Month: May 2018

Энэ сарын 18-ны байдлаар оны эхний 28 сая хээлтэгчийн 60 хувь буюу 17 сая 68 мянган эх мал төллөж, 16 сая 310 мянган төл бойжиж байна. Энэ нь Монгол Улсын мал сүрэг

-51 мянган ботго,

-333 мянган унага,

-681 мянган тугал,

-8 сая 958 мянган хурга,

-6 сая 284 мянган ишгээр өссөн үзүүлэлт аж.

Төл бойжилт 96 хувьтай байна. Мал төллөлт өмнөх долоо хоногоос 800 мянгаар нэмэгджээ.

Өнөөдөр томоохон зах, худалдаа үйлчилгээний газрууд амарч байна. Тодруулбал “Улаанбаатар марафон-2018” олон улсын гүйлтийн тэмцээнийг зохион байгуулах ажлын хүрээнд томоохон зах, худалдааны төв, худалдаа үйлчилгээний газруудыг амраах захирамжийг гаргажээ. Үүний дагуу “Нарантуул”, “Алтжин бөмбөгөр”, “И март”, “Дүнжингарав”, “Сандэй плаза” зэрэг 15 худалдаа үйлчилгээний төвүүд ажиллахгүй байгаа юм.

Өнөөдөр ихэнх нутгаар дулаан, салхи шуургатай байх тул болзошгүй гал түймрийн аюулаас сэрэмжтэй байхыг сануулав.

Мөн энэ сарын 20-нд нутгийн баруун хэсгээр, 21-нд ихэнх нутгаар хур тунадас, нойтон цас орж, салхи ширүүсч цасан болон шороон шуурга шуурч, 20-21-нд шилжих шөнө газар тариалангийн бүс нутгаар цочир хүйтрэхийг анхааруулж байна.

23-нд баруун болон төвийн аймгуудын нутгийн хойд хэсгээр бороо орно. Салхи 20-нд баруун болон төвийн нутгаар, 21-нд төв, говь, зүүн аймгуудын нутгаар секундэд 18-20 метр, 23-нд зарим газраар секундэд 15-17 метр хүртэл ширүүсч шороон болон цасан шуурга шуурна. 20-нд баруун аймгуудын нутгаар, 21-нд ихэнх нутгаар эрс сэрүүсч Дархадын хотгор, Алтайн уулархаг нутаг, Идэр, Тэс голын хөндийгөөр 9-14 градус хүйтэн, өдөртөө 0-5 градус дулаан, Хангай, Хөвсгөл, Хэнтийн уулархаг нутаг, Завхан голын эх, Хүрэн бэлчир орчмоор шөнөдөө 3-8 градус хүйтэн, өдөртөө 4-9 градус, говийн бүс нутгийн өмнөд хэсэг, Дорнод, Дарьгангын тал нутгаар шөнөдөө 5-10 градус, өдөртөө 19-24 градус, бусад нутгаар шөнөдөө 0-5 градус, өдөртөө 9-14 градус дулаан байна. Бусад хугацаанд ихэнх нутгаар дулаарна.

“Монгол Алт” ХК-ийн Хувьцаа эзэмшигчдийн хурлаар тус компанийн 2017 оны цэвэр ашгийн дүнгээс нэгж хувьцаанд 150 төгрөгийн ногдол ашгийг хуваарилахаар шийдвэрлэжээ.

Ногдол ашиг авах эрхтэй хувьцаа эзэмшигчдийн бүртгэлийн өдрийг энэ оны дөрөвдүгээр сарын 5-ны өдрөөр тогтоож, ногдол ашгийг 2018 оны 12 дугаар сарын 31-ний дотор олгохоор шийдвэрлэсэн байна.

Жилдээ ганц хоёрхон удаа тохиодог автомашингүй өдөр болж байна. Урд талаасаа Энхтайвны гүүр өнгөрөөд эхний уулзвараар хаажээ. Тус уулзвараар машинууд хоёр тийш салж, буцан явцгаах аж. Хаасан талбайгаас эхлээд хүний хөл тасрахгүй үргэлжилнэ. Дугайтай нь дугуйгаа жийж, скүтэртэй нь скүтрээ унаж, рольктой нь ролькоор гулгасаар хүмүүсийн царайд инээмсэглэл тодорсон сайхан өглөө байлаа.

Үүнээс хойш Сүхбаатарын талбайг зорин алхахад цагдаа нар хамгаалалтад гарч машин явахыг хориглон шалгана. Энэ өдөр төв замаар явах эрх зөвхөн цагдаа, түргэн, онцгой байдлын галын машинд олгогджээ. Хүний хөдөлгөөн их хотын гудамж цаанаа л нэг жаргалтай байгаа нь мэдрэгдсээр. Төв талбайд хөл тавих зайгүй шахуу болжээ. Тойруулаад цагаан майхангууд барьж. Энэ майхнуудад Нийслэлийн биеийн тамир спортын газрын үйл ажиллагааг танилцуулах, Биеийн тамирын сургуулиудын танилцуулга, үзүүлэх тоглолтууд, иргэдэд өөрсдийгөө суртачлах гэсэн албан байгууллага хувь хүмүүсийн бараа материал дүүрэн өрсөн байв.

Энд тэндгүй дугуй түрээсийн газрууд, ширээн теннис, түргэн хоол, ус ундаа зайрмаг зарах жижиг ТҮЦ шиг газрууд зөндөө. Үнийг сонирхвол нэг хүний дугуй нэг цаг нь 6000 төгрөг, 3-4 хүнийх 10 минут нь 10000 төгрөг ажээ. Хүүхдийн дугуй мөн адил. “Улаанбаатар марафон-2018” тэмцээнд 30000-аад хүн бүртгүүлсэн. Үүнээс хамгийн ойрын зай болох 5 км-ийн зайд хамгийн олон тамирчин уралдав. Гараанаас 9:10 цагт гарч, эхнээсээ гүйцгээлээ. Маш олон хүн гүйсэн болохоор гараанаас гарч дуусаагүй байхад эхний тамирчин бариалав. Үүнийг үзэж байсан хүмүүс “Ийм олон хүн гүйдэг юмуу” гэж гайхцгаана. Үнэхээр л олон хүн гүйж байлаа. УИХ-ын гишүүн Н.Учрал, реппэр Big Gee гэх мэт олны танил хүмүүсээс гадна, Япон, Солонгос, Канад, Испани, Кени гэх мэт гадаадын 30 орны тамирчид, сонирхогчид ирж оролцож байна. Марафоноос гадна энд иог, аэробек, нийтийн бүжиг, бодибилдингийн үзүүлэх тоглолтууд болж хүмүүсийн анхаарлыг татаж байлаа. Бяцхан бодибилдингийн тамирчид гарч ирэн үзүүлбэрээ үзүүлэхэд хүмүүс их л өхөөрдөв. Нийтийн бүжгийн ахмад бүжигчид үзүүлбэрээ дуусгаад цугласан олныг бүжгэнд урин вальс эргэх нь таалагдав. Уран нугараачид нугарч, иогийн багш нар иог зааж нэг өдрийг иргэдийнхээ эрүүл мэндэд анхаарсан сайхан арга хэмжээнүүд зохиосон байлаа. Турник дээр хамгийн олон суниасан хүнд фитнессийн эрх өгнө гэхэд эрэгтэй хүн бүр л турник дээр цуглажээ. Хүүхдүүдийн дунд хөгжилтэй тоглоом зохиож хожсныг нь хүүхдийн дугуйгаар шагнав. Марафон гүйлтийн уралдааны нэгэн сонирхолтой төрөл нь гэр бүлийн марафон. Нэг, хоёр, гурван хүүхэдтэй гэр бүлүүд тэргэн дээр түрхийг нь түрж, үүрэхийг нь үүрч, тэвэрхийг нь тэвэрч, мөрөн дээрээ суулгахыг нь суулгаж бүгд л барианд ойртохдоо сэтгэл дүүрэн инээмсэглэлтэй орцгоож байв. Хэт холын зай буюу 42.125 км-т гүйсэн Кени улсын хоёр тамирчинг түрүүлэх байх гэж ярих хүн олон байлаа. Гэхдээ өөрийн улсад зохиож байгаа тэмцээнд Монголын тамирчид илүү байв. Хүмүүс ч Монгол хүн түрүүлсэнд олзуурхаж байгаа нь илт. Энэ удаад Монгол Улсын гавьяат тамирчин Сэр-Од оролцолгүй өнжсөн байна. Зөрсөн бүхэн инээмсэглэл цацруулсан сайхан өглөө бий болгосон хотын удирдгуудад талархмаар. Нэг өдрийг эрүүл өнгөрөөх гэсэн гэр бүлүүд талбай дүүрэн цугларч бүгдийнх нь царайд инээмсэглэл тодорч буй нь ийм өдрийг олон зохиогоосой гэж хүсмээр.

С.ОТГОНБАЯР

Өчигдөр “School police” буюу сургуулийн эргүүл хийж байсан цагдааг шаардлага тавьсны төлөө биед нь халдаж өшиглөсөн этгээдийг цагдаагийн байгууллагаас олж тогтоон шалгалтын ажлыг эхлүүлсэн байгаа юм.