Олон улсын Паралимпийн Хорооны албан ёсны түнш болох Allianz SE компанийн сарын шилдэг тамирчин шалгаруулах номинацад Монгол Улсын тамирчин Х.Энхтуяа нэр дэвшлээ. 2017 оны Пара таеквондогийн Дэлхийн аварга, Дэлхийн шилдэг эмэгтэй тамирчин болсон түүнийг Олон улсын Паралимпийн Хорооноос сонгож нэр дэвшүүлсэн аж.
Олон улсын Паралимпийн Хороо нь сар бүр нэг шилдэг тамирчин шалгаруулж, тухайн онд тив болгоноос нэг оны шилдгийн шилдэг тамирчин шалгаруулан Гала хүндэтгэлийн арга хэмжээнд урин, Дэлхийн Паралимпийн шилдэг тамирчны цомыг өгдөг уламжилтай аж.
Тухайн тамирчин Дэлхийн шилдэг Паралимпийн тамирчны цомыг авснаар Олон улсын паралимпийн хорооноос шилдэг тамирчныг Дэлхий нийтэд сурталчлах, олон улсын арга хэмжээнд урилгаар оролцуулах, бусдад үлгэр дууриалал болгох нийгмийн сайн сайхны төлөө уриалах зүтгэлтэн, элч төлөөлөгч болдог юм.
10-р сарын шилдэг тамирчны өрсөлдөөн Дэлхий нийтээр зохиогддог бөгөөд уншигч та яг одоо ч www.paralympic.org веб сайт руу орж Х.Энхтуяад саналаа өгөх боломжтой аж.
Дашрамд дуулгахад Шилдэг тамирчны санал асуулгад Х.Энхтуяагаас гадна Итали, Украйн,Дани, Японы тамирчид нэр дэвшин өрсөлдөж байгаа аж. Одоогийн байдлаар манай тамирчин нийт саналын 55 хувийг авч санал асуулгыг тэргүүлж байна.
Нийслэлийн Баянзүрх дүүргийн Иргэдийн спортын VI их наадам амжилттай болж өндөрлөлөө. Уг наадамд дүүргийн 28 хорооны 11006 иргэн оролцож авхаалж самбаа, хурд хүч, авьяас билгээ сорьсон юм. Энэ удаагийн спортын их наадам Гар бөмбөг, Сагсан бөмбөг, Олс таталт, Шагайн наадгай, Хийн дасгал, Софт теннис, Спорт аялал гэсэн төрлөөр явагдаж аваргуудаа шалгарууллаа.
Завхан аймгийн Онцгой байдлын газрын шинэ байрны нээлтийн үеэр. 2017.10.22-ны өдөр.
Завхан аймгийн Онцгой байдлын хэлтэс 2003 онд ОБЕГ-ын даргын тушаалаар байгуулагджээ. Гал унтраах байгууллага, Батлан хамгаалахын харьяанд байсан Иргэний хамгаалалтын газар, Улсын нөөцийн газар гэсэн гурван байгууллага нэгдэж өнөөгийн бүтэцтэй болсон байна. Өдгөө Аврах гал унтраах 43 дугаар анги, Аврах гал унтраах 39 дүгээр ангиас гадна Улиастай, Тосонцэнгэл, Завханмандал, Тэс, Шилүүстэй, Сонгино сумдад Улсын нөөцийн салбартай томоохон айл болжээ. Өрхийн тэргүүн Ө.Болд хурандаа гал сөнөөгчөөс эхлэн энэ л салбартаа 25 дахь жилдээ ажиллаж буй ахмад дайчин аж. Унаган нутаг гэвэл Эрдэнэхайрхан сум. Нас тавь хүрсэн ч Бадрал генерал тэр хоёр Отгонтэнгэрийн өндөрлөгт уулчид болон залуустай мөр зэрэгцэн алхаж явсан гэхээр бие бялдар, сэтгэлзүйн хувьд манлай удирдагч юм билээ. Завханы Онцгой байдлын газар 120 гаруй ажилтан албан хаагчидтай. Завхан аймагт гамшиг ослын тохиолдол жилдээ зуу гаруй гардаг байсан бол одоо 150 болж өссөн байна. Дуудлагын ихэнхийг хээрийн болон ахуйн түймэр голлодог гэсэн. Өвөл, хаврын улиралд бол ус, цасанд суулаа, төөрлөө гэсэн дуудлага тасрахгүй. Үер ус, ой хээрийн түймрээс гадна малын халдварт өвчин ихэссэн нь аврагчдын ажлыг нэмжээ.
Завхан аймаг хангай, говь, тал хээр хосолсон нутагтай. Хангайдаа зуд, говьдоо ган болох эрсдэл их. Онцгой байдлын газар бэхжээгүй үед байдал үнэндээ хэцүү байж. Тосонцэнгэлд түймэр гарлаа гэхэд Засаг даргынхаа ч юм уу, эмнэлгийн машиныг аврагчид гуйна. Өөр байгууллагын унаа болохоор нөгөө машинууд нь хээр аваачиж орхичихоод явчихна. Иймээс аврагчид хээр хөдөө цөлөгдсөн хоригдлууд шиг л өрөвдөлтэй амьтад байдаг байж. Харин одоогийн Ерөнхий сайд У.Хүрэлсүх Онцгой байдлын асуудал хариуцсанаас хойш унаа тэргийн хангамж, багаж, техник хэрэгсэл ч сайжирчээ. Аймгийн Онцгой байдлын газрынхан улсын төсвийн хөрөнгө оруулалтаар гурван давхар байр, автомашины парктай болж энэ сарын 23-ны өдөр туузаа хайчлах гэж байтал Отгонтэнгэр хайрханы аюулт ослын дуудлага ирж урьсан, уригдсан бүгдийг сандарган, баяраа тэмдэглэхтэй манатай юм болжээ. “Би энд кей” компаниар бариулсан шинэ байрны ажил 2014 оноос хойш сунжирч, энэ зуны саруудад залуучуудаа амраалгүй дайчилсны хүчинд ашиглалтанд дөнгөж орсон өдөр нь Монгол түмнийг сэрдхийлгэсэн аймшигт ослын дуудлага иржээ. Улиастай хот Богдын гол, Чигэстэйн гол хоёрын дунд оршдог үндсэндээ арал хот ажээ. Тиймээс үерийн аюул нүүрлэхгүй гэх баталгаа үгүй аж. Далаад онд үерт автаж байсан нь үүний тод жишээ. 2016 оны долоодугаар сард бороо орж гучхан минут өнгөрөхөд үерийн ус мэлтийж Ногоон хашаа хорооллын 30 гаруй айл, хоёр гурван албан байгууллага усанд автаж баларчээ. Тухайн үед Баян-Өлгий аймагт гамшгийн хэмжээний үер болж олон айл сүйдсэн дүйвээнээр Завханы үер чимээгүй өнгөрчээ. Аврагчдын хувьд Тэс, Баянхайрхан, Асгат зэрэг 350-иад километрийн алс суманд очиж ажиллахдаа харилцаа холбоо тасрах энүүхэнд гэнэ. 
Шинэ байраа хүлээж аваад тууз хайчлахаар зэхэж байхад нь гарсан Отгонтэнгэр хайрханд эндсэн уулчдыг хайх эрлийн багт Гамшгаас хамгаалах улсын хяналтын байцаагч, хошууч А.Амарсанаа, салааны захирагч, дэслэгч Б.Галмандах, сэтгэлзүйч эмч, дэслэгч Г.Пунцагсанжаа, тэсэлгээчин аврагч, ахлах ахлагч П.Цэрэнням, жолооч Д.Баянаа, ахлах ахлагч Ш.Отгонбаатар, С.Зоригоо, химичин аврагч, уулчин, ахлагч Г.Маналжав, шуурхай албаны жолооч Б.Балдандорж, дэд ахлагч У.Нямдаваа, Б.Баасандорж, Б.Бадам-Очир, дуудлага хүлээн авагч, ахлагч Ц.Бавуугарьд нарын 14 эрэлхэг зоригт охид хөвгүүдээ Болд хурандаа өөрийн удирдлагад авч ослын газрыг зорьсон юм. Тэдэнд хүйтнээс эмээх, асга нурангиас айх сэтгэл байхгүй байсныг хэргийн газарт хэрхэн яаж ажилласан нь тодорхой харуулсан. Маналжав, Бадам-Очир, Нямдаваа гурав гэхэд уулын олон улсын хэмжээний мастер Батмагнай, спортын мастер Болор-Эрдэнэ, уулчин Алтангадас нартай мөр зэрэгцэн ослын газарт хамгийн түрүүнд үүрийн харанхуйгаар гарч, хадан хавцалд авиран хайгуул хийсэн гавьяатай. Тэд мэргэжлийн уулчид биш ч төрдөө өргөсөн тангаргаа биелүүлж амиа ч алдаж магадгүй хэцүү бэрхийг даван туулж зүтгэсэн. Ямар сайндаа л уулчид “Танай аврагчид биднээс дутахгүй байна. Харин хувцас хунарыг нь сайжруулаад өгчихвөл ч ямар ч уулын оргилд гарах дүү нар байна” гэж үнэлжээ. Очирваань хайрханд эрлийн бүлэг удирдаж ажилласан Амарсанаа хошуучийн хувьд эрлийн ажиллагаанд явах үедээ ам нь цангахын эрхэнд цас их зажилсны гороор хоолой нь өвдөж сөөсөн байсан. Өндөр уул өөд авиралт хийхэд их хэмжээний ус авч яваад байдаггүй учраас хээрээр гэр хийж байгаа алба хаагчдад иймэрхүү зүйл тохиолдох энүүхэнд. Онцгойгийнхон ийм л тэсвэр тэвчээртэй, бас хүнлэг хүмүүс учраас аймгийн Засаг дарга Д.Батсайхан “Онцгой байдлын газар бол миний баруун гар” гэж бүхнээс дээгүүр өргөмжлөө биз ээ. 
Нийслэлийн 29 дүгээр тусгай сургуулийн захирал Б.Батсайхантай ярилцлаа.
Уул уурхай, хүнд үйлдвэрийн сайд Д.Сумъяабазар лиценз олголтыг түр зогсоох тушаал гаргажээ.Энэ нь уул уурхайн салбарт татраад байгаа хөрөнгө оруулалтын урсгалыг улам хумих шийдвэр болсон уу, үгүй юу гэдгийг тодруулахаар Уул уурхайн ассоциацийн ерөнхийлөгч Н.Алгаатай ярилцав.
Аргын тооллын арваннэгдүгээр сарын 6, Сумъяа гариг. Билгийн тооллын 17, Чөлөөт эх одтой, улаагчин тахиа өдөр. Өдрийн наран 7:51 цагт мандан, 17:49 цагт жаргана. Тухайн өдөр үхэр, могой жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, хагалгаа хийлгэх, буг дарах, газрын ам бооход сайн. Улаа гаргах, хиншүү хярвас гаргах, мод суулгах, нарийн зөвлөгөөн хийх, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун зүгт мөрөө гаргавал зохистой. Тэрсүүд өдөр.