Зам тээврийн хөгжлийн яамны газрын дарга нар өрөөндөө согтууруулах ундаа хэрэглэж нэгнийхээ аминд хүрсэн ноцтой хэрэг гарсан. Үүнээс болж Засгийн газраас яамны удирдлагуудыг бүрэлдэхүүнээр нь өөрчилсөн. Одоогоор Зам тээврийн хөгжлийн сайдын суудал намрын чуулганыг хүлээж байгаа бол дэд сайдаар Л.Халтарыг, ТНБД-аар Р.Мэргэнийг томилоод буй.
Мөн газрын дарга нарын сонгон шалгаруулалтыг сарын өмнө Төрийн албаны зөвлөлд хүргүүлжээ. Тэгвэл Зам тээврийн хөгжлийн яаманд хэд хэдэн томилгоо хийсний дотор хүний амины хэрэгт сэжиглэгдээд буй Төрийн захиргааны удирдлагын газрын дарга Б.Махбалын оронд Ж.Гантөмөрийг, талийгаач Хяналт шинжилгээ үнэлгээ дотоод аудитын газрын дарга асан Т.Гомбосүрэнгийн оронд түр орлон гүйцэтгэгчээр М.Энхболдыг үүрэг гүйцэтгэгчээр томилжээ.
Ж.Гантөмөр өмнө нь Төрийн захиргааны удирдлагын газрын даргаар, М.Энхболд нь Хяналт шинжилгээ үнэлгээ дотоод аудитын газарт ажиллаж байжээ. Түүнчлэн Төмөр зам, далайн тээврийн бодлогын хэрэгжилтийг зохицуулах газрын дарга Р.Артурын оронд А.Батболдыг, ЗТХЯ-ны Авто замын бодлогын хэрэгжилтийг зохицуулах газрын дарга Э.Энхбатын оронд Д.Доржхандыг түр орлон гүйцэтгэгчээр томилсон байна.
Жүдо бөхийн ДАШТ энэ сарын 20-нд Азербайжаны Баку хотод нээлтээ хийнэ. БНСУ-ын Жүдо бөхийн холбооноос тус тэмцээнд оролцох холимог баг Хойд болон Өмнөд Солонгосын жүдочид нэгдэж оролцохоор болсныг дуулгав. Холимог багийн тэмцээн ДАШТ-ий сүүлийн өдөр буюу 27-нд болно. Өнгөрсөн сард болсон Азийн Наадмын үеэр хоёр Солонгосын нэгдмэл баг гурван төрөлд хамт оролцсон билээ. Тодруулбал, хоёр төрлийн завины уралдаан. эмэгтэй сагсан бөмбөгийн багийг хоёр Солонгосын тамирчдаас сонгосон.
НИТХ-ын төлөөлөгч Ц.Одонтунгалаг Нийслэлийн Засаг дарга С.Батболдод хүүхдийн асуудлаар асуулга тавьжээ. Улаанбаатар хот хүүхдэд чиглэсэн үйлчилгээ дутагдалтай, хүүхдийн аюулгүй байдлыг хангаагүй, хүүхдэд ээлгүй орчинтой байгааг асуулгад дурдсан бөгөөд НИТХ-ын ээлжит чуулганаар хариуг сонсохыг хүсч дараах асуулгыг тавьсан байна.
Триатлоны спортын нэгэн төрөл болох Дуатлоны улсын аварга шалгаруулах тэмцээн энэ сарын 22-ны бямба гаригт Улаанбаатар хотод болно. “Гүйлт дугуй гүйлт”-ийн төрлийг нэгтгэсэн Дуатлоны тэмцээнийг Ironman club, Монголын Триатлоны холбоо болон Нийгмийн ардчилал Монголын залуучуудын холбоо хамтран зохион байгуулахаар бэлтгэлээ хангаж байна.
Төрийн албан хаагчдын 2019 оны цалин хөлсний талаарх Хөдөлмөр, нийгмийн зөвшлийн гурван талт улсын хэлэлцээр өнөөдөр МҮЭ-ийн холбооны байранд боллоо. 
Өнгөрсөн наймдугаар сарын эхэнд 2450 төгрөг байсан ам.долларын ханш сүүлийн нэг сард ийнхүү эрчимтэй өслөө. 2018 оны наймдугаар сард Төв банк 2.8 тонн алт, энэ эхний найман сарын байдлаар 12.2 тонн алт худалдан авсан талаар мэдээлсэн. Долоодугаар сарын байдлаар Монголбанкны гадаад валютын албан нөөц 2.9 тэрбум ам.долларт хүрч, өнгөрсөн оныхоос гурав дахин өсөөд буй юм.
Нийслэлийн иргэдийн Төлөөлөгчдийн Хурлын 2018 оны 16/08 дугаар тогтоолоор батлагдсан “Нийслэлийн иргэдийн хууль, эрх зүйн боловсролыг дээшлүүлэх дэд хөтөлбөр”-ийг хэрэгжүүлэх ажлын хүрээнд сар бүрийн 3 дахь долоо хоногийн Лхагва гарагт “Нийслэлийн иргэдэд хууль, эрх зүйн үнэ төлбөргүй зөвлөгөө өгөх өдөрлөг”-ийг холбогдох нутгийн захиргааны болон хуулийн байгууллагуудтай хамтран тогтмол зохион байгуулан ажиллаж байна.
АНУ-ын “Space X” компани сарыг тойрон аялах анхны жуулчнаа сонгожээ. Өнгөрсөн даваа гаригт болсон хэвлэлийн бага хурал дээр тус компанийн төлөөлөгчийн мэдээлснээр, сар руу аялах анхны жуулчнаар Японы тэрбумтан, бизнес эрхлэгч Юсака Маэдзава тодорсон байна.