“БНХАУ болон АНУ-ын удирдлага худалдааны дайныг дэгдээхгүй байхаар тохиролцсон бөгөөд энэ нь хоёр улс болон дэлхийн дахины ашиг сонирхолд нийцнэ” гэж БНХАУ-ын дарга Ши Жиньпиний тусгай элч болох Хятадын Төрийн зөвлөлийн дэд дарга Лю Хэ мэдэгдлээ.
“Хятад-Америкийн энэ удаагийн хэлэлцээний гол үр дүн бол бид харилцан ойлголцолд хүрч, худалдааны дайнаас татгалзсан явдал юм. Хоёр тал бие биенийхээ үйлдвэрлэсэн бараануудад ногдуулсан татварыг нэмэгдүүлэхээс татгалзаж байна” гэж тэрбээр онцлон тэмдэглэжээ.
“Хэлэлцээ амжилттай болсон нь БНХАУ болон АНУ-ын удирдагчид маш чухал зөвшилцөлд хүрсэнтэй холбоотой бөгөөд тэд хоёр орны ард түмэн болон дэлхий дахины ашиг сонирхлыг эн тэргүүнд тавилаа” гэж Лю Хэ мэдэгдсэн байна.
Энэ сарын 17 болон 18-ны өдрүүдэд болсон хэлэлцээний үеэр хоёр орны төлөөлөгчид хоёр талын худалдааны тэнцэлд гарч буй алдагдлыг багасгах асуудлаар зөвшилцөлд хүрч чаджээ. Тохиролцоо ёсоор Хятад улсын зүгээс Америкийн барааг худалдан авах хэмжээгээ нэмэгдүүлэхээр болсон байна.
Вашингтон хотноо болсон хэлэлцээнд АНУ-ыг төлөөлж Сангийн сайд Стивен Мнучин, Худалдааны сайд Уилбур Росс болон тусгай төлөөлөгч Роберт Лайтхайзер нар оролцжээ.
Кубад тус улсын Cubana de Aviacion агаарын тээврийн компанийн Boeing 737 зорчигч тээврийн нисэх онгоц осолдсоны улмаас 110 хүн амь үрэгдэж, 3 хүн шархаджээ. Энэ тухай Кубын тээврийн сайд Адель Искьердогийн мэдэгдсэнийг иш татан “The Gazette” сонин мэдээлжээ.
НӨАТ-ын урамшууллын сугалааны ээлжит тохирол өнөөдөр явагдана. Энэ удаагийн тохиролд өнгөрсөн дөрөвдүгээр сарын 01-30-ны хооронд худалдан авалт хийж, өчигдөр оройн 23:59 минутаас өмнө бүртгүүлсэн баримтууд хамрагдах юм.
Хунтайж Гарри болон Меган Маркл хоёрын хурим тавдугаар сарын 19-нд боллоо. Хуримын ёслолд 2600 зочин, тухайлбал дуучин Элтон Жон, америкийн телевизийн хөтлөгч Опра Уинфри, теннисчин Серена Уильямс, жүжигчин Жорж Клуни, Виктория болон Дэвид Бекхэм, түүнчлэн хатан хааны гэр бүлийнхэн ирсэн байна.
“Унадаг дугуйтай Улаанбаатар” дугуйн парад өчигдөр буюу тавдугаар сарын 19-ний өдөр зохион байгуулагдлаа. Зургаа дахь удаагийн унадаг дугуйн парадыг Монголын Залуучуудын Холбоо UNDP in Mongolia-ийн Biofin Mongolia болон Залуу Дугуйчин клубийн залуучуудтай хамтран зохион байгуулсан ба Нийслэлийн Биеийн Тамир Спортын Хороо, Монголын дугуйн холбоо, “Cannondale”, “Alton” “Merida”, “Attila”, “Шоо” зэрэг дугуйн дэлгүүрүүд, дугуйн клубүүд дэмжиж ажиллажээ.
Нийслэл хотод 390 мянган өрх амьдардаг бөгөөд 220 мянга нь гэр хороололд байрладаг гэх судалгаа гарчээ. Нийслэлд нийт 100 гаруй мянган нүхэн жорлон байдаг аж. Түүнээс 11 мянга 500 өрхийн нүхэн жорлонг болон зуслангийн бүсэд байрлах дөрвөн мянга 600 өрхийн жорлонд ариутгалын ажил хийсэн байна. Мөн хогийн цэгийн 34 га талбайд ариутгал хийхээр төлөвлөжээ.
Манай улс баялаг соёл, байгалийн үзэмжит цогцол, аюулгүй орчин, нөхөрсөг ард иргэдээрээ жуулчдыг өөртөө татдаг. Айлчлан ирж буй зуны саруудад цэцэг навчис дэлгэрч, байгалийн гоо үзэсгэлэн улам бүр тодрон аялан жуулчлах цаг агаарын хамгийн таатай байдал бүрддэг билээ.
Саяхныг хүртэл дэлхийн хөгжмийн хамгийн том цахим хуудас “Youtube” сайтад саяас дээш хүн үзсэн монгол дуу, бичлэг хоёрхон байсан нь” Маамуу нааш ир”, “Гоёо, гоёо” гэх хүүхдийн дуунууд байв.
Монгол Улсаас Гэгээн Ширээт Улсад суух Онц бөгөөд Бүрэн эрхт Элчин сайд Л.Пүрэвсүрэн 2018 оны 05 дугаар сарын 17-ны өдөр Ромын Пап Гэгээн Хутагт Францист Итгэмжлэх жуух бичгээ барьж, Монгол Улсын Ерөнхийлөгч Х.Баттулгын мэндчилгээг уламжлав.