08.00 цагт “Cosy Club Ulaanbaatar Restaurant”-т “999+” нэгдлийн “Өгөх, Туслах, Хуваалцах, Үйлчлэх-1” аяны танилцуулах уулзалт болно. Утас:88002938
09.00 цагт Төрийн ордонд Нобелийн шагналт эрдэмтэн, тархи судлаач, доктор, профессор Эдвард Мозер “Цаг хугацаа ба орон зай” сэдвээр лекц уншина.
11.00 цагт МҮЭСТО-д ОХУ-н эрдэмтэн, анагаах ухааны доктор М.В.Кутушов “Хавдар болон архаг хууч өвчнийг үүсэх гол шалтгаан буюу уургийн тэнцвэрт байдал алдагдсан эсэхийг эсийн төвшинд эрт үед нь оношлож, анагаах нь” сэдвээр лекц уншина. Утас:99753064
11.00 цагт Спортын төв ордонд ӨМӨЗО-ны Ордос хотноо болох Хүүхдийн спортын наадамд оролцох Монголын баг тамирчдыг үдэн гаргах ёслолын ажиллагаа болно.
12.00 цагт “Мишээл экспо төвд “Намрын ногоон өдрүүд” нэгдсэн арга хэмжээний хаалтын ёслол болно. Утас:80019000, 99020804
Уул уурхай Монголд хүчээ авсан тэр цагаас хойш Монголын нийгэм дэх тодорхой бүлэг хүмүүс хүнээ байсныг уул уурхайн салбарт их бага хэмжээгээр бизнес эрхэлдэг бүх хүн мэддэг. Мэддэг учраас төр, хувийн хэвшлийн оролцоотой уул уурхайн аль ч компанийн захирал элдэв мэдээлэл хийхээс болгоомжилж ирсэн. Ийм нууцлагдмал байдал нь эргээд тэднийг элдвээр хардаж сэрдэх, гүжирдэж гүтгэх байдал руу оруулдаг юм. Ялангуяа Монголын стратегийн ордуудыг эзэмшдэг “Эрдэнэс Монгол” компани, түүний салбар компанийн захирлууд ярилцлага өгч, хэвлэлийн бага хурал зарлахдаа тун хойрго. Харин ойрын өдрүүдэд “Эрдэнэс Таван толгой” компанийн гүйцэтгэх захирал нөхөр өөрийн биеэр гарч ирж хэвлэлийнхнийг цуглуулж орлого, ашгаа нэгд нэгэнгүй тоочлоо. Ямар юмаа хийж хүнээ алдсан эрх мэдэлтнүүдийн шуналыг хөдөлгөсөн юм яриад байгаа юм бэ. Юу бодож уул уурхай бүрийг жадлан эсэргүүцэж, болж бүтэж байгаа бүхнийг мушгин гуйвуулж байдаг янз бүрийн хүмүүсийн шантаажийг дэвэргэх юм хийгээд байгаа юм гэж Б.Ганхуяг захирлыг буруутгамаар. Тэгтэл бас нөгөө талдаа “Жингийн цуваа явдгаараа явна, жингэрийн гөлөгнүүд хуцдагаараа хуцна” гэдэг зарчмаар ажиллаж байгаа нөхөр юм байх даа гэж тоож байна. Түүнийг сая мэдээлэл хийснээс хойш судлаачид бичээд эхэлсэн. “Таван толгой” таны ч, миний ч өмч болох бодит зам дээрээ гарлаа. Одоо хамгийн хариуцлагатай, болгоомжтой байх асуудал бол улс төр, бизнесийн бүлэглэлийн хууль бус ашиг сонирхлуудаас “Таван толгой”-г хамгаалах гэж.
Тухайлбал “Эрдэнэс Таван толгой” компанийн дэргэд Олон нийтийн зөвлөл байгуулах гэнэ. Зөвлөлийн гишүүн есөн хүнийг ард түмний саналаар сонгох гэнэ. Энэ бол олон улсын жишигт байдаг хамгийн эрүүл зөв хувилбар. Гэхдээ зөвлөлийг байгуулахдаа маш болгоомжтой няхуур хандаж, Монголд жишиг болсон Олон нийтийн зөвлөлийг байгуулж өгөөрэй гэж хүсэх байна. Тэгж чадвал Монголын компанийн засаглалын төлөвшилд үнэлж баршгүй хувь нэмэр болно. Ингэж хүсэхийн учир гэвэл АТГ-ын Олон нийтийн зөвлөлийг хар. Тийм сайн, эрүүл саруулаар ажиллаж чадаж байгаа юу. Улстөрчдийн аймшигтай эрх ашиг орчихсон гэж мэргэжилтнүүд дүгнэдэг. Монголын Үндэсний олон нийтийн радио, телевизийн Олон нийтийн зөвлөлийг хар. Улстөрчдийн ямар эрх ашиг үйлчилж байгааг. Олон нийтийн зөвлөл дэргэдээ байгуулаад бүтэлтэй юм болсон газар энэ улсад өнөөдөртөө алга. Харин энэ бүх бэрхшээлийг давж гараад үнэхээр нэг Олон нийтийн зөвлөлийг ажиллуулсан шиг ажиллуулж чадвал Б.Ганхуяг захиралд талархъя. Бусад нь үлгэр аваг.. 
“Лайон менежер лимитед”-ийн гүйцэтгэх захирал Хэдли Виддаптай ярилцлаа.
Аргын тооллын есдүгээр сарын 24, Сумъяа гариг. Билгийн тооллын 15, Шувуун хушуут одтой, шарагчин хонь өдөр. Өдрийн наран 6:42 цагт мандан, 18:44 цагт жаргана. Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр элдэв үйлд хянуур хандах хэрэгтэй ба ан гөрөө хийх, мал, адгуус муулах, хишиг даллага дуудуулах, насан бүтээл хийлгэх, эрдэнийг гадагш өгөх, мал худалдан авах, мал түгээх, сахил санваар авах, огторгуйн үүдийг боох, их хүмүүнтэй уулзахад сайн. Хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой.
Өглөө бүр тантай хамт байдаг “Өдрийн сонин”-ы даваа гаригийн дугаар 20 нүүрээр хэвлэгдэж, та бүхний гар дээр хүрч байна.
“Боловсрол суваг” телевиз АНУ-ын CBS студийн албан ёсны эрхтэйгээр “Mongolia’s next top model-2” нэвтрүүлгийг хоёр дахь жилдээ тун удахгүй үзэгчдийн хүртээл болгох гэж байна.
Төрийн албаны автомашиныг хувийн хэрэгцээнд ашиглахгүй байх, тусгай тэмдэглэгээ наах ажлыг 2019 оны нэгдүгээр сарын 1-ээс эхлүүлнэ гэж Засгийн газрын Хэрэг эрхлэх газрын дарга Г.Занданшатар мэдэгдэв. Г.Занданшатар сайдын хэлснээр, Төрийн албаны бүх машинд “Төрийн албаны машин” гэсэн тэмдэглэгээ, наалт наах юм байна. Мөн утасны дугаар байрлуулж өөр зориулалтаар ашиглаж байвал утасдаж мэдээлэл өгч байх боломжийг иргэдэд бий болгох аж. Тэрбээр, энэ талаар өнгөрсөн хоёр өдөр болсон Төрийн албан хаагчдын улсын зөвлөгөөний үеэр мэдэгдэж, өөрийн фэйсбүүк хуудаснаа ч бас нийтэлжээ.
Японы мэргэжлийн сүмогийн есдүгээр сарын барилдаан өнөөдөр өндөрлөв. Энэ удаагийн башёд их аварга Хакүхо М.Даваажаргал 15 давж, 41 дэх түрүүгээ авлаа. 41 удаа түрүүлэхдээ 14-т нь нэг ч уналгүй түрүүллээ. Тэрээр өчигдөр озэки Гойэдог давснаар түрүүлэх болзлоо хангаад байсан юм. Мөн озэки Гойэдогоор дээд зиндааны 1000 дахь даваагаа авсан. Өнөөдөр их аварга Какүрюү М.Анандтай барилдаж 1001 дэх даваагаа авсан юм. Их аварга Хакүхо энэ удаагийн башёд түрүүлснээс гадна олон дээд амжилтын эзэн боллоо. Тэрээр их аварга цолтой хамгийн олон башёд барилдсан, хамгийн олон башёд түрүүлсэн, дээд зиндаанд хамгийн олон даваа авсан, нэг жилийн барилдаануудад хамгийн олон даваа авсан зэрэг нийт долоон дээд амжилтын эзэн болоод байгаа юм. Мэргэжлийн сүмогийн дээд зиндаанд 41 түрүүлсэн түүний амжилтыг ойрын 30-40 жилд эвдэх боломжгүй хэмээн сүмо сонирхогчид, судлаачид үзэж байгаа ажээ. Их аварга Хакүхо энэхүү амжилтынхаа талаар хэлэхдээ “Ирээдүйн бөхчүүдэд том зорилго болох зам гаргаж өглөө” гэсэн юм. 
Өмнөговь аймгийн ИТХ-ын даргаар ахлуулсан ажлын хэсэг Цогтцэций, Баян-Овоо, Ханбогд сумдын нутаг дэвсгэрээр дайран өнгөрч байгаа Тавантолгойн уурхайн орд газраас Гашуунсухайтын хилийн боомт хүртэлх 239 км авто зам дээр гарч байгаа зам тээврийн осол, зөрчлийн байдалтай танилцжээ. Тус ажлын хэсэг Цогтцэций сумаас Гашуунсухайтын авто замын тэг цэгээс Оюутолгойн уурхай хүртэлх замд шөнийн цагаар тээвэрлэлт хийж байгаа авто машинуудын тээврийн хэрэгслийн гэрэл дохионы бүрэн бүтэн байдал, тээврийн хэрэгсэл шөнийн цагаар хөдөлгөөнд оролцохдоо гэрэл дохиог шилжүүлж байгаа эсэхтэй танилцаж ажиллахад таван авто машинаас дөрөв нь гэрэл дохионы болон бичиг баримтын зөрчилтэй байжээ. Мөн тус замд замын эвдрэл гэмтэл их байгаатай холбоотой жолооч нар тухайн замын цөмөрхий, эвдрэлийг тойрон гарах болон хурд хэтрүүлж хөдөлгөөнд оролцсоноос мөргөх, мөргөлдөх, замын хажууруу унах ослууд гардаг байна.