Цөмийн зэвсгийг хуулиар хориглох тухай олон улсын гэрээнд 50 улс орон гарын үсэг зурлаа гэж Японы “Киодо” агентлаг мэдээлжээ.
Уг гэрээнд гарын үсэг зурах ёслол лхагва гарагийн орой Нью-Йорк хотноо НҮБ-ын төв байранд болсон байна.
НҮБ-ын Ерөнхий нарийн бичгийн дарга Антонио Гутерриш ёслолын дараа мэдэгдэл хийхдээ “Дэлхий нийтийг цөмийн зэвсгээс ангижруулах зорилгод хүрэхэд бид нэгэн чухал алхмаар ойртлоо. Дэлхий нийт, бидний үр хойчид аюул учруулах ийм зэвсгийг бид хэрхэвч хүлээн зөвшөөрөх учиргүй” гэжээ.
Энэ гэрээний талаарх хэлэлцээг даргалсан Коста-Рикагийн Ерөнхийлөгч Луис Гуиллеро Солис Ривера “Цөмийн зэвсгийн улмаас хүн төрөлхтөн байнгын айдастай амьдарч байна” гэж хэлээд, гэрээнд нэгдэхийг цөмийн зэвсэгтэй улс орнуудад уриалжээ.
Гэрээнд 50 улс орон гарын үсэг зурж, соёрхон баталснаас хойш 90 хоногийн дараа хүчин төгөлдөр болох аж.
Уг гэрээгээр цөмийн зэвсэгтэй холбоотой үйл ажиллагаа явуулах, тухайлбал цөмийн зэвсэг үйлдвэрлэж, турших, цөмийн зэвсгээр айлган сүрдүүлэхийг бүрэн хоригложээ.
Гэхдээ энэ гэрээнд цөмийн цөмийн зэвсэгтэй улс орнууд, тэдгээрийн дотор Япон улс гарын үсэг зураагүй байна. Учир нь тус улс цөмийн зэвсгийг улс орноо болон ард түмнээ “хамгаалах хэрэгсэл” гэж үзэж байгаа аж.
“Мария” хар салхи дайрсны улмаас 3.5 сая хүн амтай Пуэрто-Рико арал бүхэлдээ гэрэл цахилгаангүй болоод байна гэж тус арлын Онцгой байдлын ерөнхий газрын /ОБЕГ/ албаны хүмүүс мэдэгдсэнийг “Ройтерс” агентлаг уламжилжээ.
Нийслэл хотноо Ази тивийн 16 хүртэлх насны аварга шалгаруулах тэмцээний эрхийн төлөөх тэмцээнд ур чадвараа сорьж Монголын шигшээ баг өчигдөр Австралийн шигшээ багтай эхний тоглолтоо хийж хожигдлоо.
2017-2018 оны хичээлийн жилд нийт найман байгууллага дэргэдээ 710 хүүхэд хүлээн авах хүчин чадалтай төрийн өмчийн цэцэрлэгийн 28 салбар бүлгийг нээн ажиллуулж, өнөөдрийн байдлаар 987 хүүхэд сургуулийн өмнөх боловсрол эзэмшиж байна.
Тухайлбал, БЗД-ийн 32 дугаар цэцэрлэг өнгөрсөн жилээс эхлэн Хууль сахиулахын их сургуулийн дэргэд 7 бүлэг нээн ажиллуулж байгааг тус цэцэрлэгийн эрхлэгч танилцууллаа. Өнөөдрийн байдлаар нийт 11 бүлэг, 50 гаруй багш ажилтантайгаар үйл ажиллагаа явуулж, 541 хүүхдэд сургуулийн өмнөх боловсрол олгож байна. Хууль сахиулахын их сургуулийн дэргэдэх бүлгүүдийг байгуулснаар анги дүүргэлтийн тоо буурч, хүүхдүүд сурч боловсрох болон багш нар ажиллах таатай нөхцөл давхар бүрджээ.
Засгийн газарт багшийн цалинг 1.6 сая төгрөг хүртэл нэмүүлэх шаардлага тавьсан билээ. Үе шаттайгаар 30 хувь нэмэхээр ажиллаж байна гэсэн хариу Засгийн газраас ирүүлсэн боловч багш нар уг саналыг хүлээж аваагүй. Улмаар багш нар өнөөдөр буюу есдүгээр сарын 21-нд ажил хаялтаа эхлүүлжээ. Ажил хаялт 08:00 цагаас эхэлсэн бөгөөд 17:00 цаг хүртэл үргэлжилнэ. Улсын хэмжээнд ЕБС-ийн багш нарын 60 хувь нь, цэцэглэгийн багш нарын 50 хувь нь, Улаанбаатар хотын хэмжээнд ЕБС-ийн багш нарын 55 хувь нь, цэцэрлэгийн багш нарын 40 хувь нь ажил хаяж байгаа гэж түр хорооны баруун бүс хариуцсан зохицуулагч Г.Энх-Амгалан мэдээллээ. 
Цалингаа нэмүүлэх хүсэлт гаргасан багш нар энэ сарын 21, 26-ны өдрүүдэд ажил хаяхаар болсон. Тодруулбал, Засгийн газрын хэрэг эрхлэх газрын дэд дарга У.Бямбасүрэн “Төрийн албан хаагчдын цалин хөлсийг нэгдүгээр сарын 1-нээс эхлэн үе шаттайгаар, 30-аас доошгүй хувиар нэмэгдүүлэх саналын дагуу асуудлыг эдийн засаг, төсвийн боломжтой уялдуулан шийдвэрлэхээр ажиллаж байна” гэх тайлбарыг энэ сарын 19-нд багш нарыг төлөөлж буй хүмүүс Түр хорооныхонд хүргүүлсэн байдаг. Тэдний ажил хаялт зарлах болсон шалтгаан нь Засгийн газраас цалин нэмүүлэх албан шаардлагад нь хариу өгөөгүйтэй холбоотой юм. Иймээс Нийслэлийн сургууль, цэцэрлэгийн багш нар өнөөдөр ажил хаях шийдвэрээсээ буцаагүй байна. “Багшийн цалинг нэмүүлэх Түр хороо”-ныхон төрөөс бодитой, дорвитой алхам хийх хүртэл тэмцлээ үргэлжлүүлнэ гэв. Тус хорооны тэмцэлд Ерөнхий боловсролын сургууль, цэцэрлэгийн 40 орчим мянган багш нэгдсэн бөгөөд өчигдөр сургуулиудаас эцэг, эхчүүдэд хандан “Хөдөлмөрлөх эрх ашгаа хамгаалах, цалин хөлсөө нэмэгдүүлэх зорилгоор ажлын байрны ажил хаялт хийхээр болсон тул та бүхэн энэ сарын 21-ний өдөр хүүхдээ харгалзан хамгаална уу” гэсэн мэдэгдлийг хүргүүлжээ.