Бүгд Найрамдах Ардчилсан Солонгос Ард Улс, Америкийн Нэгдсэн Улсын тэргүүн нарын дээд түвшний түүхэн уулзалт 2018 оны зургадугаар сарын 12-ны өдөр Сингапурт амжилттай болж, талууд Хамтарсан мэдэгдэлд гарын үсэг зурсан юм.
Үүнтэй холбогдуулан Монгол Улсын Ерөнхийлөгч Х.Баттулга өнөөдөр БНАСАУ-ын Хөдөлмөрийн намын дарга, БНАСАУ-ын Төрийн зөвлөлийн дарга эрхэмсэг ноён Ким Жөн Унд баяр хүргэсэн илгээлт явууллаа.
Илгээлтэд:
“Бүгд Найрамдах Ардчилсан Солонгос Ард Улс, Америкийн Нэгдсэн Улсын тэргүүн нарын дээд түвшний түүхэн уулзалт 2018 оны 6 дугаар сарын 12-ны өдөр Сингапурт амжилттай болж, талууд Хамтарсан мэдэгдэлд гарын үсэг зурсанд Эрхэмсэг ноён дарга Танд Монголын ард түмний нэрийн өмнөөс болон хувиасаа чин сэтгэлийн баяр хүргэе.
Энэ уулзалт нь Бүгд Найрамдах Ардчилсан Солонгос Ард Улс, Америкийн Нэгдсэн Улсын харилцаанд төдийгүй Зүүн хойд Ази, Солонгосын хойгт түүхийн шинэ эрин үеийг нээсэн уулзалт боллоо гэж Монгол Улс үзэж, талархан хүлээн авч байна. Хоёр тал яриа хэлэлцээг амжилтад хүргэхийн тулд ихээхэн хүч чармайлт, хөдөлмөр, тэвчээр гаргаж, энэхүү чухал үр дүнд хүрч чадлаа.
Энэхүү түүхэн уулзалтаар талууд Солонгосын хойгийг цөмийн зэвсгээс бүрэн ангижруулж, бат бэх энх тайвныг тогтоох, Бүгд Найрамдах Ардчилсан Солонгос Ард Улс, Америкийн Нэгдсэн Улсын хооронд харилцааг хэвийн болгох талаар хамтран ажиллахаар тохирсон нь Солонгосын хойгт төдийгүй Зүүн хойд Азийн бүс нутагт, улмаар дэлхийн энх тайван, аюулгүй байдалд томоохон өөрчлөлт дэвшлийг авчирна гэдэгт эргэлзэхгүй байна.
Монгол Улс Бүгд Найрамдах Ардчилсан Солонгос Ард Улстай тогтоосон уламжлалт найрсаг харилцаагаа улам өргөжүүлэн хөгжүүлэхийн төлөө байна. Бид Зүүн хойд Ази, Солонгосын хойгт энх тайван, тогтвортой байдлыг тогтооход чиглэсэн холбогдох улсуудын яриа хэлэлцээг дэмжиж, хамтран ажиллахад бэлэн байна.
Эрхэмсэг ноён дарга Танд улс орноо хөгжүүлэх, Солонгосын хойгт эв эеийг эрхэмлэсэн, хамтын хөгжлийг цогцлоох их үйлсэд тань амжилт хүсье.
Танд эрүүл энх, сайн сайхныг, найрсаг Солонгосын ард түмэнд хөгжил цэцэглэлтийг ерөөе” гэжээ.
2018 оны ЭЕШ-д нийт 43846 шалгуулагч бүртгүүлсэн байна.
.jpg)
Бүс нутгийн энх тайван, аюулгүй байдлыг хангахын тулд хоёр улс бие биенийхээ эсрэг цэргийн дайсагнасан үйл ажиллагаа явуулахаа зогсооход чиглэсэн зоригтой шийдвэрийг гаргах хэрэгтэй гэж Умард Солонгосын удирдагч Ким Жөн Ун АНУ-ын Ерөнхийлөгч Дональд Трамптай өчигдөр хийсэн яриа хэлэлцээнийхээ үеэр мэдэгджээ. Д.Трамптай үүнтэй санал нэг байгаагаа илэрхийлэхийн сацуу Өмнөд Солонгостой жил бүр хамтран хийдэг цэргийн сургуулилтаа зогсоох бодолтой байгаагаа мэдэгдсэн байна. Умард Солонгосын тал уг сургуулилтыг улс орныг нь түрэмгийлэх гэсэн бэлтгэл ажиллагаа хэмээн үздэг билээ. Энэ тухай өнөөдөр Солонгосын Төв цахилгаан мэдээний агентлаг мэдээлэв.
ОХУ, БНХАУ-д зорчиж буй Монгол улсын иргэд хөрш хоёр орны гаалийн хууль тогтоомжийг зөрчиж ихээхэн хохирол амссан талаар Гаалийн Ерөнхий газраас мэдээллээ. 
Аваргууд наадмаар түр эвлэрэх юм гэнэ. Одоо бүүр иймдээ тулсан юм байна. Сирид дайтаж байгаа талууд түр гал зогсоох гэрээ байгууллаа гэж байгаа юм шиг. Угтаа аваргууд эвлэрнэ гэдэг чинь нөгөө найраагаа хийж янчаан олж, цол олж авах гэсэн хөгийн санаа. Тэгээд ахиухан мөнгөжиж аваад, цол гцншингаа авсныхаа дараа буцаад дайтаад эхлэх юм байх. Ийм байхад Монгол Улсын Шадар сайд, Үндэсний их баяр наадмыг зохион байгуулах хорооны дарга Ө.Энхтүвшин саяхан бөх нэртэй хэсэг нөхдийг саарал ордонд хүлээн авч уулзлаа. “Монголын хүчит их аваргуудтай уулзлаа” гэх сүрийг бадруулсан мэдээ, бараг л төрийн сайд бурхадтай уулзсан юм шиг яриа хөөрөө болоод авна лээ. Яг үнэндээ бол тэд Монголын өв уламжлал, түүх соёлын дархлаа болсон үндэсний бөхөө мөхөөж яваа хүмүүс юм.
Энхтүвшин ингэж нялганахын оронд аварга нэртэй архайж сархайсан товарищуудын цолыг нь хураах байсан юм. “Наадам хүртэл маргаанаа болиод өгөөч ээ” гэж бөхөлзөхийн оронд монгол үндэстний өв соёлын дархлаанд сэв суулгасан тэднийг төв цэнгэлдэх рүү алхуулахгүй байх арга хэмжээ авах байсан. Начны найраа нь гэхэд л 300 саяар яригддаг бөх тэх нэртэй энэ хүмүүс ард түмнийг доромжилж ханалаа. Монголын төрт ёсны наадмыг гутааж дууслаа. Эднийг ингэж эвийлж хаацайлан, бурхан мэтээр ёсчлон үзэж байгаа нь хэтэрхий хөөрхийлөлтэй харагдана. Ер нь ч тэгээд алдар нэр, ашиг хонжооны үүр уурхай болсон бөхчүүдэд Монгол Улсын Ерөнхийлөгчийн зарлигаар цол өгч байгаа нь арай хүндэдсэн болно. Бөхийн холбооных нь дарга даамал л тэр цол гээчийг нь өгвөл барав бус уу?
Засгийн газрын өнөөдрийн хуралдаанаар Улаанбаатар хотод хатуу хог хаягдлын боловсруулах үйлдвэр байгуулах төслийг Европын сэргээн босголтын банкны зээл, буцалтгүй тусламжаар хэрэгжүүлэх болжээ. Энэ талаар өнөөдөр Сангийн сайд Ч.Хүрэлбаатар мэдээлэл хийв.
Засгийн газрын өнөөдрийн хуралдаанаар Монгол Улсын аялал жуулчлалыг хөгжүүлэх чиглэл болон хил дамнасан бүсийг баталжээ. Энэ талаар БОАЖ-ын сайд Н.Цэрэнбат мэдээлэл хийв.
Монгол Улсын Засгийн газраас хэрэгжүүлж буй “Дэлхийн Монголчууд” хөтөлбөрийн хүрээнд “Хилийн чанад дахь Монголчуудын холбоо, ТББ-уудын III чуулга уулзалт” Улаанбаатар хотноо 2018 оны есдүгээр сарын 12–14-ний өдрүүдэд зохион байгуулагдана.
Төрийн байгуулалтын байнгын хорооны хуралдаанаар УИХ-ын чуулганы Дэгийн тухай хуульд нэмэлт өөрчлөлт оруулаххуулийн төслийг хэлэлцлээ. Хууль санаачлагч Д.Хаянхярваа гишүүн төслийг танилцууллаа.Энэ хуулиар хуралдаа ирдэггүй, хүний өмнөөс кноп дардаг гишүүдэд хариуцлага тооцох юм. О.Баасанхүү гишүүн “Хичнээн сайн сайхан юм ярьсан ч дэмжихгүй тохиолдолд ажил хаямаар байна. Ийм тохиолдолд яах вэ” хэмээн асуусан. Хууль санаачлагч Д.Хаянхярваа гишүүн “Дэгийн тухай хуулиар хариуцлагаа өндөржүүлэх, хүний өмнөөс кноп дардаг, хуралдаа суудаггүй гишүүдэд хариуцлага тооцох юм. Нийт чуулганы гуравны нэгээс доошгүй хугацаанд хуралд суугаагүй бол хариуцлага тооцно. Зохимжит өөрчлөлтхийх боломж нээлттэй байгаа” гэж хариуллаа. Уг хуулийн төслийг хэлэлцэх санал байнгын хороогоордэмжигдлээ.
Сэлэнгэ аймгийн Ерөө сумын Бугант багийн Баавгайт уулын “Шарлангын гол” гэдэг газар буюу сумын төвөөс зүүн урд зүгт агаараар 90 км-т ойн түймрийн голомт Зайнаас тандан судлах үндэсний төв өнгөрсөн тавдугаар 17-ны өдрийн 12:05 цагт илрүүлсэн. ОБЕГ-ын 1 алба хаагч, Аврах тусгай ангийн 39 алба хаагч, Нийслэлийн Онцгой байдлын газрын 69 алба хаагч, тус аймгийн Онцгой байдлын газрын 31 алба хаагч, Дархан-Уул аймгийн Онцгой байдлын газрын 37 алба хаагч, Орхон аймгийн Онцгой байдлын газрын 22 алба хаагч, Дундговь аймгийн Онцгой байдлын газрын 12 алба хаагч, Өмнөговь аймгийн Онцгой байдлын газрын 12 алба хаагч, Өвөрхангай аймгийн Онцгой байдлын газрын 12 алба хаагч, Дорноговь аймгийн 11 алба хаагч, Хан Хэнтийн тусгай хамгаалалттай газрын хамгаалалтын захиргааны 8 ажилтан, нийт 253 хүн, 17 автомашин, 12 морьтой ажиллаж, зургаадугаар сарын 8-ны өдрийн 15:00 цагт цурманд оруулсан. Зургаадугаар сарын 12-ны өдрийн 21:50 цагт түймрийг бүрэн унтрааж, Ханхэнтийн улсын тусгай хамгаалалттай газрын байгаль хамгаалагчдад хүлээлгэн өгсөн байна. Түймэрт нийт 23922 га талбай шатжээ.