Month: April 2018

Дэлхийн 23 орны 600 гаруй шилдэг уран бүтээлчид чуулсан БНАСАУ-ын “Хаврын баяр” 31 дэх их наадам энэ сарын 10-17-ны өдрүүдэд боллоо. Тус тэмцээнд эх орноо төлөөлөн хурандаа Г.Золзаяа даргатай Цэргийн дуу бүжгийн Эрдмийн чуулгын найрал дууны албаны уран бүтээлчид, дуучид амжилттай оролцжээ.

Тодруулбал, МУГЖ Ч.Баярмаа, Б.Батбаатар, дуучин Б.Нарантунгалаг, Б.Амаржаргал, Г.Мөнхбат нарын манай дуучид “Монголын өглөө”, “Тагтаа”, “Монголын тал нутаг” зэрэг монгол уран бүтээлчийн авьяас чадварыг илтгэсэн дуунуудаас гадна “Баль Гө Рүм, “Донзэы Норэ”, “Ким Ир Сен жанжны тухай дуу”, “Жанжин минь та хаана байна?” зэрэг солонгосчуудын сэтгэл зүрхэнд хоногшсон дуунуудыг мэргэжлийн өндөр түвшинд дуулж, тус наадмаас Гран при шагнал, 6 алт, мөнгөн цом авчээ.

Цэргийн дуу бүжгийн эрдмийн чуулгын уран бүтээлчид 1990 оноос хойш тус наадамд оролцож байгаа бөгөөд хамгийн сүүлд 2014 онд таван цом хүртэж байжээ. Тэр цагаас хойш түр завсарлаж энэ жил энэхүү амжилтыг үзүүлээд байна.

Иргэдийн эрүүл аюулгүй, цэвэр орчинд амьдрах нөхцөлийг бүрдүүлж, аж ахуй нэгж, байгууллагын оролцоог нэмэгдүүлэх зорилготой ‘’Их цэвэрлэгээний 90 минут’’ бүх нийтийн их цэвэрлэгээнд Баянзүрх дүүрэг идэвх, санаачлагатай оролцлоо.

Бүх нийтийн их цэвэрлэгээ 04 дүгээр сарын 21-ний өдрийн 11:00 цагаас дүүргийн хэмжээнд нэгэн зэрэг эхэлж 12:30 минутад дууссан бөгөөд иргэд, аж ахуй нэгж байгууллага ойр орчныхоо 50 метр газрын хог хаягдлыг цэвэрлэх, хана, фасад, цонх, хаяг, хаягийн байгууламж, сандал хогийн сав, үүд довжоогоо угааж гадна талбайгаа усалж чийгшүүлсэн байна.

Бүх нийтийн их цэвэрлэгээнд дүүргийн Засаг даргын Тамгын газрын 70 албан хаагч, 28 хороонд үйл ажиллагаа явуулж буй 1025 үйлчилгээний газар, Ерөнхий боловсролын 26 сургуулийн 1123 багш, ажилчид, Их дээд сургуулийн 4409 оюутан оролцсон юм. Их цэвэрлэгээнд нийт 1321 аж ахуй нэгж, байгууллагын 8911 хүн оролцсон бөгөөд цэвэрлэгээний явцад дүүргийн дэд ажлын хэсэг болон дүүргийн Мэргэжлийн хяналтын хэлтсийнулсын байцаагчид хяналт шалгалт хийсэн.

Түүнчлэн энэ удаагийн их цэвэрлэгээгээр 297.055 м.кв зам талбайн 290.24 тонн хог хаягдлыг цэвэрлэсэн байна. Харин энэ удаагийн их цэвэрлэгээнд дүүргийн Бүртгэлийн хэлтэс, Зохиомж дээд сургууль, Засагт хан дээд сургууль хангалтгүй оролцсон байна хэмээн Баянзүрх дүүргийн ЗДТГ-ын Хэвлэл мэдээллийн албанаас мэдээллээ.

Монгол Улсын Их Хурлын Тамгын газар, Шинжлэх Ухаан, Технологийн Их Сургууль хамтран “Дэлхийн номын өдөр”-ийг өнөөдөр (2017.04.23) Төрийн ордонд зохион байгуулж байна.

БНАСАУ цөмийн болон пуужингийн туршилтаа зогсоох шийдвэр гаргасантай холбогдуулж ГХЯ-ны Хэвлэлийн төлөөлөгч мэдэгдэл гаргав.

Мэдэгдэлд, “БНАСАУ цөмийн болон пуужингийн туршилтаа зогсоох шийдвэр гаргасныг Монгол Улс дэмжин баяр хүргэж байна. Энэ нь Солонгосын Хойгийг цөмийн зэвсгээс ангид байлгах, цаашлаад Зүүн хойд Азийн энх тайван, тогтвортой байдлыг хангахад шаардлагатай харилцан итгэлцлийг төрүүлэн бэхжүүлэхэд дэм болохуйц чухал алхам боллоо” гэжээ.

БСШУС-ын сайдын шийдвэрээр “Дэлхийн номын өдөр”-ийг энэ сарын 20-25-нд улс орон даяар тэмдэглэн өнгөрүүлэхээр болсон. Энэ хүрээнд өнөөдөр /2018.04.23/ Улаанбаатар хотод үйл ажиллагаа явуулж буй нийтийн номын сангууд уншигчийн карт үнэгүй нээж байна.

Иргэн У гэгч нь өөрийгөө Цагдаагийн ерөнхий газар, Замын цагдаагийн албанд ажилладаг гэж бусдад итгүүлэн, цагдаагийн албаны нэрийг барьж залилангийн гэмт хэрэг үйлджээ.

Тэрээр согтуугаар тээврийн хэрэгсэл жолоодож эрхээ хасуулсан иргэн Ж-ээс эрхийг нь сэргээж, жолоочийн үнэмлэхийг нь гаргуулж өгнө гэж хуурч мэхлэн 500,000 төгрөг залилж авсан гэмт үйлдлийг Цагдаагийн ерөнхий газрын Аюулгүй байдлын хэлтэс илрүүлэн шалгаж байна.

Иргэд та бүхэн сэжигтэй этгээд цагдаагийн алба хаагчийн хууль ёсны шаардлага тавихад бичиг баримтыг шалгаж байхыг цагдаагийн байгууллагаас сэрэмжлүүллээ

Истанбул-Улаанбаатар чиглэлийн нислэгийн зорчигч, Монгол Улсын иргэн Н-ийн гар цүнхнээс 31 ширхэг 100 долларын дэвсгэртийг гаалийн байгууллагад мэдүүлээгүй авч явсныг илрүүлжээ. Буянт-Ухаа дахь гаалийн газрын байцаагчид уг дэвсгэртүүдийг шалгахад хуурамч гэдэг нь тогтоогджээ. Иймд зөрчил шалган шийдвэрлэх ажиллагаа явуулж, харьяалалын дагуу хуулийн байгууллагад шилжүүлсэн байна.

Монгол Улсын Ерөнхийлөгчийн 2003 оны 105 дугаар зарлигийг хэрэгжүүлэх, эх хэлээ эрхэмлэн дээдлэх, бичиг соёлын дурсгалаа сурталчлах зорилгоор жил бүр зохион байгуулдаг “Үндэсний бичиг үсгийн баяр-2018” ирэх сарын 01-06-нд улсын хэмжээнд болно.

“Үндэсний бичиг үсэг-Тусгаар тогтнол” уриан дор БСШУСЯ, Засгийн газрын хэрэгжүүлэгч агентлаг СУГ, Үндэсний номын сан, Хэлний бодлогын үндэсний зөвлөл, Хүүхдийн, Улаанбаатар хотын номын сан, МУИС-ШУС-ийн Хүмүүнлэгийн ухааны салбар, “Бичиг соёл” боловсролын төв, Төрийн түүхийн музей, аймаг орон нутгийн номын сангууд зэрэг боловсрол, соёлын байгууллагууд хамтран зохион байгуулах юм.

Үндэсний бичиг үсгийн баярын хүрээнд монгол хэл, соёлын судалгааны асуудлаарх эрдэм шинжилгээний хурлууд, монголчуудын бичиг үсгийн түүх, соёл, уламжлалыг харуулсан цуврал үзэсгэлэнг, уншигч, эрдэмтдийн уулзалт, хэлэлцүүлэг болон үе үеийн бичиг үсгийн тухай эрдэмтэн мэргэдийн бүтээл туурвилыг олон нийтэд сурталчлан таниулах төрөл бүрийн арга хэмжээг аймаг, нийслэлийн номын сан, их дээд сургууль, ЕБС зэрэг боловсрол, соёлын байгууллага хамтран зохион байгуулна.

Үндэсний монгол бичгээ хойч үедээ өвлүүлэх, түүх соёлоороо бахархах үзлийг дэлгэрүүлэх зорилгоор үндэсний бичиг соёлын уралдаан, монгол бичгийн улсын төрөлжсөн олимпиад, уран бичлэг, тэргүүний уншигч, зөв сайхан бичигтэн шалгаруулах уралдаан, сургалтыг орон даяар явуулж байна.

Эх хэл бичиг, түүх соёлоо үндэсний хэмжээнд сурталчлах энэхүү арга хэмжээний нээлт ирэх сарын 04-нд Үндэсний номын санд болно.

Ухаантнуудын дунд энэхэн нас юутай богино.Мунхагуудын дунд энэ нас юутай урт. – Бямбын Ренчин

Ирээдүйг мэдье гэвэл өнгөрснийг судал. – Күнз

Та дэлхий ертөнцийг ямар байлгахыг хүсч байна, түүнийгээ яг одоо хийж эхэл. – Махатта Ганди

Залуу явахад бидний алдаа ашигтай. Харин түүнийг өтөл нас руугаа чирэн очиж л болохгүй. – Гёте

Амьдрал гэдэг бол баллуур ашиглахгүйгээр зурах “урлаг” билээ. – John W. Gardner

Hэгэнт өөрийгөө олж авсaн xүн хорвоo дээp aхиж алддаггүй. Учир нь нэгэнт доторx xүнээ тaньж aвсан бoл өpөөл буcдыг бүрэн oйлгодог. – Стефан Цвейг
Хүн бүр өөрийнхөө бодож байгаагаас хавьгүй илүү их зүйлийг бүтээж чадна. – М.М.Пришвин
Амжилт нь эцсийн зогсоол биш, алдаа нь хөнөөлтэй зүйл биш. Энэ хоёр зүйлтэй дэс дараалан тулгарах зоригтой байх нь л чухал. – Winston Churchill
Оролдлого, тэвчээр, хөлс гурав бол амжилт дагуулдаг ялагдашгүй нэгдэл юм. – Napoleon Hill

Хэн нэгэн чиний улыг долоож байвал, хазаж эхлэхээс нь өмнө холд. – Поль Валери
Хэрэв дайсан чинь чамайг магтаад унавал, чи тэнэг алхам хийжээ гэсэн үг. – Август Бебель
Дадал зуршлаас илүү хүчтэй зүйл гэж үгүй. – Овид
Олон номтой байна гэдэг чухал биш, харин сайн номтой байх нь чухал. – Сенека
Хэн нэгний хайрыг татна гэдэг баян байхаас ч хавьгүй чухал зүйл. – K.Tilie

Битгий бусдын гаргасан замаар яв. Үүний оронд ямар ч замгүй газраар явж бай. – Ralph Waldo Emerson
Бид чадна. Яагаад гэвэл бид “чадна” гэж бодож байгаа учраас. – Virgil

Амжилтанд хүрсэн бүх хүмүүс агуу мөрөөдөгчид байдаг. Гэхдээ тэд ирээдүйд гаргах амжилтынхаа төлөө байнга тэмцэж чадсанд л гол учир нь байдаг юм. – Brian Tracy
Өрөвдөж байгаа нь биш тусалж байгаа нь нөхөр. – Томас Фюллер
Сайн төлөвлөгөөг яг одоо хэрэгжүүлэх нь өө сэвгүй төлөвлөгөөг ирэх долоо хоногт хэрэгжүүлснээс хавьгүй илүү. – Ж.Паттон

Ухаантан хүн ямагт өөр рүү нь довтолж буй хүмүүсийн талд зогсдог. Энэ нь тэднээс өөрийнхөө сул талыг олж хардаг гэсэн үг юм. – Ральф Эмерсон

Ямар нэгэн зүйлийг дотоод сэтгэлдээ гүн бат итгүүлбэл, хүнд өөрийгөө ялах хүч, хүсэл эрмэлзэл үүсэн бий болж чадна. – Хонда Соичироо

Агуу хүнийг жирийн хүмүүстэй хэрхэн харьцаж байгаагаар нь тодорхойлно. – Т.Карлэйн