АТГ-аас сар бүрийн 25-нд мэдээлэл хийж ажлаа тайлагнадаг. Албан тушаалтнуудын гэмт хэрэгтэй холбоотой асуудлаар мэдээлэл хийсэнгүй. АТГ-ын Тамгын хэлтсийн дарга, эрхэлсэн комиссар З.Баасанням, “Өнөөдрийн хэвлэлийн бага хурлаар ямар нэгэн эрүүгийн хэрэг, эрүүгийн байцаан шийтгэх ажиллагаатай холбоотой мэдээлэл өгөхгүй. Асуултыг бичгээр авч вэб сайтаар албан ёсоор мэдээлэл өгнө” гэв. Тус газрын Мөрдөн шалгах хэлтэс өнгөрсөн гуравдугаар сард гэмт хэргийн шинжтэй 100 гомдол мэдээлэл хүлээн авч, шалгасан байна. Мөн авлига, албан тушаалын болон прокурорын байгууллагаас харьяалал тогтоосон 344 хэргийг мөрдөн шалгажээ. Үүнээс эрүүгийн найман хэргийг шүүхэд шилжүүлэх саналтайгаар, 24 хэргийг хаах, долоон хэргийг харьяаллын дагуу шилжүүлэх саналтайгаар прокурорын байгууллагад шилжүүлсэн байна.
Тус газрын Урьдчилан сэргийлэх, соён гэгээрүүлэх хэлтсийн дарга Т.Баярхүү ярихдаа “Зарим хэргээс дурдвал УИХ-ын гишүүн Л.Энхболд Өмнөговь аймагт үйл ажиллагаа явуулж байгаа “Таван толгой” ХК нь хууль тогтоомжийг ноцтойгоор зөрчиж “Эрдэнэс таван толгой” компанийн лицензтэй талбайд хөрс хуулалтын үйл ажиллагаа явуулж, 268.3 тонн нүүрс олборлон 20 сая орчим ам.долларын хохирол учруулсан талаарх мэдээлэлд хэрэг бүртгэлтийн хэрэг нээсэн. Мөн Дархан-Уул аймгийн Төрийн банкны эрх бүхий албан тушаалтнууд нэр бүхий компаниудад удаа дараагийн үйлдлээр 6.5 тэрбум төгрөгийн зээл олгож, зээлдэгчээс хамаарал бүхий этгээдээс их хэмжээний мөнгөн хөрөнгө хувьдаа шилжүүлэн авсан хэрэгт эрүүгийн хэрэг үүсгэн шалгаж байна. МУИС-ийн захирлын үүргийг түр орлон гүйцэтгэгч нь албан үүргээ гүйцэтгэж байхдаа бусдад давуу байдал олгосон байж болзошгүй хэрэгт хэрэг бүртгэлтийн хэрэг нээж ажиллаж байгаа. Өнөөдрийн байдлаар АТГ-ын Мөрдөн шалгах хэлтэс 305 эрүүгийн хэргийг шалгаж ажиллаж байна. Энэ нь өнгөрсөн оны мөн үеийнхээс ачаалал дөрөв дахин нэмэгдсэн гэсэн үг” гэв.
Томуу, томуу төст өвчлөл 2018 оны дөрөвдүгээр сарын 24-ний байдлаар нийт амбулаторийн үзлэгийн 3.4 хувийг эзэлж, өвчлөлийн тархалт буурсан байна. Гэхдээ энэ жилийн хувьд томуу, томуу төст өвчний хүндрэл, хэвтэн эмчлүүлэх өвчтөний тоо их, эдгэрэлтийн хугацаа урт байсан тул нэгдсэн эмнэлгүүдэд орны ачаалал нэг хэсэг тодорхой хувиар нэмэгдсэн аж. Харин одоо томуу, томуу төст өвчлөлийн дэгдэлт эрс буурч, эмнэлгүүдийн ачаалал хэвийн горимд шилжсэн гэдгийг Нийслэлийн эрүүл мэндийн газраас өглөө.
Шведэд Монголын түүх, соёл, ахуй амьдралд холбогдох олон мянган үзмэрүүд хадгалагдаж байна.
Mrs. Ann Follin, Director General, National Museums of World Culture,
УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга Ё.Баатарбилэг, УИХ-ын гишүүн А.Ундраа, Д.Тэрбишдагва нар өнөөдөр (2018.04.24) ХБНГУ-ын Фридрих Эбертийн сангийн Монгол дахь суурин төлөөлөгч Ниелс Хэгэвишийг хүлээн авч уулзлаа.
Тэрбээр, Монгол Улс дахь нийгмийн цахим сүлжээний нэгдсэн зохицуулалт, хууль эрх зүйн орчныг хэрхэн бүрдүүлэх талаар санал солилцох хүсэлтэй байгаагаа илэрхийлж, нийгмийн цахим сүлжээний хэрэгжилтийг сайжруулах тухай хууль, эрх зүйн орчныг Монгол Улсад хэрэгжүүлж, бэлтгэхэд дараах хэд хэдэн санал байгааг танилцууллаа. Үүнд: ХБНГУ-ын Нийгмийн сүлжээнд хуулийн хэрэгжилтийг сайжруулах тухай хуулийг санаачилсан, ажлын хэсэгт нь ажилласан хууль тогтоогчидтой уулзалт хийж, туршлага судлах, нийгмийн цахим сүлжээнд иж бүрэн судалгаа хийж, үүнтэй уялдуулан цуврал уулзалт, хэлэлцүүлгийг Байнгын хороотой хамтран зохион байгуулах хүсэлтэй байгаагаа илэрхийлсэн юм.
Нийслэлийн иргэдийн Төлөөлөгчдийн Хурлын Тэргүүлэгчдийн 66 дугаар тогтоолоор жил бүрийн дөрөвдүгээр сарын 27-ны өдрийг “Хөрс хамгаалах өдөр” болгон тэмдэглэхээр шийдвэрлэсэнтэй холбогдуулан “ХӨРСӨӨ ХАМГААЛЪЯ” өдөрлөгийг “Хэрэглээгээ өөрчилж, хөрсөө хамгаалцгаая” уриан дор зохион байгуулах гэж байна.
