Улсын Онцгой комиссын шуурхай бүлэг Орхон аймагт ажиллаж байна. Аймгийн Онцгой комиссын өргөтгөсөн хурал болж, тус аймагт 2017 онд тохиолдсон аюул, ослын тухай танилцуулга, өвөлжилтийн нөхцөл байдал, мал, хөдөө аж ахуйн салбарын тухай мэдээллийг танилцууллаа.
Хурлын эхэнд аймгийн Онцгой байдлын газрын дарга, хурандаа Г.Ганбаатар аймгийн Онцгой комиссоос гамшигтай тэмцэх чиглэлээр авч хэрэгжүүлсэн арга хэмжээний талаар танилцуулга хийсэн.
Тус аймгийн хувьд хаврын уруйн усны үерээс урьдчилан сэргийлэх, хамгаалалтын суваг шуудуу байгуулах, сэргээн засварлах, хуурайшилтын үед ой, хээрийн түймрээс урьдчилан сэргийлэх, тэмцэх, шар ус, үерийн улмаас үүссэн нөхцөл байдлын хор уршгийг арилгах, сэргээн босгох, мал аж ахуйн өвөлжилт, хаваржилт, өвс тэжээлийн хүрэлцээ, хуваарилалтыг хийх зэрэг ажилд орон нутгийн төсвөөс 11,1 сая төгрөгийн хөрөнгө зарцуулан ажиллажээ.
Иргэд, аж ахуйн нэгж, байгууллагуудад 305 удаагийн сургалт зохион байгуулж давхардсан тоогоор 38000 иргэн хамрагдаж, мэргэжлийн алба, ангиудын гамшигтай тэмцэх хамтын ажиллагааг хангах, Онцгой комиссын гишүүдийн удирдлагын арга зүйг дээшлүүлэх зорилгоор команд штабын сургуулийг зохион явуулж, иргэдэд гамшиг, аюулын тухай ойлголт өгч, урьдчилан сэргийлэх ажлыг зохион байгуулж ажилласны үр дүнд 2017 онд аймгийн хэмжээнд гамшиг ослын тоо 11 хувиар буурсан байна гэж хурандаа Г.Ганбаатар танилцуулсан.
Тус аймгийн хувьд үер усны аюул хамгийн өндөр эрсдэлтэй байдаг. Өнгөрсөн онд гэхэд хоёр удаагийн үерийн аюулын улмаас нийт 259 объект болон иргэдийн 72 гэр, 182 хашаа өртөж, нэг иргэний амь нас хохирч байсан. Мөн орон нутгийн цахилгаан дамжуулах агаарын шугамын тулгуур, улсын чанартай 6 аймгийн 125 сумыг эрчим хүчээр хангах 13 баганан тулгуур, зам талбай тус тус эвдэрч 1340 толгой мал хорогдож байсан юм.
Үерийн улмаас үүссэн хор уршгийг арилгах, сэргээн босгох, үерээс урьдчилан сэргийлэх, далан шуудууг сэргээх, засварлах ажилд 92.2 сая төгрөг зарцуулжээ.
Аймаг, орон нутгийн гамшигтай тэмцэх, үер усны аюулаас урьдчилан сэргийлэх, гал түймэртэй тэмцэх, чадавхыг сайжруулах, материаллаг орчинг бүрдүүлэх зорилгоор 178 иргэнийг түр ажлын байраар ханган 7 км урт үерийн суваг, шуудууг шинээр хийж, 7.4км шуудууг сэргээн засварлаж, даланг барьж үерийн аюулгүй байдлыг хангахад 532 сая төгрөгийн хөрөнгө гарган ажилласан байна гэж Онцгой байдлын ерөнхий газраас мэдээллээ.
Монгол ардын намыг үүсгэн байгуулагч, төр нийгмийн нэрт зүтгэлтэн, Их жанжин Д.Сүхбаатарын мэндэлсний 125 жилийн ой өнөөдөр тохиож байна.
Хууль зүй, дотоод хэргийн сайдын эрхлэх асуудлын хүрээний улсын төсөвт, төрийн өмчит, аж ахуйн тооцоот үйлдвэрийн газруудын бүтээгдэхүүн танилцуулах үзэсгэлэн маргааш болно.
БСШУСЯ-ны хүндэтгэлийн танхимд “Пёнчан-2018” өвлийн олимпийн наадамд оролцох Монголын баг тамирчдыг үдэн гаргах ёслол өнөөдөр болов. Уг ёслолд БСШУСЯ-ны Ц.Цогзолмаа, Биеийн тамир, спортын газрын дарга Ц.Шаравжамц, МҮОХ-ны ерөнхийлөгч Д.Загдсүрэн, УИХ-ын гишүүн Б.Бат-Эрдэнэ нарын хүндтэй эрхэмүүд болон олимпод оролцох эрх авсан Б.Ачбадрах, Ч.Отгонцэцэг нар оролцлоо. Энэ үеэр БСШУСЯ-ны сайд Ц.Цогзолмаа “Пёнчан-2018” өвлийн олимпийн наадмын Монгол Улсын төрийн далбааг Монголын багийн ахлагч УИХ-ын гишүүн Б.Бат-Эрдэнэд гардуулсан нь ёслолын хамгийн оргил мөч байлаа. Б.Бат-Эрдэнэ өмнө нь Монгол Улсын багийг ахалж, зуны олимп, Азийн наадамд оролцож байсан туршлагатай юм. Тэрээр төрийн далбаагаа “Пёнчан-2018” олимпийн наадамд эх орноо төлөөлөн оролцох цанын тамирчин Б.Ачбадрахад шилжүүллээ. Б.Ачбадрах цанын 15 км-ын зайд олимпод уралдах эрхээ авсан бөгөөд “Б” зэрэглэлийн ДАШТ-ээс анхны хүрэл медалийг хүртэж байв. Тэрээр “Пёнчан-2018” цагаан олимпийн наадмын нээлтийн ёслолд Монгол Улсын тугчаар тодорчээ.
Улсын Онцгой комиссын дарга, Монгол Улсын Шадар сайд Ө.Энхтүвшин, ОБЕГ-ын дарга, хошууч генерал Т.Бадрал, ХХААХҮ-ийн дэд сайд Ж.Сауле нараар ахлуулсан Улсын Онцгой комиссын шуурхай бүлэг өнөөдөр (2018.02.01) Булган аймагт ажиллалаа. Шуурхай бүлэг аймгийн Онцгой комиссын өргөтгөсөн хурлыг хуралдуулж, өвөлжилтийн нөхцөл байдлын тухай мэдээллийг сонслоо.
Тус аймгийн Дашинчилэн, Баяннуур, Рашаант, Хангал, Сэлэнгэ сумдын ихэнх, Хишиг-Өндөр, Гурванбулаг, Бугат, Орхон, Бүрэгхангай сумдын зарим багийн нутаг цагаан зудтай, Тэшиг сумын Давааны ар, Могод сумын Баянгол , Түлээ, Хөшөөт орчмын нутаг зудархуу байна.
2017 оны жилийн эцсийн мал тооллогын дүнгээр 3.3 сая толгой мал тоологдсон бөгөөд аймгийн хэмжээнд өнөөдрийн байдлаар 7220 толгой мал хорогджээ.
Аймгийн өвс тэжээлийн аюулгүйн нөөцийн 79 хувь буюу 261 тн өвс, 60.8 хувь буюу 34.4 тн тэжээлийг өвөлжилт хүндэрсэн сумдад 2018 оны 01 дүгээр сарын 10-наас эхлэн хүргэх ажлыг зохион байгуулж байна.
Ялангуяа цагаан зудтай байгаа Хангал, Сэлэнгэ, Орхон, Бүрэгхангай, Дашинчилэн, Баяннуур, Рашаант, Гурванбулаг сумдын нутгаар цасны зузаан талдаа 20-34 см, гуу жалга орчмоор 60-80 см, өдөртөө -24-29, шөнөдөө -35-42 хэм хүрч эрс хүйтэрч, цас хатуурч хөлөрсний улмаас мал бэлчээрлэх боломжгүй болж, өвс тэжээлийнхээ 90 гаруй хувийг зарцуулжээ.
Аймаг, орон нутгаас тавьсан саналыг үндэслэн Булган аймагт улсын нөөцөөс 500 тонн өвсийг үнэгүйгээр, 400 тонн тэжээлийг 50 хувь хөнгөлөн олгохоор шийдвэрлэж, өвс, тэжээлийн эхний цувааг аймаг, орон нутагт хүлээлгэн өглөө гэж Онцгой байдлын ерөнхий газраас мэдээллээ.
Монгол Улсын Ерөнхий сайд, МАН-ын дарга У.Хүрэлсүх жанжин Д.Сүхбаатарын мэндэлсний 125 жилийн ойн энэ өдөр жанжны ач, гуч болон гэр бүлийнхний төлөөллийг урьж, хүлээн авч уулзан хүндэтгэл үзүүллээ.
УИХ-ын чуулганы баасан гарагийн хуралдаан эхэллээ.