Энэ оны эхний таван сарын байдлаар Тайваниас Монгол руу 4 сая 988 332 ам.долларын бараа бүтээгдэхүүн экспортолжээ. Ингэснээр өнгөрсөн оны нийт экспортын үнийн дүнгээс 3 сая 853, 745 ам.доллараар их буюу 2.25 дахин их байна хэмээн Тайпэйн худалдаа, эдийн засгийн Улаанбаатар дахь төлөөлөгчийн газраас мэдээллээ.
Монголчууд Тайваниас ихэнхдээ электрон бараа, техник тоног төхөөрөмж импортолж байна гэсэн дүн мэдээ байна.
Тайпэйн Худалдаа, эдийн засгийн Улаанбаатар дахь төлөөлөгчийн газрын төлөөлөгч Хуан Куо Рун хэлэхдээ, “Тайвань, Монголын экспортын тоо хэмжээ өсөн нэмэгдсэн нь Монголын эдийн засаг сэргэж буйн илрэл юм. Нөгөө талаараа Тайпэйн Худалдаа, эдийн засгийн Улаанбаатар дахь төлөөлөгчийн газраас хэрэгжүүлж буй “Тайвань Монголын аж ахуйн нэгж, бизнес эрхлэгчдийг хооронд нь холбох” бодлогын үр дүн. Тайвань, Монголын бизнес эрхлэгчид, үйлдвэрлэгчид харилцан бие биенээ нөхөх давуу талуудтай. Монгол орон бол байгалийн асар их нөөц баялагтай. Харин Тайвань нь нэмүү өртөг шингэсэн бүтээгдэхүүн үйлдвэрлэх, борлуулахад туршлага хуримтлуулсан. Монгол Улсын Засгийн газрын зүгээс жижиг дунд үйлдвэрлэлийг хөгжүүлэхийг чухалчилж буй нь сайшаалтай. Тайваний хувьд жижиг дунд үйлдвэрлэлийг хөгжүүлэх чиглэлээр туршлага хуримтлуулснаараа онцлогтой” гэв.
Мөн тэрээр хоёр тал 2002, 2003 онуудад харилцан төлөөлөгчийн газар байгуулж байсныг дурдаж, Тайваний Засгийн газраас Тайвань Монголын бизнесийн салбар дахь хамтын ажиллагааг бэхжүүлэхэд анхаарч 2003 онд Тайваний Экспорт, импортын банкаар дамжуулан манай улсын арилжааны таван банкинд 20 сая ам.долларын үнийн дүн бүхий санхүүжилтийн зээлийн шугам нээснийг тодотгов. Ингэснээр уг санхүүжилтийн зээлээр дамжуулан Монголын аж ахуйн нэгж, бизнес эрхлэгчид хөрөнгө босгох, санхүүжилтийн эх үүсвэр бий болгох боломж бүрджээ. Монголын компани, аж ахуйн нэгжүүд Тайваний экспортлогчдоос бүх төрлийн бараа бүтээгдэхүүн шууд худалдан авч байгаа нөхцөлд эсвэл Тайваний үйлдвэрлэл эрхлэгчдэд захиалга өгсөн хэдий ч гуравдагч улс орноос бараа бүтээгдэхүүнээ худалдан авсан тохиолдолд Тайваний Экспорт, импортын банкнаас олгож буй санхүүжилтийн зээлэнд хамрагдах хүсэлтээ манай таван банк гаргах боломжтой юм байна. Уг санхүүжилтийн зээлийн олгох дээд хязгаар нь худалдан авалтын нэхэмжлэлийн үнийн дүнгийн 100 хувь хүртэлх дүнгээр санхүүжигдэх боломжтой бөгөөд зээлийн эргэн төлөгдөх хугацаа нь тав хүртэлх жил юм байна.
Нийслэлийн 9 дүүргийн хэмжээнд цахилгаан хангамжийн найдвартай ажиллагааг хангуулах, ашиглалтын шаардлага хангахгүй шугам тоноглолтой иргэд, аж ахуйн нэгжид шаардлага хүргүүлж зөрчлийг арилгуулах, 35, 10, 6 кв-ын цахилгаан дамжуулах агаарын шугам болон цахилгаан дамжуулах кабель шугамын хамгаалалтын зурвас чөлөөлүүлэх ажлын хэсэг байгуулагдан ажиллаж байна.
Улаанбаатар хотын Ерөнхий менежер Т.Гантөмөрөөр ахлуулсан ажлын хэсэг ХУД-ийн усанд автсан орон сууцнуудад ажиллаж, энэ амралтын өдрүүдээр орон сууцны байруудын СӨХ, Конторуудтай цаашдаа авах арга хэмжээ болон хөрсний усыг тогтоох арга технологийн талаар хуралдаж ажлын хэсгээс мэргэжил арга зүйн зөвлөгөө өглөө.
Нийслэлийн удирдах ажилтнуудын шуурхай зөвлөгөөн боллоо. Нийслэлийн Онцгой байдлын газрын дэд дарга, хошууч Б.Мягмардорж өнгөрсөн 14 хоногийн гамшиг, аюулт үзэгдэл, ослын нөхцөл байдлын талаар мэдээлэл хийв.
УИХ дахь АН-ын ҮБХ-ны хурал үдээс хойш үргэлжлэн хуралдаж байна. Тус намын ҮБХ-ны IV хурлыг нээж УИХ-ын гишүүн, Ардчилсан намын дарга С.Эрдэнэ үг хэллээ. Хуралдаанд ҮБХ-ны гишүүдээс гадна УИХ дахь Ардчилсан намын бүлгийн дарга Д.Эрдэнэбат, УИХ-ын гишүүн З.Нарантуяа, НИТХ дахь Ардчилсан намын бүлгийн дарга Ц.Баатархүү, Ардчилсан намын Ерөнхий нарийн бичгийн дарга Ц.Туваан нар оролцож байгаа юм. 
Үндэсний аудитын газар Улсын Их Хурлын 42 дугаар тойргийн нутаг дэвсгэрийн хэмжээ, байршил, сонгогчийн тоо болон 2016 оны Улсын Их Хурлын сонгууль, 2017 оны Ерөнхийлөгчийн сонгуульд оролцсон нам, эвсэл, нэр дэвшигчээс зарцуулсан сонгуулийн зардлын гүйцэтгэл, тухайн үед Төрийн аудитын байгууллагаас тогтоосон зардлын дээд хэмжээ зэргийг харгалзан нөхөн сонгуульд нам, эвсэл, нэр дэвшигчээс зарцуулах зардлын дээд хэмжээг тогтоолоо.
Дэлхийн хоёр дахь ноён оргил К2 ууланд анхны монгол хүн гарлаа. Өнгөрсөн зургадугаар сард уулчдын баг Монголоос хөлгийн жолоо залсан. Харин долдугаар сарын 21-нд ууланд амжилттай авирч, 24-нд эсэн мэнд бууж ирсэн юм. Монголынхоо далбааг дэлхийн хоёр дахь ноён оргилд мандуулаад энэ сарын дөрвөнд эх орондоо ирсэн МУГТ Б.Гангаамаа хэвлэлийн хурал хийлээ.
Нийслэлийн удирдах ажилтнуудын ээлжит шуурхай зөвлөгөөн өнөөдөр боллоо. Энэ үеэр нийслэлийн Цагдаагийн газраас өнгөрсөн 14 хоногийн гэмт хэргийн гаралт, өсөлт, бууралтын талаар танилцуулав. Гэмт хэргийн тоо өмнөх 14 хоногтой харьцуулахад 2.6 хувиар буурсан үзүүлэлттэй гарчээ.
Өвөрхангай аймгийн Тарагт сумын Хүрэмт багийн нутаг дэвсгэр “Хүрэмт” гэх газрын “Өгөөмөр” сувилалд амарч байсан өндөр настан алга болсон гэх мэдээ аймгийн ОБГ-т иржээ.