Ардчилсан нам (АН)-ын “Нийслэлийн чуулган-2018” энэ сарын 14-16-ны өдрүүдэд Төв аймгийн Баянчандмань суманд болно.
Энэ удаагийн чуулганд нийслэлийн есөн дүүргээс гадна Хэнтий, Өмнөговь, Баян-өлгий, Өвөрхангай, Сэлэнгэ аймгийн АН-ын гишүүд, дэмжигчдийн төлөөлөл бүхий 1000 гаруй хүн оролцох аж. Чуулганы үеэр АН-ын удирдлагууд “Монгол Улсын гадаад өр”, “Сөрөг хүчний ажиллах стратеги”, “Улстөрийн намуудын индекс” зэрэг Монгол Улсын нийгэм, эдийн засгийн өнөөгийн байдлын талаар мэдээлэл өгөх аж. Түүнчлэн чуулганд оролцогчдын дунд олс таталт, байт харваа, хөлбөмбөг зэрэг спортын тэмцээнд зохион байгуулахаар төлөвлөсөн байна.
Монгол Улсын Ерөнхийлөгч Х.Баттулга ОХУ-ын Ерөнхийлөгч Владимир Путин, Японы Ерөнхий сайд Шинзо Абэ нарын хамтаар Дорнын эдийн засгийн IV чуулганы хоёр дахь өдөр болсон Өсвөрийн жүдо бөхийн тэмцээний финалын барилдаануудыг үзэж сонирхон, медальт байранд шалгарсан тамирчдын шагналыг гардуулав.
Нийслэлийн нутаг дэвсгэрт Газрын зөрчил арилгах нэгдсэн арга хэмжээг үргэлжилж байгаа бөгөөд Нийслэлийн Засаг даргын орлогч П.Баярхүү ажлын хэсгийн хамт Баянзүрх, Чингэлтэй дүүргүүдэд хийгдэж буй газрын зөрчил арилгах ажлын явцтай танилцаж, үүрэг өгч ажиллалаа.
Дүүргийн 1 дүгээр хороонд нийтийн эзэмшлийн зам талбайд явган хүний зам хааж, шат өргөтгөл хийсэн Топика ХХК-нд дүүргийн Газрын албанаас шаардлага хүргүүлсэн бөгөөд тус байгууллага шаардлагыг хүлээн авч шатаа нарийсган явган хүний зам гаргасан байна. Мөн тус хороонд үйл ажиллагаа явуулдаг МИГ даатгал ХХК хашааг татаж, явган хүний зам гаргах ажил бүрэн хийгдсэнийг холбогдох албаныхан хэллээ.
Монгол Улсын Гадаад харилцааны яамны дэмжлэгтэйгээр Швейцарийн Берн хотын их сургуулийн монгол судлалын тэнхимээс эрхлэн “Монголын нийгмийн хөдөлгөөнт болон сууршилын үйл явц” сэдэвт олон улсын эрдэм шинжилгээний бага хуралд энэ 9 дүгээр сарын 11-13-ний өдрүүдэд Берн хотноо зохиогдож байна. Монгол Улсаас Швейцарийн Холбооны Улсад суугаа Элчин сайд Л.Пүрэвсүрэн хурлын нээлтэд оролцож, Монголын төр, засгаас монгол судлалыг дэмжих чиглэлд баримталж буй бодлого, үйл ажиллагааны талаар танилцуулав.
Боловсрол, соёл, шинжлэх ухаан, спортын яам, Засгийн газрын хэрэгжүүлэгч агентлаг Соёл урлагийн газар, Монголын уран зургийн галерей хамтран Засгийн газрын 2006 оны 115-р тогтоолоор баталсан “Дүрслэх урлагийн шилдэг бүтээлийг улсын санд худалдан авах журам”-ын дагуу 2018 оны дүрслэх урлагийн шилдэг бүтээлийн үзэсгэлэн болон шалгаруулалтыг 2018 оны 9 дүгээр сарын 27-ний өдрөөс 10 дугаар сарын 12-ны өдрийг хүртэл Монголын Уран зургийн галерейд зохион байгуулах гэж байна.
Хөдөлмөр, нийгмийн хамгааллын сайд С.Чинзориг, Боловсрол, соёл, шинжлэх ухаан, спортын сайд Ц.Цогзолмаа нар өчигдөр Монголын боловсрол, шинжлэх ухааны үйлдвэрчний эвлэлийн холбоо болон Багш нарын ажил хаялтыг зохион байгуулах ажлын хэсгийн төлөөлөлтэй уулзаж, цалин нэмүүлэх асуудлаар тавьсан шаардлагынх нь хариуг өглөө.
Энэ сарын 12-ны өдрийн 22:43 цагт Нийслэлийн Онцгой байдлын газарт Төв аймгийн Баянчандмань сумын Эрдэнэ багийн “52-ын даваа”-ны автозамын зорчих хэсэгт (сумын төвөөс урд зүгт 18 км-т) дизель түлш тээвэрлэж явсан автомашин давааны уруу руу онхолдож, дизель түлш асгарсан тухай дуудлага иржээ.
Бүгд Найрамдах Индонез Улсын Бали хотноо зохиогдож буй: “Бүх Нийтийг Тогтвортой Эрчим Хүчээр Хангахын Төлөөх Түншлэл” сэдэвт Тогтвортой хөгжлийн асуудлаарх парламентын дэлхийн 2 дугаар чуулга уулзалтын үеэр УИХ-ын дэд дарга Л.Энх-Амгалан тэргүүтэй төлөөлөгчид Бүгд Найрамдах Индонез Улсын төлөөлөгчдийн танхимын дэд дарга ноён Фадли Зонтой уулзлаа.