Монгол, Хятадын Парламент хоорондын байнгын уулзалтын механизмын хоёр дахь удаагийн уулзалт 2018 оны 2 дугаар сарын 5-7-ны өдрүүдэд Бээжин хотноо амжилттай болж өндөрлөв. Энэ удаагийн хурлыг монголын талаас Монгол Улсын Их Хурлын дэд дарга Л.Энх-Амгалан, хятадын талаас Бүх Хятадын Ардын Төлөөлөгчдийн Их Хурлын Байнгын Хороо /БХАТИХ/- ны дэд дарга Шянба Пинцуо нар даргалж, Монгол Улсын Их хурлын гишүүн, УИХ дахь Монгол-Хятадын парламентын бүлгийн дэд дарга С.Бямбацогт, Б.Дэлгэрсайхан, УИХ-ын гишүүн, УИХ дахь Монгол-Хятадын парламентын бүлгийн гишүүн Н.Амарзаяа, Б.Баттөмөр болон БХАТИХ-ын Гадаад хэргийн хорооны дэд дарга, гишүүн Цао Вэйжоу, Үндэстний хорооны дэд дарга, гишүүн У Шиминь, Хууль зүйн хорооны дэд дарга, гишүүн Су Зөлинь , Санхүү, эдийн засгийн хорооны дэд дарга, гишүүн Пөн Сэнь, Боловсрол, шинжлэх ухаан, соёл, эрүүл мэндийн хорооны гишүүн Жан Хөпин, Байгаль орчин, нөөц баялгийг хамгаалах хорооны гишүүн Ян Гэнюй, Хөдөө аж ахуй болон хөдөө тосгоны хорооны гишүүн Жан Шяошань нар оролцов. Хурлын үеэр талууд хоёр орны харилцаанд парламентын гүйцэтгэх үүрэг, хууль тогтоох байгууллага хоорондын солилцоо, худалдаа, эдийн засаг, хүнс, хөдөө аж ахуй, байгаль орчныг хамгаалах, агаарын бохирдлыг бууруулах зэрэг салбарын хамтын ажиллагааны асуудлаар өргөн хүрээнд санал солилцож, цаашид энэхүү механизмын тогтвортой үйл ажиллагааг хадгалах зорилгоор жил бүр тогтсон хугацаанд тодорхой сэдвийн дагуу зохион байгуулж байхаар тохиролцов.
Арга хэмжээний хүрээнд Монгол Улсын Их Хурлын дэд дарга Л.Энх-Амгалан тэргүүтэй төлөөлөгчид БХАТИХ-ын Байнгын хорооны дарга Жан Дөзянтай уулзаж, Бээжин хотын Байгаль орчныг хамгаалах газар болон Бээжингийн хот төлөвлөлтийн үзэсгэлэнгийн үйл ажиллагаатай танилцаж, туршлага солилцлоо. Монгол, Хятадын Парламент хоорондын байнгын уулзалтын механизм нь 2014 оны 10 дугаар сард байгуулсан “Монгол Улсын Их Хурал, БХАТИХ хооронд байнгын уулзалтын механизм байгуулах тухай харилцан ойлголцлын Санамж бичиг”-ийн дагуухэрэгжиж буй арга хэмжээ бөгөөд Анхдугаар уулзалтыг 2015 оны 11 дүгээр сард Улаанбаатар хотноо зохион байгуулсан юм. Механизмын гурав дахь удаагийн уулзалтыг 2019 онд Улаанбаатар хотод зохион байгуулна.
Монгол Улсын Их Хурлын дэд дарга Л.Энх-Амгалан БХАТИХ-ын Байнгын Хорооны даргатай уулзав
Бээжин хотноо болж буй Монгол, Хятадын Парламент хоорондын байнгын уулзалтын механизмын хоёр дахь удаагийн уулзалтад оролцож байгаа Монгол Улсын Их Хурлын дэд дарга Л.Энх-Амгалан тэргүүтэй төлөөлөгчдийг Бүх Хятадын Ардын Төлөөлөгчдийн Их Хурлын Байнгын Хорооны дарга Жан Дөзян 2018 оны 2 дугаар сарын 6-ны өдөр Ардын Их Хурлын ордонд хүлээн авч уулзав. Уулзалтын үеэр талууд Монгол, Хятадын Парламент хоорондын хамтын ажиллагааг өндрөөр үнэлж, Байнгын уулзалтын механизм нь Монгол, Хятадын харилцааны хөгжилд Парламентуудын гүйцэтгэх үүргийг нэмэгдүүлж, хоёр орны Иж бүрэн стратегийн түншлэлийг бүхий л салбарт өргөжин хөгжүүлэхэд чухал түлхэц үзүүлж буйг онцлон тэмдэглэлээ.
Мөн хоёр талын хууль тогтоох, хууль сахиулах байгууллагуудын харилцан солилцоог нэмэгдүүлж, Парламентын Тамгын газрууд, найрамдлын бүлгүүдийн хоорондын харилцааг идэвхжүүлэхэд бэлэн байгааг илэрхийллээ гэж УИХ-ын Хэвлэл мэдээлэл, олон нийттэй харилцах хэлтэс мэдээлэв.
Яг одоо МАХН-ын II их чуулган болж байна. Тус чуулганыг нээж МАХН-ын дарга Н.Энхбаяр үг хэлэв. Тэрбээр “Ард түмнийхээ тулгамдсан асуудлыг шийдвэрлэх гарцыг олохын төлөө, ард түмэндээ зүтгэхийн төлөө хүрэлцэн ирсэн МАХН-ын II их чуулганы төлөөлөгч та бүхний амар мэндийг эрэн, мэндчилж байна.
Улсын Их Хурлын Эдийн засгийн байнгын хорооноос хэвлэлийн хурал зохион байгуулж, 2017 оны намрын ээлжит чуулганы хугацааны үйл ажиллагааны талаар мэдээлэл хийлээ.
Намрын ээлжит чуулганы хугацаанд Байнгын хороо 22 удаа, Жижиг, дунд үйлдвэрлэлийн хөгжлийн дэд хороо 1 удаа, ажлын хэсгүүд 30 гаруй удаа тус тус хуралдсан бөгөөд хууль тогтоолын төслүүдийг хэлэлцүүлэгт бэлтгэх үүрэг бүхий 10-аад ажлын хэсэг байгуулагдан ажилласан байна. Ийнхүү ээлжит чуулганы хугацаанд нийт 39 хууль, 9 тогтоолыг эцэслэн батлуулж, Олон улсын 1 гэрээ, хэлэлцээрийн төслийг хэлэлцсэн болохыг тэрбээр мэдээллээ.
Эдийн засгийн байнгын хорооны гишүүн Б.Баттөмөр Банкин дахь мөнгөн хадгаламжийн даатгалын тухай хуульд нэмэлт, өөрчлөлт оруулах тухай хуулийг хэлэлцэн батлуулсан нь Хадгаламжийн даатгалын корпорацийн үйл ажиллагааны бие даасан байдал сайжирч, хадгаламжийн даатгалын олон улсын үндсэн зарчимд нийцэх, банк, санхүүгийн салбарын тогтвортой байдал хангагдахад дэмжлэг үзүүлэхач холбогдолтой болохыг танилцуулсан юм. Улмаар улсын эдийн засгийн аюулгүй байдлыг хангах, банкны хүндрэлээс үүссэн хохирлыг хадгаламжийн даатгалын сан хариуцах тогтолцоо төлөвшиж, сангийн хөрөнгийг үр ашигтай оновчтой удирдах боломжийг бүрдүүлэх, хадгаламж эзэмшигчдийн эрх ашиг хамгаалагдах зэрэг эерэг үр дагаврыг бий болгоно гэдгийг тэрбээр тэмдэглэлээ.