Month: August 2017

“Өдрийн сонин”-ы даваа гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.

Даваа гараг бүрийн дугаарт нийтлэгддэг “Танайд өнжье” буланд залуу эрдэмтэн Д.Заяабаатарын гэрээр зочилжээ. Мөн нэгдүгээр нүүрээс, зургадугаар нүүрт УИХ-ын гишүүн Ш.Сайхансамбуугийн “Үндсэн хуулийг өөрчилнө гэдэг УИХ-ын зальжин гишүүдийн хийдэг ажил биш” ярилцлага хэвлэгдлээ. Мөн УИХ-ын гишүүн, Эдийн засгийн байнгын хорооны дарга Д.Тэрбишдагва “Олон засаг огцрууллаа гээд онож байсан нь ховор” хэмээн ярьжээ.

Баримт үйлд явдлын долдугаар нүүрт Монгол Улсын төрийн хэлмэгдэгсдийн холбооны тэргүүн Д.Цогтбаатарын “Монголын төр хэлмэгдүүлэлтийн талаарх бодлогоо өөрчлөх цаг нь болсон” хэмээх ярилцлага нийтлэгдлээ.

Эдийн засгийн 11 дүгээр нүүрт Монголбанкны нөөцийн удирдлага санхүү,зах зээлийн газрын харьяа Эрдэсийн сангийн захирал П.Эрдэнэтуяагийн “Өнгөрсөн жил Монгол банкинд 18 тонн алт тушаагдсан, энэ жил 20 тонн хүрэх байх” хэмээн ярьжээ. 12, 13 дугаар нүүрт “Танайд өнжье”-гийн үргэлжлэл бий.

Ахмад сэтгүүлч С.Ерөөлсүрэнгийн “Зөвлөлийн Время гэж нэвтрүүлгээс “Цагийн хүрд”-ийн санааг авсан хэмээх ярилцлага 19 дүгээр нүүрт гарчээ.

“Өдрийн сонин”-ы гуравдугаар нүүрт гарсан аливаа нийтлэл нийгэмд шуугиан тарьж, нийгмийн оюун санааны хамгийн том талбар болж байдаг онцлогтой. Тэгвэл өнөөдрийн дугаарын гуравдугаар нүүрэнд нийтлэлч Ц.Баасансүрэнгийн “Аврагчийн дүрээр ирсэн ОУВС ер нь яах гээд байна ?” нийтлэл хэвлэгдлээ.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.

“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.

“ӨДРИЙН СОНИН” ӨГЛӨӨ БҮХЭН ТАНТАЙ ХАМТ

-ТЭРЭЭР ИЙНХҮҮ МЭРГЭЖЛИЙН БОКСЫН ДЭВЖЭЭНЭЭ НЭГ Ч ЯЛАГДАЛГҮЙ 50 ДАХЬ ЯЛАЛТАА АВЧ, ЗОДОГ ТАЙЛЛАА-

Зууны хамгийн сонирхолтой, хамгийн олон үзэгчтэй, удтал хүлээгдсэн тулаан өчигдөр Лас Вегас хотын “T-Mobile” аренад боллоо. Өнөө цагийн мэргэжлийн боксын амьд домог болсон алдарт боксчин, дэлхийн аварга Флойд Мэйвэзэр, UFC буюу холимог тулааны хөнгөн жингийн дэлхийн аварга, домогт тамирчин Конор Макгрегор нарын ширүүн тулааныг дэлхий даяар нэгэн зэрэг тэрбум гаруй хүн үзлээ. Энэхүү тулаан мэргэжлийн боксын дүрмээр явагдаж, тэмцээний эхний гурван үед холимог тулааны мастер Конор Макгрегор илүүрхэж байсан ч дөрөвдүгээр үеэс Мэйвезэр чангарч, тоглолтын санаачилгыг гартаа авч 10 дугаар үед техникийн нокаутаар ялалт байгуулав. Олон удаа хүнд цохилт авсан Макгрегорыг үргэлжлүүлэх боломжгүй гэж үзсэн рингний шүүгч Роберт Берд 10 дахь раундын цаг дуусахаас 1:05 минутын өмнө тулааныг зогсоосон юм. Хэдий холимог тулааны дэлхийн аварга, өнөө цагийн шилдэг тулаанч Макгрегор ялагдсан ч түүний хувьд мэргэжлийн боксын рингэнд анх удаа хөл тавьсан нь энэ билээ. 29 настай Ирланд эр мэргэжлийн боксын дэвжээ, бээлий, дүрэм, хугацаа гээд олон зүйл хүнд сорилт болсон нь тодорхой. Холимог тулаан таван минутын үргэлжлэх хугацаатайгаар таван үе хүртэл үргэлжилдэг бол мэргэжлийн бокс гурван минутаар 12 үеийн турш үргэлжилдэг онцлогтой билээ. Тиймээс Макгрегорын хүч чадал тэмцээний сүүл рүү барагдаж байгаа нь илт харагдаж байв. Харин мэргэжлийн боксын дэлхийн аварга “Мөнгө” хочит Флойд Мэйвейзер хоёр жилийн дараа эргэн ирж, сүүлийн тулаанаа ийнхүү хийсэн байна. Тэрээр өмнө нь 49 тулаан хийхдээ нэг ч ялагдал хүлээгээгүй байсан юм. Харин түүний 50 дахь тулааныг Макгрегорын санал тавьсны дагуу жил гаруй хугацаанд яриа хэлэлцээ хийгдсэний эцэст ийнхүү биеллээ олсон аж. Улмаар мэргэжлийн боксын дэлхийн аварга маань 50 дахь тулаанаа ялалтаар дуусгаж, дэлхийн тулааны спортын амьд домог гэдгээ дахин батлан харууллаа.

ЦОР ГАНЦ “МӨНГӨНИЙ БҮС”-НИЙ ЭЗЭН ФЛОЙД БОЛЛОО

Хоёр жилийн өмнө зодог тайлаад байсан Мэйвезэрийг эргэн дэвжээн дээр гарахад хүргэсэн хүчин зүйл нь их хэмжээний мөнгөн шагнал байв. Нийт орлого нь хагас тэрбумыг даваад байгаа энэ тулаанд өрсөлдөгчид зөвхөн оролцсоныхоо төлөө л $300 саяыг хуваан авч байгаа юм. “Мөнгөний тулаан” гэж нэрлэгдсэн энэ тулаанд Флойд ялснаар “Мөнгөний бүс” гэх цор ганц бүсний эзэн болсон. Энэхүү бүсийг Мэргэжлийн боксын WBO холбооноос ялагчид зориулж, матрын арьсаар бүрж, дээр нь 3360 ширхэг очир алмаз, 600 индранил, 300 маргад чулуу шигтгэж, 1,5 килограмын цэвэр алт суулгасан гэнэ. Энэхүү тулааныг тойрсон тоо баримтуудыг сонирхуулъя. Хоёр аваргын тулааныг төлбөртэй үзүүлэх сувгууд, Лас Вегасын T-Mobile дэвжээнд дэргэдээс нь үзэх тасалбарын орлого нийлээд 700 сая ам.доллар хүрнэ гэж тооцоолжээ. Лас Вегасын T-Mobile дэвжээнд тасалбараар үзэх үзэгчдийн тоо 20 мянганд хүрсэн байна. Мөн дэвжээний дэргэдээс үзэх тасалбарын үнэ 40 мянган долларт хүрчээ. Харин зууны шилдэг тулааныг хүргэсэн Мэйвезэр, Макгрегор нар 11 насны зөрүүтэй гэнэ. Америк боксчин Флойд өдгөө 40 настай бол Ирланд зодоонч Маггрегор 29 настай ажээ. Сонирхуулахад 1996 онд Мэйвезэр мэргэжлийн боксын дэвжээнд анх удаа гарч байхад Макгрегор найман настай байсан байна.

Э.МӨНХТҮВШИН