Month: September 2017

Өнөөдөр Нийслэлийн Хангарьд ордонд НИТХ дахь АН-ын бүлгийн зүгээс “Хотын шийдэл” цуврал хэлэлцүүлгийг “Нийслэлийн хог хаягдлын менежмент-Аюултай хог хаягдал” сэдвийн хүрээнд өрнүүллээ. Хэлэлцүүлгийн үеэр “Хог хаягдлын өнөөгийн байдал ба эдийн азсгийн боломж”, “Аюултай хог хаягдлын устгалын өнөөгийн байдал”, “Аюултай хог хаягдлын хор нөлөө судалгаа мэдээлэл”, “Хог хаягдлын хор нөлөөллөөс үүдэлтэй өвчлөлийн талаарх судалгааны өнөөгийн байдал”, “Аюултай хог хаягдал-Шийдэл” гэсэн сэдвүүдээр мэргэжилтнүүд мэдээлэл өгч, хэлэлцүүлэг өрнүүллээ.

Хуралд НИТХ дахь АН-ын бүлгийн дарга Ц.Баатархүү, Улаанбаатар хотын захирагчийн албаны дарга Д.Гантөмөр, “МХХДБҮХ” ТББ-ын ерөнхийлөгч Д.Бямбасайхан, НИТХ дахь АН-ын бүлгийн ажлын алба, ХХТХ-ийн Эрдэм шинжилгээний ахлах ажилтан доктор Г.Оюун-Эрдэнэ, НЭМҮТ-ийн Эрдэм шинжилгээний ахлах ажилтан Ш.Батдэлгэр, ДЭМБ-ын төслийн мэргэжилтэн, Химийн ухааны доктор С.Өнөрсайхан нар оролцлоо.

-ХОТЫН ХӨГЖЛИЙГ ЯРИХААС ӨМНӨ ХОГ ХАЯГДЛЫН АСУУДЛЫГ ЯРИХ ЁСТОЙ-

Нийслэл хотын хэмжээнд жилд 1 сая 433 тонн хог хаягдал гардаг байна. Үүнээс дахин боловсруулу буй хог хаягдлын хэмжээ ердөө 24 хувийг эзэлдэг аж. Энэ нь 344 тонн хог хаягдлыг дахин боловсруулж байна гэсэн үзг юм. Гэтэл хог хаягдлыг дахин боловсруулах 85 хувийн боломжтой гэдгийг хэлэлцүүлэгт оролцогчид онцолж байлаа. Өөрөөр хэлвэл 1.2 сая тонн хогийг дахин боолвсруулж эдийн засгийн эргэлтэд оруулах боломжтой юм.

Нийт хог хаягздлын хувьд үзүүлэлтээр харвал шилний хаягдал 319 мянган тонн, хуванцарын хаягдал 69 мянган тонн, хоол хүнсний хаягдал 304 мянган тонн, хаягдал төмөр болон өнгөт металл 134 мянган тонн, цаас болон картоны хаягдал 104 мянган тонн, малын гаралтай хог хаягдал 72 мянган тонн, аюултай хог хаягдал буюу цацрагын хог хаягдал 86 мянган тонн, бусад булагдсан хог хаягдлын хэмжээ 485 мянган тонн байгааг онцлов.

Энэ нь манай улсын хэмжээнд хүн амтайгаа харьцуулахад маш их хэмжээний хог хаягдал гарч байгаа бөгөөд дахин боловсруулалт маш муу байгааг албаныхан хэлж байлаа. Үүн дотор аюултай хог хаягдлын хэмжээ өндөр байгаа төдийгүй энэ асуудлыг менежменттэйгээр шийдвэрлэх ёстойг оролцогчид саналаар хэлэв.

-УСТГАГДСАН ХОЙНОО Ч ХОР ХӨНӨӨЛТЭЙ АЮУЛТАЙ ХОГ ХАЯГДАЛД АНХААРЛАА ХАНДУУЛАХ ХЭРЭГТЭЙ БАЙНА-

Хог хаягдлын менежментийг хөгжүүлэхэд бодлогын түвшинд шийдвэрлэх, хууль эрхзүйн орчин бүрдүүлэх хэрэгтэй байна. Ялангуяа хогийг ангилах асуудлыг нэн тэргүүнд тавьж, ач холбогдол өгөх шаардлагатай байгаа юм. Учир нь хог хаягдлын нөлөөлөл нь хүн амын эрүүл мэнд, байгаль орчинд сөргөөр нөлөөлж байгааг мэргэжилтнүүд онцлов.

ДЭМБ-ын төслийн мэргэжилтэн, Химийн ухааны доктор С.Өнөрсайхан уг асуудлын хүрээнд судалгааны ажлын мэдээллээсээ танилцуулав. Тэрээр “Ахуйн хог хаягдлын талаар улсын тодорхойлолттой болох шаардлагатай.Үүнийг зохицуулсан хууль эрхзүйн орчин, зохицуулалт мөн хэрэгтэй юм. Мөн нэн тэргүүнд анхаарах шаардлагатай асуудал бол аюултай хог хаягдлын асуудал. Учир нь аюултай хог хаягдал нь устгагдсан хойноо ч хор хөнөөл нь бүрэн алга болдоггүй. Ингээд ирэхээр байгаль орчин төдийгүй хүн амын эрүүл мэндэд онц аюултай гэж үздэг.

Өндөр хөгжилтэй орнуудын туршлагаас харахад 1970 оноос эхлэн аюултай хог хаягдалд анхаарч ирсэн бөгөөд хог хаягдлын менежментийг хөгжүүлсээр ирсэн байна. Энэ ажлаараа тэргүүлэгч нь Япон улс юм. Япон улс нь хог хаягдлыг эх үүсвэр дээрээс нь л шууд ангилж, дахин боловсруулахад хялбаршуулж өгдөг. Хүүхдүүд нь цэцэрлэгт байхаасаа л хог хаягдлыг ангилаад сурчихсан байдаг бөгөөд манайд ч гэсэн хүүхдийг цэцэрлэгт байхаас нь хог хаягдлыг ангилах, байгаль орчиндоо хог хаяхгүй байсан гэсэн төлөвшлийг суулгах хэрэгтэй байгаа юм” гэв.

-ХОГ ХАЯГДЛЫГ ДАХИН БОЛОВСРУУЛАХ “ЭКО-ПАРК” ТӨСӨЛ ХЭРЭГЖҮҮЛНЭ-

Хог хаягдлын асуудлыг шийдвэрлэх гарц боломжуудыг оролцогчдын зүгээс саналаар хэлж байсны дотор өнөөдрийн хэлэлцүүлгийг хамтран зохион байгуулагч “Монголын хог хаягдлыг дахин боловсруулах үндэсний холбоо” ТББ-ын “Эко-Парк” төсөл анхаарал татаж байлаа. Уг төсөл нь Нарангийн энгэр болон Цагаан давааны төвлөрсөн хогийн цэгт өндөр технологид суурилсан, дэлхийн жишгийн дагуу хог хаягдлыг ангилан ялгах, дахин боловсруулах үйлдвэрлэлийн цогцолбор болгох төлөвлөгөөтэй аж. Уг төслийг хэрэгжүүлэхэд 246 тэрбум төгрөг шаардлагатай байгааг ажлын алба танилцуулсан юм. Уг төслийг хэрэгжүүлснээр,

Улаанбаатар хот орчмын агаар, ус, хөрсний бохирдол эрс буурч, хотын оршин суугчдын эрүүл, аюулгүй орчинд амьдрах нөх сайжирна.

Шинээр 900 гаруй ажлын байр бий болж, хог түүгч иргэдийн амьдрах нөхцөл дээшилнэ

Хог хаягдлыг ангилан ялгах, дахин боловсруулах менежментийн цогц бодлого хэрэгжүүлэх боломж бүрдэнэ.

Ахуйн хог хаягдлыг ангилах 4R зарчмаар боловсруулах аргаар нэмүү өртөг шингэсэн бүтээгдэхүүн үйлдвэрлэх

Ландфилийн аргаар булж устгахыг эрс бууруулах зэрэг ач холбогдолтой” аж.

Мөн төвлөрсөн цэгүүдээс хогийг цаг алдалгүй зөөх шинэ техник туршиж байгаа аж. Чиргүүлийн зориулалттай, хөдөлгөөнт хогийн сав нь ачиж авч явах зориулалттай, өөрөө хаагддаг бөгөөд эргэн тойрондоо баохирдол үүсгэхгүй төдийгүй цаг хэмнэх боломжтой гэв.

Одоогийн байдлаар уг хогийн савыг туршилтаар 3, 4-ийг тодорхой цэгүүдэд байрлуулахаар болжээ. Энэхүү хогийн сав нь 3.8 метр куб багтаамжтай бөгөөд ойролцоогоор 3 хоногийн дотор хог нь дүүрнэ гэж тооцоолж байгаа юм. Том оврын машин нь хог ачихдаа тодорхой хүндрэлүүдтэй тулгардаг учир эдгээр хүндрэлүүдийг шийдэх боломжтой хэмээн санаачлагчид онцолсон юм.

Монголын тээвэр холбоо, газрын тосны Үйлдвэрчний Эвлэлийн Холбооноос өчигдөр мэдээлэл хийж, Зорчигч Тээврийн Нэгтгэлийн удирдлага, санхүүтэй холбоотой зарим нэгэн баримтуудыг дэлгэсэн. Тэгвэл өнөөдөр Зорчигч Тээврийн Нэгтгэлээс тус байгууллагын үйл ажиллагаатай холбоотой гарч буй мэдээлэл ташаа болохыг мэдэгдэв.

Зорчигч тээврийн нэгтгэлийн орлогч захирал Б.Даваасүрэн “Өчигдрийн хэвлэлийн хурлын үеэр манай байгууллагын үйл ажиллагаа, хувь хүнтэй холбоотой буруу ташаа мэдээлэл өгсөн тул үнэн бодит мэдээлэл өгөх зорилготой энэ хэвлэлийн хурлыг хийж байна. Орон тоо, бүтэц зохион байгуулалттай холбоотой асуудлууд Нийслэлийн Засаг даргын баталсан захирамжаар ажилдаг. Тодруулбал нэгтэл болохоос өмнө гурван бааз байхад 1705 ажилтан байсан бол одоо ЗТН болсноор 1590 ажилтантай орон тоогоо бууруулан ажиллаж байна.

Ажилтнуудыг хууль бусаар ажлаас халдаг нь ч ташаа мэдээлэл. Бид сахилгын зөрчил удаа дараа гаргасан хүмүүсийг дотоод журам, хөдөлмөрийн хуулийн дагуу байгууллагынхаа хурлаар оруулан шат дараалсан арга хэмжээ авдаг.Цалингын хувьд нийслэлээс баталсан цалингийн журмыг хэрэгжүүлдэг. II, III баазын ажилтнуудын цалин 30 хувиар өссөн.

2009 оноос хойш парк шинэчлэл хийгдээгүй учраас бүх тээврийн хэрэгсэл хуучирсан. Тиймээс бид сэлбэг запасыг дотоодын зах зээлээс хангадаг. Бөөнөөр нь авдаггүй, өдөр тутмын шаардлагатай сэлбэгийг авч тээврийн аюулгүй байдлыг ханган ажиллаж байгаа. 2017 оны дөрөвдүгээр сард нэгдсэн Үйлдвэрчний Эвлэлтэй болох санал гаргаснаар ажилтнууд хуралдан байгуулж, өнөөдөр үйл ажиллагаа нь хэвийн явж байна. Зорчигч тээврийн нэгтгэл 1,590 ажилтантай. Үүний 1,320 нь ҮЭ-ийн татвараа төлөөд, үйл ажиллагаа нь хэвийн явагдаж байна” гэлээ.

Зорчигч тээврийн нэгтгэлийн Хуулийн зөвлөх Ц.Баясгалан “Өчигдөр буюу есдүгээр сарын 19-нд зарим хүмүүс нийгэмд буруу ташаа мэдээлэл өгсөнд харамсаж байна. Хэвлэлийн хурлаар II, III баазын ҮЭ-ийн дарга нарыг хууль бусаар ажлаас халсан гэсэн мэдээлэл хийсэн. II баазын ҮЭ-ийн дарга өөрийн хүсэлтээр ажлаа өгсөн. III баазын ҮЭ-ийн хорооны даргыг өвчтэй байх хооронд хууль бусаар ажлаас халсан гэсэн мэдээлэл өгсөн. Тэрээр зургаадугаар сарын 3-наас долоодугаар сарын 26-ныг хүртэл нийт 54 хоног хүндэтгэн үзэх шалтгаангүй тасалсан учраас захирлын тушаал гарч ажлаас халсан. Болорсүх гэдэг хүн нь манай байгууллагад ажиллаж байсан мэргэжлийн инженер хүн. Байгууллагын удирдлагууд мэргэжлийнхээ чиглэлээр ажиллах саналыг түүнд удаа дараа тавьсан. Гэвч энэ хүн эрүүл мэндийн шалтгаанаар ажлаас өөрийн хүсэлтээр чөлөөлөгдсөн” гэв.

Зорчигч тээврийн нэгтгэлийн эдийн засагч Н.Батболд “Нэгтгэл болсноор гурван баазын алдагдал буурч байгаа. Тухайлбал 2016 оны хагас жилийг бодвол 2017 оны хагас жилд 700 сая төгрөгөөр алдагдлыг бууруулж, зардал хэмнэж ажилласан. Санхүүгийн хуримтлагдсан өр төлбөр 6.2 тэрбум төгрөг байсныг үе шаттайгаар бууруулан ажиллаж байна. Цаашид бууруулна. Нэгтгэл болсноор гурван баазын цалингийн журам нэгдэж, цалин ижил түвшинд очсон. Цалин ямар нэгэн байдлаар буураагүй гэдгийг би хариуцлагатайгаар мэдэгдэж байна. Манай байгууллагын гол зардал бол шатахууны зардал. 2017 онд нээлттэй тендер сонгон шалгаруулалтаар шатахуунаа худалдан авснаар 2017 онд литр тутамд 200 төгрөг, жилд 1 тэрбум гаруй төгрөгийг хэмнэж ажиллах тооцоо гарсан” гэв.

Дашрамд дуулгахад өчигдөр хэвлэлийн хурлын үеэр мэдээлсэн тралейбусны сэлбэг хэрэгсэл 100 айл дээр зарагддаггүй. Энэ мэт хэн ч итгэхгүй зүйлээр хурал мэдээлэл хийж, байгууллага болоод хувь хүмүүсийн нэр төрд халдвал хуулийн байгууллагад хандан гэдгээ онцолж байлаа.

Б.ҮРЖИГ

“Эрдэнэт” үйлдвэрийн захирал Х.Бадамсүрэн ажлаа халагдах өргөдлөө өгсөн гэх мэдээлэл өнөөдөр олон нийтийн сүлжээгээр тарсан.

Түүнийг 60 тэрбумын гэх бичлэгтэй холбогдуулж Авлигатай тэмцэх газар шалгаж эхэлсэн тул ажлаас халагдах өргөдлөө өгсөн хэмээн бичиж байгаа юм.

Гэвч эдгээр мэдээлэл нь огт үндэслэлгүй хэмээн эх сурвалж мэдээллээ. Эл асуудалтай холбогдуулж “Эрдэнэт” үйлдвэрийн хэвлэл мэдээллийн албанаас албан ёсны хариу өгөхөөр болжээ.

Замын цагдаагийн албаны дарга, цагдаагийн хурандаа Б.Даваазул Өвөрхангай, Архангай аймагт ажиллаж харъяа нэгжийн үйл ажиллагаа, ажиллах нөхцөл байдалтай танилцаж, бие бүрэлдэхүүнтэй уулзжээ. Цагдаагийн ерөнхий газраас орон нутагт дахь Цагдаагийн газрын Замын цагдаагийн тасгийн алба хаагчдын ур чадварыг нэмэгдүүлэх зорилгоор сэлгэн ажиллуулах хөтөлбөр боловсруулан хэрэгжүүлэх талаар танилцуулж, тэдний санал хүсэлтийг хүлээн авч ажиллав.

Ажиллах хугацаандаа Архангай аймгийн нутаг Тарнийн гүүрний байнгын постын үйл ажиллагаа, барилгын явцтай танилцаж аймгийн Засаг дарга, Иргэдийн төлөөлөгчдийн хурлын дарга нартай уулзан Цагдаагийн байгууллагын зарим ажил, үйлчилгээ, хангалтын жишиг нормын дагуу тухайн нутаг дэвсгэр хариуцсан цагдаагийн байгууллагын техник хэрэгслийн хангалтыг сайжруулах, одоо ашиглагдаж байгаа байнгын постны ашиглалтыг сайжруулах талаар санал солилцсон юм.

Мөн энэ үеэр Өвөрхангай аймгийн Засаг даргын тамгын газар, Иргэдийн төлөөлөгчдийн хурлаас аймгийн Цагдаагийн газарт хуучин ашиглагдаж байсан 7 тээврийн хэрэгслийг хүлээлгэж өгсөн талаар дурьдаж цаашид цагдаагийн алба хаагчдын ажиллах нөхцлийг сайжруулж, техник хэрэгслийг нэмэгдүүлэх ажлыг үе шаттайгаар зохион байгуулахаа илэрхийлсэн бол Архангай аймгийн Иргэдийн төлөөлөгчдийн хурлын даргын зүгээс Хашаат сумын нутаг Тарнын гүүрний байнгын постны үйл ажиллагааг сайжруулах хөрөнгийн асуудлыг шийдвэрлэх боломжтой талаараа дурьдаж, зарим асуудлыг шийдвэрлэх тодорхой ажил зохион байгуулж байгаагаа илэрхийллээ.

Б.ҮРЖИГ

Өнөөдөр Багш нарын цалин нэмэгдүүлэх түр хороо, Монголын үйлдвэрчний эвлэлийн холбоо хамтран мэдээлэл хийлээ. Хэвлэлийн хуралд аймаг болон нийслэлийн үйлдвэрчний эвлэлийн дарга, Багш нарын түр хорооны гишүүд оролцов. Тэд албан ёсоор Засгийн газартай хөдөлмөрийн хамтын маргаан эхлүүлж байгаагаа мэдэгдлээ. Энэхүү маргаанаас үүссэн бүхий л хариуцлагыг Монголын төр хариуцах ёстой гэсэн юм.

Хурлын үеэр Монголын үйлдвэрчний эвлэлийн дарга Х.Амгаланбаатар хэлэхдээ “Засгийн газартай хэлэлцээрт хүрсэн. Харамсалтай нь хэлэлцэрийн үр дүн хангалтгүй байна. Удаа дараа албан бичгээр хангалттай хүргүүлсэн. Мөн Эрүүл мэндийн салбарынхан нэгдсэн байна. Түүнчлэн багш нар хичээл хаях хэмжээнд хүрсэн. Засгийн газар хэлэлцээр хийсэн үүргээ хүлээхгүй байгаа учраас ажил хаях хэмжээнд хүрсэн тул энэхүү хөдөлмөрийн маргааныг эхлүүллээ.

Бид энэ хугацаанд тэмцлийн хэлбэрт хүргэхгүй байх бүхий л арга хэмжээг авсан. Хөдөлмөрийн маргааныг хуулийн дагуу хийнэ. Албан ёсоор бичгээ хүргүүлнэ. Үйлдвэрчний эвлэл болон эрүүл мэндийн үйлдвэрчний эвлэл, багш нарын цалин нэмүүлэх түр хороо нэгдсэн байна. Энэ Засгийн газрын буруутай үйл ажиллагаанаас үүдэн эрүүл мэнд болон багш нар тэмцлийн шатанд хүрлээ. Ийм учраас хуулийн хүрээнд энэхүү маргааныг эхлүүлж Засгийн газарт хүлээсэн үүргийг нь биелүүлэх, зөрчигдсөн эрхээ сэргээх үйл ажиллагаанд орно” гэв.

Харааны бэрхшээлтэй иргэдэд зориулсан 90 айлын орон сууцны нээлт өнөөдөр боллоо.

Уг байр Баянгол дүүрэгт байрлах Хараагүйчүүдийн үндэсний холбоо, Хараагүйчүүдийн хөдөлмөр сургалтын үйлдвэрийн дэргэд байрладаг юм.

2008 онд харааны бэрхүээлтэй иргэдэд зориулсан байр барих санаачилга гарсан байна. 2015 оноос эхэлсэн барилгын ажил дуусч, хүйтний улирлаас урьтан олон гэр бүл тохилог сууцтай болов.

Тус орон сууцыг улсын төсвийн 4 тэрбум 850 сая төгрөгийн хөрөнгө оруулалтаар барьжээ. Өмнөх засгийн үед 4 тэрбум төгрөгийг төсөвт суулгаж, өнгөрсөн онд төсвийн тодотголоор 850 сая төгрөгийг нэмж тусгаснаар барилгын ажил дуусгах боломж бүрдсэн гэдгийг нээлтийн үеэр Хараагүйчүүдийн хөдөлмөр сургалтын үйлдвэрийн дарга З.Болдсайхан ярьсан юм.

Улсын хэмжээнд нийт 16 мянга орчим харааны бэрхшээлтэй иргэн байдаг гэнэ. Эдгээр иргэдээс сонгон шалгаруулалт хийж 116 иргэнийг сонгожээ. 44 айл нь тус үйлдвэрийн ажилчид юм байна. Түүнчлэн хараагүй иргэний өрхөд хичнээн хүн хараагүй байгаа, өндөр настай, өрх толгойлсон эмэгтэй зэрэг үндсэн нөхцөлүүдийг харгалзан бусад оршин суугчдыг сонгожээ.

Монголын хөтлөгчдийн холбооноос “Хүүхдээ дэлгэцнээс аварья” аяныг санаачлан зохион байгуулж буй талаараа өнөөдөр мэдээлэл хийлээ. Тэд ЕБС-ийн бага анги, сургуулийн өмнөх насны хүүхдүүдийн дунд чөлөөт цагаа хэрхэн өнгөрүүлдэг талаар судалжээ. Судалгаанд нийт 720 хүүхэд оролцсоноос 69 хувь нь гэртээ зурагт үздэг, компьютер эсвэл утас тоглодог гэж хариулсан байна.

Хөтлөгчдийн холбооноос эцэг эхчүүд хүүхдийнхээ чөлөөт цагаа өнгөрүүлэх тал дээр анхаарлаа хандуулах хэрэгтэй гэж энэ үеэр зөвлөсөн юм. Мөн тус холбооноос аяны хүрээнд 4-13 насны хүүхдүүдэд зориулж “Адал явдалт зуна” хүүхдийн цуврал зохиол бичиж, анхны номоо гаргасан байна. Энэхүү зохиолын гол дүр нь дэлгэцийн тоглоом хэт тоглосноосоо болж хүүхэд байхаа больж, ямар нэгэн ид шидээр тоглоомон машин болж хувирах эсвэл тоглож буй тоглоомдоо орох зэрэг үйл явдал гарах юм. Ингэснээр буцаж гэртээ очихын тулд эргэж хүүхэд болохын тулд хичээж, эцэг эх найз нөхдөө хүндэлж, хайрлах, орчлон ертөнцийг танин мэдэх гэх мэт олон зүйлийг сурч мэдээд гэртээ ирдэг адал явдалын тухай өгүүлэх ажээ.

Б.НАРАН

Баянхонгор аймгийн Онцгой байдлын газрын Гал түймэр унтраах, аврах 16 дугаар ангийн үүсч байгуулагдсаны түүхт 40 жилийн ой 2017 оны 10 дугаар сарын 05-08-ны өдрүүдэд тохиох юм.

Ойн баярыг тохиолдуулан Онцгой байдлын асуудал эрхэлсэн байгууллагын Гал унтраах техникийн олон төрөлт спортын холбооны клубуудын дунд Өмнөд бүсийн аварга шалгаруулах тэмцээнийг зохион байгуулна.

Мөн энэ үеэр Баянхонгор аймгийн Онцгой байдлын газрын хамт олны санаачлагаар барьж ашиглалтад оруулсан “Аврагч” спорт заалны нээлтийг хийх юм.

Гал унтраах техникийн олон төрөлт спорт холбооны “Клуб”-уудын хоёр дах удаагийн аварга шалгаруулах тэмцээнд Улаанбаатар бүсийн “Ган дуулга”, Зүүн бүсийн “Шонхор”, Хойд бүсийн “Алтангадас”, төвийн бүсийн “Од”, баруун бүсийн “Алтайн бүргэд” клубын 2017 оны бүсийн аварга шалгаруулах тэмцээний эхний байрт шалгарсан нийт 46 тамирчин, урилгаар Улаанбаатар “Ган дуулга” клубын Гал түймэр унтраах, аврах 10 дугаар ангийн баг тамирчид, Хууль сахиулах их сургуулийн Онцгой байдлын сургуулийн баг, Залуучуудын шигшээ багийн тамирчид оролцоно гэж Баянхонгор аймгийн Онцгой байдлын газраас мэдээллээ.