Монголын Хуульчдын холбооноос хоёр дахь жилдээ “Хуульчдын форум”-ыг “Тогтвортой хөгжлийн зорилтууд-Хуульчдын оролцоо” уриан дор 2018 оны зургадугаар сарын 19-нд “Корпорейт конвеншн центр”-т зохион байгуулах гэж байна.
Монгол Улс 2030 он гэхэд нэг хүнд ногдох орлогоороо дунд орлоготой орнуудын тэргүүлэх эгнээнд хүрч, тогтвортой өсч байгаа эдийн засгийн олон салбарта¬й, нийгмийн хүрээнд дундаж болон чинээлэг дундаж давхарга давамгайлсан, экологийн тэнцвэртэй байдлыг хадгалсан, тогтвортой ардчилсан засаглалтай улс болох зорилт тавьсан. Монгол Улс тогтвортой хөгжихөд хуульчдын үүрэг, оролцоо зайлшгүй чухал зүйл юм.
Монголын Хуульчдын холбооноос нийгэм, иргэдийн амьдралд тулгамдаж буй асуудлууд, тэдгээрийн хууль зүйн зохицуулалтыг мэргэжлийн түвшинд хэлэлцүүлж, санал, зөвлөмж гаргах, хуульчдын дуу хоолойг нийгэм болон бодлого тодорхойлогчдод хүргэх, хуульчдын нийгмийн хариуцлагыг дээшлүүлэх зорилготойгоор “Хуульчдын форум”-ыг зохион байгуулдаг уламжлал тогтоод буй.
Энэ удаагийн форумын үндсэн хуралдааныг “Үндсэн хуулийн эрх зүй ба цаашдын чиг хандлага” гэсэн сэдвээр явуулах бөгөөд “Хараат бус шүүх ба хууль дээдлэх ёс”, “Хуульчийн ёс зүй ба хариуцлага”, “Хүний эрх ба цахим ертөнц”, “Эрүүгийн хууль тогтоомжийн хэрэгжилт, тулгамдаж буй асуудал”, “Үндэстэн дамнасан хууль зүйн туслалцаа”, “Чанартай хууль зүйн боловсрол: магадлан итгэмжлэл ба үргэлжилсэн сургалт”, “Хөрөнгийн ба санхүүгийн зах зээлийн эрх зүйн хөгжил”, “Хариуцлагатай уул уурхай – Нөхөн сэргээх асуудал” гэсэн найман салбар хуралдааныг зохион байгуулна.
Хараат бус, шударга шүүхтэй, ёс зүй, хариуцлага өндөр хуульчидтай, эрхээ бүрэн дүүрэн эдэлдэг, чинээлэг дундаж амьдралтай иргэдтэй, хүний эрх болон байгаль орчны тэнцэлд нийцсэн эдийн засгийн болон тогтвортой хөгжлийг Монгол Улсын иргэн бүхэн хүсч буй. Иймд Монголын Хуульчдын холбоо дээрх сэдвүүдийг сонгон, нийт хуульчдынхаа төлөөллөөр хэлэлцүүлж, тодорхой гарц шийдлийг эрэлхийлж буй юм. Энэхүү “Хуульчдын форум”-аас гарсан санал санаачилга тус бүрийг нэгтгэн зөвлөмж болгон хууль тогтоогч, шийдвэр гаргагч нарт хүргүүлэхийн зэрэгцээ олон нийтэд танилцуулахыг зорьж байна.
“Хуульчдын Форум-2018”-ын хүндэт зочноор Гадаад явдлын сайд асан Ц.Гомбосүрэн уригдаж, Эдийн засагч, нийтлэлч Д.Жаргалсайхан болон форумын оролцогчидтой сонирхолтой ярилцлага өрнүүлэх бол хууль зүйн салбарт нэр хүндтэй, тухайн чиглэлээрээ мэргэшсэн хуульч, эрдэмтэд форумын илтгэгчээр оролцоно. Тухайлбал, МУИС-ийн Хууль зүйн сургуулийн профессор, хууль зүйн шинжлэх ухааны доктор Ц.Сарантуяа, Үндсэн хуулийн цэцийн гишүүн Д.Ганзориг, Хууль зүйн доктор Б.Гүнбилэг, Захиргааны хэргийн давж заалдах шатны шүүхийн шүүгч, хууль зүйн доктор Ц.Цогт нарын 40 гаруй хуульч, эрдэмтэд энэ форумын илтгэгч, хэлэлцүүлэгчээр оролцож буй юм. Мөн шүүгч, прокурор, өмгөөлөгч, бусад хуульчдын төлөөлөл болсон 400 орчим хуульч оролцож байна.
Форумын үеэр шинэ гарсан болон сонирхолтой номын худалдаа зохион байгуулахын зэрэгцээ Монголын Хуульчдын холбооны хороод, Тамгын газрын мэргэжилтнүүд ажиллаж, хуульчдад татвар, нэгдсэн бүртгэлийн талаар лавлагаа, мэдээлэл өгч үйлчлэх юм.
Австрали улсын томоохон хэвлэл мэдээллийн хэрэгсэл болох SBS радио монголчуудад зориулсан мэдээ мэдээлэл түгээх платформ үүсгэн нэвтрүүлж эхэлснээ албан ёсоор зарлажээ. Уг радиогоор Австрали улсад амьдарч буй монголчуудын туршлага болоод үндэсний ёс заншлаа тэмдэглэн уламжлахаас гадна улсынхаа түүхийг харилцан ярилцах зорилготой аж. 
Нийслэлийн онцгой байдлын албан хаагчид өчигдөр буюу энэ сарын 17-нд “Ulaanbaatar city tour” автобусаар аяллаа. Албан үүргээ нэр төртэй биелүүлж, ажил үйлсээрээ бусдыгаа хошуучлан манлайлсан нийт 90 албан хаагч нийслэл хотынхоо түүх дурсгалт газар, музейг үзэхээр хотын аялалд гарсан юм.
Дорноговь аймгийн Хатанбулаг сумын нутагт Хилийн хууль зөрчигдөж, үндэсний аюулгүй байдалд нөлөөлж байна хэмээн иргэдийн төлөөлөл, “Нутаг амь”, Ногоон хоолой” ТББ-уудаас өнөөдөр мэдээлэл хийлээ.
Улаанбаатар хотноо “Нүүрс төрөгч багатай хотуудын хөгжил: Агаарын чанарыг сайжруулж, хүлэмжийн хийн ялгарлыг бууруулах нь” сэдвийн дор Зүүн Хойд Азийн хотын дарга нар чуулж байна. Форумд оролцогчдод хандан оролцогч хотуудын төлөөлөл БНХАУ-ын Бээжин хотын Ардын төлөөлөгчдийн хурлын Байнгын хорооны орлогч дарга Жан Чин, БНСУ-ын Сөүл хотын Захиргааны асуудал хариуцсан дэд дарга Юн Жун Бён, ОХУ-ын Улаан-Үд хотын дарга Александр М.Голков, БНАСАУ-ын Солонгос-Ази, Номхон далайн орнуудын хамтын ажиллагааны нийгэмлэгийн нарийн бичгийн дарга Юү Жү Ёон, Япон улсын Токио хотын Байгаль орчны газрын Уур амьсгалын өөрчлөлт ба эрчим хүчний хэлтсийн дарга Хигашикава Наобүм нар мэндчилгээ дэвшүүллээ. Үүний дараа форумд оролцогч зочид төлөөлөгчид дурсгалын зургаа татуулсан юм. 
Монгол Улсын Ерөнхийлөгч Х.Баттулга өнөөдөр Шварцманы магистрын хөтөлбөрт тэнцэн суралцаж байгаа оюутнуудыг хүсэлтийнх нь дагуу хүлээн авч уулзав.
НИТХ-ын дарга С.Амарсайхан, Нийслэлийн Эрүүл мэндийн газар, Швейцарь улсын “Новартис сан, ”Оном сан“ хамтарч Эрүүл зүрх-Эрүүл Улаанбаатар” төслийн хүрээнд Налайх, Багахангай дүүргийн бүх өрхийн эмнэлэгт 8 багц цусны даралт хэмжих аппарат гардууллаа.
Олимп, ДАШТ-ий мөнгөн медальт, МУГТ Н.Төгсцогт мэргэжлийн боксын дөрвөн том холбооны нэг WBC-ийн чансаанд тавдугаарт бичигджээ. Тэрээр хамгийн сүүлд Колумбийн Оскар Эскандоныг ялсан билээ. Чансаа өгссөн мэдээллээ тэрээр фэйсбүүк хуудсандаа оруулж, “WBC холбоонд тавдугаарт орж ирлээ, удахгүй №1 болно оо” хэмээн бичжээ. 
УИХ дахь Ардчилсан намын бүлгийн өнөөдрийн хуралдаанааар Жижиг, дунд үйлдвэр, үйлчилгээг дэмжих тухай хуулийн төсөл, 2018 оны Намрын ээлжит чуулганаар хэлэлцэх хууль, тогтоолын төслүүдийн талаар санал солилцсон байна.