Month: September 2018

Өглөө бүр тантай хамт байдаг “Өдрийн сонин”-ы баасан гаригийн дугаар 20 нүүрээр хэвлэгдэж, та бүхний гар дээр хүрч байна.

“Өдрийн сонин”-ы тэргүүн нүүрт Хөрөнгө оруулагчдын хөлд дарагдсан
“Дисковер Монголиа” хэмээн өгүүлсэн байна.

“ӨДРИЙН СОНИН” ӨГЛӨӨ БҮХЭН ТАНТАЙ ХАМТ

Метро дэлхийн томоохон хотуудын тээврийн асуудлыг шийдэх гарц, хөгжил дэвшлийн илэрхийллийн зэрэгцээ метроны байгууламжууд уран барилгын гайхамшгийг харуулсан хосгүй бүтээл болдогоороо онцлог. Дэлхийн хамгийн гоёмсог метроны буудлуудыг танилцуулж байна

1. Италийн Наполо хот. Толедо метроны зогсоол

2. ОХУ-ын Москва хот. Киевская зогсоол

3. Шведийн Стокхолм хот. Метроны төв буудал

4. ОХУ-ын Санкт-Петербург хот. Автова зогсоол

5. Унгарын нийслэл Будапешт хот. Санкт-Геллерт зогсоол

6. БНХАУ-ын Шанхай хотын метро

7. Италийн Неаполь хотын метро

8. Парисын метро

9. Тайваний Каошиунг хотын метро

10. Шведийн Стокольм хот. Kungstradgarden зогсоол

11. АНУ, Нью Йорк хот. Метроны төв буудал

12. Шведийн Стокгольм хот. Метроны төв станц

13. Португал. Олайас зогсоол

14. Швед, Стокгольм хот. Цэнгэлдэх хүрээлэнгийн зогсоол

15. Москва хот. Славянский бульвар зогсоол

Харилцаа Холбоо, мэдээлэл технологийн газрын урилгаар ирсэн Фэйсбүүк компанийн Ази, Номхон далайн бүсийн төлөөлөгчид өнөөдөр цахим орчинд хуурамч мэдээ мэдээлэл түгж нийгмийн сэтгэл зүйг эвдэж хүүхэд залуусын хүмүүжилд сөргөөр нөлөөлж буйг хэрхэн зөв зохистой хэрэглээ бий болгох, цэгцлэх асуудлаар хэлэлцэв.

Засгийн газрын Хэрэг эрхлэх газрын дарга Г.Занданшатар, Боловсрол, соёл, шинжлэх ухаан, спортын сайд Ц.Цогзолмаа болон Монголын үйлдвэрчний эвлэлийн холбооны ерөнхийлөгч Х.Амгаланбаатар, Боловсрол, шинжлэх ухааны үйлдвэрчний эвлэлийн холбооны тэргүүн Ж.Батзориг, ажил хаясан багш нарын төлөөллийг хүлээн авч уулзан, үүсээд буй нөхцөл байдлын талаар ярилцжээ. Г.Занданшатар сайд “Төсөвт байгаа боломжоороо бид багш, эмч, ажилчдынхаа цалинг нэмэгдүүлсэн. 2019 оны эхнээс цалинг инфляцтай уялдуулан үе шаттай нэмэгдүүлнэ. Ажил хаялтаас болж хүүхдүүд хохирох ёсгүй. Хүүхдүүдийнхээ төлөө ажил хаялтаа зогсоож, хэлэлцээрийн ширээнд сууж ярилцъя. Эдийн засаг, төсвийн орлого сайжрахын хэрээр Засгийн газар багш, эмч, ажилчдынхаа цалин, нийгмийн асуудалд анхаарч ажиллана. Хүүхдээ ч, багш нараа ч хохироохгүй байх шийдлийг хамтдаа хайя” гэсэн байна.

Монголын үйлдвэрчний эвлэлийн холбооны ерөнхийлөгч Х.Амгаланбаатар “Засгийн газрын өчигдрийн хуралдаанаар Монголын Үйлдвэрчний эвлэлийн холбооны мэдэгдлийг хэлэлцсэн. Мөн Ц.Цогзолмаа сайд бидэнтэй уулзаж ярилцсан. Харин өнөөдөр Засгийн газрын Хэрэг эрхлэх газрын дарга хүлээн авч уулзан асуудлыг шийдвэрлэхийн төлөө байгаад бид талархаж байна. Үйлдвэрчний эвлэл багш нарынхаа цалинг нэмэгдүүлэхийн төлөө цаашдаа ч явна. Бид ажил хаялтыг зогсоохгүй гэж зүтгэсэн зүйл байхгүй” гэжээ. Мөн тэрээр ажил хаялтыг нэг цаг, нэг өдрийн өмнө ч гэсэн зогсоох хүсэлтэй байгаагаа илэрхийлсэн байна.

Энэхүү уулзалтаар Монголын үйлдвэрчний эвлэлийн холбооны зүгээс тавьж буй болон багш нарын өмнө тулгамдсан зарим асуудлаар өргөтгөсөн ажлын хэсэг байгуулжээ. Тус ажлын хэсэг өнөөдөр, маргааш хоёр өдөр хуралдаад ирэх даваа гаригаас ажил хаялтыг зогсоохыг Засгийн газрын Хэрэг эрхлэх газрын дарга Монголын үйлдвэрчний эвлэлийн холбооны удирдлага болон багш нараас хүсчээ.

“Манай хороо – Миний гудамж” аяны хяналт шалгалт хийх хуваарийн дагуу Улаанбаатар хотын Захирагчийн ажлын албаны Инженерийн байгууламжийн хэлтсийн дарга Т.Хэрлэнгээр ахлуулсан үндсэн ажлын хэсгийн бүрэлдэхүүн 09 дүгээр сарын 05-ны өдөр Налайх дүүрэгт ажилласан.

Ажлын хэсгийг дүүргийн Засаг даргын орлогч С.Тунгалаг, ЗДТГ-ын дарга Ж.Алтангэрэл, Тохижилт, нийтийн үйлчилгээний хэлтсийн дарга П.Нарантуяа, мэргэжилтэн Ц.Тунгалаг, Хот төлөвлөлтийн хэлтсийн дарга А.Туяабаатар, Нийгмийн хөгжлийн хэлтсийн дарга С.Бат-Эрдэнэ, Санхүү төрийн сангийн хэлтсийн дарга Г.Бат-Очир нар хүлээн авч аяны хүрээнд хийсэн ажлын товч танилцуулга, цаашид хэрэгжүүлэх ажил, аяны шалгуурын дагуу нэр дэвшүүлэх хороо, өрх, аж ахуйн нэгжүүдийг танилцуулж, хэрэгжүүлж буй тохижилтын ажлыг газар дээр нь шалгууллаа.

Нийслэл, дүүрэг, гадаадын тусламж дэмжлэг, иргэд, аж ахуйн нэгж, байгууллагуудын дэмжлэг, хөрөнгө оруулалтаар хэрэгжүүлж байгаа зарим тохижилтын ажлуудтай газар дээр нь танилцаж, заавар, зөвлөгөө, зөвлөмжийг хүргэж ажиллалаа гэж Улаанбаатар хотын Захирагчийн ажлын албанаас мэдээллээ.

Метро дэлхийн томоохон хотуудын тээврийн асуудлыг шийдэх гарц, хөгжил дэвшлийн илэрхийллийн зэрэгцээ метроны байгууламжууд уран барилгын гайхамшгийг харуулсан хосгүй бүтээл болдогоороо онцлог. Дэлхийн хамгийн гоёмсог метроны буудлуудыг танилцуулж байна

1. Италийн Наполо хот. Толедо метроны зогсоол

2. ОХУ-ын Москва хот. Киевская зогсоол

3. Шведийн Стокхолм хот. Метроны төв буудал

4. ОХУ-ын Санкт-Петербург хот. Автова зогсоол

5. Унгарын нийслэл Будапешт хот. Санкт-Геллерт зогсоол

6. БНХАУ-ын Шанхай хотын метро

7. Италийн Неаполь хотын метро

8. Парисын метро

9. Тайваний Каошиунг хотын метро

10. Шведийн Стокольм хот. Kungstradgarden зогсоол

11. АНУ, Нью Йорк хот. Метроны төв буудал

12. Шведийн Стокгольм хот. Метроны төв станц

13. Португал. Олайас зогсоол

14. Швед, Стокгольм хот. Цэнгэлдэх хүрээлэнгийн зогсоол

15. Москва хот. Славянский бульвар зогсоол

Нийслэлийн Засаг дарга бөгөөд Улаанбаатар хотын Захирагч С.Батболдоор ахлуулсан ажлын хэсэг өнөөдөр зарим өрхийн эрүүл мэндийн төвүүдэд ажиллав.

Ажлын хэсэг Баянзүрх дүүргийн гуравдугаар хороо, Сүхбаатар дүүргийн 5, 6, 9-р хорооны өрхийн эрүүл мэндийн төвд ажиллалаа. Энэ үеэр тус төвүүдэд нэн шаардлагатай байгаа нярайн шарлалт хэмжих багаж, ургийн монитор, амьсгалын замын эрхтэн цэвэрлэх насос, зүрх судасны даралт хэмжигч зэргийг гардуулан өглөө. НЗДТГ, нийслэлийн Эрүүл мэндийн газраас нийслэлийн хэмжээнд үйл ажиллагаа явуулдаг 152 өрхийн эрүүл мэндийн төвд 431 тоног төхөөрөмжийг олгоод байна.

Нийслэлийн Засаг дарга бөгөөд Улаанбаатар хотын захирагч С.Батболд “Иргэдийн эрүүл мэндийн асуудал, анхан шатны туслалцаа үзүүлэх үйлчилгээг сайжруулах нь хотын хувьд маш чухал зүйл. Эрүүл мэндийн үйлчилгээг гурван ангилалтай үзүүлдэг. Өрхийн эмнэлэг дээр анхан шат, дүүргийн нэгдсэн эмнэлэг хоёр дахь шат, улсын нэгдсэн эмнэлэгүүдэд гурав дахь шатны үйлчилгээг үзүүлж байгаа. нийслэлийн харьяанд дүүргийн болон өрхийн эмнэлэгүүд, төрөх эмнэлэгүүд байдаг. Энд хэрэгцээтээ байдаг тоног төхөөрөмж, үйлчилгээний чанар хүртээмжийг нийслэлийн Эрүүл мэндийн газар хариуцан ажилладаг.

Энэ жил өрхийн эрүүл мэндийн төвүүдийн иргэдэд үзүүлж буй тусламж, үйлчилгээний чанарыг сайжруулах зорилт тавиад байрны засвар үйлчилгээнд 15 сая, тоног төхөөрөмжинд 5 сая төгрөг гаргаж байгаа. Эхний ээлжинд өрхийн эрүүл мэндийн төвүүдэд ямар тоног төхөөрөмж хэрэгцээтэй байгааг нэг бүрчлэн гаргаад шийдэж өгч байна. Энэ тусламж, дэмжлэгээ жил тутам үзүүлээд явах бодолтой байгаа юм.

Мөн бид дүүргүүдийн эмнэлэгийн үйлчилгээг өндөр түвшинд хүргэх зорилт тавиад байгаа. Урд нь үзүүүлж байсан найман төрлийн тусламж, үйлчилгээг үзүүүлэхээр засвар үйлчилгээг нь хийгээд явж байна. Мөн дүүргийн эмнэлэгүүдийн гадна зам, талбайн тохижилтын ажлыг гүйцэтгээд явж байна” гэв.

Нийслэлийн Эрүүл мэндийн газрын дарга Л.Төмөрбаатар “Энэ оныг нийслэлийн зүгээс өрхийн эмнэлэгийн тусламж, үйлчилгээг дэмжих жил болгон зарласан. Үүний хүрээнд өрхийн эмнэлэгт шаардлагатай тоног төхөөрөмжийн судалгааг хийж, нэн тэргүүнд шаардлагатай зүйлсийг гардуулан өгсөн. Мөн зарим өрхийн эмнэлэгийн гадна, дотно засварын ажлыг хийгээд байна” хэмээлээ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.

Монгол, Австралийн Гадаад харилцааны яам хоорондын ээлжит буюу гуравдугаар зөвлөлдөх уулзалт Улаанбаатар хотноо 9 дүгээр сарын 6-ны өдөр болж, Гадаад харилцааны яамны Төрийн нарийн бичгийн дарга Д.Даваасүрэн, Гадаад хэрэг, худалдааны яамны Хойд Азийн асуудал эрхэлсэн Туслах нарийн бичгийн дарга Грахэм Флетчер нар тус тус төлөөлөгчдөө ахалж оролцов.

Хоёр тал 2014 оноос хойш ГХЯ хоорондын зөвлөлдөх уулзалтын механизмтай болсон бөгөөд тус механизм нь Монгол, Австралийн харилцааны байдал, төлөвийн талаар санал солилцох, харилцан итгэлцэл, ойлголцлыг бэхжүүлэх, хамтын ажиллагааны тодорхой асуудлууд болон олон улс, бүс нутгийн харилцан сонирхсон асуудлаар ярилцаж, уялдаа холбоог хангахыг зорьдог.

Энэ удаагийн уулзалтаар Монгол, Австралийн харилцаа, хамтын ажиллагаа улс төр, боловсрол, эдийн засаг, уул уурхай зэрэг олон салбарт амжилттай хөгжиж, “Өргөн хүрээтэй түншлэл”-ийн түвшинд хүрснийг талууд тэмдэглэв. Өнгөрсөн уулзалтаас хойш уул уурхай, боловсрол зэрэг уламжлалт хамтын ажиллагааны салбаруудаас гадна гамшгаас сэргийлэх, онцгой байдлын зэрэг чиглэлд ахиц гарч байгааг сайшаав. Улс орны тулгамдсан асуудлуудыг шийдвэрлэх, тогтвортой хөгжлийг хангахад тус дөхөм болохуйц, олон улсад хүлээн зөвшөөрөгдсөн Австралийн тэргүүний техник технологи, хөгжлийн туршлагаас Монгол Улсад нэвтрүүлж нутагшуулах талаар хөндөж ярилцав.