байгуулж байна. Сургалтад хамрагдах хүсэлтэй сувилагч нар Эрүүл мэндийн хөгжлийн төвийн 101 тоот өрөө (мэргэжилтэн Д.Баярхүү), Анагаахын шинжлэх ухааны үндэсний их сургуулийн 322 тоот өрөө (мэргэжилтэн Б.Энхтуяа)-д иргэний үнэмлэх, нотиариатаар баталгаажуулсан дипломын хуулбар, хоёр хувь зурагтай ирж бүртгүүлнэ үү.
Нэмэлт мэдээллийг Эрүүл мэндийн яамны 261556, Эрүүл мэндийн хөгжлийн төвийн 93131767, 96642654, Анагаахын шинжлэх ухааны үндэсний их сургуулийн 91171954 утсаар холбогдож авах боломжтой.

Монгол улсын анхан ба хоёр дахь шатлалын эмнэлгийн ажилтны төгсөлтийн дараах сургалтыг сайжруулах төслийн хүрээд Ерөнхий мэргэшил судлалын үндсэн мэргэшлийн сургалтын Орхон аймагт нээж байсан бол өнөөдөр Чингэлтэй дүүргийн Эрүүл мэндийн төв сургалтын нээлтээ хийлээ. Нээлтэд ЭМЯ-ны ТЗУГ-ын дарга Б.Цогтбаатар, ЖАЙКА, Японы ОУХАБ-ын Монгол дахь төлөөлөгчийн газар, Чингэлтэй дүүргийн нэгдсэн эмнэлгийн хамт олон оролцлоо.

Уг төслийг Японы Жайка ОУБ ын дэмжлэгтэйгээр ЭМЯ, Эрүүл мэндийн хөгжлийн төв хамтран 2015 оноос хэрэгжүүлж эхэлсэн юм. Сургалтыг удирдан явуулах эмнэлзүйн 36 сургагч багш бэлтгэгдсэн бөгөөд резидент эмч нарыг бэлтгэх сургалтын орчинг бүрдүүлсэн байна. Ерөнхий мэргэшил судлалын сургалтаар Хүүхэд, эх барих эмэгтэйчүүд, яаралтай тусламж. Дотрын анагаах судлал гэсэн дөрвөн чиглэлээр жилийн турш мэргэшиж аль ч Эрүүл мэндийн байгууллагад ажиллах чадвартай эмч нар бэлтгэгдэж гарах юм.

Сонгинохайрхан дүүрэгт 11 цэцэрлэг, 5 сургууль, 2 сургууль, цэцэрлэгийн цогцолбор барих газрыг чөлөөлж байна. Эдгээр сургууль, цэцэрлэгийн газрын нөлөөлөлд нийт 222 нэгж талбарын 2,117,048 м2 буюу 21 га газар өртсөн бөгөөд газар чөлөөлөлт 90 хувьтай байна.

Цэцэрлэг:

1. СХД-ийн 1 дүгээр хороо, Толгойтын 113, 114 дүгээр гудамжинд 150 ортой хүүхдийн цэцэрлэг барих газар
2. СХД-ийн 10 дугаар хороо, Зүүнбаян-Уулын 32 дугаар гудамжинд цэцэрлэг барих газар
3. СХД-ийн 11 дүгээр хороо, Хонхорын 2 дугаар гудамжинд 150 ортой хүүхдийн цэцэрлэг барих газар
4. СХД-ийн 13 дугаар хороо, 99 дүгээр цэцэрлэгийн урд 640 хүүхдийн сургууль барих газар
5. СХД-ийн 2 дугаар хороо, Орбитын 76 дугаар гудамжинд 150 ортой хүүхдийн цэцэрлэг барих газар
6. СХД-ийн 23 дугаар хороо, Хангайн 35 дугаар гудамжинд 150 ортой хүүхдийн цэцэрлэг барих газар
7. СХД-ийн 28 дугаар хороо, Ногоон чулуутын 8 дугаар гудамжинд цэцэрлэг барих газар
8. СХД-ийн 30 дугаар хороо, 125 дугаар цэцэрлэгийн хажууд 240 ортой цэцэрлэгийн өргөтгөл барих газар
9. СХД-ийн 27 дугаар хороо, 156 дугаар цэцэрлэгийн өргөтгөл барих газар
10. СХД-ийн 26 дугаар хороо, Алтан-Овооны 2 дугаар гудамжинд цэцэрлэг барих газар
11. СХД-ийн 4 дүгээр хороо, Цэргийн ангийн ажилчдын байрны газрыг чөлөөлж цэцэрлэг барих газар

Сургууль:

1. СХД-ийн 27 дугаар хороо, Агаарын 2, 3 дугаар гудамжинд сургууль барих газар
2. СХД-ийн 28 дугаар хороо, Сансарын 4 дүгээр гудамжинд 640 хүүхдийн сургуулийн газар
3. СХД-ийн 4 дүгээр хороо, Их нарангийн 18,19 дүгээр гудамжинд сургууль барих газар

Сургууль, цэцэрлэгийн цогцолбор:

1. СХД-ийн 5 дугаар хороо, Баянголын 33, 34, дүгээр гудамжинд сургууль, цэцэрлэг барих газар
2. СХД-ийн 31 дүгээр хороо, бага сургууль цэцэрлэгийн цогцолбор барих газрыг тус тус чөлөөллөө. Шинээр сургууль, цэцэрлэг барих ажилд идэвх санаачлагатай оролцож, олон нийтийн эрх ашгийн төлөө газраа чөлөөлсөн 222 иргэн, аж ахуйн нэгж байгууллагадаа нийслэлийн иргэдийн өмнөөс талархал илэрхийлье гэж нийслэлийн Газрын албанаас мэдээлэв.

Сүхбаатар дүүргийн Онцгой байдлын хэлтсээс Гамшгаас хамгаалах тактикийн сургуулийг дүүргийн 29, 116 дугаар Тусгай дунд сургуулиудад зохион байгууллаа.

Сургуулийн хүрээнд болзошгүй гамшиг осол, гал түймрийн аюулаас урьдчилан сэргийлэх, гамшгийн үед өөрийгөө болон бусдыг хамгаалах, газар хөдлөлтийн үед түгшүүрийн дохиогоор барилга байгууламжаас гарах, зам гарцын аюулгүй байдал, болоод эмнэлгийн анхан шатны тусламж үзүүлэх талаар сургалтыг зохион байгуулж, газар хөдлөлт болон гал унтраах тактикийн дадлага сургуулийг хийлээ.

Мөн энэ үеэр гамшиг, ослоос урьдчилан сэргийлэх мэдээ мэдээлэл өгөх баррель үсгээр хэвлэсэн санамж, сэрэмжлүүлгийг тарааж ажилласан юм.

Дадлага сургуульд Гал түймэр унтраах, аврах 34 дүгээр ангийн 8 алба хаагч, 2 автомашин, 29, 116 дугаар Тусгай дунд сургуулийн 200 орчим багш, сурагч оролцлоо гэж НОБГ-ын Сүхбаатар дүүргийн Онцгой байдлын хэлтсээс мэдээллээ.

АТГ-ын сар бүрийн 25-ны өдрийн хэвлэлийн хурал зарлаж, шалгагдаж буй хэргүүдийн талаар мэдээлэл өгдөг билээ. Өнөөдөр тус хуралд Тамгын хэлтсийн дарга З.Баасанням, Мөрдөн шалгах хэлтсийн дарга, эрхэлсэн комиссар Э.Идэрцог, Хэвлэл, олон нийттэй харилцах ажилтан Т.Мөнхтунгалаг нар оролцлоо. Энэ сард тус газарт иргэдээс ирүүлсэн өргөдөл, гомдол, мэдээллийн мөрөөр хяналт шалгалтын ажиллагаа явуулж хууль зөрчсөн гурван албан тушаалтанд хариуцлага тооцуулжээ. Тодруулбал, эрх бүхий албан тушаалтны шийдвэргүйгээр хандив, санхүүгийн туслалцаа авсан Баянхонгор аймгийн Галуут сумын Засаг дарга С.Баярсайхан, давхар ажил эрхлэлттэй холбоотой хуульд заасан хориглолт, хязгаарлалтыг зөрчсөн Сэлэнгэ аймгийн Санхүүгийн хяналт, аудитын албаны дарга Б.Дархижав нарт цалингийн хэмжээг бууруулах сахилгын шийтгэлийн ногдуулсан байна. Мөн Төрийн албан тушаалтан Э, Г нар нь хахууль өгөгчийн ашиг сонирхлын үүднээс албаны чиг үүргээ хэрэгжүүлснийхээ хариуд бусдаас хахууль авсан гэх хэргийг шүүхэд шилжүүлэх саналтай прокурорын байгууллагад хүргүүлсэн” хэмээн танилцууллаа.

АТГ-ын Хэвлэл олон нийттэй харилцах ажилтан Т.Мөнхтунгалаг:

“АТГ-ын дөрвөн ажлын хэсэг өнөөдрийн байдлаар Дорнод, Сэлэнгэ, Говь-Алтай, Говь-сүмбэр аймагт ажиллаж байна. Ажлын хэсгүүд үүний өмнө Хэнтий, Баянхонгор, Дорноговь, Булган аймагт ажиллаад дууссан. Үлдсэн аймгуудад удирдамжийн дагуу 11 дүгээр сарыг дуустал ажиллана. АТГ-ын албан хаагчид орон нутагт ажиллахдаа авлигын эсрэг хууль тогтоомжийн хэрэгжилт, 2018 оны худалдан авах ажиллагааны явц байдал, үр дүн, гүйцэтгэлийг хянаж үзнэ. Худалдан авах ажиллагаатай холбоотой хяналт шалгалтыг ҮАГ-тай хамтран явуулж байна гэв.

Мөн энэ байдлаар хууль зөрчсөний улмаас хянан шалгагдаж хариуцлага тооцуулсан албан тушаалтнуудын талаар АТГ ингэж мэдээлдэг нь дуулиан шуугиан үүсгэх зорилготой биш. Өөр бусад төрийн албан тушаалтнуудад хуулиа хэрэгжүүлэхийг сануулж буй урьдчилан сэргийлэлт юм.

АТГ энэ аравдугаар сард хоёр төрлийн судалгааны дүнг танилцуулж мэдээлсэн. Нэг нь Хөгжлийн бэрхшээлтэй иргэдийн авлигын талаарх ойлголт, нөлөөллийг тодорхойлох судалгаа. Энэ судалгаа АТГ анх удаа хийсэн. Хөгжлийн бэрхшээлтэй иргэд 500,000-1,000,000 төгрөг хүртэлх хэмжээний мөнгийг төрийн албан хаагчид хахуульд өгч байсан гэдэг нь судалгааны дүнд тусгагдсан. Энэ бол анхаарал татаж байгаа асуудал. Тиймээс нарийвчлан судалж байгаа.

Нөгөө нь хүүхдийн шударга байдлын судалгаа. Энэхүү судалгааг найм дахь жилдээ зохион байгуулсан. Монгол хүүхдийн шударга байдлын түвшин өмнөх онуудынхаас буурсан үзүүлэлттэй байна. Мөрдөн шалгах хэлтсээс 2018 оны аравдугаар сард гэмт хэргийн шинжтэй 55 гомдол, мэдээлэл хянан үзсэн. Хэрэг бүртгэлт, мөрдөн байцаалтын 386 хэрэгт мөрдөн шалгах ажиллагаа явуулсан.

Хэнтийн аймгийн Өмнөдэлгэр сумын Засаг даргын Тамгын газрын удирдах албан тушаалтан нь тус суманд улсын төсвийн хөрөнгөөр хэрэгжих зураг төслийн ажлын албан тушаалын байдлаа урвуулан ашиглаж холбогдох хууль тогтоомжийг зөрчин гэрээ байгуулж бусдад давуу байдал бий болгосон гэх үйлдэлд эрүүгийн хэрэг үүсгэж, яллагдагчаар татах саналыг прокурорын байгууллагад хүргүүлсэн гэв.

Дорноговь, Завхан, Баянхонгор аймгийн Мал эмнэлгийн газрын даргаар томилогдохоор тус тус нэр дэвшсэн Ц.Батболд, Б.Нарангэрэл, Ж.Баттөр нарын мэдүүлгийг хянаад илт ашиг сонирхлын зөрчилтэй гэж үзсэн. Эдгээр хүмүүс нь хувьдаа болон хамаарал бүхий этгээдүүд нь мал эмнэлгийн чиглэлээр үйл ажиллагаа явуулдаг тул нийтийн албыг хашихад ашиг сонирхлын зөрчил үүснэ гэж үзсэн байна.

Нийтээр тэмдэглэх баярын болон тэмдэглэлт өдрүүдийн тухай хуульд заасны дагуу ирэх арваннэгдүгээр сарын найман болон 26-ны өдөр бүх нийтээр амарна. Тодруулбал, өвлийн тэргүүн сарын шинийн 1-нийг эзэн Чингис хааны мэндэлсэн өдөр болгон тэмдэглээд тав дах жилийг үдээд байна.

Их эзэн Чингис хааны мэндэлсний 856 жилийн ой энэ жил тохиож буй бөгөөд Нийтээр тэмдэглэх баярын болон тэмдэглэлт өдрүүдийн тухай хуульд заасны дагуу арваннэгдүгээр сарын 8-нд бүх нийтээр амрахаар болжээ. Мөн арваннэгдүгээр сарын 26-ны даваа гаригт Улс тунхагласны өдөр тохиож бүх нийтээрээ амарч хилийн боомтууд ажиллахгүй.