Монгол Улсын Соёлын Элч, Япон Улсын нэрт дуучин Яширо Аки болон түүний хамтлаг Монгол Улсад дахин тоглолтоо хийхээр тун удахгүй ирэх гэж байна. энэхүү арга хэмжээ нь Монгол Япон Улсын Соёлын харилцааг бэхжүүлэх зорилготой аж.
Яширо Аки дуучин нь Япон Улсад Энка төрлийн дууны хатан хаан хэмээн нэрлэгддэг. Тэрээр 1971, 1973 оноос хойш түүний шинэ уран бүтээлүүд Японы хит дууны жагсаалтыг хэдэн долоо хоногийн турш тасралтгүй тэргүүлж, сонсогч, шүтэн бишрэгч нарынхаа сэтгэлийг уяраасаар ирсэн байна.Өнөөдрийг хүртэл энка төрөлд түүний хит дууны рекордыг эвдсэн амжилт гараагүй аж. Яширо дуучны алдартай дуунуудаас дурдахад: Намида гой, Мо ичидо айтай , Амэ но божоо, Фүна ута, Онна минато мачи, Ай о шинжитай зэрэг уран бүтээлүүд юм.
2016 онд Д.Сосорбарамын үг, хөгжмийн зохиолч Г.Жаргалсайханы ая “Жамаас” дууг Япон хэлэнд буулган анх удаа Яширо дуучин дуулж, цомог гаргасан билээ. харин Монголд “Жамаас” дууг Увертюра хамтлаг дуулж олонд хүргэсэн.. “Аки энд Со” цэнгүүн нь монголын уран бүтээлчидтэй хамтаран болна. Цэнгүүнд Догмидын Сосорбарам, Хөсөгтөн хамтлаг, УБ чуулгын бүжигчид хамтран оролцохоор болжээ. Тоглолт 2018 оны наймдугаар сарын дөрөвний өдөр 17.00 цагт МҮЭСТ-нд болно.
С.ОЮУНЖАРГАЛ
Цэргийн дөрөвдүгээр их наадмын нэг төрөл болсон “Мэргэн буудагчийн зааг” тэмцээн Бүгд Найрамдах Беларусь улсад зохион байгуулагдаж байна.Тэмцээний нэгдүгээр үе шат долдугаар сарын 29-ний өдрөөс 08 дугаар сарын 01-ний өдөр явагдаж өндөрлөлөө. Тус шатанд багууд хүн нэг бүрийн сорилын буудлагыг нийт долоон дасгалаар боловсруулж оноогоо гаргасан. Тус тэмцээнд нийт 18 улсын баг тамирчид оролцож байгаагаас нэгдүгээр шатны дүнгээр нийт найман шилдэг багийг шалгаруулж, хагас шигшээд буюу хосын төрөлд оролцуулахаар боллоо.
Цаг уурын байгууллагаас ирүүлсэн мэдээллээр наймдугаар сарын 3-нд баруун аймгуудын нутгийн хойд хэсэг, төв, говь, зүүн аймгуудын ихэнх нутгаар, 4-5-нд зарим газраар, 6-нд төв болон говийн аймгуудын нутгийн зарим газар, зүүн аймгуудын нутгийн хойд хэсгээр бороо орох тул үерийн аюулаас урьдчилан сэргийлэхийг иргэд, аж ахуйн нэгж, байгууллагад анхааруулж байна.
Засгийн газрын хуралдаанаас Багануурын уурхайг түшиглэж 700 МВт-ын цахилгаан станц барих төслийн хэрэгжилтийн талаар ҮАБЗ-т танилцуулж, чиглэл авахаар боллоо.
Говь-Алтай аймгийн Хөхморьт сумын адуун сүрэг сүүлийн 2 жил дараалан “ТҮМЭЭР” тоологджээ. Тиймээс уг сумын ИТХ, Засаг дарга, түүний тамгын газар, Улаанбаатар хот дахь Хөхморьт сумын нутгийн зөвлөл, Морь-Галуут уяачдын галаас хамтран “Түмэн Адууны Баяр”-аа энэ сарын 08-11-ний өдрүүдэд зохион байгуулах аж.
Өмнөговь аймгийн хэмжээнд 15 сумын 58 багт 5819 малчин өрхөд 2,9 сая толгой мал сүрэг зусаж байна. Хур тунадас 6 сард 2 удаа, 7 сард нутгийн ихэнх хэсгийг хамарч 3 удаа 0,3-80,0 мм хүртэл орж, зарим сумдын нутгаар бэлчээрийн ургамлын гарц сэргэж, нийт нутгийн 45 хувь нь ногоотой, 25 хувь нь дунд зэрэг, 30 хувь нь гантай байна. Цаашид зуншлагын байдал, ургамлын гарц сайжрах төлөвтэй байна.
Сэлэнгэ аймгийн төв Сүхбаатар сумын нутаг дэвсгэрт долдугаар сарын 17-нд орсон хүчтэй аадар борооны улмаас үерийн нөхцөл байдал үүссэн байна. Үерийн улмаас хамгаалалтын суваг шуудуу, гуу жалганд ил задгай хаясан хог хаягдал, зарим айл, өрх, албан байгууллагын нүхэн жорлон, бохирын цооног хальж зам талбайн хөрс орчныг бохирдуулжээ.
Үргэлжлэн орж буй усархаг аадар борооны улмаас орон нутгийн замд эвдрэл үүсссэн байна. Тодруулбал, А0303 дугаартай Алтай – Баянхонгор чиглэлийн 128 км хатуу хучилттай автозам дагуу Дэлгэр сумын нутгаар хүчтэй ширүүн бороо орсны улмаас үeр бууж 70-86 км-т хэсэглэн эвдэрчээ.