Нийслэлийн Засаг даргын Тамгын газар, нийслэлийн Эрүүл мэндийн газар, “Оном сан”, Швейцарь улсын “Новартис сан”-гаас хамтран хэрэгжүүлж буй “Эрүүл зүрх-Эрүүл Улаанбаатар” хөтөлбөрийн хүрээнд өнөөдөр СБД-ийн Өрхийн эрүүл мэндийн төвүүдэд цусны даралт хэмжих аппаратыг хүлээлгэж өглөө. Тус арга хэмжээнд Нийслэлийн Эрүүл мэндийн газрын дарга Л.Төмөрбаатар, НИТХ-ын төлөөлөгч О.Мөнгөншагай, СБД-ийн эрүүл мэндийн төвийн дарга Л.Баярхүү, “Оном сан”-гийн гүйцэтгэх захирал Д.Наранжаргал, “Эрүүл зүрх-Эрүүл Улаанбаатар” хөтөлбөрийн удирдагч Т.Хулан зэрэг зочид төлөөлөгчид оролцсон юм.
Нийслэлийн Засаг даргын 2016-2020 онд хэрэгжүүлэх мөрийн хөтөлбөр, үндсэн чиглэлд тусгагдсан уг ажлын хүрээнд нийслэлийн хэмжээнд үйл ажиллагаа явуулж буй бүх ӨЭМТ-ийг цусны даралт хэмжих автоматжуулсан аппаратаар хангахаар зорьжээ. Энэ дагуу ӨЭМТ-үүдэд өгсөн “Майкролайф” брэндийн цусны даралт хэмжих автомат аппарат нь гурван удаагийн хэмжилтийг дараалан хийж дундаж үзүүлэлтийг гаргах боломжтой, ухаалаг гар утсанд суулгах эрүүл мэндийн аппликейшнтай, Bluetooth холболт ашиглан мэдээллийг шилжүүлж, хянах, зүрхний тосгуурын чичиргээг өндөр нарийвчлалтай мэдэрдэг олон давуу талтай ажээ. Ингэснээр ӨЭМТ-үүд цусны даралт ихсэх өвчнийг эрт илрүүлэх, хянах бүрэн боломжтой болж байгаа юм.
Хүн амын төвлөрөл, хотжилт болон бусад олон хүчин зүйлстэй холбоотойгоор дэлхий дахинд халдварт бус өвчний тохиолдол 2000 оноос хойш тасралтгүй өсч байна. Ялангуяа зүрх судасны өвчний шалтгаант нас баралтын 45 хувь, цус харвалтын шалтгаант нас баралтын 51 хувь нь цусны даралт ихсэлтээс үүдэлтэй. 100.000 хүн амд ногдох цус алдах хэлбэрийн тархины цус харвалтын нас баралтаар манай улс дэлхийд 1-рт бичигдэж, дэлхийн дунджаас бараг 4 дахин их байгаа гэсэн тоо баримт бий.
Энэ асуудлыг шийдвэрлэхэд дэмжлэг үзүүлэх зорилгоор Швейцарь улсын “Новартис сан” сайн санааны байгууллага “Эрүүл зүрх-Эрүүл хот” хөтөлбөрийг санаачлан гурван тивийн 3 улсад нэгэн зэрэг хэрэгжүүлж эхэлсэн бөгөөд Ази тивээс Монгол Улсын нийслэл Улаанбаатар хотыг сонгосон билээ. Хөтөлбөр хэрэгжсэнээр нийслэлийн иргэдэд үзүүлэх нийгмийн эрүүл мэндийн болон эмнэлгийн тусламж, үйлчилгээ тэр дундаа, цусны даралт ихсэлттэй тэмцэх, түүнээс урьдчилан сэргийлэх ажил чанартай, хүртээмжтэй болох юм. Үүний зэрэгцээ Улаанбаатар хот “Цусны даралт ихсэлтийг амжилттай бууруулж, хянаж чадсан” жишиг хот болж, дэлхийн бусад хотод үлгэрлэх боломж бүрдэх юм.
“Time Warner” компанийг 85.4 тэрбум ам.доллароор худалдан авсан “AT&T”-ын хэлцлийг холбооны шүүгч хууль ёсны хэмээн дүгнэжээ. Энтертайнмент ертөнцийг мобайл үйлчилгээтэй нэгтгэн үзэгчдийг татах медиа акул болохоос гадна олон төрлийн эх үүсвэрээс орлого олох зорилгоор анх 2016 оны 10 сард “Time Warner”-ыг худалдан авах санал тавьсан билээ. Ийнхүү АНУ-ын хоёр дахь томоохон үүрэн холбооны үйлчилгээ үзүүлэгч “AT&T” компани “HBO”, “CNN” гэх мэт төлбөрт кабелын телевизүүд болон “Warner Bros” кино студийн эзэмшигч болж байна. Энэ талаар цагдаагийн ахлагч Рандалл Стефенсон “Энэ гэрээ нь “AT&T” компанид “Amazon” болон “Neftlix” гэх мэт томоохон контент үйлдвэрлэгч технологийн компаниудтай өрсөлдөхөд дэмжлэг болж болох юм.” гэв.
УИХ-ын чуулганаар Д.Гантулга гишүүнийг чөлөөлөх эсэхийг хэлэлцлээ. Ж.Батзандан гишүүн хэлэхдээ “Д.Гантулгаар далимдуулж Үндсэн хуулинд өөрчлөлт оруулахаар оролдож байна. Хүний эрхийг боймлох, 30-аас доош насны залуусын эрх ашгийг хөндөж байна” гэв. Чуулганаар гишүүнийг чөлөөлөх эсэхийг нууц санал хураалтаар шийдэж, олонх нь дэмжив. Нийт гишүүдийн ирц 78.9 хувь. Үүнээс 75 хувь нь чөлөөлөхийг дэмжиж, 25 хувь татгалзсан юм.
