Өнөө өглөө үндэсний сагсан бөмбөгийн холбооны талбайд плэе оффын хоёрдугаар шатны хоёр тоглолт болж өндөрлөлөө.
Өнгөрсөн улирлын аварга Голден Стет Уарриорс Нью Орлиан Пеликансын талбайд зочилж цувралын гуравдахь тоглолтоо хийсэн юм. Эхний хоёр тоглолтод илүүрхээд байсан аваргаа хамгаалагчид энэ удаа 100:119-өөр ялагджээ. Пеликанс тоглолтын эхний үед л 30:21-ээр илүүрхэж үүнийгээ тоглолтын төгсгөл хүртэл хадгалж чадсан юм. Энэ өдөр Энтони Девис 33 оноо, 18 самбар авч багаа хожилд хөтөлжээ. Мөн Жрү Холидей 21 оноо, Никола Миротич 16 оноо авч сайн тоглолт үзүүлсэн байна. Үүнээс гадна Иан Кларк хуучин багийнхаа эсрэг гялалзаж18 оноо авсан юм. Харин зочдоос Клэе Томпсон 26 оноо түүж багаа тэргүүлсэн бол Кевин Дурант 22 оноо, Стефен Карри 19 оноо авчээ. Ингэснээр Пеликанс цувралыг 2:1 болгож ойртууллаа.
Мөн энэ өдөр Өрнөд бүсийг тэргүүлсэн Хьюстен Рокетс Юта Жаззын талбайд зочилж 119:92-оор илүүрхэж цувралыг 2:1-ээр тэргүүлж эхэллээ. Хьюстен Рокетсоос Жемс Харден, Эрик Гордон нар 25 оноо авч багаа хожилд хөтөлсөн юм. Юта Жаззаас Донован Митчел 10 оноо авчээ. Тэрээр холын зайнаас долоон удаа довтолж хоёрыг нь л оноо болгосон юм. Цувралын дараагийн тоглолт Юта Жаззын талбайд явагдана.
О.ДАШНЯМ
Сэтгэл хөдлөлөө хянаж, энэрэл, нигүүлсэлд хүрэхийн ач холбогдлыг ойлгож ухаарахад шинжлэх ухаан, боловсрол тусална гэдгийг хүмүүс ойлговол ойрын 20 жилийн дотор дэлхий дахин амар амгаланд хүрч чадна хэмээн Дээрхийн гэгээн XIV Далай лам мэдэгджээ. Тэрбээр энэ тухай Энэтхэгийн Дарамсала хотод Оросын эрдэмтэдтэй хийсэн бага хурлын үеэр хэлсэн байна.
Сүүлийн жилүүдэд болж буй уур амьсгалын өөрчлөлт, дэлхийн дулаарлаас шалтгаалан мөнх цас, мөсөн голын усны нөөцийн хэмжээ 30 орчим хувиар багассан болохыг судлаачид тогтоожээ. 2017 оны байдлаар Монгол Улсын хэмжээнд 391 нуур тойром, 344 гол горхи, 760 булаг шанд ширгэсэн байна. Дэлхийн дулаарал, уур амьсгалын өөрчлөлтийн улмаас усан гадаргын ууршилт Монгол орны хэмжээнд 2016-2035 оны хооронд жилд дунджаар 107-165 мм, 2050 онд 96-364 мм, 2080 онд 150-370 мм-ээр нэмэгдэх судалгааны дүн гарчээ. Үүнтэй холбоотойгоор гол мөрний эх болсон мөнх цас, мөсөн голын хайлалт хурдацтай нэмэгдэж болзошгүй гэж судлаачид үзэж байна.
Нийслэлийн Засаг дарга бөгөөд Улаанбаатар хотын Захирагч С.Батболд “2016-2017 оны нийслэлийн төсөвт Төв цэвэрлэх байгууламжийн лагийг цэвэрлэх, цэвэрлэгээний түвшинг сайжруулах чиглэлээр нийслэлээс хөрөнгө гаргаж хийсэн ажлаа өнөөдөр хүлээн авч байна. Хэт авиан төхөөрөмжөөр бохирдлыг боловсруулан гаргахад лагийн үнэр 50-60 хувь хүртэл буурах боломжтой төхөөрөмж суурилуулсан. Энэ ажилд “Шимт газар” ХХК шалгарсан. Нийслэлийн төсвөөс 2.1 тэрбум төгрөгийг шийдсэн.
Ихэнх бүсгүйчүүд оффис дээрээ цэмцгэр, дэгжин харагдах хүслийн дагуу хөлд тийм ч эвтэйхэн биш, өндөр өсгийтэй гутал сонгон өдрийн турш багагүй хэмжээний “зовлон” туулдаг. Маркетингийн хэлтсийнхэнтэй уулзсаны дараа нягтлангийнхаа өрөө рүү хэд, хэдэн удаа нааш, цааш явахад, мөн гэнэтийн ажлаар гадуур хүнтэй уулзах шаардлагатай үед загварын төлөө золиос гаргасандаа харамсах удаа нэг биш гардаг билээ. Аз болж орчин үед биед эвтэйхэн чөлөөт стиль илүү үнэлэгдэж, дизайнерууд өргөн сонголттой загварууд танилцуулдаг болсон тул ажил хэрэгч бүсгүйчүүд маань загварлаг атлаа практикт тустай гутал сонгох бүрэн боломжтой болсон. Ингээд өглөөнөөс үдэш хүртэл ажил хэрэг хөөцөлдөхөд дэм болох зургаан төрлийн гутлыг хамтдаа харцгаая.
Бид юуны түрүүнд мэдээж хэрэг лофер загварыг онцлохыг хүслээ. Энэ нь ямар ч хувцастай зохицдог, бүх нөхцөлд цэмцгэр харагддаг, бүх цаг үеийн сонгодог гутал гарцаагүй мөн юм.
Хамгийн энгийн жийнсэн өмдийг хүртэл хормын зуур илүү эмэгтэйлэг, дэгжин харагдуулах чадвартай гутал бол мэдээж хэрэг туфли юм. Гэхдээ ажил хэрэгч бүсгүй хамгийн жижиг өсгийтэй хувилбарыг сонгодгийг бүү мартаарай. Тэгээд ч энэ нь сүүлийн жилүүдэд сонгодог өсгийтэй туфлинээс ч илүү загварлаг хэмээн тооцогдож байгаа тренд юм.
Мэдээж хэрэг бүсгүйчүүд заримдаа өндөр өсгийт өмсөхийг хүснэ. Ийм тохиолдолд өндөр атлаа дөрвөлжин өсгийтэй mules гутал сонгох хэрэгтэй. Энэхүү гутал нь хөлд эвтэйхэн атлаа таныг илүү өндөр бөгөөд гуалиг харагдуулж, олон төрлийн хувцастай сайхан зохицно.
Аагим халуун өдрүүдэд гоёмсог загвартай углааш таны аврал болно. Өмнө нь углааш гэх төрөл нь зөвхөн ажлын бус цагаар өмсдөг, тийм ч загварлаг биш гуталд тооцогддог байсан бол одоо нөхцөл байдал өөрчлөгдсөн. Дизайнерууд гоёмсог хувилбаруудыг төрөл бүрээр нь гаргаж байгаа.
Өнө эрт цагт хорвоо дэлхий дээр өвөл, зун гэсэн хоёр улирал ээлжлэн ирдэг байсан цаг үед нэгэн хаан хатан хоёр үзэсгэлэнт сайхан гүнжийнхээ хамт амьдран суудаг байжээ. Гоо үзэсгэлэн төгөлдөр гүнж охиныг эхнэр болгохыг хүссэн олон хаан хөвгүүд, эрэлхэг баатар эрс ирж сүй тавихыг гуйдаг байв. Бүсгүйд ямар ч эр таалагдаагүй учраас гуйж ирсэн бүх эрчүүдээс татгалзжээ. Эцэст нь гүнж “надад хосгүй үзэсгэлэнт Цагаан уул цэцэг авчирч өгсөн хунтайжтай гэрлэнэ” хэмээн мэдэгджээ. Гүнжийн болзол холын хол, мянган уулсын цаадах улс гүрнүүдээр тархаж, тэр ховор гайхамшигт цэцгийг олж авчрахаар олон баатар эрс, хунтайж нар мордоцгоож гэнэ. Сарьдаг өндөр уулын оройд ургадаг тэр цэцэг рүү хүрч очих зам байхгүй, их л бартаа саадтай газар байдаг ажээ. Гэтэл нэгэн цөс ихтэй, омог бардам залуу тэрхүү цэцгийг олж ирэхээ амлаад аян замд гарчээ. Өнөөх залуу түмэн бээрийг туулж, саад бэрхшээлийг давсаар үзэсгэлэнт Цагаан уул цэцгийг авч чадаад хааны ордонд ирсэн боловч өнөөх гүнж нь Цагаан уул цэцэг авчирч өгөх хунтайжийг хүлээсээр байгаад өтөл эмгэн болсон байна гэнэ. Харин өнөөх эрэлхэг залуу Цагаан уул цэцгэнд хүрч чадсан тул хааны ордон руу явах зам зууртаа бага багаар залуужиж идэр сайхан зүсээ эргүүлэн олж гэнэ. Баатар эр эмгэн болсон гүнжтэй гэрлэхээс татгалзаж адал явдал хайн дахин холын аянд гарчээ. Тэр цагаас хойш хосгүй ховор Цагаан уул цэцгэнд хүрч чадсан хэн боловч үргэлж аз хиймороор гийж байдаг гэсэн домогтой болжээ.
Хот чимэглэлийн баримлыг гэмтээсэн тул яаралтай арга хэмжээ авч ажиллах талаар албан бичгийг Улаанбаатар хотын захирагчийн ажлын албанаас Нийслэлийн Цагдаагийн Газарт хандан хүргүүлжээ.