Авлигатай тэмцэх газрын дэргэдэх Олон нийтийн зөвлөлийн дарга, гишүүдтэй хийх анхдугаар уулзалт тус газрын Олон нийтийн төвийн байранд өнөөдөр боллоо.
Уулзалтад Авлигатай тэмцэх газрын дарга, тэргүүн комиссар Х.Энхжаргал, дэд дарга, эрхэлсэн комиссар Ц.Нямдорж, Тамгын хэлтсийн дарга, эрхэлсэн комиссар З.Баасанням, Авлигатай тэмцэх үндэсний хөтөлбөрийг хэрэгжүүлэх ажлын албаны дарга, эрхэлсэн комиссар Д.Дуламсүрэн, Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Т.Баярхүү, Хяналт шалгалт, дүн шинжилгээний хэлтсийн дарга, эрхэлсэн комиссар Х.Хашбаатар, Мөрдөн шалгах хэлтсийн дарга, эрхэлсэн комиссар Э.Идэрцог болон бусад албадын дарга, ахлах ажилтнууд оролцов.
Авлигатай тэмцэх газрын дэргэд дөрөв дэх удаагаа байгуулагдаж байгаа Олон нийтийн зөвлөлийн бүрэлдэхүүнд “Легитимус” ТББ-ын хуулийн зөвлөх, хуульч Б.Анхныбаяр, Монголын хуульчдын холбооны гишүүн, өмгөөлөгч Г.Баасан, “Шинэ Улаанбаатар” ТББ-ын Удирдах зөвлөлийн гишүүн Э.Батсуурь, Улс төр боловсролын академийн Удирдах зөвлөлийн гишүүн Р.Бурмаа, “Нарны зон” НҮТББ-ын тэргүүн Э.Бямбацэрэн, “Хамтын халуун сэтгэл” ТББ-ын Удирдах зөвлөлийн гишүүн Б.Ганхөлөг, “Алтан элч” гэр бүлд эрх зүйн туслалцаа үзүүлэх төв ТББ-ын тэргүүн Д.Дэлгэрбат, Монголын малчид, мал аж ахуйн үйлдвэрлэл эрхлэгчдийн холбооны тэргүүлэгч И.Мөнхжаргал, Хууль зүйн мэдээлэл, судалгааны хамтын ажиллагааны нийгэмлэгийн Удирдах зөвлөлийн гишүүн Д.Оросоо, Техник, загвар зохион бүтээгч спортын холбооны Удирдах зөвлөлийн гишүүн С.Отгонгэрэл, “Нутгийн шийдэл сан” ТББ-ын тэргүүн, ном зохиогч Ц.Оюунгэрэл, Монголын хуульчдын холбооны гишүүн, өмгөөлөгч Д.Пүрэвбаатар, “Шууд ардчилал хүрээлэн” ТББ-ын захирал А.Саруул, МоАХ-ны Удирдах зөвлөлийн гишүүн О.Цоодол, “Либерал хаус” бодлогын судлалын хүрээлэнгийн Удирдах зөвлөлийн гишүүн Б.Энхбат нар томилогджээ.
Олон нийтийн зөвлөлийн гишүүнээр ял шийтгэлгүй, иргэний нийгмийг төлөөлөх иргэнийг Монгол Улсын Ерөнхийлөгч дөрвөн жилийн хугацаагаар томилдог. Авлигатай тэмцэх газрын дэргэдэх Олон нийтийн зөвлөл нь авлигатай тэмцэхэд олон нийтийг идэвхтэй оролцуулах, тэдний санал бодлыг хүргэх, авлигын нөхцөл байдал, авлигын эсрэг хууль тогтоомжийн хэрэгжилтэд зөвлөмж өгөх зорилготой юм.
2017 оны 09 дүгээр сарын 04-ны өдрийн 20.00 цагийн үед Хан-Уул дүүргийн 3 дугаар хороонд “ЮП” ХХК-ийн захиалгаар, ерөнхий гүйцэтгэгч “Их мөрөн цамхаг” ХХК-ийн орон сууцны зориулалтаар барьж буй 12 давхар бүхий 4 блок “Дэлгэрэх” хотхоны 80-4 блокны барилга /7 давхрын цутгалт хийгдээгүй байсан/- ын 6 давхрын тагтан дээр ажил гүйцэтгэж байсан БНАСАУ-ын иргэн Пак Сон Ил нь /27 настай эрэгтэй/ хэв хашмалын тулаас хийж байгаад унаж нас барсан үйлдвэрлэлийн осол гарлаа.
УИХ дахь МАН-ын бүлэг өнөө өглөө 11 цагт товлогдсон байсан ч ирц бүрдэхгүй шалтгаанаар 15 цаг болж хойшлогдсон. Гэсэн ч МАН-ын бүлэг хуралдаж чадсангүй. Ирц бүрдэхгүй хүлээгдсээр цуцлагдлаа.
Онцгой байдлын ерөнхий газрын тэргүүн дэд дарга, бригадын генерал Г.Ариунбуян БНСУ-ын Үндэсний аврах 119 дүгээр албаны захирагч ноён Ким Сунён тэргүүтэй төлөөлөгчдийг өнөөдөр хүлээн авч уулзан хоёр орны аврагчдын эрэн хайх, аврах ажиллагааны талаар санал солилцлоо.
Энэ жилийн Улсын наадмын үндэсний бөхийн барилдаанд долоо даван шөвгөрч, Монгол Улсын заан цол хүртсэн Н.Түвшинбаярт хүндэтгэл үзүүлэх наадмыг нутгийн зон олон нь зохион байгуулахаар болжээ.
Замын цагдаагийн албанаас “Хүүхэд тээвэрлэх автобус ба үйлчилгээнд тавих хяналт” шалгалтыг зохион байгууллаа. Нийслэлийн Ерөнхий боловсролын сургууль, цэцэрлэгүүдийн хүүхдийг зохион байгуулалттайгаар тээвэрлэх автобусны стандартын шаардлага, тээвэрлэлтийн нөхцөл, техникийн бүрэн бүтэн байдлыг хангасан автобусаар тав тухтай аюулгүй тээвэрлэх нөхцлийг бүрдүүлэх зорилгоор уг аяныг зохион байгуулсан байна.
ВЛАДИВОСТОК. /Sputnik/. Өмнөд Солонгосын шинэ засаг захиргаа умард зүгийн улс орнуудтай, тухайлбал Хятад, Монгол болон Оросын Алс Дорнодтой эдийн засгийн харилцаагаа бэхжүүлэхээр төлөвлөж байна гэж Өмнөд Солонгосын шадар сайд мэдэгдлээ.
Наймдугаар сарын сүүлээс эхлэн улсын цэцэрлэгүүд цахим бүртгэл болон сугалаагаа явуулсан. Цэцэрлэгт орж чадаагүй хүүхдүүдээ хаана, хэнд даатгаж үлдээх вэ гэж шаналсан эцэг эхчүүдийн дүр зураг үргэлжилсээр. Хэрэв улс төрчид 60 тэрбум хэрхэн босгох вэ гэж толгойгоо гашилгах бус 60 цэцэрлэг хэрхэн яаж барих гэж хэлэлцэж суусан бол ийм хүндхэн байдалтай жил бүр нүүр тулгараад байхгүй нь ойлгомжтой. Мөн түүнчлэн Баянзүрх дүүргийг хуваана, хуваахгүй гэсэн асуудал яригдсаар байна. Шинээр дүүрэг хуваагдвал гарах зардал нь 40 тэрбумыг хол хаяж байгаа. Тэгвэл энэ мөнгөөрөө яагаад сургууль, цэцэрлэг барьж болохгүй гэж. Уул шугамандаа ард түмэн улс төрчдийг 60 цэцэрлэг бариарай гэж сонгодог болохоос 60, 70 тэрбумаар нь хулгайлаад, эсвэл хэрэггүй зүйлд үрэн таран хийгээд байгаарай гэж итгэл хүлээлгэдэггүй нь лавтай. Ямартай ч цэцэрлэгийн хомс байдлаас үүдэн хэдэн зуун хүүхэд гэртээ цоожлогдож, басхүү эндсээр байна. “Зуун хувь цэцэрлэгт” хөдөлгөөнийхөн “Жил тутам 17 хүүхэд харах асрах хүнгүйгээс болж энддэг” хэмээн мэдээлж байсан удаатай. Үүнд ихэвчлэн гэртээ цоожлуулаад галд өртсөн, муу усны нүх, жорлонгийн нүхэнд унасан, угаартсан, халуун зүйлд түлэгдсэн гэх шалтгаанууд зонхилдог юм билээ. Эцэг, эхчүүдийн хувьд ч үр, хүүхэдээ цэцэрлэгт оруулж чадаагүйгээс болж олон асуудалтай нүүр тулгардаг гэж байлаа. Ингээд хүүхэдээ цэцэрлэгт оруулж чадаагүй ээж Б.Гэрэлтэй цөөн хором ярилцснаа хүргэе.
Хэдэн жилийн өмнө УИХ дахь МАН АН-ын бүлэг хамтран 62-ын бүлэг байгуулж дэлхий нийтийн элгийг хөшөөж байсан. Харин энэ удаа эсрэгээрээ УИХ дахь 65 гишүүнтэй бүлгээс 31 нь намаасаа хөөгдөх мэдээ гарлаа. Магадгүй айлгах төлөвлөгөө байж болно. Гэхдээ үнэхээр хөөх дээрээ тулбал УИХ дахь олонх болсон МАН-ын бүлэг цөөнх болж хувирна. Цөөнх болоод зогсохгүй УИХ-ын дарга, Ерөнхий сайдаасаа бүрэн сална. Х.Бат