Month: October 2018

Монголын Бодибилдинг фитнессийн холбооны шилдэг тамирчдын нэг, Олон улсын хэмжээний мастер Г.Угалзцэцэг Энэтхэг Улсын Пуне хотод болсон бодибилдинг, фитнессийн 52 дахь удаагийн Азийн аварга шалгаруулах тэмцээнд оролцож, хоёр алтан медалийн эзэн болжээ. Тэрбээр насанд хүрэгчдийн “Athletic Physique up to 165 cm” ангилал болон 35-аас дээш насны “Women’s Athletic Physique open” ангилалд аваргын алтан медалийг хүртэж, гурав дахь удаагаа Азийн аварга болж байна. Г.Угалзцэцэг 2016, 2017 оны Ази тивийн аварга шалгаруулах тэмцээнд түрүүлж байжээ.

Сүүлийн жилүүдэд бодибилдинг, фитнессийн Ази тивийн болон Дэлхийн аварга шалгаруулах тэмцээнд амжилттай оролцож, түүхэн амжилтуудыг үзүүлсээр байгаа Г.Угалзцэцэг энэхүү спортыг сонгож, тив, дэлхийн тэмцээний тавцанд Монгол Улсынхаа төрийн дууллыг эгшиглүүлж байгаадаа сэтгэл хангалуун байгаагаа илэрхийлжээ. Түүний хувьд бодибилдингийн спортын түүхэнд олон амжилтын анхдагч нь.

Г.Угалзцэцэг 2017 онд сонирхогчдын бодибилдинг, фитнесийн Дэлхийн аварга шалгаруулах тэмцээнд түрүүлж, гурав дахь удаагаа аваргын алтан медалийг хүртсэн юм.

Налайх дүүргийн 3 дугаар хорооны нутагт байрлах гүний уурхайд агаарын хоолой тасарснаас нүүрс олборлож байсан хоёр иргэн хүчилтөрөгчийн дутагдалд орж амь насаа алдсан байна.

Энэ сарын 7-ны оройн 20 цагт тус дүүргийн Онцгой байдлын хэлтсийн шуурхай утсанд ирсэн дуудлагын дагуу Уул, уурхайн аврах албаны 19 албан хаагч цаг гаруйн хугацаанд аврах ажиллагааг хийж 82 метрийн гүнээс тус дүүргийн 3 дугаар хорооны нутагт оршин суух хаягтай 42 настай З, 28 настай Б нарын цогцсыг гаргажээ. Цогцсыг Налайх дүүргийн шүүхийн шинжилгээний хэлтэст хүргэсэн байна.

Зам барилга ажлын хүрээнд Богд уулын арын авто замыг Яармагийн замтай холбох D-рамп гүүрийн шон суурь, баганан тулгуур, ригель цутгах ажил дуусаж, дам нуруу угсрах ажил хийгдэж дууссан. Дугуй цохигч, хучилтын хавтан цутгах ажил хийгдэж байна.

Жаазан гүүр, U сувгийн барилга угсралтын ажил дуусаж, дугуй цохигчийн бетон цутгалтын ажил үргэлжлэн хийгдэж байна.

Богд уулын арын зам, Наадамчдын гудамж, Чингисийн өргөн чөлөө, Ажилчдын гудамжны /ML, AR, AL ба D чиглэл/ замын далан, буталсан чулуун суурь, асфальт бетон хучилтын ажил хийгдэж байна.

Хуучин гүүрийн засварын ажлын хүрээнд хучилтын хавтан, засварын бетон цутгах ажил хийгдэж дууссан, явган замын бетон бүтээцийг угсрах ажил хийгдэж эхэлсэн.

Түр гүүрэнд байрлуулсан холбооны шугам сүлжээг шилжүүлэн зөөвөрлөх ажил хийгдэж байна.

УИХ дахь Ардчилсан намын бүлэг өнөөдөр хуралдаж, ирэх оны төсвийн төслийг хэлэлцжээ. Бүлгийн хуралдаанд Сангийн сайд Ч.Хүрэлбаатар ирэх оны төсвийн талаар мэдээлэл өгсөн байна.

Ам.долларын ханш чангарч өнөөдрийн байдлаар 2,568 төгрөгт хүрэв. Үүнийг даган өнгөрөгч амралтын өдрүүдэд шатахууны үнэ нэмэгджээ.

Тодруулбал, бензиний үнэ 60-80 төгрөгөөр, дизелийн үнэ 90-100 төгрөгөөр нэмэгдсэн байна.Энэ удаагийн үнийн өсөлт нь ам. долларын ханш өссөнтэй холбоотой гэж шатахуун импортлогчид тайлбарлаж буй юм.

Өнөөдрийн байдлаар:

• Петровис компанийн шатахуун түгээх станцууд АИ-92-ыг 1,885, АИ-95-ыг 2,215, Дизель түлшийг 2,245 төгрөгөөр;
• ТЭС Петролиум ХХК АИ-92-ыг 1,890, АИ-95-ыг 2,150, Дизель түлшийг 2,250 төгрөгөөр;
• Шунхлай ХХК АИ-92-ыг 1,885, АИ-95 шатахууныг 2,220, Дизель түлшийг -2,245 төгрөгөөр;
• Магнай Трэйд ХХК АИ 92-ыг 1,890, АИ-95-ыг 2,150, Дизель түлшийг 2,250 төгрөгөөр тус тус худалдаалж байна.

Харин зарим шатахуун импортлогчид, тухайлбал Содмонгол, Синчи Ойл зэрэг компаниуд одоогоор үнээ нэмээгүй байгаа юм. Энэ талаар тус газруудаас тодруулахад “Өнөөдрийн байдлаар нэмэгдээгүй байгаа ч, цаашид нэмэгдэнэ. Долларын ханш өдөр ирэх тусам чангарч байна” гэсэн хариуг хэлж байв.

Монголбанк 2018 оны есдүгээр сард ипотекийн зээлд зориулж 16 тэрбум төгрөгийн санхүүжилтийг банкуудад олгожээ. Ингэснээр 239 иргэн шинээр ипотекийн зээлд хамрагдсанбайна.

Энэ оны эхний есдүгээр сарын байдлаар Монголбанкны эх үүсвэрээс 143.7 тэрбум төгрөг, Засгийн газрын эх үүсвэрээс 59.6 тэрбум төгрөг, нийт 203.2 тэрбум төгрөгийн ипотекийн зээлийг 2,724 иргэнд олгожээ.

Ипотекийн зээлийн хөтөлбөрт 2018 он дуустал 150 гаруй тэрбум төгрөгийн санхүүжилт олгох тухай Монголбанкнаас мэдээлэл хийх үеэр тус банкны Судалгаа, статистикийн газрын захирал Д.Ган-Очир хэлж байсан юм.