Month: May 2018

Монгол Улсын Үндсэн хуулийн цэцийн дунд суудлын хуралдаанаар Зөрчил шалган шийдвэрлэх тухай хууль Үндсэн хуулийн холбогдох заалтыг зөрчсөн эсэх тухай маргааныг хянан шийдвэрлэжээ. Үндсэн хуулийн цэц дээрх маргааныг хэлэлцээд Улсын дээд шүүх нь шүүхийн эцсийн шийдвэрийг гаргах, хуулийг зөв хэрэглэх талаар албан ёсны тайлбар хийх зэрэг чиг үүргийг хэрэгжүүлдэг учир тус шүүхийн шүүгчдийг өндөр мэдлэг, туршлага бүхий хуульчдаас бүрдүүлэхийн тулд шүүгчид тавих нийтлэг болзол, шаардлагаас гадна хуулиар нэмэлт шаардлага, шалгуур тогтоож болно гэж үзэж, Шүүгчийн эрх зүйн байдлын тухай хуулийн 6 дугаар зүйлийн 6.1.2, 6.1.3 дахь заалтаар өмгөөлөгч, шүүгч, прокурор, эсхүл хууль зүйн сургуульд арваас доошгүй жил ажилласан байх болзол шаардлагыг хяналтын шатны шүүхийн шүүгчид тавьсан нь Үндсэн хуулийн Тавин нэгдүгээр зүйлийн 3 дахь хэсгийг зөрчөөгүй гэсэн 04 дүгнэлтийг гаргасан байна.

Түүнчлэн нэр бүхий иргэд Үндсэн хуулийн цэцэд хандаж Зөрчил шалган шийдвэрлэх тухай хуульд,“Зөрчлийн хэргийг хянан шийдвэрлэсэн давж заалдах шатны шүүхийн шийдвэр эцсийн байна” гэж заасан байна. Энэ нь Үндсэн хуулийн холбогдох заалтаар баталгаажсан Шударга шүүхээр шүүлгэх болон шүүхийн шийдвэрийг давж заалдах эрхийг, мөн Дагнасан шүүхийн үйл ажиллагаа, шийдвэр нь Улсын дээд шүүхийн хяналтаас гадуур байж үл болох, Улсын дээд шүүхийн шийдвэр нь эцсийн байх тухай заалтыг зөрчсөн эсэхийг тогтоолгохоор мэдээлэл ирүүлжээ.

Энэ мэдээллийн дагуу үүсгэсэн маргааныг хянан хэлэлцэх Үндсэн хуулийн цэцийн дунд суудлын хуралдаан 2018 оны 5 дугаар сарын 16-ны өдөр болно гэж Үндсэн хуулийн цэцийн хэвлэл, мэдээллийн төлөөлөгч мэдээлэв.

Нийслэлийн хэмжээнд 14 хоногийн хугацаанд объектын гал түймрийн 132, техникийн холбогдолтой осол, аврах ажиллагааны 20, нийт 152 удаагийн дуудлага ирсэн байна.

Дуудлагын дагуу нийслэлийн Онцгой байдлын газар, хэлтэс, анги байгууллагын алба хаагчид үүрэг гүйцэтгэн, 102 иргэний амь насыг авран хамгаалжээ.

Энэ нь өнгөрсөн оны мөн үетэй харьцуулахад техникийн холбогдолтой осол, аврах ажиллагааны дуудлага гурав дахин өсч, объектын гал түймрийн дуудлага 11.4 хувиар буурсан, нийт аюулт үзэгдэл техникийн холбогдолтой ослын тоо 1.9 хувиар буурсан үзүүлэлттэй байгаа юм гэж нийслэлийн Онцгой байдлын газраас мэдээллээ.

Дулааны улиралд хийгддэг засварын ажил эхэлж байгаатай холбогдуулан засварын үеэр эрчим хүч түр хязгаарлаж байгаа билээ. Өнөөдрийн цахилгаан хязгаарлах хуваарийг хүргэж байна. Засварын хуваарийг www.tog.mn вэб сайтаар сар бүр, www.facebook.com/UBEDN хуудсаар өдөр бүр хүргэж, мөн засварын ажил эхлэхээс өмнө гэрээнд бүртгэлтэй гар утсанд мессеж илгээх хэлбэрээр урьдчилан мэдээлж байгаа юм байна.

Баянзүрх дүүрэг

11.00-17.00 цагт: 11-хороо Ногоон зоорь, 8, 13, 14, 22-р хороо Өлгийн 3, 16, 18, 19, 20, 31, Ойн 1, 2, Дүүргийн 4, 6, 7, 8, 9-р гудамжууд, 69А, Б, 71, 72, 77, 79, 86, 88, 89, 90 А, Б, В, Г, 91, 106-7-р байрууд, Хими, Физик, Биологи, Түүхийн хүрээлэн, 14-р сургууль, Цагдаагийн хэлтэс, Яаралтай тусламж, Үндэсний архивын газар, КУДС, Цэргийн нэгдсэн эмнэлэг, 3-р амаржих газар, Нийгмийн халамж үйлчилгээ, Эрүүл мэндийн нэгдэл, Био хэмжил зүйн төв, 172-р цэцэрлэг, МУИС-ийн цөмийн судалгааны төв, БХЯ-ны барилга захиалагчийн алба, 16-р хорооллын 50, 60, Данзангийн 3-р байрууд, Улаанхуаран ОНӨААТҮГ болон эдгээрийн ойр орчмоор,

Сүхбаатар дүүрэг

15:00-16:00 цагт: 12-р хороо Хангайн 8, 17-р гудамж, Эж эрдэнэ, МВВ ХХК-ууд болон эдгээрийн ойр орчмоор
16:30-17:30 цагт: 13-р хороо Рашааны 8, 9-р гудамж, Санколл БНН, РСТ, Инкозон ХХК болон эдгээрийн ойр орчмоор, иргэн Оюунцэцэг, Алтанхуягийн АОС, Нарантуяагийн гараж,

Чингэлтэй дүүрэг

11:00-17:30 цагт: 7-р хороо Хувьсгалчдын Г-10, 11-р гудамж, Пүрэвдорж, Бат-Амгалангийн АОС, Баярмагнай /зочид буудал/, Эрх зүйн туслалцааны төв, Цэгээн хайрхан ХХК болон эдгээрийн ойр орчмоор
11:00-18:00 цагт: 7, 8, 9-р хороо Баруун Тасганы 1-3, 7, 8, Дунд Тасганы 1, 6-9, Зүүн Тасганы 3-6, Усан сангийн 1-6, Дэнжийн 28, 30, 41, 42-р гудамжууд болон эдгээрийн ойр орчмоор,

Баянгол дүүрэг

11:00-16:00 цагт: 2-р хороо 2-р хороолол төмөр зам, Барс зах орчмоор
11:00-18:00 цагт: 11, 23-р хороо Зүүн Ард Аюушийн 1, 2, 5, 6, 7, 9-16, 25, Хувьсгалчдын Д-ын 1-3, 2-5-р гудамжууд болон ойр орчмоор,

Хан-Уул дүүрэг

11:00-17:00 цагт: 3-р хороо МХЕГын лаборатори, ТV5 ТВ, Хөдөлмөрийн бирж, 41-р цэцэрлэг, Орхон их сургууль, Монгол дээд сургууль, Делта авто засвар, Татварын хэлтэс, Цагдаагийн хэлтэс, Арьс ширний 31-р байр, Яармаг хоршоо, Гүрэлт ном болон эдгээрийн ойр орчмоор,

Сонгинохайрхан

09:00-10:00 цагт: 1, 2-р хороо Толгойт, Орбит орчмоор
10:00-11:00 цагт: 1-р хороо Дата төв
09:00-10:00 цагт: 1, 2-р хороо Толгойт, Орбит орчмоор,

Налайх дүүрэг

09:00-17:00 цагт: Хийт, Цементийн үйлдвэр
10.00-13.00 цагт: 1-р хороо Энгэр шанд
15.00-17.00 цагт: 6-р хороо Хаан поло амралт.

Монгол Улсын Засгийн газрын хэрэгжүүлэгч агентлаг Соёл, Урлагийн газар Оюуны өмч, улсын бүртгэлийн ерөнхий газар, Монголын Аялал жуулчлалын холбоо, Монголын Үндэсний Худалдаа Аж үйлдвэрийн Танхим болон Аялал жуулчлалын багш судлаачдын нийгэмлэглэгтэй хамтран “Аялал жуулчлалын салбар дахь зохиогчийн эрхийн асуудал” сэдвээр сургалт семинарыг зохион байгууллаа.

Монгол үндэсний соёлыг хамгаалах, хойч үедээ өвлүүлэн үлдээх нь соёлын салбарын гол зорилго хэдий ч дэлхий нийтэд сурталчлан таниулах замаар Нүүдлийн соёл, аялал жуулчлалын төв болж олон орны, олон жуулчдыг татах нь нь бид бүгдийн эрхэм зорилго юм.

Соёлын үйл ажиллагаа, соёлын олон төрөл, соёлын бүтээлч үйлдвэрлэл нь аялал жуулчлалын гол үндэс суурь болж байгаа тул соёлын салбар, аялал жуулчлалын салбарын үйл ажиллагааг хууль, эрх зүйн зүй зохистой хүрээнд явуулж салбар хоорондын хамтын ажиллагааг нэгтгэх нь чухал хэмээн үзэж зарим асуудлуудыг хамтран хэлэлцлээ.

Тухайлбал:

• Зохиогчийн эрх ба түүнд хамаарах эрхийн тухай үндсэн ойлголт, мэдлэгийг өгөх
• Аялал жуулчлалын салбар дахь Зохиогчийн эрх ба түүнд хамаарах эрхийн өнөөгийн байдал, тулгамдаж буй асуудлыг тодорхойлох
• Зохиогчийн эрх ба түүнд хамаарах эрхийн цаашдын хэрэглээ ба анхаарах зүйлсийг хэлэлцэх

Энэ удаагийн сургалтын онцлог, давуу тал нь соёл, урлагийн олон төрлийг ашиглах явцад зохиогчийн эрхийн ямар хүндрэл бэрхшээл тулгардаг, түүнийг хэрхэн шийдвэрлэж болох вэ, цаашид юун дээр анхаарах ёстой вэ гэдгийг бодит жишээн дээр хэлэлцэж, мэдлэг туршлагаа хуваалцсан явдал юм.

Тус сургалтанд:

• “Аялал жуулчлалын салбар дахь зохиогчийн эрхийн зохицуулалт, хэрэгжилтийн өнөөгийн байдал” сэдвээр ОӨУБЕГ-ын Зохиогчийн эрхийн газрын дарга Э.Мягмардорж
• “Олон улсын зохиогчийн эрх зүйн зохицуулалт” сэдвээр ОТИС-ийн ХЗС-ийн багш Д.Эрдэнэчимэг
• “Зохиогчийн эрхийг зөрчихгүй байх-зөрчсөн үйлдлүүд”-ийн талаар Хуульч, өмгөөлөгч Э.Болорчулуун
• “Аялал жуулчлалын салбарт тулгарч буй зохиогчийн эрхийн асуудал” сэдвээр Аялал жуулчлалын боловсрол, хөгжлийн нийгэмлэгийн хүндэт гишүүн Н.Мөнхтөмөр нар илтгэл хэлэлцүүлсэн.

Сургалтанд төр, хувийн хэвшил, төрийн бус байгууллагын 90 гаруй төлөөлөгчид оролцсон. Мөн аялал жуулчлалын байгууллагууд өөрт тулгарч буй асуудлуудаар хэлэлцүүлэг хийгдлээ. Сургалт үр дүнтэй болж, сургалтанд хамрагдагсад цаг үеэ олсон, хэрэгцээтэй сургалт боллоо гэж дүгнэснээс гадна цаашид энэ чиглэлийн сургалт, судалгааны ажлуудыг үе шаттай хийх хэрэгтэй талаар байгууллагууд санал тавьж байсан юм.

Дэлхийн дулаарлын шалтгаан хүн амын өсөлт

Иргэн С.Батзориг

Монгол Улсын Ерөнхий сайд У.Хүрэлсүх Засгийн газрын гишүүдийн хамт өнөөдөр Өвөрхангай аймагт ажиллаж байна. Томилолтын бүрэлдэхүүнд багтаж яваа Боловсрол, соёл, шинжлэх ухаан, спортын сайд Ц.Цогзолмаа Арвайхээр хотод ажиллаж буй томилолтынхоо хүрээнд аймгийн Боловсрол, соёл, урлагийн газрын дарга мэргэжилтнүүд, аймгийн Хөгжимт драмын театр, музей, номын сангийн удирдлагуудтай уулзалт хийлээ. Уулзалтын үеэр аймгийн Хөгжимт драмын театрт нэн шаардлагатай байгаа гэрлийн асуудлыг шийдвэрлэж өгөхөө мэдэгдлээ.

ДОТУУР БАЙРАНД ХИЧЭЭЛЛЭДЭГ БАГА АНГИЙНХАН

Үүний дараа Өвөрхангай аймгийн Арвайхээр сумын академич П.Хорлоогийн нэрэмжит ерөнхий боловсролын 2-р сургуулийн хичээлийн 2-р байртай танилцлаа. Бага анги хичээллэдэг тус байр нь 1980 онд ашиглалтад орсон дотуур байрны зориулалттай тул сургалтын үйл ажиллагаа явуулахад тохиромжгүй, анги танхимын хэмжээ бага, коридор нарийн, бохирын шугам сүлжээ муудаж, үнэр нь ханхалдаг зэрэг асуудлууд тулгараад байгаа аж. Тулгамдаж буй асуудлыг судалж, ирэх оны төсөвт сургуулийн барилгын өргөтгөлийн зардал, төсвийг шийдэж өгөхөө салбарын сайд хэллээ. Тус 2-р сургуульд 2140 хүүхэд суралцаж байгаагаас бага ангийн 500 гаруй сурагч энэхүү дотуур байранд суралцдаг байна.

ЛАБОРАТОРИ МЭРГЭДИЙНХЭН СУРЛАГААРАА УЛСАД ТЭРГҮҮЛДЭГ

Улсдаа сурлагын чанар, стандартаараа эхний 10 сургуулийн тоонд багтдаг улсын тэргүүний лаборатори Мэргэд сургуульд энэ хичээлийн жилд 1065 хүүхэд суралцаж байна. Тус сургууль нь спорт заал, номын сан, биеийн тамирын талбай байхгүй, анги дүүргэлт 40-45 хүүхэдтэй, багш салаан дундуур явж багтахгүй жижиг зай талбайтай, стандартын бус байна. Тус сургуулийн зүгээс бага сургуулийн өргөтгөл, урлагийн болон спорт заал барих шаардлагатай байгаа хүсэлтээ илэрхийллээ.

ХҮҮХЭД ХАРАХ ҮЙЛЧИЛГЭЭ ОРОН НУТАГТ

Хүүхэд харах үйлчилгээний эрхлэх асуудал БСШУСЯ–нд ирсэнтэй холбогдуулан Арвайхээр сумын 10-р багийн нутаг дэвсгэрт үйл ажиллагаа явуулж байгаа иргэн Дашзэвэгийн хүүхэд харах үйлчилгээний төвөөр орж, үйл ажиллагаатай танилцлаа. Аймгийн хэмжээнд энэ оны 4 дүгээр сарын байдлаар 47 хүүхэд харагч, 20 төвд 228 хүүхэд үйлчлүүлж байгаа аж. Өвөрхангай аймаг хүүхэд харах үйлчилгээ, түүнд хамрагдаж буй хүүхдүүдийн тоогоороо орон нутагтаа тэргүүлдэг байна.

928 ХҮҮХДИЙН СУРГУУЛИЙГ ИРЭХ ХИЧЭЭЛИЙН ЖИЛД АШИГЛАЛТАД ОРУУЛАХ ЧИГЛЭЛ ӨГЛӨӨ

2014 онд барилгын ажил нь эхэлсэн боловч одоог хүртэл ашиглалтад ороогүй 928 хүүхдийн хүчин чадалтай сургуулийн барилгын үйл явцтай танилцлаа. Тус сургуулийн барилгын ажлыг тендерийн дагуу “Аж констракшн” ХХК гүйцэтгэж байгаа бөгөөд барилгын ажил дөрвөн жил дамжин удаашралтай байгаад орон нутгийн удирдлагуудаас бодлогын түвшинд анхаарч, хяналт тавьж ажиллахыг салбарын сайдад уламжилсан юм. Тус сургуулийн барилга удааширч буйн шалтгаан нь гүйцэтгэгч компани хүн хүчний дутагдалтай, хурдан шуурхай ажиллаж чадахгүй байгаатай холбоотой юм байна. Салбарын сайдын зүгээс ажиллах хүчний тоог нэмэгдүүлж, ирэх хичээлийн жилд ашиглалтад оруулах чиглэлээр анхаарч ажиллахыг үүрэг болголоо.

СПОРТЫН АЛДАРТНУУДААРАА УЛСДАА ТЭРГҮҮЛДЭГ ӨВӨРХАНГАЙЧУУД

Монгол улсын Хөдөлмөрийн баатар, Гавьяат тамирчин, Даяар дуурсагдах далай даян дархан аварга Т.Цэрэнтогтохын нэрэмжит аймгийн Биеийн тамир, спортын газраар орж, үйл ажиллагаатай танилцлаа. Энэ үеэр тус байгууллагын он дамжин цалингийн сан дээр гарсан өрийг барагдуулах, үйл ажиллагаанд дэмжлэг үзүүлэх чиглэлээр 40 сая төгрөгийг газар дээр нь шийдэж өглөө.

ХӨГЖЛИЙН БЭРХШЭЭЛТЭЙ ХҮҮХЭД ХАМГААЛАЛ БА ШИНЭ ЦЭЦЭРЛЭГ

Өвөрхангай аймгийн ИТХ–аас 2018 оныг “Хүүхдийн хөгжил, хамгааллын жил” болгон зарлаж, энэ хүрээнд Арвайхээр суманд хөгжлийн бэрхшээлтэй хүүхдийн 11-р тусгай цэцэрлэгийг өрхийн эмнэлгийн хуучин барилгыг түшиглэн ашиглалтад оруулсан байна. Энэхүү цэцэрлэгийн хоёр бүлэгт хөгжлийн бэрхшээлтэй 24 хүүхэд суралцаж байгаа аж. Хүүхдийн бие бялдрын болоод оюун ухааны хөгжлийг дэмжих, хоцрогдлыг бууруулах, нөхөн сэргээх эмчилгээ үйлчилгээг үзүүлэхэд шаардлагатай байгаа портез, ортопедийн тоног төхөөрөмжүүдийн жагсаалтыг өгч, дэмжлэг үзүүлэхийг хүслээ.

Тус аймаг хөгжлийн бэрхшээлтэй хүүхдийн хөгжил хамгааллыг бэхжүүлэх “Адил боломж” хөтөлбөрийг 2013 оноос хэрэгжүүлж ирсэн бөгөөд энэ хүрээнд урлаг, спортын салбарт хөгжлийн бэрхшээлтэй хүүхдүүдээ хөгжүүлж, хамруулсны үр дүнд дэлхийн аварга, олимпийн мөнгөн медальтан зэрэг спортын алдартнууд төрөн гарчээ.