Month: August 2018

Чингэлтэй дүүргийн долдугаар хороо, Далан давхрын шинэ авто замаас 224 дүгээр цэцэрлэг хүртэлх 0.7 км авто замын ажил хэвийн үргэлжилж байна.

Явган хүний замын ажил болон авто замын суурь хучилтын ажил хийгдэж дууссан бол өнгө асфальт бетон хучилтын ажил хийгдэж байгаа юм. Тус замын хөдөлгөөнийг энэ сарын 10-нд нээхээр төлөвлөжээ.

Мөн Чингэлтэй дүүргийн 16 дугаар хороо, 139 дүгээр бага сургууль, 221 дүгээр цэцэрлэгийн урд шинэ авто зогсоолын суурь хучилт өнөөдрийн байдлаар 70 хувьтай явж байна гэжНийслэлийн Авто Замын Хөгжлийн Газраас мэдээллээ.

Хагас зууны түүхтэй Говь-Алтай аймгийн Тонхил сумын Алтайсоёмбо багийн төвийг цахилгаан эрчим хүчний эх үүсвэртэй болгох зорилгоор тус багт нарны эх үүсвэрийн төв станц байгуулан одоогоор туршилтаар ажиллуулж эхлээд байна.

Хан-Уул дүүргийн Онцгой комисс цаг үеийн асуудлаар шуурхай хуралдлаа. Өнгөрөгч өдрүүдэд усархаг бороо их хэмжээгээр орсон мөн ирэх өдрүүдэд хур тунадас их хэмжээтэй орохтой холбоотойгоор болзошгүй үерийн аюулаас урьдчилан сэргийлэх зэрэг асуудлыг хэлэлцлээ.

Мөн үерийн улмаас ус зайлуулах чадваргүй болсон сэргээн засварлах шаардлагатай далан сувагт засвар үйлчилгээ хийх, иргэдэд мэдээлэл, зөвлөмж хүргүүлэх, шаардлагатай хороодын нийтийн эзэмшлийн зам талбай, иргэдийн хашаа барилга байгууламжид ариутгал халдваргүйжүүлэлт зохион байгуулах үүргийг дүүргийн Засаг дарга бөгөөд Онцгой комиссын дарга Ж.Алдаржавхлан холбогдох хэлтэс албадын дарга нарт үүрэг болгосон байна.

Энхтайваны өргөн чөлөөнөөс Баянзүрх зах руу баруун эргэх чиглэлийн авто замыг түр хаана. Энэ сарын 3-6ны өдөр хүртэл хаахаар болжээ. Дулааны шугам өргөтгөх, шинэчлэх зорилгоор хаах аж

Баянхонгор аймгийн Жаргалант сумын Хөндлөн багийн харьяат малчин Б /22 настай, эрэгтэй/ Байдраг голыг морьтойгоо гатлах үедээ живсэн тухай дуудлага аймгийн Онцгой байдлын газарт 2018.08.01-ний өдрийн 19:45 цагт иржээ.

Дуудлагын дагуу аймгийн Онцгой байдлын газрын найман алба хаагч, хоёр автомашинтай, орон нутгийн 10 иргэн, гурван автомашинтайгаар нийт 18 хүн, таван техник хэрэгсэлтэйгээр эрэн хайх ажиллагааг зохион байгуулж байна.

Тухайн газар нь Жаргалант сумын Эмээлт толгой багийн нутаг бөгөөд аймгийн төвөөс баруун хойд зүгт 180 км-т, сумын төвөөс баруун урд зүгт 5 км-т байдаг байна.

Баруун аймгийн нутгаар орж буй усархаг борооны улмаас орон нутгийн замд ч эвдрэл үүссэн мэдээлэл байна. Говь-Алтай аймгийн Дэлгэр сумын нутгаар хүчтэй ширүүн бороо орсны улмаас үeр бууж, Говь-Алтай-Баянхонгор чиглэлийн 128 км хатуу хучилттай автозам дагуу 70-86 км-т хэсэглэн эвдрэл үүсчээ.

Үргэлжлэн орсон борооны улмаас наймдугаар сарын 1-2-ны хооронд аймгийн Онцгой байдлын газарт үерт автомашин голд болон шаварт суусан, живсэн, гэрт ус орсон зэрэг 30 орчим дуудлага ирээд байгаа аж.

“Залуу дугуйчин” клубын гишүүн Ч.Мөнгөндалай Европ тивийн ноён оргил Эльбруст авирахаар эх орноосоо өнөөдөр хөдөллөө.

Ч.Мөнгөндалай нь “Хүсэл мөрөөдөлд минь хөгжлийн бэрхшээл саад болохгүй” хэмээн ярьдаг, дэлхийгээр тойрон аялахыг мөрөөддөг нэгэн. Хэл яриа болон сонсголын бэрхшээлтэй ч мөрөөдлөө алхам алхмаар биелүүлж яваа. Тухайлбал, дугуй болон явганаар эх орныхоо дөрвөн зүг найман зовхист аялан нийт 22 мянга 500 км замыг ганцаар туулсан юм. Энэ удаад анх удаа гадаад орон руу ууланд авирахаар явж байна. Тэрбээр өмнө нь Алтай Таван богд болон Отгонтэнгэр хайрханд авирсан юм.

Сонирхуулахад, Европ тивийн ноён оргил хэмээн өргөмжлөгддөг, далайн төвшнөөс дээш 5642 метрт орших Эльбрус ууланд 1981 онд уулын спортын мастер Д.Чагнаа авирсан нь Монгол хүн тус ууланд авирсан анхны тохиолдол байв. Дараа нь 1989 онд олон улсын хэмжээний мастер Б.Ганбаатар ахлагчтай таван хүний бүрэлдэхүүнтэй эрэгтэй баг, 1990 онд уулын спортын мастер Д.Чагнаагийн удирдлага дор Х.Хумбаа, Н.Цогзолмаа, Ш.Ганчимэг, Л.Энхзаяа зэрэг дөрөв эмэгтэй уулчин амжилттай авирч байжээ. Тэр цагаас хойш Эльбрус ууланд монголын уулчид олноор авирах болсон юм.

Хотын төвд шавах их, дээд сургуулиудын төвлөрлийг сааруулах тухайолон жил ярьсан.Тэгвэл Анагаахын Шинжлэх Ухааны Үндэсний Их Сургууль шинээр эмнэлэг, сургалтын цогцолбор барих ажлыг эхлүүлжээ. Тэд хоёр салбар сургуулиа Баянзүрх дүүргийн 12-р хороонд буюу Амгаланд нээж энэ хичээлийн жилээс ашиглалтад ороход бэлэн болоод байгаа нь төвлөрлөлийг сааруулах төлөвлөгөөгөө биеллээ олох гэж байна

Шинэ цогцолбор сургуулийн барилгын ажил 2016 оны дөрөвдүгээр сараас эхэлсэн бөгөөд хичээлийн байр, оюутны дотуур байр, багш, ажилчдын орон сууц, спорт цогцолбор, сургалтын эмнэлэг зэрэг зургаан барилга байгууламж бүхий бүтээн байгуулалтын ажил юм.

Энэ оны хичээлийн шинэ жилд сургалтын эмнэлэг болон зарим барилгын ажил нь дуусаагүй ч сургууль нь ашиглалтад ороход бэлэн болжгож 3,000 оюутан Амгалан дахь шинэ байранд хичээлээ эхлэх гэж байна.

Үүний дараагаар буюу аравдугаар сарын 1-нд Сургалтын эмнэлэг ашиглалтад орох төлөвлөгөөтэй байгаа аж.

Оюутны дотуур байр 2019 оны сүүлийн улиралд, багш, ажилчдын байр, орон сууц 2020 оны эхний улиралд, спорт цогцолбор нь 2020 оны сүүлийн улиралд ашиглалтанд орохоор тэд төлөвлөжээ.

Цогцолбор кампуст баригдаж байгаа анагаахын сургалтын эмнэлэг гэхэд 16,000 м2 талбайтай баригдаж байгаа бол Анагаах Ухааны Их Сургууль, Монгол Анагаах Ухааны Олон Улсын Сургуулийн хичээлийн байрууд 11,000 м2 талбайтай байх ажээ.

Мөн нийт 30,524 м2 талбай бүхий оюутны соёлын төв, спорт цогцолбороос гадна 1,200 оюутны дотуур байр, 210 багш ажилчдын орон сууц багтаж байгаа юм байна.

Энэхүү шинэ цогцолбор сургуулийн нийт өртөг 234.8 тэрбум төгрөгийн төсөвтэй бөгөөд 174.4 тэрбум төгрөгийг Японы Засгийн газрын буцалтгүй тусламжаар, 14.3 тэрбум төгрөгийг улсын төсвөөс, 20.8 тэрбум төгрөгийг сургуулийн үйл ажиллагааны төсвөөр, 11 тэрбум төгрөгийг бусад хандивлагч, хөрөнгө оруулагчдаас бүрдүүлсэн гэнэ.

Монгол Улс, ОХУ-ын нисэхийн эрэн хайх, авран туслах албадын хамтарсан “Sarex-2018” сургуулилтанд Онцгой байдлын байгууллагаас ОБЕГ-ын Гамшгийн шуурхай удирдлагын газрын дарга, хурандаа Б.Мандахгэрэл, түүний харьяа Үндэсний аврах бригадын захирагч, хурандаа Д.Намсрай болон агаарын ажиллагааны салбарын 10 шүхэрчин-аврагч оролцоод ирлээ.