Авлигатай тэмцэх газраас өнгөрсөн сарын 28-ны өдрөөс энэ сарын 1-ний өдрүүдэд гэмт хэргийн шинжтэй 7 гомдол, мэдээлэл хүлээн авч, нийт 17 гомдол мэдээллийг шалгажээ. Үүнээс 1 гомдол, мэдээлэлд хэрэг бүртгэлтийн хэрэг нээж, 17 гомдол, мэдээлэлд хэрэг бүртгэлтийн хэрэг нээхээс татгалзан, 1 гомдол, мэдээллийг харьяаллын дагуу шилжүүлэх саналтайгаар прокурорт шилжүүлсэн байна. Ажиллагаанд одоогоор 8 гомдол, мэдээлэл шалгагдаж байгаа аж.
Өнгөрсөн долоо хоногт эрүүгийн 131 хэрэгт мөрдөн байцаалтын ажиллагаа явуулснаас 4 хэргийг шүүхэд шилжүүлэх, 2 хэргийг харьяаллын дагуу шилжүүлэх, 3 хэргийг хэрэг бүртгэлтийн хэрэг хаах саналтай тус тус прокурорт шилжүүлжээ. Одоогоор 122 хэрэгт мөрдөн байцаалтын ажиллагаа явуулж байгаа аж.
Хятадын Сияминь хотноо есдүгээр сарын 14-17-нд Дэлхийн оюутны 3Х3 сагсан бөмбөгийн лигийн тэмцээн болно.
Италийн хүүхдийн хамгийн том кино фестиваль “Giffoni film festival”-д бүх насны ангилалд амжилттай оролцсон “Чингисийн хүүхдүүд” кино Монголд нээлтээ хийх гэж байна. Киног Д.Золбаяр найруулсан бөгөөд хурдан морь унаач хүүхдүүдийн тухай өгүүлнэ. Тус киног бүтээхэд Америк, Турк Улсын уран бүтээлчид хамтран ажилласан бөгөөд киног бүтээхэд нэг тэрбум 200 сая төгрөг зарцуулсан гэдэг.
Хөшигтийн хөндий шинэ нисэх буудлын хурдны замын хяналт шалгалтын явцад ГУУХ-ын хүрээнд дараах зөрчил гарчээ. Үүнд:
“Монгол Улсын хүнсний аюулгүй байдал” сэдэвт үндэсний чуулганыг ирэх есдүгээр сард зохион байгуулна. Монгол Улсын Ерөнхийлөгч Х.Баттулгын санаачлагаар уг үндэсний чуулганыг ЕТГ, ХХААХҮЯ, Монголын хүнсчдийн холбоо, НҮБ-ын Хүнс, хөдөө аж ахуйн байгууллага хамтран зохион байгуулж байгаа юм.
Манай улс “Гашуунсухайт”, “Шивээхүрэн”, “Ханчи”, “Булган” зэрэг боомтуудаар нүүрсээ урд хөрш рүү гаргадаг. Гэвч Гашуунсухайт боомтод 70 орчим км-ын урт цуваа үүсээд байгаа гэнэ. Уг нь Засгийн газар нэг минутад нэг машиныг хил нэвтрүүлэх зорилт тавин, гааль, мэргэжлийн хяналтын шалгалтуудыг нэгтгэн, жолооч нарт машинаасаа буулгүй хил нэвтрэх боломжийг бүрдүүлэн, хил дээрх төлбөр тооцоог бэлэн мөнгөөр хийхийг хориглох гэх мэт цаг үрсэн алхмуудыг цэгцэлсэн. Энэ замаар нийт 6000 жолооч нүүрс тээвэрлэдэг аж. “Гашуун сухайт”-ын боомтоор хамгийн ихдээ нэг өдөрт 1605 ачааны машин нэвтэрч байсан бол өнөөдөр энэ тоо 495 болж буураад байгаа гэв. Энэ нь 24 сая тонн нүүрс нийлүүлнэ гэсэн манай энэ оны төлөвлөгөө, мөрөөдлийг шууд нурааж байна гэж чуулганыг зохион байгуулагчид онцолжээ.
Монгол Улсын Ерөнхийлөгч Х.Баттулга Владивосток хотноо болсон Дорнын эдийн засгийн чуулга уулзалтад оролцож, ОХУ-д ажлын айлчлал хийгээд эх орондоо ирлээ. Айлчлалын үеэр яригдсан гол асуудлуудыг дурдвал, ОХУ-ын Владивосток хотноо Дорнын эдийн засгийн чуулганд оролцох үеэрээ Монгол Улсын Ерөнхийлөгч Х.Баттулга ОХУ-ын Ерөнхийлөгч В.Путин, Бүгд Найрамдах Солонгос Улс (БНСУ)-ын Ерөнхийлөгч Мүн Жэ Ин, Япон Улсын Ерөнхий сайд Ш.Абэ нартай албан ёсны уулзалт хийж, хоёр талын болон бүс нутгийн асуудлаар санал солилцов.
Монгол Улсын Ерөнхийлөгч Х.Баттулга ОХУ-тай эдийн засгийн хамтын ажиллагаагаа улам бүр идэвхжүүлж, хоёр улсын харилцааг шинэ түвшинд гаргах хүслээ илэрхийлээд тодорхой саналууд тавив. Монгол Улсын Ерөнхийлөгч Х.Баттулга Бүгд Найрамдах Солонгос Улс (БНСУ)-ын Ерөнхийлөгч Мүн Жэ Интэй уулзах үеэрээ БНСУ-ыг асар богино хугацаанд үсрэнгүй хөгжилд хүргэсэн удирдагчдын түүхийг сонирхон судалсан талаараа дурдаж, тус улсын Ерөнхийлөгчтэй анх удаа уулзаж байгаа хэдий ч цаашид нягт хамтран ажиллаж, хоёр орны найрсаг хамтын ажиллагааг илүү амжилттай хөгжүүлж чадна гэж найдаж байгаагаа илэрхийлсэн юм.