Улаанбаатар хотын ундны эх үүсвэр, усан сан бүхий газар дахь хөрсний бохирдол аюулын харанга дэлдэж, Нийслэлчүүдийн эрүүл мэндэд аюул учруулах хэмжээнд байгааг мэргэжлийн байгууллагуудын дүгнэлт баталж байгаа билээ. Усан сан бүхий газрын хөрсний бохирдол нь Улаанбаатар хотыг богино хугацаанд ундны хомстолд хүргэхээс гадна, олон төрлийн халдварт өвчний эх үүсвэр болдог гэдгийг эрүүл мэндийн байгууллагууд анхааруулж байна.
Нийслэлийн нутаг дэвсгэр дэх усны сан бүхий газрын онцгой хамгаалалтын бүсэд 3.852, энгийн хамгаалалтын бүсэд 18.381, эрүүл ахуйн хориглолтын бүсэд 3.629, нийт 25.862 иргэн, аж ахуйн нэгж байгууллага газар эзэмшиж, ашиглаж байгаа талаарх судалгаа байдаг. Энэхүү хамгаалалтын бүсэд газар эзэмшиж, ашиглаж байгаа иргэн, аж ахуйн нэгж байгууллагуудын дийлэнх нь битүүмжлэлгүй нүхэн жорлон, угаадасны нүх ашигладаг нь усны сан бүхий газрын 28554,6 га, ус хангамжийн эх үүсвэрийн 12708,6 га газар болон Улаанбаатарчуудын ундны эх үүсвэрийг бохирдуулж байгаа нь хотын иргэн бүрийн санаа зовох асуудлын нэг болоод байсан билээ.
Харин Нийслэлийн Засаг дарга С.Батболд “Улаанбаатар хотын усны сан бүхий газрын онцгой, энгийн хамгаалалтын бүс болон ус хангамжийн эх үүсвэрийн эрүүл ахуйн хориглолтын, хязгаарлалтын бүсэд газар эзэмшиж, ашиглаж байгаа иргэн, аж ахуйн нэгж, байгууллага стандартын бус нүхэн жорлон, угаадасны нүх ашиглахыг хориглох” захирамж гаргалаа. Уг захирамж хэрэгжиж эхэлснээр усны сан бүхий газар, ус хангамжийн эх үүсвэрийн хамгаалалтын бүсэд газар эзэмшиж ашиглаж байгаа 25.862 иргэн, аж ахуйн нэгж байгууллага “Техникийн шаардлагаМNS5924:2015 стандарт”-ын дагуу нүхэн жорлон, ариун цэврийн байгууламжтай болж, хамгаалалтад авсан усны сан бүхий газрын 28.554,6 га, ус хангамжийн эх үүсвэрийн 12.708,6 га газрын хөрс, ус бохирдох нөхцөлийг эрс бууруулах юм. Мөн “Нүхэн жорлон, угаадасны нүх. Техникийн шаардлага МNS5924:2015” стандартыг сурталчлах, хориглосон бүсэд стандартын бус нүхэн жорлон, угаадасны нүх ашиглаж буй иргэн, аж ахуйн нэгж, байгууллагад газрын гэрчилгээ сунгах, нэр шилжүүлэх, байгалийн дагалт баялаг ашиглах эрхийн бичиг, худгийн зөвшөөрөл, байгаль орчны дүгнэлт олгох үйлчилгээ үзүүлэхгүй байх арга хэмжээ авч ажиллахыг Нийслэлийн Байгаль орчны газар, Нийслэлийн Газрын албанд тус тус үүрэг болголоо.
Хөгжмийн зохиолч, төгөлдөр хуурч Б.Чинбат “Хязгааргүйн цаана” бие даасан гурав дахь тоглолтоо энэ сарын 21, 22, 23-нд “Corporate Convention Centre”-ийн концертын танхимд хийхээр болжээ. Тэрбээр 2011 онд анхны бие даасан “Давтагдашгүй”, 2012 онд “Эзлэн” тоглолтоо хийж байсан юм. 
ОХУ-ын зүүн нутгийн боомт хот болох Владивостокт мягмар гарагт эхэлсэн Дорнын эдийн засгийн IV чуулга уулзалтад дэлхийн улс орнуудын удирдагчид, бизнесийн салбарын манлайлагчид оролцож байна.
Хятадын интернэт худалдааны томоохон төлөөлөгч болох “Алибаба” группийг үүсгэн байгуулагч Жэк Ма компанийнхаа захирлуудыг зөвлөлийн даргын албан тушаалаас огцорч буйгаа өчигдөр мэдэгдлээ. Түүний халааг гүйцэтгэх захирал Дэниэль Жан авах юм байна. Тэрээр ирэх оны есдүгээр сараас 10-нд үүрэгт ажилдаа орох юм байна. Юутай ч Жэк Ма албаа шилжүүлэх хүртлээ ТУЗ-ийн даргын албаа үргэлжлүүлэн хаших гэнэ. Тэрбээр гаргасан шийдвэрийнхээ талаар Хятадын твиттер гэгдэх “Weibo”-д жиргэхдээ “Алибабагийн бамбарыг Дэниэл болон түүний багийнханд шилжүүлэх үйл ажиллагааг эхлүүлсэн нь зөв цагт гаргасан зөв шийдвэр гэж үзэж байна. Дараагийн үеийн удирдагчдадаа бүрэн итгэж байна” гэв. Тэрээр цааш нь “Би боловсролын салбартаа эргэн орохыг хүсч байна. Миний хийх дуртай зүйл учраас маш их баяртай байгаа” гэжээ. Дашрамд дурдахад, Жек Ма 2020 онд болох компанийн хувьцаа эзэмшигчдийн хурал болох хүртэл удирдах зөвлөлийн гишүүн хэвээр байх аж. Тэрбээр интернэт худалдааны бизнест гайхалтай амжилтад хүрсэн нэгэн. Түүний компанийн нийт хөрөнгө 400 тэрбум ам.доллар гэх. Мөн дэлхийн томоохон компаниудын нэгт зүй ёсоор тооцогддог билээ.
Нэг өдөрт 88 км-ыг унадаг дугуйгаар аялах “ЧИНГИС ХААН-2018” Азийн наадмын бүртгэл эхэлжээ.
Говьсүмбэр аймгийн Шивээ-Овоо сумын гуравдугаар цэцэрлэгт явдаг 44 хүүхэд өнгөрсөн долоо хоногийн Баасан гаригт хоолны хордлогод оржээ. Тэдний зарим нь эмнэлэгт, зарим нь гэрээр эмчлүүлж байгаа аж. Одоогоор тус цэцэрлэгийг түр хугацаанд хааж, хоолонд хэрэглэсэн мах сүүг нь аймгийн Хөдөө аж ахуйн газар болон Мэргэжлийн хяналтын газар шалгаж байгаа гэнэ. Мөн багш нарын эрүүл мэндийн асуудлыг аймгийн Эрүүл мэндийн төвд шалгуулахаар өгчээ. Өнөөдөр /2018.09.11/ орой гэхэд хариу нь гарна гэж холбогдох албаныхан хэлсэн юм. Ингээд энэ талаар Шивээ-Овоо сумын Иргэдийн төлөөлөгчдийн хурлын дарга Ц.Эрдэнэбаттай утсаар холбогдож товчхон тодруулга авлаа.
Өнгөрсөн амралтын өдрүүдэд Сүхбаатар аймгийн нутаг дэвсгэрт шонхор шувуу барьж буй отгуудад хяналт, шалгалт хийжээ. Шалгалтаар олон төрлийн зөрчил илэрсэн бөгөөд отгуудад байрлах араб иргэдээс галт зэвсэг хүртэл гарсан байна. Тус аймгийн Засаг даргын орлогч Т.Мөнхболдоор ахлуулсан ажлыг хэсэгт Монголын жигүүртэн амьтдыг хамгаалах ТББ, Монголын сайтуудын холбооны төлөөлөл, аймгийн Цагдаагийн газрын алба хаагчид багтжээ.
Олон удаагийн виз олголтын журманд өөрчлөлт орсон талаар БНСУ-ын Элчин сайдын яам өнөөдөр мэдээлэл хийлээ. Визний журмын өөрчлөлтийг БНСУ-ын Хууль зүй яам, Гадаадын иргэн харьяатын алба, Цагаачлалын алба шинэчилсэн байна. Сүүлийн үеийн судалгаагаар 1000 орчим Солонгос иргэн Монгол Улс руу байнгын зорчих олон удаагийн визийг авсан байна. Харин 37 мянган Монгол иргэн БНСУ-руу зорчих олон удаагийн виз авчээ. 
ОХУ-ын ерөнхийлөгч В.Путин Японы ерөнхий сайд Ш.Абэг өчигдөр Владивосток хотноо хүлээн авч уулзжээ. Оросын төрийн тэргүүн мэдэгдэхдээ “Хоёр талын харилцаа эрчтэй өрнөж байна. Мөн хоёр орны цэргийн байгууллагуудын хувьд энэ нь анхны хамтын ажиллагаа болох юм” гэжээ. Японы Ерөнхий сайд онцлохдоо хүмүүнлэнгийн салбарын хөгжлийг жишээ болгож, хоёр орны худалдааны эргэлт өссөнийг цохон дурдсан байна. Тэрбээр ярихдаа “Өнгөрсөн онд хоёр талын худалдааны эргэлт мөн өссөн үзүүлэлттэй гарч байсан. Сүүлийн зургаан сард энэхүү үзүүлэлт 20 хувиар нэмэгдсэн” гэжээ. Мөн тэрбээр хоёр тал эдийн засгийн хамтын ажиллагаагаа хөгжүүлэх болоод энхийн гэрээний талаар хэлэлцэх болно гэдэгт найдаж буйгаа онцолжээ. Сануулахад, өнөөдөр Владивосток хотноо Дорнын эдийн засгийн форум эхлэх юм. Японы ерөнхий сайд тус форумд оролцоно. Дэлхийн хоёрдугаар дайн дуусгавар болох үед хоёр тал энхийн гэрээ байгулахаар хэлэлцэж байсан ч тохиролцож чадаагүй. Учир нь Японы тал маргаантайд тооцогдох Кунашир, Шикотан, Итуруп, Хабоман арлуудыг нутагт нь буцаан өгөх нөхцөл тавьсан байдаг. Гэвч тал тэдгээрийг өөрсдийн эзэмшлийнх гэж үзсээр байгаа юм.