Month: June 2018

Орхон аймагт “ГЭР БҮЛИЙГ ДЭМЖИХ ТУРШИЛТЫН ХӨТӨЛБӨР”-ийн хүрээнд гэрээр айлчлагч бэлтгэх сургалт зохион байгууллаа.

Гэр бүл гэдэг улс орны хөгжил, хүн амын үндсэн нэгж билээ. Гэр бүлийг дэмжих туршилтын хөтөлбөр нь “Гэрээр айлчлагч”-дыг чадавхжуулж, бэлтгэж, тэднээр дамжуулан хөтөлбөрт хамрагдах гэр бүлд хүрч ажиллах арга зүйд сургах, гэрээр айлчлагчдаар дамжуулан, гэр бүлд тулгамддаг асуудлуудыг илрүүлэх, нийгмийн суурь үйлчилгээнд холбон зуучлах мэдлэг, чадвар олгох, орон нутагт гэр бүлийг дэмжих нийгмийн суурь үйлчилгээний төрөл хэлбэрүүдийг бий болгоход зорилготой юм.

Сургалт хөтөлбөрийн танилцуулга, гэрээр айлчлах аргачлал, үүрэг, гэр бүлийн амьдралын чанарт сөргөөр нөлөөлж буй тулгамдаж байгаа асуудлыг ойлгох нь, Гэр бүлийг дэмжих хөтөлбөрийн аргачлалын алхамууд, Гэр бүлийн сайн сайхан байдлыг тодорхойлох, Гэр бүлд тулгамдаж байгаа асуудлыг танин мэдэх, Гэр бүлийн хэвийн амьдрал алдагдах нөхцөл, шалтгаан, Хөдөлмөр эрхлэлтийг дэмжих, Нийгмийн халамжийн үйлчилгээ, Боловсролын үйлчилгээ,Эрүүл мэндийн үйлчилгээ гэсэн сэдвүүдийн хүрээнд явагдсан. Мөн Гэр бүлээс авах судалгааны асуумжийг бөглөх аргачлал, зөвлөмжийн танилцуулга, хүүхэд, гэр бүлтэй ажиллах төлөвлөгөөг гаргах дасгал танилцуулга, гэрээр айлчлагч гэр бүлийн гишүүдэд мэдээлэл өгөх, тайвшруулах анхан шатны зөвлөгөө өгөх, гэрээр айлчлагч нарын ёс зүй, асуулт, хариултаар үргэлжлэн явагдсан.

Уг сургалтанд Баян-өндөр сумын багийн Засаг дарга, багийн нийгмийн ажилтан, хэсгийн ахлагч, халамжийн нийгмийн ажилтанууд гээд 120 гаруй хүн хамрагдлаа. Сургалтыг Гэр бүл, хүүхэд залуучуудын хөгжлийн газар, Баян-Өндөр сум, Хөдөлмөр халамж үйлчилгээний газар, Насан туршийн боловсрол, Эрүүл мэндийн газар хамтран зохион байгуулсан.

Хүнс, хөдөө аж ахуйн, хөнгөн үйлдвэрийн шинжлэх ухаан, технологийн салбар зөвлөлийн хурал болж байна. Зөвлөлийн бүрэлдэхүүнд салбартаа хүлээн зөвшөөрөгдсөн, хувь нэмрээ оруулсан эрдэмтэн, мэргэдийн төлөөлөл багтсан байдаг. Хурлаар, ХХААХҮЯ-ны захиалгаар 2014-2017 онд хэрэгжүүлсэн шинжлэх ухаан, технологийн төслийн үр дүнг хүлээн авах, эсэх асуудлыг хэлэлцэж байгаа юм.

Энэ хугацаанд нийт 12 төслийг хэрэгжүүлэн бөгөөд 24 хүний бүрэлдэхүүнтэй шинжээчдийн баг томилогдон эдгээр төсөлд үнэлгээ өгсөн бөгөөд 7 төсөл нь 70 хувиас дээш, 5 төсөл 70 хувиас бага үнэлгээ авчээ.
Төслүүд дотор “Мал эмнэлгийн клиникийн үйлчилгээний хүртээмж, чанар, эдийн засгийн үр ашгийг дээшлүүлэх арга механизмыг тогтоох судалгаа”, “Шүлхийгээс сэргийлэх олон цэнт вакцины технологи, үйлдвэрлэл, халдваргүйтгэлийн цогц арга хэмжээ” зэрэг мал аж ахуйн салбарт үр ашигтай, ач холбогдолтой төсөл хэрэгжүүлсэн бөгөөд дэмжигдсэн гэдгийг энд дурдах хэрэгтэй. Ийнхүү зөвлөлийн гишүүд төсөл нэг бүрийн танилцуулгыг сонсож, санал шүүмжийн хэлж, тухайн төслийг хүлээн авах эсэхээ олонхийн саналаар шийдвэрлэж байна. Салбар зөвлөлийн хурал үргэлжилж байна.

Улсын гуравдугаар төв эмнэлгийн Зүрх судлалын тасгийн эмч мэргэжилтнүүд зүрхний архаг дутагдалтай иргэд, тэдний ар гэрийнхэнд зориулан “Зүрхний дутагдлын өдөрлөг”-ийг 2018 оны 6 сарын 4-нд зохион байгуулж, нийт 100 гаруй эмчлүүлэгч, иргэд, эмч, мэргэжилтнүүд хамрагдлаа. Өдөрлөгийг нээж Улсын гуравдугаар төв эмнэлгийн дарга, АУ-ны доктор Ц.Төмөр-Очир үг хэлэв. 2 дахь жилдээ уламжлал болгон явуулж буй өдөрлөгөөр зүрхний архаг дутагдлын үеийн амьдарлын хэв маяг, хоол болон эмийн эмчилгээний талаар сургалт явуулж /”Зүрхний дутагдал гэж юу вэ?”, “Зүрхний дутагдалтай ч аз жаргалтай амьдрах нь”, “Зүрхний дутагдлын үеийн тогтмол эмчилгээний ач холбогдол”, “Зүрхний дутагдлын эмчилгээний шинэ боломжууд”, “Зүрх судасны өвчний үеийн хоол хүнс”, “Дасгал хөдөлгөөний ач тус”, “Өдөр тутамд та бидний анхаарах зүйлс зөвөлгөө”, “Эрүүл мэндийн даатгалын зөвлөгөө”, “Эмчлүүлэгч болон ар гэрийнхэнд зориулсан нэмэлт зөвлөгөө”/ зэрэг нийт 8 илтгэл тавьж, 3 төрлийн 200 гаруй гарын авлагыг тараав.

Эрүүл мэндийн яамнаас Эрүүл мэндийн даатгалын санг цахим системд 4-р сарын 1-нээс шилжүүлж мэдээллийн технологийг сайжруулан өрхийн эмнэлэг, эмийн сангийн хооронд, цахим эмийн жор бичилтийг нэвтрүүлж эхлээд байна. Цахим програм хангамжийг нэвтрүүлснээр тусламж, үйлчилгээний талаарх мэдээлэл, тусламж үйлчилгээний чанар болон зардалд тавих хяналт сайжрах болно.

Эрүүл мэндийн даатгалын хөнгөлөлттэй эмийг иргэдэд олгож байгаа цахим эмийн жор бичилтийн явцын талаар Эрүүл мэндийн яамнаас аймаг, нийслэлийн эрүүл мэндийн байгууллагуудтай цахим хурал хийлээ.

Аймгуудаас Эрүүл мэндийн газрын дарга, Эмнэлгийн тусламжийн хэлтсийн дарга, холбогдох, мэргэжилтнүүд, эрүүл мэндийн даатгалын тасгийн дарга, өрхийн эрүүл мэндийн төвийн ахлагч, эмийн сангийн эрхлэгч нар холбогдлоо.
ЭМЦМХ-ийн дарга Т.Батбилэг Эрүүл мэндийн даатгалын цахим бүртгэл мэдээлэл, цахим жор бичилтийн явцын талаар танилцуулав.
Аймгийн оролцогч нар цахим жор бичилтийн сайн тал болон хөдөө орон нутагт интернетийн хурд удаан, компьютер, принтер дутагдалтай байгаа зэргээс шалтгаалан хүндрэл тохиолдож байгаа талаар харилцан ярилцаж санал солилцлоо.
Цахим хурлын төгсгөлд ЭМЯ-ны Бодлого төлөвлөлтийн газрын дарга Р.Оюунханд, ЭМДЕГ-ын дарга Ч.Алтанхуяг нараар ахлуулсан баг Орхон, Дархан-Уул аймагт Эрүүл мэндийн даатгалын хөнгөлөлттэй эмийн олголт, цахим жор бичилтийн байдалтай газар дээр нь очиж танилцах тухай мэдэгдэв.